原帖由 2bzmummy 於 10-4-1 14:14 發表
格格
唔係我大您幾多既問題呀,係我無您咁幸福,好細個已經有得去 TST 玩呀 mouth:" /> mouth:" />
2b,
我真係周身唔得閒 !
尋晚 lunch time 阿嫂打來話老媽子入咗醫院, 放工去睇阿媽, 其實成個下午都好擔心.
原來阿媽之前一晚係屋企肚瀉6, 7 次, 疴血呀, 8 點入咗醫院. 我問阿媽下午食咩, 佢話食銀針粉, 係茶樓已經係厠所疴到出唔到嚟, 要叫人嚟叫老豆幫手, 我話你叫老豆都無用架, 即刻 call 999 啦.
尋晚吊緊唔知係咪鹽水, 唔准食嘢, 仲疴緊, 打咗止血針, 如果止到血, 今日可以出院, 今日要照腸, 但仲未收到阿嫂電話通知我阿媽出院, 出院後要排期照內窺鏡.
醫生話發現佢有痔瘡, 但佢自己話唔發覺喎, 每天有厠所去喎, 有無攪錯自己有痔瘡都唔知.
2個多星期前, 老媽子去完四川, 搭過高鐵, 第朝瞓醒, 右眼 ‘dup’ 哂落嚟, 話眼好朦, 得一條線嘅視力望到嘢, 我話係咪老花, 佢又話唔係, 一味去藥材舗煲中藥飲, 都仲係唔得.
阿嫂懷疑同搭高鐵有關, 快得滯有壓力, 令佢眼朦, E + 兩隻眼好朦, 睇嘢化開喎; 睇過急症室, check 過又話無事, 睇過3個私家醫生, check過眼珠又無事, 無藥比, 其中一個私家醫生比藥水佢滴咋, 話可能眼血管塞咗, 再唔係要照腦.
四川五天行程, 3日都食辣, 連炒菜都辣架, 阿嫂懷疑阿媽係搭過高鐵同埋食咗3日辣嘢有關連出事, 但阿媽仲口硬話唔關事, 唔講比醫生聽, 要阿嫂講比醫生聽, 醫生話唔關事喎, 隻眼係退化. |