除了學費及名氣, 津校與直資/私校既分別

G-Ma

直資/私校:

1. 有自己收生權, 學生程度較為相若, 老師教學上會較易.

2. 學校可自行編制課程, 教學較靈活.

G-Ma

我自己小學係係地區名校讀, 其實我覺得老師教學係好公式化, 例行工事, 學期完都未認得哂全班學生既名, 只有好少數係有熱誠既老師. 到升中派位, 係咪都叫我地報dgs 呢類band 1學校, 多d人報, 搏下中既機會可以多d, 但係抽唔到既好似我咁, 結果就派左去第7志願, 一間好普通既中學, 一所咩階層都有既學校.  雖然我結果都大學畢業, 都有自己既事業, 算有一份好多人都羨慕既工, 不過過程係艱辛既, 因為學校既幫助唔大, 英文底子打得唔好, 所以要付出多人好多倍既努力先可以跟得上.

有以往既經驗, 我更加希望可以幫我小朋友搵到一間好既學校, 唔一定係要好有名氣, 而係可以提供到好既英語環境, 小班教學, 老師可以多d時間照顧每一位學生, 有老師既鼓勵同推動, 小朋友係會進展得快好多.  光係呢兩點, 一般既官律學校就比較難符合到我既要求, 所以都好喜幸政府推出左直資呢種新學校, 宜家揀學校的確比我地以前多左好多選擇, 既然有選擇當然係會盡可能幫小朋友揀一間比較好, 比較合適既學校.