05年入讀主流小學的障礙兒童家長~請進!!(PART 2)

joey媽媽

rachaelmum
我令你羡慕又妒忌 我覺得你地比我羡慕就真 好似你咁,最令我羡慕係有個好奶奶幫你湊女,同埋你個女女無風無浪已去到4 年班了(我無記錯的話),我個仔都唔唔知中途會否比人踢出來 擔心死我你都唔知 而 stellacl呢,又可成日陪仔仔溫書,最重要係個仔都可應付,仲有kmwun個仔成日有咁多攪笑對話,呢d所有我都好期待好羡慕ｇａ．


kmwun, stellacl, rachaelmum
至於家教會我投入的心機和時間,是否 得到家長認同仲未知知數,睇下過兩日收會員人數情況就知,其實我所付出心機和時間都唔算d咩野,而是壓力方面有時面對ｄ家長...就..?? 上兩次會議我先同副校有爭議,所以有時我都唔知自己為嘜 要幫家長爭取事項,要幫學校做好與家長有溝通橋樑,又要同d委員攪好ｄ關係,其實呢度嘅過程反而令我有時有d氣餒，但好多人覺得我做了主席之後無論點都好係對仔仔一定好, 所以我而家唯有繼續頂硬上 至於我表現好唔好,我自己暫仲未有咩野活動安排出來,所以我都未知d家長心聲， 仲有一樣野係最難頂嘅,就係上一屆主席兼d委員對我地今屆委員唔多ｌｉｋｅ 所以你話呢?做又死唔做又死~~~真係唔知為嘜ｌｕ．

rachaelmum 寫道:
Joeymama,

看到您在家教會投入的心機和時間, 得到咁多家長的認同, 真係替您高興     

嘩!您聖誕節咁多姿多釆的節目安排, 真係令人羡慕又妒忌   

[quote]
stellacl 寫道:
joey媽媽,
你既辛苦, 換來眾多媽媽的體諒和接納, 真係乜都值番啦 !

你安排個聖誕節過得甘充實, 你仔仔真幸福, 開心c...


[quote]
kmwun 寫道:
joey媽媽

我就覺得主席係有d放大作用，即係如果佢地有d唔滿意，佢地會因為你係主席而更多嘢講，所以佢地對你好，相信一定係你表現好

joey媽媽

stellacl
  好勁呀你,你同仔仔溫到咁多書,你仔學校有無功課ga,我仔學校多到我都有d ，我諗你仔仔成績都會唔錯的,記得上黎報喜呀 仲有你仔仔好似好易病喎!間中都聽你講仔仔發燒,是否要補充下維他命c 呢,大家都要小心身體喇!

[quote]
stellacl 寫道:
阿仔雖然病緊, 今日都好叻甘由下午3點至晚上8點, 同我溫左英文4本書 + 一疊工作紙 + 我自製考試題目一份...不過唔知記得幾多...

joey媽媽

kawai
    多謝你的好料,但我仲未收到,聽你咁講可四處通行都好正喎!我都好心急等你地pm我點申請.thank you~~~^^


kmwun
pm比我啦 等緊你呀 [quote]


kawai 寫道:
原來呢度有人搵我,唔怪得眼眉條啦!kmwun可能以為祗得部份遊戲可以用guest assistant card,其實係四處通行.祗要show個証比守exit個工作人員,佢就會帶你們由後門入去.致於點申請,就等kmwun pm比你啦!

joey媽媽

kawai
  收到了,thanks
但我想問是否可以比仔仔優先玩而不用排隊,而我個女要跟返普通正常排隊呢?
另外,我21號去,咁幾時打去申請呢   
請你再指教下比我呢

joey媽媽

kawai
   多謝你的詳細資料,好~~等我明天打去申請先.
我果日一定玩得好開心,你都有一半功勞
最正係maximum 6 family members may use the guest assistance ,因為我剛好6 人去 呢個消息真係好正 thanks

joey媽媽

rachaelmum 及各位
  講起功課多,我真係一把火 我仔而家都未做完 學校真係好多功課比佢地
我而家第一次同佢做唔晒返學,真係要校方知下先得 佢地都 ga.
今日功課中文有作業做兩課共4 版,中文抄寫生字8 行,英文paper 2 張,數學作業兩課共6 版,數學7 條抄寫橫直式,常識工作paper2版,仲有抄寫聖經金句先離譜,今日要抄兩課兩句連畫圖,最衰就係無端端寫仔仔欠交7,8,9,10課嘅金句未做,大佬呀之前手冊都無寫,又話我仔欠交
有時諗諗下真好想轉校,都唔知點解要繼續係度讀,係呢個主流學校讀都唔知好唔好,唉~~~一言難盡 :tongue:呻完lu  

