聖羅撒小學 CHAT ROOM

wankwok

心心媽

你囡囡都有不少課外的學習班參予，她是否全都喜歡？

公文其實好不好？我都想知道對小朋友在學習上有否幫助？

wankwok

cameo,

我在我個女書包找不到張表格，於是問佢是否有硬筆書法表格，她說老師問邊個參加，她無舉手所以無。

我個女就係這樣子的了，甚麼也不想參與。

wankwok

cameo,

我個女完全無提過，1D班無得落去操場玩件事我知，你同你個女真係溝通得好過我太多了。真係感到好無奈  

伍老師教邊個科目？點解會罰全班呀？但係明天應該要落操場買校服。

你住那一區呀？旺角朗豪坊間遊樂場協會周六下午都有好多嘢學，可以去望下有否啱你個女。

我個女話老師叫佢地唔好整到d頭髮太靚及太複雜返學，一係馬尾，一係就兩條最普通嘅孖辮。你女女有沒沒有講呀？

wankwok

cameo,

原來你要返工o架?? 一直以為你是全職媽咪，因為你為個女做好多嘢，又有時間看功課及溫書，又有時間每日溝通關於學校d嘢。我就真係唔知自己做咗d ?????????????平日你返工邊個照顧午膳長呀？

我地有再問佢點解會唔想去旅行，佢話淨係想同我地去，無興趣同其他人去。真無乎  

我問個女有關全班受罰的事，佢就好大反應問我點知，我話係午膳長媽咪講俾我知，佢就哦~了一聲。佢話今日全班乖番，所以唔洗罰。

有關欠交功課紀錄一事，今日收到通告了。

wankwok

cameo,

原來你係老闆，自己有一番事業，這麼年輕，又能內外兼顧，真係好佩服呀!介唔介意透露係咪做時裝生意呀？我真係自問不如了。

wankwok

我個女簡直同cameo個女天壤之別，我只係在星期日早上，俾咗一份我用手抄的模擬測驗券佢做，就係如此咋。份劵係照住d工作紙左抄一句，右抄一句而拼合成，原本想買一本書局有售的習作佢做，但又唔記得，於是咪自己仿作一份算。因為如何兩個人坐定定問佢，佢基本上唔會多大理我，結果又係「不歡而散」。結果佢都好唔情願下完成，之後就算，無再溫，更唔好講話逐課細讀和默番d生字。我個女最重要吃、玩和睡，其他一概好似唔關佢事。我大女都嘖嘖稱奇話亞妹好像事不關己般不在乎。我個女昨晚與平日一樣8點半就睡覺了。cameo個女有責任感又對自己有要求，其實真係好慬事呀!好多好大個的學生都未必有此行徑，盡力而為呢。

wankwok

cameo對學校的評價很中肯，正如如她亦有提及，我們的女兒剛升上小學未及兩個月，一切尚在適應中，或許暫未能作全面評價，可嘗試接觸較高年級家長查詢。另外加上又換了新校長，未知學校政策會否有大改變。若從小朋友角度看，我女兒表示學校生活頗愜意，校長、修女及老師們都很友善。

另外，有一些家長亦很在乎學校的設施及配套，畢竟聖羅撤學校校舍歷史不短，我所見及，內裡配套比那些千禧校舍或那些財政寬裕的學校定未能及。

wankwok

成功父母40個特徵  
1. 能認真並很有耐性地回答孩子所提出的問題.
2. 慎重地從孩子所提的疑問中找尋問題所在.
3. 提供場所給孩子展示他的工作成果.
4. 假如孩子有些未完成的創作,例如油畫,水彩,雕塑等,要能容忍他那種雜亂的工作空間.
5. 提供子女一個房間或室內的一部份供他單獨使用.
6. 讓孩子知道,是因為"他自己"而不是因為"他的成就"而愛他的.
7. 要孩子對其行為負責.
8. 協助孩子去擬定自己的學習/活動計劃.
9. 帶孩子去風景名勝地區旅行.
10. 教孩子如何去改進他所做的工作.
11. 鼓勵孩子與來自不同背景和環境的兒童和睦相處.
12. 訂立孩子合理的行為規範,並監督仔是否確實遵守.
13. 從不將孩子與別的孩子比較.
14. 從不以辱罵方式去懲罰孩子.
15. 提供孩子所喜愛的圖書資料.
16. 鼓勵孩子客觀地思考.
17. 按時地讀書給孩子聽.
18. 很早就教孩子養成閱讀的習慣.
19. 鼓勵孩子去編故事及幻想.
20. 仔細地考慮每個孩子的個別需要.
21. 每天有一定時間與孩子單獨相處.
22. 允許孩子對於家庭事務有發言機會.
23. 從不因孩子犯錯而加以嘲笑.
24. 鼓勵孩子講故事和吟誦詩歌.
25. 鼓勵孩子能與成年人和諧相處.
26. 設計實驗來幫助孩子探索事物的來源.
27. 讓孩子利用各種物品去做遊戲.
28. 鼓勵孩子去探索問題並謀求解決方法.
29. 仔細地從孩子的活動中找出特殊優良表現來讚揚.
30. 避免空洞的稱讚.
31. 很真誠地表現出對孩子的情緒,不掩飾自己的喜怒哀樂.
32. 每一樣主題都願與孩子討論.
33. 在孩子權力範圍內,給孩子作決定的機會.
34. 鼓勵孩子成為一個獨立的人,不要盲從附和.
35. 幫助孩子找出值得看的電視節目.
36. 鼓勵孩子認真衡量自己的能力,不亢不卑.
37. 從不在孩子失敗時告訴他:"我也一樣做得不好"讓孩子面對而非逃避挫敗.
38. 鼓勵孩子盡量可能表現得像個獨立自主的成年人.
39. 對孩子好的意見具有信心.
40. 寧願孩子因自己的錯誤因素而失敗,不願替他做了大部份工作而成功,讓他自食其力,也享受自己的勤勞成果.

