讀'聖瑪加利大幼稚園'家長入來傾傾啦!

heima

papadaddy

上課前照顧學童具體係點樣的, 係唔係係集會時幫手帶小朋友上課室, 咁放學呢? 放學時, 有d小朋友搭校車的, 有無人帶佢地落樓梯?

JoJo

我相信你仔仔都會開心的, 面試前俾定心理準備佢, 如早一兩個星期就同佢講帶佢去同d姐姐玩, 姐姐會同佢傾計, 媽咪會係度一齊玩的, 每日都同佢講一次, 咁你都要表現得好雀躍, 我仔仔上年面試時都係未夠兩歲, 好怕同陌生人傾計, 但面試時, 佢玩得好開心, 老師問佢幾多歲, 叫咩名, 佢好似諗口蔩咁答, 因我只教了他呢兩樣, 所以問第三樣就唔得了, 因為佢只識答 a) two;  b) hei hei

    

預祝你仔仔面試OK, 有消息就上黎話我地知

heima

cfman

我仔仔反而喜歡吳校長多d

旅行個日, 班小朋友準備離開學校時, 係門口見到吳校長, 佢地問吳校長:"你無牌o既?", (即係分組個牌), 校長就話"我無得去呀" d小朋友走時, 好唔捨得咁回頭望校長, 睇黎吳校長好受小朋友歡迎

heima

cfman

琛瑜平時有無同你提起熙熙架?今日熙熙上網睇學校相, 指住你囡囡叫琛瑜, 我跟住俾其他相佢睇, 佢又可叫到其他小朋友個名, 大約5個, 佢係第一次講到個名, 之前係話唔知, 佢又講有個男仔(好細粒個個), 成日喊, 又一個好細個o既男仔又係成日喊架, 佢叫個男仔做 bb,  (主任都有講過呢個男仔成日叫自己做bb) 熙熙話女仔唔喊架, 男仔先喊
  

    

heima

mrs.correia, cfman

會唔會同車有人叫熙熙呢? 我仔仔唔係坐D車的, 仔仔坐校車都識到好多小朋友, 見到有d哥哥姐姐好照顧佢, 校車褓母話d小朋友叫熙熙做bb, 可能佢成個bb樣.

mrs. correia,

你囡囡讀下幼孝嗎? 咁我應該見過佢, 上次去水塘, 我係照顧紅草菇, 她是否紅草菇組的? 我睇你的大頭相都睇唔清囡囡個樣, 有無大d相睇下呢? 原本我識得一個小朋友係讀下幼孝班的, 是熙熙表姐的朋友, 我以為去水塘可以見到佢, 點知佢轉在讀上午班

cfman

我想熙熙跟琛瑜應該很熟的, 我都無問佢, 佢都係即刻叫出琛瑜個名的, 不過唔朋點解熙熙上次係timesquare見到琛瑜會扮唔識的?係呢, 個日見到o既係琛瑜公公定爺爺? 點解佢知到仔仔叫熙熙時, 佢會話原來你係熙熙, 係唔係琛瑜講的呢?
女仔同男仔真係好唔同, 女仔鍾意同人分享, 所以會多d講學校o既事, 但男仔就好少, 問佢都只係講少少咋

我收到你的email address了, 我都係晚上先可上網的

heima

mrs correia,

你囡囡講得無錯, 熙熙係坐B車, 何解唔同班唔同車都識o既, 小朋友的社交能力真強

你張大頭相大在, 睇得清楚點, 我認得細妹呀! 細妹係唔係開學日同之前一些需回校的日子都有跟姐姐來的? 而Silvestra, 我諗我估到係邊個, 每組得7個小朋友, 學校網頁有無佢張相呢? 如果係幼班活動晝圖畫個女仔 , 我可以講講佢係水塘o既事

cfman
女仔貪靓好正常, 男仔貪靚就驚了. 你好有心機幫囡囡扮靚靚, 中秋節的相熙熙又係坐係琛瑜旁邊, 所以我睇到琛瑜的打扮, 你囡囡是11月或是12月出生的? 李老師說遲些會有通告請我們帶食物回校

heima

JoJo

你要睇睇自己o既首要條件係咩?如果係地方, 咁就唔駛諗, 梗係揀間大的啦. 另外都要睇下你想仔仔係學校得到d咩, 我唔知道寶血的教學方法, 係唔係一樣呢?