rachaelmum 寫道:
Joeymama,


加上亞囡好怕做功課和寫字, 每天和她應付功課和溫習都充滿火花 每當囡囡好激心而自己又好DOWN時都會想這樣的日子以後點捱好?  :-|

joey媽媽

kawai
   剛剛已打電話登記了,但果位小姐話未知能否給予6 個可以Guess Assistance Card比我地,一陣先覆我地.
以上是我老公致電問的~~仲有佢都有提問我們如何得知呢個消息      我諗佢可能心諗點解近來咁多人搵佢攞Guess Assistance Card

joey媽媽

kmwun
  最慘係,我得悉所知係學校透露講d家長好多都嚴少功課，最好比多ｄ 因呢度新移民太多，佢地一個傳一個，一個比較另一個意念好強，佢地都唔理仔女感受咁，死谷爛谷
今日我同社工傾了兩個鐘，講到考試時我可否係時間上及內容調適時，佢話可以但唔會同個仔排名次得唔得，因要對其他小朋友公平，呢度你地點睇，你們又會點揀呢 我都想聽下你地意見[quote]
kmwun 寫道:
Joeymama

你仔仔d功課又真係誇張咗d噃，我仔仔d功課平日一般唔使一個鐘就可以做完，你就算爭取唔到大圍減功課量都要幫仔仔爭取調適。話時話學校有無計過要幾多時間至可以做完晒d功課，小朋友係要瞓覺架

joey媽媽

sjmama
　　我ｏｋ左喇，６個攪掂晒 我都係今早打電話的．

上天因為知我地有咁嘅能力去照顧我地有需要小朋友，所以安排在我地身上囉！我都覺我仔仔係我家庭生長好辛福
ｇａ． [quote]
sjmama 寫道:
[quote]
kmwun 寫道:
睇

joey媽媽

kawai
   她不是這樣講,她問我地幾多人去,我地話6 個,佢即講我地未必比到6 張卡你喎!等佢問下先,下午再覆我地
後來覆我地又話得喇!ok晒

我而家諗起我都好開心,果日我一定玩得好開心,多謝你比你個好方法我,下次見到面請你食~~~~粒糖吓

我而家諗緊呀仔當天放12:00半日學先入去玩遲唔遲
而個女應該比佢9:00入去好或是等埋哥哥中午先去好.你入去玩過你覺得呢

joey媽媽

各位:
   講開考試時可否係時間上及內容調適時,你們有此經驗分享嗎
  今日我仔考中默需要單對單及時間用耐d，所以社工問我想點，想依舊或是調適後不排名次．
　我老公話可以不排名次都得，最緊要對佢認真評估，得出分數是佢真實的，至於名次不用印落成績表上，但可否有個約數口頭上比我地知．社工回答ｏｋ無問題，同呀仔比多ｄ時間佢做,單對單考試,內容調適就看情況,例如要寫字的填充題可改為填A,Ｂ，Ｃ，問我有無意見喎
　　大家其實我這樣做法不知好唔好，心情有Ｄ予盾,又不知有無後遺症.請比下意見吧

joey媽媽

都不知真定假了,社工話今日仔仔考中默用了3個鐘 看來我要知佢真實進度分數,一定要捨棄排名了,否則同班一齊考佢一定係食蛋 人地小朋友默完佢都未寫到兩隻字

kmwun 寫道:
joey媽媽

我都覺得排名次唔係咁重要，舉個極端d嘅例子，一班都考到100分，考到99分嗰個都會排第尾。成班考5分，考10分都會排第一。重要的係你仔仔學到嘢！

[quote]
tin_tin 寫道:
joey媽媽,

   我覺得呢個做法幾好, 考試ge目的係睇佢識幾多嘛,  名次係唔重要ge.

joey媽媽

wewangwang
功課真好多, 至於小朋友是否很快做完?我問個學校方面佢話好多是堂上完成一大半,我個仔無,所以我有咁多囉.你問 為甚麼他們的家長還嫌少?學校方面又話校長日日早上企門口比家長嘈佢d功課少又淺，所以學校唯有迎合家長需求囉
學校社工問返我其實是否真係好深，我就好肯定話係，但佢就話無辦法因呢區家長要有這樣的要求 你又問我為何仔仔要3小時才完成中文默書,我諗係他有些不識寫之外多數是他不想寫而已,因為佢真好怕寫中文．至於 默書的範圍是什麼？是３０個生字詞語同埋有３課課文
明天仔仔考英默，今早溜冰比ｄALAL,Agnesng,
同另一媽咪睇d範圍內容，佢地３　人都睇到眼突突 跟住我同屋企人食午餐時比我家姐呀哥姐夫睇，講埋上次測驗內容及頁數．佢地都問我學校是否 ｇａ，讀緊中學咩！我家姐囡囡讀緊就是ｋｍｗｕｎ仔仔果間．佢地見到一樣眼突突
英默內容係∼
1.        Whａt’s in the tub?
2.        The cow is in the tub.
3.        Two pigs are behind the tree.
4.        Where’s your tooth?
5.        It  is  under  the  chair.
6.        It  is  on the  bear.
7.        What  would  you  like?
8.        I would    like a  mouse.
9.        How  many  teddy  bears  are there?
10.        仲有加埋20句,我都唔想再打,你地話啦~~
             一年班  咋 點捱呀~~ :cry:
需然而家我老公同個仔溫緊,但到明天個仔心情一唔靚都會一隻字都唔肯寫出來

