請問沙田培基小學好唔好

恩禧媽

原文章由 cky 於 08-6-19 13:54 發表
各位,
今年9月開始要幫囡囡選學校, 培基小學是話動 OR 傳統教學

cky,
1-3年級活動教學，4-6年級傳統教學。

恩禧媽

原文章由 cky 於 08-6-19 22:00 發表


恩禧媽,
thanks!

咁呢間學校難唔難入吖 ? 因為第一輪只有10分, 只可以靠大抽獎

cky,
第一輪最好係有宗教分加大仔分，即係20分就易d入。否則就要靠大抽獎。

恩禧媽

原文章由 Sue^_^ 於 08-6-20 13:31 發表
原來他們上課是 group setting 坐, 唔係一行幾個那種，這是我意料之外的。

sue^_^,
你睇過小朋友上課嗎?

恩禧媽

原文章由 babycoming 於 08-6-27 13:56 發表
我想問下大家有無話邊間幼稚園最易入到培基呢 ? 以我所知樂基係最易入,唔知仲有無其他呢,因為樂基學費都幾貴3千幾蚊個月又無學卷 !
而我自己好想簡一間易上到培基小學既幼稚園比囡囡讀,因為好想囡囡係培基讀書,是關 ...

babycoming,
其實我覺得無話邊間幼稚園會易上培基，第一輪係計分，通常要有20分才有得抽。第二輪就係大抽獎，講你小朋友的彩數，好彩就派到第一志願，唔好彩的話，我見過派第十幾志願都有。當然派得志願比較後的原因，跟家長點樣填表好有關係!第一輪同第二輪的報名表上都無問幼稚園校名，所以學校絕對唔會知小朋友讀邊間幼稚園。
如果話邊間幼稚園銜接上培基會令小朋友容易d適應，咁我都會認同樂基係會好d呀!

恩禧媽

原文章由 babycoming 於 08-6-27 16:15 發表
咁如果自己去叩門的話,會唔會睇邊間幼稚園易入架呢 ?

babycoming,
呢個問題，我答唔到你，因我唔需要叩門，唔係太清楚。我聽朋友講，佢今年叩門，阿女考完(1st in)出o黎，就話自己答左好多問題，其他小朋友每人都只係答一、兩條問題。阿女又話好快落堂(in完)，全程只係講中文interview。咁我朋友聽到阿女咁講以為有希望，點知都係無得2nd in呀!

恩禧媽

原文章由 藍妹媽媽 於 08-6-28 02:16 發表
恩禧媽,
很久沒跟你在網上談話了, 剛才知道你阿女入左培基,恭喜晒 ~ 我都有同阿女叩培基, 希望多個選擇機會, 阿女入左第二輪面試, 我估未必入到第三輪, 第一輪我估係考小朋友的品行,禮貌,應對, 阿女話播住一段有關小 ...

藍妹媽媽,
你好呀!多謝你呀!都係阿女好彩派到啫!藍藍已經好叻女呀!我識有位小朋友又係呂幼上午班讀的，連2nd in都無。唔洗太在意，神自有安排，我都好希望藍藍可以入到培基一齊做同學呀!我相信藍藍的英文應該幾好，都有機會入到呀!我諗培基都唔會再有第三輪面試掛，因為7月2日都要公佈結果呀!
祝 藍藍成功呀!
by the way，你仲有無叩其他學校呢?

恩禧媽

原文章由 藍妹媽媽 於 08-6-30 03:23 發表
思禧媽,
第三輪其實係指見家長, 過左校長一關, 才算正式被取錄, 坦白講, 以阿女當日表現, 成功機會真係唔大, anyway,如果真係得左, 我又會煩多次, 事關越來越多人話我知禮賢的優點,所以趨向讀此校的機會會很大. 如果 ...

藍妹媽媽,
原來你收左咁多料!我都唔知仲有第三輪呀!我個人就覺得禮賢面積細，我阿女又係坐唔定，會好焗促呀!
ANYWAY, 祝 你心想事成啦!
不過我過多一年都好有可能搬，都係要睇埋細仔點先再算。

恩禧媽

原文章由 藍妹媽媽 於 08-7-2 22:11 發表
思禧媽,
結果一如所料, 輕鬆晒, 因為終於有左定案, 唔使十五十六, 無論係讀邊樹, 希望我地D小朋友會讀得開心, 將來成為有價值o既人....

藍妹媽媽,
可能呢個就係神的安排呀!我都好同意你的講法，第日成為有價值的人係最重要呀!係禮賢讀書都係好開心的呀!不過你真係要諗下搬去邊樹呀!我女有位幼兒園舊同學都係選左讀禮賢呀!

KW,
恭喜呀!7月11日見啦!