08-09根德園K1

stliu

雙子媽媽,

哈, 你問起呢個問題, 我覺得KV真係好犀利, 佢唔單止訓練小朋友要獨立同埋有記性,  仲訓練埋家長添呀!
你有冇發覺, 老師通常只提家長 /學生一次, 跟住所有之後就跟住咁做? 好似帶圖書返學, 帶美勞袋... 佢唔會次次提...

party 果日應該係著便服!
我而家驚我仔禮拜五話要戴聖誕帽返學咋! 哈哈! 佢呢幾日, 都要響屋企戴住... 有朝早仲差D唔記得除, 戴埋出門口返學添呀!

原帖由 雙子媽媽 於 08-12-17 12:04 發表
想問吓星期五開party係唔係都係唔使著校服架?

stliu

雙子媽媽，

咁Ｃyrus都冇講錯咯. D女仔就可以著公主裙, 男仔真係唔知點著呢. 都係便服算...

All,

小朋友聖誕假期有咩做呀?我頭先同老公傾起, 話不如同阿仔去迪士尼(我地冇年票的), 又話不如去住一晚... 不過唔知而家咁遲book仲有冇位...
你地有咩活動呀? 我又粗身大細, 唔去得邊...

原帖由 雙子媽媽 於 08-12-17 13:33 發表
stliu,

有朝早仲差D唔記得除, 戴埋出門口返學添呀! 我Cyrus就相反, 佢好唔鍾意帶帽. 所以無論去麥記參加其他小朋友ge birthday party 定係X'mas party, 所贈送ge帽全部佢都唔肯帶.

其實我早幾日 ...

stliu

雙子媽媽,

你太客氣喇,同埋多謝你提醒我呀! 你真係抵錫!
我老公話去問下價先...

我都唔知去唔去得成呢, 而家咁"問". 其實去邊都冇所謂, 只係想同阿仔去玩.
我見K1C 12月25日原來又係去迪迪呢大草地gathering.
或者下次我地自己K1F都搞個迷你gathering, 人少少出下來, 易控制D... he...he...
同埋真係要入去大嶼山探下你地呢, 係講真架!

原帖由 雙子媽媽 於 08-12-17 14:31 發表
stliu,

X'mas 去disneyland會唔會好多人架? 妳粗身大細, 小心d好. 如果妳真係打算去, 妳book ge時候多口問吓佢酒店員工仲有無優惠(因為酒店員工11月入住有半價, 入廸士尼玩ge飛都係半價). 不果12月係high season 我 ...

stliu

fatbabyfat,

哈哈, 係我地兩個係度一唱一和, 要睇下雙子媽媽得唔得先.

原帖由 fatbabyfat 於 08-12-17 15:02 發表
stliu & 雙子媽媽,

如果真係入大嶼山探雙子媽媽, 我又去呀

stliu

雙子媽媽 ,

又好似係喎, 夏天可以去玩水...
咁不如留返暖天先來探你啦!

原帖由 雙子媽媽 於 08-12-17 15:11 發表
fatbabyfat & stliu,

如無意外, 紅假個幾日我都會stay係大嶼山. 不果冬天入去, 其實無咩野玩架bor . 如果妳地唔怕多人, 可以去大澳/天壇大x行吓ge.

stliu

雙子媽媽,

你有冇聽講/參加過愉景灣復活節有掘蛋活動?唔知佢下年仲有冇, 聽聞好full, 我想同晉晉報名, 如果有興趣, 到時一齊報名丫... 佢應該係2月倒報名囉... 就算報唔倒名, 掘蛋活動果幾日都有好多攤位, 好好玩的...

原帖由 雙子媽媽 於 08-12-17 15:26 發表
stliu,

好呀. 隨時歡迎.

stliu

All,

搞左一輪, 迪迪尼酒店full左, 我又忽發奇想不如去長龍動物園, 唔知去唔去得成... 或者最後邊度都唔去倒, 響屋企數手指!
其實都係見有長假期, 想同仔仔去下玩... 不過, 除左紅色假之外, 我自己又唔會請太多假(因為自己假少), 頂籠請多一天... 所以都唔知有乜好做...

stliu

wasyinyin,

係囉, 呢D情況就一D都唔似金融海嘯... 都係怪我地太遲plan啦. 不過, 我地次次都係咁...我問我老公, 佢又話諗下, 諗得來就到架喇!
嘩, 你老公好忙啊, 我公司可以放, 不過, 我要就同事, 同埋自己都冇乜假, 唔想一次放晒佢...


雙子媽媽,

長龍酒店我老公問過, 又話有. 但日子我地未firm實呀, 原先諗住21日去, 住一晚, 點知先醒起21日晚要去奶奶度造節... 所以睇下28日去唔去囉... 可能真係同你一齊數手指算了... 最衰我自己粗身大細, 如果唔係都可以同阿仔去下行山. 諗過入去南丫島, 但, 我又唔食得D乜野海鮮, 去來做乜! 唉, 真係難諗...

原帖由 wasyinyin 於 08-12-17 16:52 發表
stliu,

我朋友兩三星期前想book廸廸尼都好似無啦. 雖然話市道唔好. 仍然好快full.

其實如果長假去遠少少玩都好. 不過依家book, 好多可能都遲遲地. 我老公完全紅色外, 其他一日額外都唔放得.


...

stliu

雙子媽媽,

我都係咁諗呀. 話時話, 我呢家個肚都算大(週數計), 所以都唔係咁舒服囉.我諗緊跟住果5個月點算呀...
第一胎真係來去自如架... 唉...