cameo,
從上述特徵看，相信你已能做到八九成了。我看見便很快想起我家姐和你了，雖然基本上和你並唔算熟悉，亦未正式交往，但從這裡所了解的你，確是一個很標準的好媽媽。我家姐三個女都好乖，佢教得好好呀!！ 大女下年就大學畢業了。

wankwok

cameo，心心媽
please check pm

wankwok

cameo,

"小女警"個職位，我聽見都覺得可愛，但又好好笑 我個女話佢同Queenie都係做同一個位，Queenie係佢舊同學，但由幼稚園到現在都好少一齊玩，唔明點解??我問佢午膳長做了咩新職位，佢又話唔記得，只記得Judy仍舊係班長。係呢，午膳長宜家做咩呀?

好奇怪，今日佢自己透露最新消息我知，真係 :

另外，我已看了你給我的pm，真的好多謝你同我分享呀!

wankwok

cameo,

你囡囡真係觀察力好，連埋小女警職責都記得,原來係要在轉堂時睇住邊個嘈,重要第一次要原諒人,第二次要記名,真係小女警個名同職責都好攪笑 唔知點解，真係愈惗愈覺好笑又可愛，kwaii 呢 ......haha，老師要加插咁多職位都好有創意呀!

至於miss tin同佢地玩英文版"老師話",我個女又無提及，更加無講有一粒獎品喎,有糖食咁重要佢都無提起呀!對小朋友黎講，老師d獎品真係好重要。

派測驗卷一事，對我個女更加唔重要，佢正一係"世外高人"，只活在自己個殼裡面，暫時仲未識計較輸贏得失，最緊要佢自己個"殼中三寶" - 吃、玩和睡。佢返學又唔係完全學唔到，暫時見佢都吸收一半以上，當然叻就無佢份，但求不過不失便okay。對我們來說，只要佢身體無事就好了。

wankwok

cameo,

原來班主任結婚請假，我個女隻字都無提過，我問佢點解無講，佢話唔記得咗，班主任無提過，係ms.tin話俾佢地知嘅，同埋係倪老師來代課。

唔見自己鍾意嘅嘢就一定唔開心，如果老師都幫手問過，又無發現又都幾難搵番，有時真係矛盾，買d靚嘅又通常唔見，但唔通特登買d唔靚嘅咩?唔靚o個d就好少唔見，比較"長命百歲"o架........ 再等下會唔會出現番。一係買d無咁靚嘅番學用，靚嘅留番係屋企用。我個大女都試得多，大家都慣咗，唔見就算，都真係無辦法，係好激氣下o架!!!!最緊要自己個小朋友唔好攞咗人地o個d，唔係就敝傢伙lu。

我改唔到口繼續叫你個女做"午膳長"，我個女就即刻糾正我話宜家係"行長"喇!佢真係比以前好咗好多，起碼都提過十個八個同學個名，唔係獨弧一個。佢又再讚你個女寫字靚喇!佢就愈寫愈差，但求快快了事，多d時間玩。

原來今日要著運動衫跳舞，佢話有同我講過，，但係我一d印象都無，於是我問佢有沒有俾老師寫手冊，好彩無，因為好多同學都無著，你知唔知係咪逄周五都要著運動衫呀?

