有無人已經去St. Mary交了小一入學申請表﹖學校收Profile嗎﹖

ballpen

sugardaddy,

你幫你囡囡做定校服都得喇,25分應該唔使抽籤架喇,我哋舊年20分都有機會抽,咁25分點會唔直入呢?恭喜你先,聖瑪利出年就一條龍喇,咁你就唔使煩中學喇.

我都在此同啲唔夠分嘅各位打吓氣先,1st round雖然未必有機會,但仲有2nd round丫馬,我預祝鍾意聖瑪利嘅各位,個個都入到.

ballpen

其實咩學校都好,都會有文靜嘅,同活潑嘅學生,聖瑪利都唔例外,只要個活潑小朋友係乖嘅,肯讀書嘅,聖瑪利當然會適合佢啦,其實唔單止聖瑪利,好多好學校都適合架.

其實呀bau你想compare三間學校啲咩嘢呢?邊一間係你最心儀嘅學校呢?你手頭上有幾多分呢?

ballpen

JJ1122,

我相信係囉,如果15分有得抽,20分就唔使抽就可以直入架喇.

其實抽籤嘅嘢無話難唔難,都係講運氣的,以我所知,應該有3rd round的,因為有啲人抽到都會放棄的.

ballpen

bau,

St. Mary小一嘅英文科(用二年級課本)同Science都係用英文課本,其實你唔使担心佢哋啲英語水評喎,聽其他家長講,佢哋會在高小轉返晒英文,而我所見,St. Mary嘅中學,係全英語對白,上運動堂,早會,一切廣播都係講英文的,佢哋搞得一條龍,我諗佢哋點都唔會令到小學同中學課程函接唔到掛.

不過如果你都仲係有懷疑,咁你不如揀Maryknoll啦,Maryknoll嘅英文就一定勁了,我知道有人會考時科科都攞光頭,為獨是英文就攞A喎.

ballpen

bau,

我覺得如果對一間學校嘅程度有懷疑,咁就真係唔好揀喇,因為揀學校真係要揀一間合心水嘅,如果唔係,好容易會讀得唔開心的,所以我覺得要揀一間要自己有信心嘅學校囉,其實做得band 1嘅學校都係好的,只要勤力讀書,無論讀邊間,出來嘅結果都會一樣,反之,唔勤力讀書,畀你讀到名校都係無用.

ballpen

paeds,

光頭米就係'D'囉,吓!依家無人咁叫咩?

你唔使咁激,我諗你誤會左我嘅意思,我係話St. Mary嘅小一英文課本係用二年級嘅課本,而唔係話Maryknoll.

我更係知英中係全英語授課啦,但因為呀bau對St. Mary小學嘅英文程度有懷疑,所以我就提醒佢,St. Mary中學係英中囉.

至於Maryknoll,我從來都無話唔好喎,我淨係話佢哋啲英文真係好勁,就算一個唔多勤力嘅學生,英文都可以攞'A'啫,但我真係唔知你點解咁嬲呢