05年入讀主流小學的障礙兒童家長~請進!!(PART 2)

rachaelmum

Joeymama,

謝謝您的關心! 我們打算下學期轉校, 日內會交報名表, 不過到時應付面試和筆試就要有賴亞囡自己臨場發揮了。

聖誕節要開工? 您不來X'MAS PARTY我都一點失望  :-|  :-|

Stella,

您的頭痛好番未呀? 有沒有試下sjmama介紹的醫生? 最近唔見您來bk,好掛住您!

kmwun,

好懷念的您的仔仔語錄添!

rachaelmum

Stellacl,

唔去旅行就一定要來參加X'MAS PARTY喎!

至於亞囡為甚麼要下學期就轉校, 我想P.4的課程會比初小深很多, 早一個學期到新學校都是想給她較長的適應期, 不用又要應付新的人和事, 又要應付較緊迫學業。   

rachaelmum

Joeymama,

唔好唔開心, 一於再攪多次媽咪聚會, 我點都想辨法出來的! 或都再同sjmama講聲預多一個家庭, 沒有您joeymama, 跟本我們沒有機會大家認識的!

he he 我明天一家三口會參加學校的disney一天遊(是學校給融合生的活動, 因為有家長贊助, 亞囡就不用付入場費!)

rachaelmum

Stellacl, Joeymama,

星期五到disney亞囡玩得好開心, 可能那天很多學校放假加上有很多旅行團, 中午後好多人大部份的games都要排長龍, 不過煙花就預期中漂亮。

Stellacl,

亞囡現在p.3都成日唔見文具, 不過比以前都好少少喇! 我想首先要知道是小朋友自己大意或是其他同學取去他的文具,
我記得亞囡p.1時日日放學後都唔見3-4枝鉛筆, 橡皮膠就平均一星期唔見2舊, 亞囡的解釋是隔離位的同學借了,當時我都半信半疑,後來我好惡同佢講佢再唔小心保管自己的文具, 我沒有錢再買, 佢要自己承擔番後果:

1. 用自己的零用錢買番, 一支鉛筆2元
2. 沒有文具用, 我不會再補充新文具放入筆袋

跟著她真的問同學取回借出的鉛筆。  後來祖母做午飯義工時其他同學講起某某同學總愛借亞囡的文具(當然是一借冇回頭), 但很多時候是亞囡懶, 鉛筆丟了一地也不去拾回。

至於工作紙可否用一個有公仔的file袋, 要亞仔每次用才拿出來?又或者趁您到學校做義工媽媽時叫亞仔的同學幫忙提醒下亞仔, 好多時候同學仔都好願意做小幫手, 尤其帶一些小食賄賂下d同學仔!

rachaelmum

stellacl,

6支鉛筆唔算多, 因為我冇俾亞囡帶鉛筆刨返學, 否則攪到成個書包或課室一地鉛筆碎仲麻煩! 我亞囡一樣寫字時太用力, 成日寫斷晒d鉛筆, 所以最低限度要6支筆才夠用(老師都咁樣提議)。

rachaelmum

stellacl,

記住file要有"拍鈕"個隻, 否則工作紙好容易跌晒出來, 平日亞囡都係用這種file做功課袋。

rachaelmum

Joeymama,

我當然唔會怪您啦! 我知道您最近真的好忙好累, 聖誕是一個好特別的節日,我好希望您和家人也有一個温馨愉快的聖誕節, 現在您有plan出門旅行，我都替您開心呢!   

rachaelmum

Joeymama,

我真係好欣賞您的態度, 我時常同自己講不要介意成績分數, 往往知易行難!

因為亞囡學校是不會派回考試卷, 是否現在的小學考試卷都咁多頁紙, 我想俾我囡囡見到份卷一定會罷寫或將份卷拋落垃圾筒

所以您仔仔有這樣體諒他的父母真是有福   

rachaelmum

Hi HelenMrs.Lau,

照我所知下列青衣的小學對有特別學習需要的學生也頗接立:

1. 何澤雲小學(千禧校舍那間), 亞囡有幼兒園同學(兩兄 弟)都是ADHD都讀得很開心, 功課不太多, 每天有1堂讓學生做功課。

2. 呂明才小學, 我認識有2位自閉症的小朋友在那裏讀書, 老師都好接立這些小朋友。

3. 黃士心小學, 這間是我囡囡統一派位的學校, 當時仍未轉全日制, 上午校的魏校長是個很開明的校長, 不過由於學校在公共屋村內,部份設施例如籃球場是共用的, 亦有些隱敝的角位或出口, 我害怕囡囡會容易走出來所以最終沒有在這裏就讀。

由於有些小學收生不足現在都很願意或有熱誠去收有特別需要的小朋友, 但最後無奈都被殺校, 青衣公立小學就是一個例子, 所以揀學校都要留心這個因素, 否則到統一派位後又要煩多一次!

其他青衣2間出名的千禧學校, 我在揀校前曾打電話給校長, 但聽到是A仔反應就..........., 我也只好知難而退了。 聽聞其中的一位校長因成功令學校成為青衣的名校, 下學年會到另一所新的千禧學校出任校長呢!

因為我的資料已是3年前可能不盡準確, 我想都係打電話到心水學校探聽下校長的口風, 荃灣的學校或者kmwun會比我清楚些。

希望我可以幫到您喇!

rachaelmum

kmwun,

您果然是學校的忠實fans! 扺老師咁錫您仔仔   

kmwun 寫道:
HelenMrs.Lau

我就梗係推銷仔仔間小學啦，！

[quote]
HelenMrs.Lau 寫道:
荃青葵有乜好D既融合小學呢

[/quote]

rachaelmum

Hi cheungmanwai,

我每次都都會直接找校長, 好多時d書記又會立刻轉駁給校長。 有時書記問起誰找校長, 我會回答是家長, 一般佢地會以為我是該學校的家長呢! 有些校長唔得閒,我留了電話都回好快回電話給我, 可能我住個區名校不多吧!

