大家認為＂重學術＂還是＂重品德＂既幼稚園較好？

Parisienne

點解會覺得「重學術」就唔會「重品德」？

我諗即使最「重學術」的學校都唔會話自己「唔重品德」卦！
而「唔太重學術」的，亦未見得一定「好重品德」喎！
相反，好多重學術的Band1學校都係重品德的呀。

你所謂嘅「重品德」，其實係咪指包容性強、有教無類咁解？即係唔好比較孩子之間學術誰跟得上，誰跟不上，是嗎？
咁有教無類的學校，就代表「重品德」了嗎？

我諗學校無話重乜唔重乜，要都係家長自己比較吧了！

再谷再重學術的學校都有人讀得開心且品學兼優。而再「重品德」的學校都有自私自利，不會禮貌的學生。

但果真要選其一，當然選品德。
人再叻但無品，最終咪出毒奶粉囉！

正如健康同財富，偏只可選其一，當然選健康。
再有錢但無命享，有意義嗎？

但其實我覺得，兩者未必一定對立的。而且絕大部份都是並存。

Parisienne

布希亞 發表於 13-2-10 01:50
我重申，我們是賦於下一代的思考方法，而非灌輸內容
甚麼叫好品德，有那個人可自居好品德來肩負教育下一代 ...

任何事情如果用懷疑的心態去量度，就算大愛都可解讀為自私。
人與人之間無咗信任，就算有人真心讓座比阿婆，你都可以覺得條友好假or自己本身唔想坐，讓座只是扮偉大。

好慘！如果一開始就教小朋友要用批判眼光睇世界。我怕日後佢會話，父母對自己好，都只因為佢地生我，如果唔係骨肉又點會咁好死對我好？所以父母並不偉大，愛我只係出於自私行為。是嗎？
咁講唔可以話錯，大家個仔都跌落海，只救一個無理由唔救自己個仔吧！咁說穿了人就個個都站在道德高地來演戲了，包括親人、父母、子女、夫妻、朋友、同事、整個社會.....咁人就真不如狗，狗比人更簡單忠誠。

你有你的point ，令大家多角度思考品德是何物。但在强化孩子獨立思維前，既然你相信聖經話人都有原罪，咁就更加要在小時候強化他的真善美了。我信品德修養來自身教、從小灌輸正確的價值觀，令他長大後所走的道路不偏不離。有無睇孤星淚？真係好正 ! 在那個黑暗時代，又何謂正邪道德？

好多人做完壞事，瞞天過海，竟然心安理得，因為他相信人性本就醜惡，人不為己天諸地滅，有什麽大不了！相反，有人會受良心責備，過唔到自己個關，相信這就是從小在心中種下的根吧。

Parisienne

布希亞 發表於 13-2-10 13:00
我相信教曉小孩以批判眼光看世界，去獨立思索，並不等於就會批判自己的父母
父母給予愛，給於思考方法，才 ...

獨立思維都要講不同年紀。在幼稚園時期，我相信習慣成自然；到了小學，在習已為常的基礎上再加上批判思維的訓練。至於品德是否真假，發達社會一向偏多偽裝，鄉村就多顯真情純樸。
有時應該多用個心來感受世界，唔需要下下都講批判嘅⋯。

Parisienne

snicky 發表於 13-2-11 12:11
集廣思益街坊，出得來係討論區行，有時先放低自己諗法，了解下唔同人想法，百利而無一害。世間上沒有兩個我 ...

Good !同意！一樣米養百樣人，你覺得別人荒謬的同時可能對方一樣咁諗自己。
以前父母死後要守孝三年，守寡都講緊係成世⋯⋯其實多角度思維，唔怕有新論述，到最後誰是誰非人人心中自有把尺。
好多人話現今社會道德淪亡，近年好多鼓吹從小背誦經文、幼稚園背弟子規呀咁，識背就叫品德好嗎？其實學校如何評價一個學生為品德好呢？中國人喜歡學生乖，那麼聽教聽話便是品德好嗎？
有無d包頂頸、經常唱反調的麻煩學生攞品德奬呢？佢地好多都係絕頂聰明的孩子，而且都帶有批判思維喎！所以先會覺得老師未必一定啱，亦未必受學校歡迎喎。


其實品德可以好簡單，只要同理心強，多為別人著想，唔去計較怕自己蝕低，基本上品德都唔差得去邊。