仔女經 <<Part 36>> 之送舊迎新新氣象 ！

bettylam

dear all 虎人:

今早由我開舖

初一情人節甜甜蜜蜜
               精精彩彩
               歡歡喜喜
               健健康康
               快快樂樂
               艷艷麗麗
               夫夫妻妻
               心心印印
               恩恩愛愛
               萬萬年年
               纏纏綿綿
               情情願願
               千千遍遍
               仔仔女女
               聽聽話話
               順順利利
               升升職職
               加加薪薪
               金金銀銀
               齊齊來來

開開心心
tyty上上

[ 本帖最後由 bettylam 於 10-2-14 09:02 編輯 ]

bettylam

HI~ALL:

偉哥打喎頭炮~

尋日叫呀女去買福字兼揮春,尋日忙水,吾得閒look,今朝係洗手間門樹竟然驚見貼住,真係忍吾住笑左出黎

心想事成

怪吾知得尋日忙緊果時聽到佢地幾仔爺,一路貼一路up...

暢通無阻,

心願如乜就有乜,
想屙得暢順又得
事事通行樣樣骨
成功吾洗一忽忽

betty

[ 本帖最後由 bettylam 於 10-2-14 11:16 編輯 ]

bettylam

ALL:

願靚媽花開富貴易擰一擰
betty家中有靚花

再祝虎年嘻哈哈

bettylam

初一食雞燉翅
   日日有翅食

祝46哥搵同賺到盤滿砵滿

[ 本帖最後由 bettylam 於 10-2-14 13:00 編輯 ]

bettylam

嘩好靚的2b 花

bettylam

DEAR 2B:
俏 Betty 肯定人比花嬌，2B 嘛 ...................... >>2b語不驚人誓不休,我自己睇到俏betty都笑左出黎
又黎虎年初一日行一善

個呀伯會吾會係跟拜年的人攝左入大廈???

每初一都在家閉關的betty上

bettylam

tks!布媽
大年初一, 祝大家一團和氣, 合家安康, 心想事成 >>>大家咁話

bettylam

DEAR 布媽
俏betty,>>>2b完又到你 係咪想我請飲茶,除左今日,隨時都得


閉關,養尊處優,年初二精神奕奕到呀媽樹拜年,姑姐一家大細齊聚媽家團聚,講東講西嘻嘻哈
午安, 點解逢初一會閉關>>>由呀女出細果年開始,奶奶黎我家住後,每年年初一,我地例牌吾外出,係家煎年糕,蘿蔔糕,睇電影,用電腦,下午就準備初一晚餐同老爺賀年..

不過打從前年起,老爺娶左個國內人士,偉哥已經吾再

bettylam

比偉哥的攪笑吾知激死定笑到碌地

呀仔剛問

老豆:乜野同點樣叫烚熟狗頭

偉哥:陳振聰咪係囉

呀仔:點解佢係

偉哥:你睇佢笑起上來,露晒崩牙,陰陰濕濕咁架樣,睇到佢笑果時個樣仲好似的口水滴緊出來咁

佢一路講,我一路係樹想像

[ 本帖最後由 bettylam 於 10-2-14 15:31 編輯 ]

bettylam

今朝派利士

我超攪笑地用左呀頭果招~~~
公司今年花紅,係按公司舊年業績,同埋你地各方面表現黎定,如果你地想明年分好的,咁你地就吾好只係做一,要做二,做埋三,做埋四

我今早講
媽咪今年利士,係按你倆舊年表現,同埋媽咪各方面收入黎定,如果你地想明年大封的,咁你倆就吾好成日得一,就想二,得埋三,仲想四

我一輪咀咁,聽到佢地二個傻晒 ,
一定好心急想知封利士幾錢,不過我家規定,過左十五先拆得,急不得.不急得.得不用急
betty

bettylam

DEAR ALL:

各位虎人早呀!

初二開年呀!中午例牌返外家

2b:偉哥呀爸都吾係無喇喇,皆因佢個look似呀差,佢自己up話40幾都好多呀嬋追佢,呀奶處走計落都有成16年lu~佢2個都無晒感情,最近呀爺搵岩件,咪狂call佢返黎攪清手續比佢婚婚囉

betty

[ 本帖最後由 bettylam 於 10-2-15 10:36 編輯 ]

bettylam

DEAR ALL:

今日返呀媽樹,勁熱鬧,姑姐表妹表弟幾家人齊齊賀年團拜,仲陪姑姐打番4圈.

2b:吾講你吾知,呢幾年就姑姑陪我同老爸飲茶茶,所以我好錫我呢個獨一無二我姑姑,佢仲拋開晒佢我仇怨,問心果個,真係吾係係人都得~~~

我陪姑姑過左一個關,又過一個關~~真係好開心姑姑平安過度虎年...