原帖由 雙子媽媽 於 08-12-17 17:17 發表
stliu,

28號去, 29號返都ok呀. 趁依家個肚唔係好大, 快d去多d地方, 遲d個b大d, 妳想去玩仲難.

stliu

cocochiu,

聽落長龍真係幾好玩...

我第一胎時, 預產期係夏天,因為實在太熱, 所以冇戴過肚箍呀, 可能今次真係要買個戴下... 而家個肚已經咁大, 真係...   

原帖由 cocochiu 於 08-12-17 21:13 發表
stliu,

係呀,第二胎個肚真係会大得快d架(雖然我冇呢個经驗),但係我記得我個舊同事,有咗第二胎2months,但個肚就好似有咗4-5months咁,佢仲講笑係因為內面d器官鬆弛晒,所从先大得咁快.
会唔会快d戴肚cool会好d呀,至少 ...

stliu

rayvonne,

上次party我仔都有帶食物盒, 話係裝返D食物返屋企, 但我唔知佢最終有冇裝到.
今次佢都有提要帶食物盒.我都係照同佢執返上次D野,
書包, 空食物盒, 濕毛巾仔, 水杯.

我仔反而冇講耶穌基督喎, 不過我地有返教會,就算佢講可能我都唔為意係老師教, 會以為佢係響教會聽倒咋...

原帖由 rayvonne 於 08-12-18 11:38 發表
wasyinyin,

阿囝話要帶食物盒. But 我半信半疑. 因為上次萬聖節都無話要帶.

另外, 阿囝又無la la 講咩" 耶穌基督", 我估老師講有関聖誕故事. 你個小朋友有冇同你提及?

...

stliu

wasyinyin,

對於上大陸呢, 我老公同你老公好夾呀, 佢又係唔鍾意返大陸, 所以每次去旅行都唔會提議去大陸... 情願去東南亞...

原帖由 wasyinyin 於 08-12-18 11:45 發表
cocochiu and 雙子媽媽,

Thank you 你地d資料. 聽落都真係幾好玩. 我老公一向好抗拒返大陸. 不過話帶阿囝睇動物. 佢應該都ok掛.

stliu

CrystalSo,

希望你地玩得開心D... 記住帶D保暖衣物, 因為下星期香港會凍, 我估番禺會仲凍! 小心著涼!

好啊, 你到時返來話我知, 我地今個假期都係唔去住... 計劃有變!

原帖由 CrystalSo 於 08-12-18 23:58 發表
Dear Stilu
今個聖誕(25-27)去長隆動物園住祈福，去完會再匯報資料你知。

Ryan Mam

stliu

2個BB的媽媽,

真開心, 你地可以去動物園玩! 記住著多件衫呀,下週天氣明顯轉涼!

原帖由 2個BB的媽媽 於 08-12-19 12:26 發表
Ryan Mam,

我都係x'mas去長隆玩呀, 應該會26號去長隆動物園玩, 到時唔知會唔會撞到你呀?

其實我地之前都去過....小朋友好鍾意睇動物(特別係可以畏大象, 長頸鹿&monkey etc) 長隆真係幾好玩架
...

stliu

cocochiu,

多謝晒你的溫馨提示, 不過我怕凍, 所以今個聖誕都係唔去住了...

Crystal So & 2個BB的媽媽,
唔使咁客氣, 玩得開心D啦!

原帖由 cocochiu 於 08-12-20 09:21 發表
stliu, wasyinyin,

我相信,假期期間,長隆d香港人都会幾多下,而且房間都好乾淨,希望你哋嘅老公可以放心玩

不可不提,由酒店到動物园,須要坐一程短程車,可坐的士,mini bus.由zoo回程,如人多,可坐在园外等客嘅7人車,唔 ...

stliu

All,

我都祝大家聖誕快樂, 新年進步, 一家人開開心心!
小朋友精乖叻叻!

stliu

Hi all,

2009, 祝大家新年進步!
雖然我上星期五都有返工, 今日唔係09年第一個工作天, 不過個人仍然係非常holiday mood!

stliu

應該係沉左底呀, 因為呢排放假, 都有乜recitationi update .

原帖由 jjhh 於 09-1-6 13:46 發表
點解好似唔見o左  "2008/09 - K1 Songs & Recitation" 個topic既

stliu

All,

我見阿仔D字咭得返3張(1個禮拜), 咁下個禮拜教完, 19號果個禮拜係咪會做assessment呢?
一個學期係做幾多次assessment架?
哈哈, 不過我都冇乜點同佢溫習, 因為都冇乜時間... 唯有靠佢自己啦!  

stliu

wasyinyin,

咁你仔果班教得快D喎, 我仔果班每星期教3張字咭(一條),
今個星期教埋, 而家就淨返3張(一條), 我估係下星期會教埋.
真係唔知點同佢地溫架, 雖然D syllabus都寫得幾清楚, 但好似無從入手咁.


cacatam,
我見D字咭得返3 張, 就諗上學期係得返呢三張咋, 因為開學時老師係派左呢一叠.
assessment之前佢地做左一次, 但真係冇派返呀, 唔知遲D會唔會派, 定完全唔派呢.

原帖由 wasyinyin 於 09-1-9 10:42 發表
stliu,

我囝o個班教淨兩張字咭.

一學期唔知係唔係兩次assessment呢. 除咗字咭, 都唔知點溫. 所以都係靠佢地平時上堂吸收同打天才波.

話咁快又下學期喇.

...