請教：禮賢、聖三一、聖若瑟（彩虹），怎排位？

sorman

排位？ 都要知根據乜排位吧？

講真， 單係SJACPS 係男校呢一點， 人人睇法都唔同了。 好似我係男校出身 （我覺得中學係男校係一個fantastic o既回憶， 但老婆就唔想個仔係咁）

SJACPS 應該相對上管教得較嚴 （大班教學加全男班， 或多或少要嚴o的）
我仔有考sjacps同KRS， KRS 收左， 就算SJACPS 收都應該唔讀了， 因為我仔係一個太太太過守規矩o既小朋友 （連幼稚園老師都話佢太拘謹） 我想佢唔好太大心理壓力下返學， 所以會揀出名愛心o既KRS

雖然KRS 個中學校網冇SJACPS ， 但睇唔到咁遠了 （我中學母校正係觀塘， 我本身勁想佢返我母校讀）

sorman

原帖由 傻太 於 14-11-17 發表
聖言？如果想返聖言應該SJACPS好d？  btw, 你有個太太太太太守規矩的囝囝實在太太太太太幸福了:joy ...

對。唔止校網，作為一個無神論者，SJACPS 係一間catholic sch， 對我黎講仲較易接受添。

不過，我仔over disciplined。老師話課堂上同學好嘈，老師責怪全班時，我仔第一時間誠惶誠恐地話自己冇份。日常同朋友玩樂時又太過守規又怕我地或老師責怪。（其實我好放任佢，有時主動引誘佢一齊做啲曳野，佢都say no)

佢太細膽，自己俾自己心理壓力太大，所以我更傾向搵間愛心重啲/管束少啲既學習環境俾佢去過童年。

到揀中學，若佢仲想讀我母校（呢個我俾佢揀，所以我唔想揀直資一條龍）而能力又許可，我會幫佢轉番住址校網+自行。

sorman

傻太 發表於 14-11-17 14:34
好爸爸

錯啦～～我成日話我係個自私的爸爸。
仔女讀到書， 將來事業／人生如何？ 係佢自己o既， 都係佢自己努力爭取／放任學業o既結果， 或者佢想求求其其打份牛工但活得開心呢？ 點解我要規劃佢o既人生？？？ 家下太細， 佢未識諗， 但我想信到佢小六， 若佢本身有能力讀band 1， 即佢可以為自己選擇。若佢仍係求求其其， 但求有得玩o既人， 我都深信佢冇能力去揀間band 1。

所以， 我覺得我只應幫佢揀小學， 中學盡量等佢自己揀， 我最多俾意見同幫手分析。

正因為佢家下個性格係內向同太守規則， 俾自己太大壓力， o的功課量多／太谷／競爭太激烈o既學校， 就算佢讀到我都冇幫佢揀。

佢小學讀得開心， 最終舒服又開心o既係邊個？ 咪係我自己囉～～～～呵～～所以我咪話我係自私的爸爸。