油尖旺band 1C-2A女生的選擇

JojoDad

Victory1 發表於 21-4-27 08:49
成績band 1C-2A在油尖旺有何選擇？
如在乙部首位揀油真有機會嗎？
第二位如揀其他區的band 1學校又如何？需 ...

我地舊年係區內2線happy school中小級25，B1C~2A女。自行一、二九真培道唔收。聽老師建議甲、乙一都填英中銘基，而乙二則信義，結果真係派左銘基。除非你好肯定係B1，乙一抽油真什至QES/SMCC當然同其他B1機會均等有機會，唔得就乙二、三的B1校機會近乎零, 邊緣人更什。有無唔甘心，老實說當然有，但斷不敢把女兒6年中學前途作睹注。另老師說如真銘基收了，再叩其他起碼有個底。

JojoDad

王家爸爸 發表於 21-4-27 09:51
第一，如果成績係Band 1C-2A，首先同老師確認下，係B1既機會有幾高。
第二，如果係B1C，乙一揀油真，當然有 ...

對呀！我女有2個B1生抽入QES，兩個都勤力有斗志，可最近見面說在QES不開心，因覺得自己是學渣，另一個midterm 三科肥佬，想想入循道/銘基起碼都中等，不用那麼被碾壓失去信心，油真QES相去不遠。

JojoDad

mayyylai 發表於 21-4-27 15:57
如果小朋友係 B1c - 2A, 乙1放油真，我估機會比較微，而且若真係入咗，我諗小朋友讀得都好辛苦，油真屬 b1 ...

其實好多家長們相信人定勝天，人地唔得我一定得，俾我入到我就一定努力搞掂。

我陪女兒小四下學期開始一起作戰，今年佢升到中一，全英教學，課數增超過50%，教得快淺，考得廣深，no more straight forward questions。我亦因身體問題開始放手佢自己讀，偶一教下，邊緣人來說佢已好努力，midterm 考級十內，但Form test 稍一放鬆就跌左30名。入得官津英中的學生或對手都不是省油的燈啊！

建議樓主詳細考慮老師的提議，佢地日日摸住小朋友程度會好清楚。邊緣人近2A的話，王家爸爸循銘乙一不錯，個人偏向循道。

JojoDad

carmenlook 發表於 21-4-27 18:32
你呢個似係band one排法,邊緣人可駁一間B1,但油真一唔得會派到好後,之前知道有人情況同你類似第一排銘基,第 ...

我個女小學就有個咁嘅case, 都派左潮州，奔波擔憂數日先幸好叩返德雅。

其實上得來input 嘅都希望人地有好，好似王家爸爸、YmOra、Medicine等(恕未盡列)，點會望人衰或閉噏呢？只係有時見到D為呦而呦，又或者特登開個post 出來混淆視聽，就索性唔回應了。

JojoDad

Victory1 發表於 21-4-27 19:30
他區學位少，也值得用一個位嗎？
怕揀錯，累了孩子。(emoji)

我睇法唔同，培道上年俾油尖旺得2個位，咁多人爭，除非今年大幅增加，否則似乎太冒險。如你真想培道可試甲一，但亦機會不太高，尤其培道新校舎超吸引人報，直迫九真。

JojoDad

happybbpig 發表於 21-4-28 21:51
之後有沒叩其他？依家讀得開心嗎？

派位後叩九真，鐘意女校同九龍塘，但個女見派位結果0K，hea考入唔到，都算啦，一鳥在手，銘就銘，起碼英津。佢happy 呀，竟然連續2次班1，midterm級9，信心滿滿，笑容滿面。唯有叫佢6月final 再衝D，睇下可否插1、2間女神咯，唔得都無輸。

JojoDad

happybbpig 發表於 21-4-28 22:02
級10-30都已好叻啦，小四開始怎麼備戰？有沒報補習班？

大部分人知道直資女神校睇哂小四丶五、六上的考試成績，就每次測考都同佢一起(好重要，佢有參與感覺)制定之前2周溫書時間表，中英數常做兩本補充，聖經佢講返課文故仔俾我聽。我個女算自律，無去功課班，小學功課九成時間晚飯前完成。小四開始每周六補英數當預習。