過年前農曆十二月十二係我老媽子生日,約佢同老媽子飲茶,佢原來舊患痛吾講,捱住痛係青衣貢巴士出黎,見佢痛到舉步難行,真係肉赤水我,係茶樓,佢叫我拎筆拎紙記底野,果一刻真係好擔心,佢話佢吾知撐吾撐到過年,抄低果的係係股票行電話,佢有少許股,到時比呢二個電話佢個女,叫佢即刻打去放晒佢~~~

我梗係即時問佢,點解你吾比電話你呀女,姑姐竟然話,佢女口疏,我聽到真係幾乎笑左出黎....好囉~大步x過

vivi:你地好有心思呀!的貼貼排得好靚~~

betty

bettylam

HIHI~

虎人早~

初三赤口~

咁夜貢上黎,我估個個訓晒覺豬,吾會有人同我爭拗啦!

因為尋晚太早飯飯,半夜vv後聽到個肚發出咕咕聲,諗住吾好理佢,夾硬訓番,點知戀黎戀去都吾掂,於是起身煲水提早嘆撞奶茶同食迷你包~~~

真係好開心呢個台個個佬都係煮食高手,老婆食到吾停口

[ 本帖最後由 bettylam 於 10-2-16 03:28 編輯 ]

bettylam

dear 2b&vivi

vivi:係呀!人與人之間真係好講緣份.

2b:多謝晒你支持同祝福呀!我姑姐成日都話我好幸福,有咁好家庭,對仔女又咁乖 ,我一聽到呢句就笑左出黎...
仲有好好人緣,咁多好朋友,成世人都咁好彩...曬完

係呀!我會好好珍惜,媽媽同姑姑對我厚愛,查實我媽媽都係勁錫我,講心果句,個天對我真係不薄....

我係10幾20歲反叛時真係超惡同難頂,呀媽到而家都成日話我,果時無比我激到爆血管都好好野,我估我果時有情緒病自己吾知~~~ ,一吾岩眼,就發脾四,一發親,無人敢埋我身,我會嬲晒成家人,邊個都吾彩,吾食飯,成日訓,可以半年吾同屋企人講野,放學放工食埋野返屋企又吾話比我媽知,呀媽係48孝,成日好擔心我地會餓壞,可以好長氣咁叫成10幾之你食飯啦!你吾食飯會餓壞你架,叫幾粒鐘,我都吾理同彩佢,硬係吾知點解,我見佢嬲同激氣我就好開心,而家諗番我果時都真係幾變態,呀媽成日無晒計up,你咁樣對我,你有報應架,睇你第時的仔女點對你~~~

我果時個心應佢,好呀!第時先算啦!你睇我第時點教仔女,我一定吾會好似你咁偏心呀!潮州人,錫仔吾錫女

呀媽仲成日up,你吾去做戲晒左你呀!扮乜似乜,一時嘻嘻哈,一時發晒脾氣,好果時就同屋企人糖痴豆,一時又無喇喇捉住的細老妹罵到佢抽筋,我仲會嬲到扮暈訓左係地下吾起身黎嚇佢地~~~

我姑姑就好錫我媽,又同我媽有緣,經常老遠坐車出黎探我地,呀媽知我好錫姑姑,我姑姑試過我發脾四幾個月,呀媽無晒乎,叫佢黎,姑姑竟然坐係床邊好有定力咁,叫左我當粒鐘,大妹,吾好發呀媽脾四啦!起身食飯啦!餓壞你呀!

我果時好低b,心諗,你地二dou友係同檔,講的說話一模一樣,我就係吾彩你地二個....

睇下話咁快就幾十年啦!而家佢地二都7字頭,我經常係樹諗,我要將我以前的歉疚變做愛錫黎補償我以前對佢地的傷害,做到幾多得幾多....

個人感覺,媽媽而家都幾孤獨,所以有時間我會帶同相公,二個佢好錫的青少年,多的去佢家陪佢,仲有,講多的笑話激佢

夜半無人思舊時的betty上

[ 本帖最後由 bettylam 於 10-2-16 05:13 編輯 ]

bettylam

尋晚本想同呀媽開年~~~吾好笑呀!

係食開年飯,點知我地打麻雀期間,呀女話佢返屋企鋤書先,因為年假後就開始考試~~~

打完麻雀期間,同偉哥商量,點都係過年,吾掉低呀女係屋企,返黎同佢晚飯,支持下佢咁乖,呢個假期前比我罵到佢扒街,因為懶散,成日都吾見佢溫習,罵完好好多,見佢比多左時間溫書同鋤paper~~~

坐車期間,呀仔好豪地話佢請去醉華,叫偉哥同我吾好咁辛苦煮,我見佢盛意拳拳,答佢,爸爸話事,我無意見,反正好多餸,只係買菜~~~

好奇景地,去到醉華,竟然無乜人,原來13~16加一,可能的人去左第2樹食...偉哥拍板叫左3個過年餐,食野期間,我為意到隔離枱轉左2pairs人,都係咁望住我地同的野食,咁我又望下佢地叫左乜,再望埋其他枱~~~跟住我同呀仔呀女講,你睇下你地幾幸福同富貴...

