因為中文科，同個女關係好差

little_yolky

phyllislau 發表於 17-5-25 23:14
明白, 我只可以盡能力去幫下佢

都小五了, 你唯一可以做既, 似乎係盡力拉高佢好既科目成績, 中文就盡人事了。佢自己諗得通, 就會放返心機落中文度, 諗唔通, 你迫佢都無用。


我屋企樓下阿仔, 今年小五, 英數常無問題, 數學仲幾好, 但中文就.........佢阿媽已經搵人專補, 但佢阿仔有專注力問題, 阿媽日日係咁鬧, 小一鬧到小五, 由鬧到10:30到今年鬧到11:00, 真係鬧到連C6都話：不如我去買六合彩, 中咗搬屋囉, 鬧到我都想發顛。



盡量爭取其他科高成績, 搵個亮點, 考D二線直資。

little_yolky

MASAYA 發表於 17-5-26 14:01
我個大量時間睇中文書，小三睇緊修煉呢類青少年小說，英文仲係睇緊alice's adventures in wonderland原著童 ...

有乜出奇, 我大女好例子啦, 佢中英閱讀能力真係唔駛再多講, 但係佢英文成績係班入面頭幾名, 但中文只係中游。點解? 唔駛問阿貴, 你同我都係差唔多, 由得佢自由發展, 無乜系統咁針對佢測考溫習吧。剛剛個統測, 佢終於問我, 我教佢點樣針對測考溫書, 今次中文統測係全班最高分果個。

little_yolky

MASAYA 發表於 17-5-26 14:13
英文成績頭幾名，中文成績第一，只要數學不失，安安穩穩

數學.........係中下...............

little_yolky

woyj 發表於 17-5-26 14:17
原來是這個原因。可否分享吓統測温習的方法？謝謝

根據學校出卷模式溫囉。

little_yolky

woyj 發表於 17-5-26 14:29
謝分享

自己出卷……要整理吓

係架, 大女前兩三年, 每年大考我都整一mock卷佢歎下, 第一年100分, 第二年97分, 舊年因為阿細, 唔得閑整, 只根據佢弱項俾練習佢做, 都有全班第二高分, 但今年叫佢自己揀練習做, 就得返8X分了, 所以自己整mock卷係好重要, 但你要事前study晒佢D功課, 同埋測考模式, 對證下藥至得。

little_yolky

mch411 發表於 17-5-26 14:46
中文係象形文字系統, 係好難學,
同英文兩回事, 小朋友頭腦發育未完善,
學唔到咪遲D學, 大左都學唔到咪認命o ...

因為係象形文字系統, 有聲符、形符, 對小朋友嚟講好易理解。英文就攞膽, 記晒26個字母, 全部無意思, 要死記, 所有生字就係呢26個字母既組合, 話學phonics好D咩, 但又唔係一定啱, 只係有幫助。一種係有樣睇意思, 一個係要死記, 你話邊個易呢?

little_yolky

MASAYA 發表於 17-5-26 15:59
band1阿媽，子女讀書前，父母先讀

但係我實在懶, 又易攰(可能濕重), 如果我好似級一同學仔阿媽咁勤力, 我諗阿大都唔會止係依家水平。不過, 我實在太懶了, 佢一年四測兩考, 科科都話要同佢做mock卷, 我真係命唔長。真係好佩服勤力既媽咪。

little_yolky

MASAYA 發表於 17-5-26 16:07
咁簡體字呢？

我哋唔講呢D嘢。

little_yolky

ar_mak 發表於 17-5-28 01:24
屋企已經裝哂閉路電視無死位,睇得好緊!

父母教係好好多,原因係小朋友會得到學習的方法.

PS1:父親教,威力大過媽媽教 <========== 你覺得係咩原因呢?



話說剛過去既統測, 常識C6負責阿大, 我負責阿妹。出嚟既結果係阿大好過阿妹, 依家C6好驕傲喎, 話佢叻過我喎。

little_yolky

ar_mak 發表於 17-5-30 02:15
如果你係同意,咁我先講.
因為如果你係唔同意,而我又再去講,咁我地就好容易變成討論,咁大家都會好辛苦.

我唔想同意, 但事實正是如此。

我教兩隻嘢教到血壓高(我), 又喊晒(阿女), 但出嚟個成績, 同C6教係一樣, 但我無見佢血壓高同阿女喊喎, 佢哋溫書時仲响度笑到卡卡聲。

little_yolky

santakit 發表於 17-5-31 00:29
可以分享下級一小朋友媽咪係點架？ 做左咩會變級一架? 好奇。。。

那位媽媽真係勁勤力, 當然女女亦是勁勤力。

其實, 講到課外書閱讀量, 應該唔會有小學生超出我阿女好多。但係, 人哋就用腦袋, 阿媽會俾練習做, 科科都有(常識我唔知有無), 又有閱讀量, 又有技巧, 仲要熟能生巧, 咁又少咗不小心既錯。阿媽跟足成年, 零舎不同！


初小時, 佢阿媽係科科target 96分或以上架。

little_yolky

santakit 發表於 17-5-31 10:25
真係好欣賞人家
人地噤勤力真係冇得好講，吾只自己勁力喎，仲教到自己個小朋友都勤力，人地勁係應該既
同 ...