小四下學期開始到小六上4次佢考試我都好累，因為太太非華人，唔識中文，全部我啃哂。

JojoDad

htmtommy 發表於 21-4-28 12:16
乙1-油真, 2-銘基3-循道 可以? 4打後唔知點填(emoji)

咁填一個唔覺會入銘基呢間1C~2A，係有揸拿嘅，就睇你甘唔甘心咯。

JojoDad

medicine 發表於 21-4-28 08:31
1)真B2的話怎麽辦?極大機會中B3.
2)真B1的話,乙一銘十拿九穩.考慮萬一的情況,乙一二放嗮銘循已經可以收工.
...

絕對認同，Medicine真好經驗，尤其Pt(1)，信義都難保。

另最後個段B1線拉前D，出口術話學生係B1C~2A邊緣人，你就好有可能唔敢搏，寧願少少，只係少少堵唔甘心去揀循銘，但都B1C尾，為你好又無害你，而學校又保頭三派位率什至B1率，大家好！

JojoDad

mandyhuen 發表於 21-4-29 01:34
點解鐘意九真？小朋友band幾？

邊緣人
1。女校，個女好似火車頭咁都唔似女仔，所以想佢學下fair lady D。
2。九龍塘返學環境單純D，無市中心咁messy，地鐵又差不多直到校門。

3。自己少少虛榮啦，真光嘛，那理九真油真。
可惜入唔到，亦焉知非福。

JojoDad

wingmanlam 發表於 21-4-29 00:56
回覆 JojoDad 的帖子

想問九真叩門筆試深唔深？我岩岩填完表，都要準備定叩門，希望到時用唔著thx ...

已PM

JojoDad

mandyhuen 發表於 21-4-29 15:49
你揀得九真，小朋友都應該係band 1，祝好運，可能大抽獎抽入呢…

BTW，其實呢幾年九真都升緊呢，但唔知點 ...

澄清下，我地叩唔到，留讀銘基，上文有解釋。另九真李校好想轉返英中，並同油真睇齊，所以力谷，但我覺未到1B，約1C頭吧，但多人網上講，又大家吹下吹下就響啦，情況同直資基崇同南昌聖瑪一樣。

JojoDad

happybbpig 發表於 21-4-29 14:45
乙4後填B1？係咪因要填晒30格，所以b1放後，機會少都照填？

邊緣人的話乙4後基本無乜機會，反正要填，不如填哂B1校，費事打聽口無聽過學校怎樣，我當時乙6-10都係1，疊埋心水准備叩門試。

題外話，叩門不可忽略一間大家可能有D心理障礙，但越辦越好的B1C英文直資，佢地預留不少位俾叩門(因為叩得就接受左啦)，大家多了解下，學校環境交通都好好，學費平爆。只要你跨過心裡的坎，是個不錯叩門對象 - 九龍塘香島。

JojoDad

happybbpig 發表於 21-4-29 18:27
6-10都係1？什麼意思？

乙6一乙10

JojoDad

傻太 發表於 21-4-29 19:51
香島不是中中嗎？

不是了，2020開始中一生己改成直資英中課程了。

JojoDad

happybbpig 發表於 21-4-29 21:38
培道都是中中嗎？

因上次未評為EMI 校，仍要等下次評估，好似出年。所以現時英文授課只最多開75%，不過張美華校長上場後相信列EMI問題不大。

JojoDad

happybbpig 發表於 21-4-30 10:21
好updated的information, 在學校在網頁搵到？你都好緊貼學校情況啊

朋友個女剛剛在香島畢業話我知，而且自己因為校區及環境舊年都有諗過叩。

JojoDad

happybbpig 發表於 21-4-29 21:37
輪到抽6-10時，仲有b1位可以抽？唔係正常頭兩轉都抽晒了嗎？

咁意即甲、乙一肯定要中，其他hea 填，真係派到6-10的話只係撞棍+天意。我當時係咁諗，亦預備定叩門。