媽咪見到大部份人都係叫魚蛋河同其他麵食,我地食呢餐2百元找番幾元....我發現到比人望下望下,吾知係咪話緊我地,你地幾dou友食得咁豪.

點知偉哥好應掍地話,梗係吾係啦!人地望下望下,係話你地四dou友,個個大隻雷雷,咁好意思叫三個餐,都吾知食得飽吾飽 你話係咪比佢激奀.

[ 本帖最後由 bettylam 於 10-2-16 03:44 編輯 ]

bettylam

尋日率先到呀媽樹,如果吾係偉哥係樹,斬眉弄眼打晒眼色,我都真係差的忍吾住同呀媽開年~~~~~~片佢...你地睇下我有幾不孝

話說的老人家都真係好like拗野同吾知自己up緊同up左的乜...其實都真係小事一則,執著同爭拗黎做乜...

呀媽一嬲都係只記農曆生日,但佢一個人要記我地咁多個兄弟姐妹,女婿同新抱,的孫仔孫女生日都吾易,佢唯有記係日曆樹..

我地一到,佢話襯記得,問我呀仔生日未,我答佢,過左啦!過左吾洗比架啦!佢年30即2月13果日咪係囉~~~~

點知呀媽,應我,吾係喎,我明明記得佢出世果年係蒸月10幾架,我咪話,係呀!如果你講農曆就未過,佢係蒸月14架,呀媽話,咁即係未過啦!咁你又話過左,嚇死我啦!又講,我明明記得佢出世果年,年初七都未生得,到年十幾先生...

我話,係喎係喎,都吾記得晒你係記農曆架添,係呀係呀!農曆等我望下個月曆先,蒸月14係27號,點知佢又黎up,又係果幾句~偉哥終於忍吾住出聲,媽咪,你記農曆就記農曆得架,吾好再記其他,你記吾多咁多中西曆...

點知呀媽一句應佢,咪就係囉,佢攪到我亂晒大龍,我都而家都係吾明佢講乜,乜野年30晚果晚就係西曆的2月13呀仔生日~~~~我當堂比佢激到吾知好嬲定好笑,心諗,你又要我講,我講左咁多次咁清晰咁清楚你都係吾明,仲要大大聲聲同偉哥講,話我講到吾清吾楚

bettylam

尋日比我個同偉哥好餅印的表妹夫笑死,好難捉到佢打4圈麻雀,因為佢個寶貝大女吾比佢打,話如果佢呀爸輸晒的錢,無錢買靚衫比佢喎,我無無錢買靚,咪買靚褲囉!

結果講完一輪數,打左4圈後,走時表妹夫竟然係lift口扮栢金遜,隻手係樹震下震下,好鬼死似架~~~我望到問佢,你隻手做乜事,佢話扮定栢金遜喎...

咁我咪應佢囉,你扮栢金遜,我咪要扮老人痴呆,佢就由表妹照顧,我就由偉哥照顧,一齊扮傻,吾洗做,又幾好喎..

諗諗下,我地都真係有幾衰得幾衰,如果係就屋企人最痛苦,呵呵!吾好玩我咁架野,好彩姑姐無為意,吾係初二比佢開年

bettylam

DEAR ALL:

虎人早~

是日初三,例牌無落雨就黃大仙綠實生號舖見

布媽:以我性格都好忍讓,但呀媽性格好執著,你吾應佢,佢仲會更加講多幾次,擰你起火,嘻~好彩尋日吾你初三赤口.

sf:今年咁樣派利士,我都係第一次拾左我地經理pat屎,借題發揮咋~

要出發的betty上

bettylam

剛係網上求左支正簽

第 44 簽	上 簽
原文
壇 為 皇 朝 拜 將 登　登 壇 便 把 令 來 行 海 晏 河 清 民 安 樂　不 勞 甲 胄 也 太 平
解簽
自 身 ： 堅 定 信 心 財 運 ： 有 財 運 訴 訟 ： 勝 訴 雖 大 但 以 和 為 貴 行 人 ： 將 至 生 育 ： 可 得 男 孩 出 行 ： 合 宜 事 業 ： 守 業 為 佳 姻 緣 ： 時 機 到 了 家 宅 ： 平 安 搬 遷 ： 吉 方 為 佳 疾 病 ： 小 心 腸 胃

可得男孩

bettylam

初四虎人早

是日超凍9度,煮妹記緊加厚衣頸巾呀)))))))))

今日開工大吉,返半日呀!

下午又可以去威威掃平貨lu~

BETTY