咁就緊係有D既, 除非個細路好自覺, 學習咗阿媽既方法為己用。好似我大女, 成日唔用腦, 我跟貼就考1X, 唔理佢, 就考2X, 可以差咗10名。係好氣結架。

little_yolky

mall 發表於 17-6-1 23:34
我女兒小二剛中文試测只得6x分(失分最多阅讀理解)，也已專補了一年和平時做些練習。中文温的時間是四科中最 ...

駛乜傷心, 我阿細都只係多你幾分, 又係閱讀理解失分多, 咁咪教下佢答案邊度搵返啱就得。我都有讚佢架, 因為其他part做得唔錯。慢慢嚟, 睇多D書, 做閱讀理解練習後教返佢邊度同埋點樣搵返個啱答案。

little_yolky

simonwan 發表於 17-6-2 10:33
科科都系我教！我仲要有三個，全部學術及學校事務我負責。所有課外活動我處理，就算出去玩，打波，游水等 ...

咁咪好辛苦囉? 我都外判咗常識同聖經俾C6了。

little_yolky

Jane1983 發表於 17-5-30 14:28
實在亦唔係個個爸爸適合教小朋友，有d躁狂，教兩下就發脾氣；有d要求低，覺得咁上下就得，呢d嘢遲早自然會 ...

我屋企果件仲要衰到教完叫阿女唔好考咁高分, 因為考太高分下次再教會驚攞唔到高分, 佢會有壓力喎, 話要俾D進步既空間佢咁話。

little_yolky

simonwan 發表於 17-6-2 11:07
日日得翻半條人命！！！

不過阿三仲系幼稚園，完全無理佢學術，又一個興趣班都無。系屋企同去公園玩就算 ...

哎吔, 聽落都辛苦。

我就主力教阿細, 佢小二, 舊年我就教到差D爆血管, 今年念金鋼經, 睇化咗, 但都好辛苦。好彩阿大叫自律, 剩係叫C6測考前同佢溫常識同聖經, 數學就俾練習佢做, 然後解釋點解錯, that's all, 如果變成兩個阿細, 真係跳海都唔掂。


佢哋兩個星期六日都係全天候興趣班, 一個朝九晚四, 一個朝十晚六, 星期日就朝十晚五同朝十一晚五, 因為唔同班, 要同C6兵分兩路帶隊, 真係攰死人。

little_yolky

Jane1983 發表於 17-6-2 11:29
回覆 little_yolky 的帖子

你C6好搞笑，中和吓你果套。

我阿女班都有咁既女仔, 佢話阿媽用衣架打佢。個阿媽個樣仲鬼咁靚, 真係睇唔出。

little_yolky

wan_sosin 發表於 17-6-2 11:47
高手！勁呀！仲要三個小朋友！佩服！

我老公好信任我教，佢覺得我幫到個仔發揮得到，爸爸媽媽需要互相信 ...

我諗緊simon個最細係K幾, 如果K2, 即係當佢P1時, 中間個P3, 大個P6如果係K1, 即係P1時, 中間個P4, 大個F1, 咁就理想D。

little_yolky

simonwan 發表於 17-6-2 17:05
阿三系 K1.

所以，阿大升小一時，同時要幫阿二揾幼稚園，阿三又就黎出世。阿二升小一時，同時阿三就要考 ...

大嗰兩個係直/私嗎? 阿三又要考? 到阿三考升小直/私, 阿大應該要準備呈二呈三同自行喎, 衡量輕重, 都係升中緊要D, 不如權力下放, 缷咗阿三俾老婆, 明代行中央集權, 你睇D皇帝做得幾辛苦?

little_yolky

IloveJJ 發表於 17-6-7 08:24
點解你哋唔外判俾佢哋自己?我聖經係外判俾佢哋自己。
其實，我係中英數常先理，其他全部外判俾佢哋自己。 ...

因為聖經目標係100分！(雖然次次都做唔到)全級最叻聖經果個有書卷的。

我哋聖經要呈分, 同埋聖經人人都高分, 阿大話齋, 聖經8X係好低分了, 咁你話係咪一分不能少。我反而中英數係外判俾佢哋自己喎。我最多數學叫佢哋做完練習解釋下點解錯, 都幾輕鬆下。至於常識, 就先叫佢哋溫熟, 然後我哋問書, 又搞掂。音樂就定時定候提佢哋練考試樂器曲目, 臨考前唱首歌仔嚟聽下, 睇下有無嘢執。我哋IT唔計分, 所以理都無理。
體育我就無能為力喇