小一考試想借個位呻下

carollam310

我女女9月會升上小一,讀小學係咪比幼稚園辛苦好多架?我睇完之後開始有D擔心,依家佢讀幼稚園我已經好緊張,呢個星期英文考oral,要讀本英文故事書,我要佢讀到好熟先比佢目訓.一早整醒佢再讀,幼稚園己經咁,上到小學咪死梗,依家讀書好似唔係淨係小朋友既事,連父母都要讀埋,隔離屋個媽咪話我知佢同個仔背書,要自己背左先架.因為佢好忙又要湊個細又要煮飯,冇可能儸住本書同佢背,唯有自己背左入腦先,等個仔背好就行埋去佢身邊背比佢聽.你話幾辛苦呢.做父母真係要好識控制自己情緒先得,呢個年代D小朋友郁D就走去自殺,真係唔打得唔鬧得架.我都唔識教.我以前細過邊有呢D野架,打下就去自殺我諗我死左好多次.