寶血小學係政府資助, 所以係派位的, 但聽聞有部份學位不是資助, 所以係可以直升, 上年我沒有幫仔仔報寶血, 原因都係女仔太多了, 我都只係睇到學校相係咁, 真實係唔係我無查問過,

heima

mrs. correia,

Silvestra 好活潑, 好奇. 去水塘o既時候, 老師叫小朋友唔駛排隊咁行, 但就唔可以超越老師. 但係可能Silvestra對四周好好奇, 好多次都想行開, 不過老師好快就叫佢番轉頭, 因為都叫在好多次, 所以我對佢好有印象

幼班的小朋友仲細, 唔會太頑皮, 同佢講下, 佢地都會聽, 所以唔難照顧, 佢個班有個小朋友仲要拖住我行

heima

JoJo

Charmaine講得正確, 而家係lucky draw, 讀邊間都一樣, 反而諗下邊間能令仔仔讀得開心, 増加讀書的興趣

cfman,

熙熙係12月的, 李老師話唔一定帶蛋糕的, 有d媽咪要帶蛋糕, 有d帶其他食物, 通告會有寫的

mrs correia

網頁有新相了, 你睇在未呀? 有你囡囡架

Liu

囡囡好番就好了, 我又係好唔鍾意小朋友食咁多藥, 好似愈食身體愈差

小新媽咪

學校每個月都有一個主題, 咁個個月就係圍繞個主題去教, 如今個月係秋天, 就帶小朋友去郊外睇下樹葉, 聽下大自然的聲音, 幼班每日一樣功課, 有時會派工作紙俾小朋友帶番屋企同daddy mammy 一齊做, 係親子活動. 因我小朋友係幼班, 只係番在兩個幾月, 我所知的好少

heima

Liu

我都無收過電話要開會

cfman

仔仔都係一番屋企沖完涼就睡. 約7,8點起身, 跟住到10點左右瞓. 第二朝8,9點起身

同你囡囡唔同, 每早是他叫我起身, 所以是他跟我博鬥

heima

helencyl,

我今朝唔係未訓, 係剛剛起身呀!

昨晚陪仔仔訓, 諗住佢訓在, 我起身做野, 點知訓過頭, 5點醒在, 咪做下野

係呢, 今日開會講咩呀? (F組) 是否回校做教材的會議?

heima

JoJo

校車停係後樓梯門口, 老師見到有校車到, 就會由禮堂走到後樓梯, 接小朋友上禮堂的
*****************************
吳校長做得好!

quote from Pochacco2001
"今日校長好嬲呀!她話d小朋友返學時禮堂未開門d小朋友向門外跑來跑去,仲有d家長唔帶小朋友去斑馬線過馬路好危險等問題呀!仲話如果有小朋友再做錯就要見家長呀!之後吳校長放學真係向對面馬路捉d做錯的家長和小朋友呀!好驚呀!學校仲好快就出了通告俾d家長添呀!"

heima

ckh689

班主任叫咩名? 要讚下先!

*******************
今日收到校服了, 但無褲, 即係仲未著得
但係件外套個袋有少少爛, 點好? 可以星期六拿回去換嗎?

heima

mrs.correia

    

Pochacco2001,

囡囡咩事呀?

heima

JoJo, Pochacco2001

hi, 我忙緊生日會d野呀, 你地覺得件冬季校服如何呀?

heima

JoJo, Pochacco2001, helencyl

係01年12月生日會呀!

明天學校生日會: 牛仔褲和牛仔褸 (same with Pochacco2001), 格子恤衫, 白襯衣

紅色外套本身唔錯, 白襯衣格仔褲加埋小tie都好睇, 但襯埋就好似聖誕樹, 有紅有綠, 都幾應景

heima

JoJo

仔仔面試了嗎, 有結果未?

heima

JoJo

一星期好快過, 記得比定心理準備仔仔

****************************

家長學堂你地報唔報名呀? 我想報, 但又覺得貴在少少

heima

Jojo

我已經當在你係自己人啦

[quote]
JoJo 寫道:

哈哈.. 我可以話係第一位個仔未入讀呢間幼稚園, 但又成日係呢度搭訕既C9呢   

heima

JoJo

上年好遲先去報名, 諗住俾仔仔去玩下, 粱老師仲問我讀唔讀下午班, 我仲話一定要上午班, 點知最後都係編下午班, 不過都好o既, 佢咁細, 下午班少d人, 照顧都好d

heima

JoJo

Interview係得一日, 但係報名就有一段時間, 我係好後期先寄application form的

Take easy