2008K1王子公主小天地

natalielin

原文章由 jk923 於 08-6-5 15:34 發表

係呀，就係大仔當年語言發展遲左人成年年決定做full time ma，之後1先見佢追返咪再出山(代課)但搞到個仔情緒唔好，代完果次課就無再搵工。我自己覺得當然媽咪可以自己湊會好d，起碼容易d發覺小朋友的優/缺點而施與培養，但真 ...

好啦,我會努力再教佢,唔會放棄既,同你地講完,有人支持下,咁會keep住去教囡囡,如果c6就只係話你唔教佢,攪到個囡咩都唔識,好似佢冇份咁~

natalielin

原文章由 bb-mameme 於 08-6-6 09:18 發表
我個b都係, 已經教左好多次colour & ABC,但係佢都係吾專心吾記得, 比佢極死

真係激死架,試過用糖教就識晒,因為我話要講岩糖紙顏色先比佢,咁一次就岩晒6隻色,但同日比其他野佢,佢就有講錯,咁佢算唔算識?
係咪整蠱我,定佢冇心機?是但答就算?佢而家3.5歲架喇,咁真係冇問題??

natalielin

原文章由 jk923 於 08-6-10 15:07 發表

其實數學概念對小朋友黎講真係好難明嫁。但係你教得咁上下佢就會一下子開'hill'。好似我個女咁佢數數量1對1咁數可以數到1X，但佢數完問佢總數係幾多佢就唔明 ，不過佢總會有明白的一日。
呢個星期對我黎 ...

反而數數佢ok架,由1數到2x,不過總數就一時時岩囉~
佢試過同我講買3隻蛋,佢要2隻,妹妹要一隻,我同老公都好開心,不過可能係咁岩講中,但都好開心~

natalielin

原文章由 jk923 於 08-6-10 15:11 發表

係咪次次用糖就識？如果係就順水推舟，答岩左果粒糖的顏色就叫佢係1推lego裏面配對返岩的顏色，又係最初每次1、2隻色好啦！

用糖就會講多d囉,如果你叫佢搵相同色,佢冇問題架,係第一下講個色唔一定岩囉~

natalielin

原文章由 nganga 於 08-6-10 15:46 發表
係wor! 我都帶埋去睇下間學校先, 等佢知道間學校有幾好先, 都成日問我地點解要囡囡去咁遠讀書, 間學校有乜好?

我都好期待星期六快d來臨呀!!! 唔知點解囡囡讀nursery果陣時都無咁緊張興奮。

...

我都係呀,n1冇咁緊張,而家好想佢快d返soka呀~
我都睇下婆婆去唔去先,咁妹妹又去,因為今年到妹妹考~

natalielin

原文章由 nganga 於 08-6-15 17:21 發表
好實在呀!!! 囡囡去完學校後, 重新再話過鐘意間學校! 希望囡囡好快可以適應搭校車返學既生涯la!

Kylie本身話唔轉校架,不過再去學校,佢又鍾意喇,因為佢好鍾意課室個洗手盤,佢係都要洗左手先走,冇話唔返學lu,希望keep住鍾意啦~

natalielin

原文章由 Chingmy1002 於 08-6-16 22:44 發表
各位你地好...
我想問下保姆車幾多錢架...
因為將application form 冇寫呀....
你地知唔知呀??

你想知邊區?可以幫你睇睇呀~

natalielin

原文章由 muichujamie 於 08-6-17 01:09 發表
學校fax左書單比我,不過無校車price list....麻煩你幫我睇下將軍澳幾錢？！Thanks so much!

唔好客氣啦,係$870呀~

natalielin

原文章由 fatty418 於 08-6-17 09:55 發表
natalielin,

可唔可以幫我睇睇去紅磡既保母車幾錢呀? Thank you very much.

ok,係$630呀~

natalielin

原文章由 jk923 於 08-6-17 12:17 發表
我個女最鐘意個廁所，平時去親街都要搵BB廁所，到時日日都有BB廁所去，應該會好開心！
我星期日果日再拎左d校服出黎比佢試清楚，佢又要揹埋書包，咁我就順便同佢係屋企搭校車返學遊戲，佢玩得好開心呀！ ...