不過都有試過點都找不到校長的, 書記成日都話佢出外開會的。

rachaelmum

Hi kmwun,

請check pm, tks! :

rachaelmum

Stellacl,

Please check pm. Tks!

rachaelmum

Joeymama,

看到您在家教會投入的心機和時間, 得到咁多家長的認同, 真係替您高興     

嘩!您聖誕節咁多姿多釆的節目安排, 真係令人羡慕又妒忌   

rachaelmum

Stellacl,

pm 收到了, 您又要照顧唔適服的仔仔和同他溫習考試,還要抽時間回pm給我, 十分感動!   

rachaelmum

Joeymama,

我想這裏的小朋友都幾難會無風無浪地成長, 雖然亞囡已讀三年級, 但每天送女返學時都好驚被老師捉住我投訴架, 由其是當天上學途中如果亞囡鬧情緒, 整天我也會好擔心唔知亞囡上課怎樣呢? 會否罵老師罵同學呢?

加上亞囡好怕做功課和寫字, 每天和她應付功課和溫習都充滿火花 每當囡囡好激心而自己又好DOWN時都會想這樣的日子以後點捱好? 不過當亞囡tump番自己或者同老公,同事呻下, 好快就會無事再企起身面對問題, 唯有亞Qd同自己講孩子是老師, 自己才是學生, 是上天要我從她身上學習做人處事。

:-|

rachaelmum

Joeymama,

您現在的憂慮我都很諒解, 因為我想為囡囡轉校所擔心的就和您一樣! :cry:

我囡囡是個好主觀,固執的小朋友, 由起初在學校由每位老師同學見到她也皺眉的情況, 到現在學校的師長和同學都好錫佢, 其中囡囡本身的努力和老師們包容的態度都好重要。 我希望轉校是囡囡在應付學校大量抄寫, 沈悶的功課時往往令她大發脾氣(我在功課上並沒有向學校要求調適, 因為女兒能力不差), 但想到她要到新的環境重新去適應, 又沒有了辛苦建立的友誼, 實在是很大的賭注呢!

看您講到仔仔學校的情況, 功課真的好多好多   如果學校可以在調適方面是好正面的, 而仔仔亦沒有因應付功課和溫習而產生很大的情緒行為問題的話, 我想都可以不用咁快想轉校的問題. 但如果過大的讀書壓力是影響到仔仔的學習興趣的話就要認真想想學校是否適合仔仔了。

rachaelmum

kmwun,

講得好!


    

kmwun 寫道:
joey媽媽

仔仔的默書範圍中或英都只會係一課書，你仔仔學校嘅要求恐怕一般小朋友都未必做到。曾經有家長表示功課少，我自己覺得仔仔幼稚園校長答得好好，家長覺得有需要可以自己加功課，不過學校就覺得無需要。學校應該有自己立場有判斷能力，佢地唔係開快餐店唔係人地要多個餐佢唔使理會唔會食滯，而家係咪應該重質多d呢！

Joeymama,

您講的一條龍學校真係我們的理想, 但事實上又有幾多一條龍或直資學校願意收我們的小朋友, 基本上在面試的階段已經篩選出有特殊需要的小朋友   

各位:
就囡囡轉校的事, 囡囡已完成了面試和筆試, 過程不算得好順利, 姑勿論取錄與否, 對我們都是一個很好的體驗!

1) 我和老公都共同分擔了責任, 我負責帶囡囡去筆試, 老公則負責出席該校的簡介會(即家長面試), 回來後老公都好客觀同我分析,商量轉校的利和敝。

2) 亦可試試囡囡的能力, 讓她多些生活體驗。

rachaelmum

Joeymama,

一來未收到新校的通知, 如果學校取錄的話我們也需要再詳細考慮轉校對囡囡的影響。[quote]
joey媽媽 寫道:
rachaelmum
咁女女最後能否轉校成功嗎?



如果您已有把握可以進入一條龍小學入讀而該校的功課壓力又比現校的低, 您不妨同新校溝通下, 如對仔仔係接立的真係可以認真考慮下轉校的可能性, 因為仔仔學校的家長認為功課多才叫做好的, 往後的日子真是有排捱 ?

rachaelmum

Joeymama,

我有問過囡囡想不想轉校, 她覺得冇所謂, 最緊要功課不要多可以讓她有多些私人時間看書和畫畫。但除了功課壓力外,她在現校又真係讀得好開心, 她還同我講在學校好受歡迎, 老師好喜歡同她傾計(我想因為她講話好攪笑、天真)

joey媽媽 寫道:


我如果真轉一條龍學校，兩間學校學習模式完全唔同了,因佢地好活動教學,個仔容易周圍走好分心,而家學校就要坐定定多d，佢就好似定ｄ咁，所以呢點都係我考慮因素
打算  :idea:

AGREE! 我老公和我都有擔心新校的活動教學模式, 會否令亞囡的"玩野"性格更加發揚光大 , 而學校又是否有資源和能力去教導Asperger的小朋友? 所以我都想到頭髮白啦 您話我們做父母幾矛盾呢! 學校太嚴壓力太大又怕她反抗更大, 如果學校太自由規範不夠又會過份縱容