中文小六學生如何過渡到英文中學

dabbycheung

我個仔既情況比較特別。
因為舊年3月，佢依家間中學收佢時，學校已經有功課(英文，普通話同IS)。每個月要交功課一次，而且每個月都要返學校上銜接課程(每次3個鐘)。所以由舊年3月開始，我個仔已經開始接觸中學既英語課程，再加上學校響7月頭已經幫所有學生買書，所以我叫個仔響暑假時，每日抽少少時間睇下D書，到佢9月開學時，佢總算能輕鬆面對。

dabbycheung

Vernique2005,

成日響度見到你對有關英文各方面既意見，我地家長真係獲益良多。
其實大部份英中，響8月尾都有一個禮拜既升中銜接課程，只係我個仔比較幸運，早人地半年接觸英語課程。
我個仔間學校開學時，已經要用全英語上堂，只係9月時每堂臨結束果5分鐘，同學有唔明既地方，老師會用廣東話解釋，但10月之後，已經唔可以再用廣東話。而又因為有某D科目係由外籍老師任教，所以老師唔可以用廣東話解釋，我個仔話如果有唔明既地方，就小息問返同學。
我朋友仔女D英中，有部份真係老師上堂時用廣東話上堂，因為有D學生跟唔上。

dabbycheung

Vernique2005,
我個仔5歲時曾經跟過Net, 學左3個月，其後覺得實在太貴(7年前$180一個鐘，1對4)，之後停左。到佢6年級，
因為要預備佢升英中，所以再搵Net上門單對單教佢。
個人覺得其實小朋友由約5歲，開始搵Net教會比較好同較易吸收。
Sorlo,
我個仔依家讀緊優才。

dabbycheung

Net係外籍老師既簡稱。