我個女又係好鍾意個廁所,同我講哩個係小朋友用架,你係大人唔用得,好鍾意自己去完自己洗手,7月要同佢去影相,8月要交~

natalielin

原文章由 jk923 於 08-6-17 21:29 發表

因為而家每朝都要湊埋阿女送哥哥上校車，有日我就同佢講
我：穎穎，你第日返學都要搭校車好唔好呀？
女：好呀！
我：咁媽咪上唔上得車呀？
女：你唔上得嫁，小朋友返學先搭得車，你太大啦，坐唔落嫁！
我：咁你係咪搭呢架校車(哥哥果 ...

真係好,我而家都擔心佢唔肯上校車呀,而家都有同佢講下,不過佢話唔得,我要一齊架,希望佢到時唔會喊啦~

natalielin

原文章由 Chingmy1002 於 08-6-18 23:23 發表
唔該你呀...natalielin

我想知牛頭角及九龍灣的路線途徑及價錢.....

謝謝你呀~~~

順利$680
順天$680
牛頭角$630
官塘$680
秀茂坪$680
彩虹$630
坪石$630
麗晶$640
德福$630
麗港城$730
匯景$730
康田苑$770
康華苑$770
康柏苑$770

natalielin

原文章由 jk923 於 08-6-19 18:37 發表

佢而家就講得好爽！我都希望到時係咁，但係小朋友d野真係估佢唔到呢？

係呀,非常同意你句,估佢唔到~

因為上星期父親節,我經個fd介紹去apm詹瑞文個活動玩games,
kylie同daddy上台玩,先做熱身,詹瑞文話身體部份,咁大家就要用手摸,主要講頭,膊頭,膝頭,腳同pet pet,佢講得好快,但kylie都算跟到,因為佢係6pair之中小朋友最細,好多人圍觀,但佢又冇驚,仲好開心,之後再睇段短片(詹瑞文個d show),要學返段片動作,佢一定學唔到,不過佢都肯同daddy行出去玩,我都好開心lu ,
可能kylie返春天劇團真係有幫助,真係大膽左,記得上年12月n班聖誕出去表演,佢驚到唔肯上台,最終都冇上去,坐左係台下

natalielin

原文章由 jk923 於 08-6-20 20:27 發表

我之前都有睇過春天d couse，不過幾貴下，而家返左親子芭蕾舞1年多dd，過埋暑假個表演老師就要佢升班，無得同佢一齊上堂啦！

而家$600/4堂,都可以接受,之前睇過pip就貴d,所以報左春天比佢試下囉~
遲d再大d就冇親子班上喇,而家要好好享受哩d親子課程,到佢自己一個上時,真係唔知佢學左咩架,不過又係佢學習同成長既一個階段,真"芧盾"~

我諗緊k1開始會比d咩佢學下,你地有冇諗會比咩野小朋友學呀?

natalielin

原文章由 jk923 於 08-6-21 21:02 發表

我會繼續比佢上芭蕾舞，因為老師話佢9月可以升班，今日好開心呀，因為之前有一堂學校開openday停左課，今日補堂要自己一個人上(我唔可以陪)，佢一開始要入課室時都有話要我陪，我無理佢，只係係咁話放學就黎湊佢，點知佢入到課室就 ...

穎穎好叻呀,kylie就冇咁叻喇,7月尾返ymca個pg冇得陪,唔知佢喊唔喊,同埋喊幾多日,我驚佢返左一日就唔肯返架,希望會順利啦~

natalielin

我而家都諗緊自己接送定搭校車好,請比比意見呀,thx!

我住深水步(聖方濟各英文小學)附近,我個女返下午班,仲有個21months既 妹妹,咁我想自己湊,可以同老師溝通多d,知亞女返學情況,如果搭校車,就方便d,咁落大雨唔怕湊住2b咁"論盡",同埋萬一細b病左,又要同佢走黎走去,同埋一來一回,細b既午睡,可能難就時間,咁點好呢?

natalielin

多謝各位媽咪既意見呀,我自己都覺得搭校車好d,間中去學校湊下家姐咪得囉~
不過daddy就想我自己湊,佢話可以同妹妹出下街,去公園or圖書館都好,佢叫我將妹妹既時間校到同家姐一樣既訓覺時間咪得囉,咁家姐返學,我就自己教妹妹,唉~都係佢決定啦,不過我會比佢睇下其他媽咪意見,等佢決定