心心媽,
我個女有得瞓都會瞓，測驗頭o個兩日都瞓咗兩個幾三個鐘，可能天氣舒服又無功課做，由兩點瞓到差不多五點，佢細個每天都瞓成三個鐘，但夜晚又唔會太夜瞓。所以成隻豬仔咁，宜家比例上已瘦咗(52-53磅)，但曾經又試過一下子輕成十磅，細個都幾肥嘟嘟。

wankwok

cameo,

我啱啱問過我個女，點解有砵仔糕請前"午膳長"食呀，佢話係跟午餐附有的，我稔可能佢從來未食過，唔知咩嚟，所以自己唔食就請人食。

原本係bb時的乳名，叫慣個個都係咁叫，所以就變成英文名了，佢又好鍾意，所以無再改了。平時我多數叫佢"露露"

wankwok

sophie&sara ,

功課真係唔算多，正如cameo所講，只要小朋友較獨立便已經可以自己完成，再由家長檢查及加少少輔導已okay了。但我個女抄家課冊就未必日日可以齊全，好彩宜家學校有內聯網可參照，但如果老師口頭上再吩咐而又未有寫在家課冊上的，就要看小朋友是否與家長溝通得好，這方面我就差d，因為我個女不大鍾意講嘢俾我地聽，但cameo同佢囡囡就溝通得非常好嘞!

剛才係學校學完琵琶，路經花園街，見到好多halloween嘢賣，就同個女講話下星期一表妹(現就讀聖羅撒幼稚園)就有得著halloween衫回校開party及服飾比賽，但你地小學就無喇!佢話有hallowenn英文堂，可以戴頭飾，咁我話買俾佢返學校，但佢d怪脾氣又癹作，死都唔肯。cameo,"小行長"有無同你講過呢件事呀??

wankwok

cameo,

小女警學琵琶學成點? 行情一定係看淡，因為佢除咗識貼假手甲外，其他完全唔知miss教咩呀!睇佢第一期點，如果小小效果都無可能就算嘞，無謂迫佢，加之佢d性格好難迫。都想問下你處理的意見。

基本上小女警並不太會將學校d嘢番屋企講俾我地知，所以她有多次提及的我地惗佢一定比較在意吧!而miss tin好明顯係小女警心目中鍾意嘅老師，另外仲有提過miss chung多次。miss decorf 佢初期都有提過，佢話學校有兩個miss decorf 佢地係兩姐妹。因為暫時無特別，所以無聯絡過miss tin 。

wankwok

心心媽, cameo,

我相信唔睇題目係好多人的通病，包括我自己，我啱啱今朝早先同我朋友講起，都唔知自己點解會咁，讀書到宜家都如是，改唔到。雖然宜家唔洗考試，但我係填d表格時都經常會發生，好奇怪!!!例如d仔女嘅手冊，填起嚟真係一步一驚心，但每次又好自然唔看清楚便落筆，總係理所當然覺得人地係叫我填我認為嘅嘢。我朋友話叫我迫自己一定要改。

我個女各科成績都中規中矩，咁多科裡面，佢中文就較其他低少少分，主要唔記d字點寫，記得又漏d筆劃，但無論係中、英及常，都係有得抄都抄錯，我仲問佢會唔會因為佢真係近視，所以看唔清楚，佢話唔係，但又唔知點解啊!

wankwok

心心媽，

呢次測驗唔計分，唔洗咁快擔心，今次俾我地同小朋友作為預習，知道個形式都好。其實老師真係一筆一劃都好嚴謹，希望藉此打好基礎啦，但如果寫字唔靚就真係會扣好多寃枉分呀!

我打算等老師改完d改正卷，派番俾我地之後，就攞份卷去影印，然後用白油油咗d答案，再叫個女做多次，因為正如我之前講過，呢個係我幫佢溫書最唔需要"困獸鬥"嘅唯一方法。

或者你試下叫個女再做多次份卷，陪住佢做，看看佢究竟點做錯，同時教佢d做卷方法或技巧。

wankwok

cameo,

我個女d專注力好視乎對住d咩，如果佢鍾意個老師，佢就會發放多d專注力，佢好難捉摸。另外，佢唔鍾意出聲(最近明顯好d)，所以用做卷方法無咁煩，好彩佢又唔係好抗拒做卷，如果唔係就唔知點同佢溫。 真係各施各法呀!

wankwok

cooyee,

你個女讀邊班呀?唔知佢識唔識我個女呢? 學琵琶共9個人，教佢地個miss wu 好似好細個。

你個女有無抄譜呀?我個女抄咗一段，但係佢唔知咩嚟，又唔記得miss wu講d咩，佢應承下堂俾心機聽，希望佢會啦!

wankwok

cameo,

小行長有無數學作業呀?手冊上寫咗要改正，但搵勻成個書包都無，小女警話佢已經攞唒d嘢返嚟，佢都唔記得有無派到。