joey媽媽

kawai ,wewangwang
   睇你地咁講,我叫我家姐接個女9:00去入場玩先,至於我老公同我同個仔就要等1:00了,因為仔仔學校上午有聖誕PARTY,我地唔想佢第一次小學無左呢個回憶,所以唯有12;00放學先去.我仔22/12先開始放假

kawai 寫道:
joey媽媽,

如果你仔仔得半日玩,其實唔多夠時間.為何不幫仔仔請假呢?

wewangwang 寫道:
joey媽媽

. 女女可早上去坐下園內火車,巴士, 和排隊同公仔影相先,唔晒張飛嘛, 上次我下午一點到,玩到七點放煙花好趕,  我仔Monday 就開始放假,why 你仔仔學校21號仲返學?

joey媽媽

stellacl
  你就好啦,考晒試,昨日緊係玩得你好開心啦,      我就慘喇!聖誕節想玩得放D都要就住就住，因為佢放假後先考試 :cry:

用我既 "職權", 同學校反映一下呀    我諗都幾難，果日同社工傾左兩個鐘頭計，我感到自己真係少數民族,佢地好多家長唔覺多GA,我成日暗示反映,但D家長都唔見佢地出聲認同，我覺得唯一方法係轉校咋！呢樣諗法我都有同社工講，總言之我呢刻心情都好予盾 見到面再講多Ｄ比你聽,你地間中比我呻下,我會舒服D 好想見到你地呀 :cry: 因為我好~~~~~慘呀

至於考名次,我仔仔一定不在乎,因為佢都不知咩野回事,我同社工協議左叫佢暗地裡比名次我知,等我知佢程度去度邊,學校方面OK,但不會印落成績表到

joey媽媽

kawai
  好似Stella話齋好彩有你報料咋,唔使點等有得玩,應該我地可以好快玩好多野,不過,我有一個問題想問,其實我地可以優先玩先時,D人排緊隊會否起哄ＧＡ

仲有你講我們的耐性在日常已耗盡來教仔，呢句我真好認同

joey媽媽

tin_tin
所以我個心未好予盾囉,又想同佢轉校,但見d老師又有心幫佢又錫佢，始終學校課程深唔論到老師話事，如果轉了校是否又好呢？自己又擔心唔敢博，唉∼∼∼∼ 為仔仔 fight

joey媽媽

sjmama
迪士尼也已回覆你,但只容許你們五個人,是否因為你登記只五個人去呀! 仲有我想問到時需唔需要出示仔仔什麼証明去取證ga,因佢地叫我去到講出老公個名及tel no 就得 你是否又是這樣講   
希望你女女快d好返啦，唔好晒左咁開心嘅日子,你打算幾時去 :wink: [quote]
sjmama 寫道:
Hi stellacl,
多謝報料!但我的女兒又病了, 大傷風, 希望她能早點好轉,否則可能要取消去迪士尼 :cry:
迪士尼也已回覆我,但只容許我們五個人.

joey媽媽

kawai
我明白喇！而家諗起都好開心，諗起多人排隊都唔使驚 好野     kawai 萬歲~~~    [quote]
kawai 寫道:
joey媽媽,

迪士尼安排得這個証就當然考慮到這一點,大部份遊戲,工作人員會帶你們由後門入.唔駛取快証架,玩完由後門再入去就得啦.



[

joey媽媽

rachaelmum
你真好明白我呀!其實我都一直等你回應我,因為我都知你將會同囡囡轉校,所以你的諗法一定和我原因有d 一樣
我仔仔有因應付功課和溫習而產生情緒行為問題,雖然暫時不是太大,但我都好想同佢轉校.因為我相信佢繼續升上去一定好辛苦的.仔仔而家讀書有無壓力我唔知,但見佢就無拒絕返學。
我有將呢個問題同我老公商量,佢講個仔係做到只不過係佢唔肯寫字而已,叫我睇定d先唔好咁緊張喎
我今早又打探問ｄ家長多唔多功課,佢即講唔多仲嫌少      死未
我想同佢轉一條龍學校,課程淺功課少仲可直升中學唔怕無人收,最重要係仔仔可以係小中學校生活由頭到尾都比人識佢ma.如果唔轉老師的話 :wink: 唉~~我都心大心細,想係暑假轉又怕轉左到時又後悔,好驚呀!唔知博唔博好~~