１Ａ向日葵班 ﹣﹣家長交流區

HappyMatthew

HI Toby 媽咪,

係呀! 佢一開始正式上課, 就唔係好習慣啦, 朝早咁早起身成日話好眼瞓, 早餐又話無謂口唔想食, 所以食小小o野就番學啦! 唯一好既係無話唔肯番校! 佢都幾鍾意班主任, 其實佢係上英文堂果時先會掛住媽咪  因為佢話老師講得好快, 佢唔識聽老師講咩! 所以 好想搵媽咪幫手囉!

不過, 佢話依家好好多啦! 因為坐佢隔離既同學都會幫佢, 其中一個係 YEUNG YANG.

YEUNG YANG 媽咪: 幫我多謝你囡囡呀! 唔該哂!    



,

原帖由 TszTo 於 08-9-10 19:48 發表
hi Cheuk Nam 媽咪

妳好！

仔仔話 cheuk Nam 日日都好掛住媽咪，日日都有喊 ，係唔係唔習慣呀，因為我仔仔 toby 好鐘意認朋友，都有行去安慰cheuk Nam 希望妳仔仔快D習慣啦！ ...

[ 本帖最後由 HappyMatthew 於 08-9-11 08:55 編輯 ]

HappyMatthew

time table 上 VA = Visual Arts. 星期三同星期五都有呀!

原帖由 goodbaby 於 08-9-11 10:13 發表
係咩, 星期五有visual  art o架咩? 我睇佢個timetable見唔到o既?  阿仔只係話我知要帶野, 但exactly 係幾時就講唔到我知... 唉.. 佢就係咁,  成日只係聽小小, 都唔專心o既...

如果係星期五, 我今晚返去就要準備一 ...

HappyMatthew

HI, 各位家長,

我今日問過英文老師, 佢話d卡下星期會派啦! 叫我唔洗擔心喎!  依家做住phonic 先!   

另外, d通告我都係今日先收到, 都係等星期二交!

原帖由 kenichi 於 08-9-12 22:53 發表
goodbaby,

我都未收到Ｄ咭喎，點解咁架，有Ｄ人有，又有Ｄ人無，真煩


你囝囝條腰仲有無痛呀？如果仲痛可能要睇醫生喇！

[ 本帖最後由 HappyMatthew 於 08-9-13 01:23 編輯 ]

HappyMatthew

e......, 我無問過阿仔喎! 我都唔係好清楚, 不過, 我自己諗如果要帶既, 應該會寫手冊通知, 所以我一直都無帶番學, 阿仔回來又無話帶漏野. 好似你講咁, 個書包已經好重啦! 可以唔帶就唔帶lu!

原帖由 kenichi 於 08-9-17 19:24 發表
我想問吓各位，知唔知嗰兩盒 “DSW Cards”同埋“綠色厚簿”需唔需要每日帶返學校呢？我問一仔佢就話唔知，老師無講，但係我聽其他班Ｄ家長講就話要，我都唔知比唔比佢帶好，因為而家個書包已經好重，再加多兩樣，好辛苦啊！雖然係搭校車 ...

HappyMatthew

我想問下, 你地小朋友有無將 VA 堂o既用具放係學校個 pigeon-hole 到呀? 我叫阿仔放, 佢最後都係帶番屋企, 話無得放?! 都唔知佢攪咩!

[ 本帖最後由 HappyMatthew 於 08-9-18 09:00 編輯 ]

HappyMatthew

Hi, goodbaby,
唔好咁擔心啦! 過度活躍係好嚴重o既! 佢可以定定地坐向課室, 就應該唔係o既! 佢可能係太過頑皮罷! 唯有你比多d時間陪下佢, 了解佢多d, 同佢講多d傾多d咩係岩, 咩係唔岩既事,  也可以帶佢去同多d小朋友一齊玩, 當然你要睇住佢, 做得好就讚多d, 做得唔好, 唔好鬧, 同話佢知, 你咁做會弄傷小朋友, 佢會痛, 會唔開心, 而且會無人同你玩等等... ...有時候, 家中只得一個小朋友的, 真係會覺得好悶, 好想同朋友玩, 好想另人注意, 但可能又唔係咁識得表達, 樣樣事都以自己為中心, 不會理人感受. 所以, 真係要同小朋友講多d先得. 尤其 out of control既時候, 等佢冷靜下, 再同佢講! 不過只是我的小小愚見而已!

原帖由 goodbaby 於 08-9-18 14:48 發表
各位家長,

我要同你地同十萬聲對唔住, 我今日收到ms poon電話, 佢話我個仔o係呢幾日打咗幾個小朋友, 有o的小朋友仲cry tim...

我都知道我遲早會有一日收到電話投訴, 但諗都諗唔到咁快...

其實我都唔知我個仔係 ...

HappyMatthew

我幫仔仔報左小小童軍, 你地有無人都參加左呀! 不過都唔知到時抽唔抽到?!

原帖由 yinyin527 於 08-9-18 15:28 發表

請問你們填了課外活動?

HappyMatthew

goodbaby,

其實我覺得你應該慢慢分析比佢知, 打 2個 同 打 11個 既分別其實都係錯! 要佢知道打人就係唔岩, 唔係話打1個 就岩d! 打10個 就錯d咁! 唔好著重向信邊個方面.

再開開心心同阿仔一齊傾下向呢個星期向學校發生既事(千其唔好一開口就問佢向學校有無打人等類似既說話), 從中了解下佢點解會打人係因為想叫人玩所以打人? 定同學做左d自己覺得好唔滿意既事, 好怒去打人? 同學打佢先? 定有時叫人果時太大力, 人地以為佢打人?(當然要比佢自己講, 唔好自己假設咁多答案啦!) 了解左件事, 再同佢玩下扮演遊戲, 等佢感受下同學既感受. 再話佢知預到問題時正確既處理方法啦!

試下啦! 我覺得扮演遊戲真係好有效o架! 我好多時都同個仔玩架!  

原帖由 goodbaby 於 08-9-19 10:18 發表
Kenchi,

好多謝你 (你地)對我個仔o既包容, 我噚日真係好唔開心, 唔知點解我個仔會咁..

我返到屋企問佢, 佢有admit到佢打過兩個同學仔, 但係, 佢就好激動咁同我講 “班裹面有11個同學話比我打過, 但我真係冇呀,  ...

HappyMatthew

goodbaby,

唔好諗咁多啦! 開心d啦! 比d時間你仔仔啦! 佢一定會聽你教, 愈來愈進步o既!   

原帖由 goodbaby 於 08-9-19 14:36 發表
Happy Matthew,


我同佢講o既時候, 當然話佢知無論點都好, 佢打過人都係唔o岩啦... 打人又好, touch 人都好, comment人又好, 乜都係錯, 因為佢係冇權咁做, 又會hurt到人... 不過我只不過心裡諗點解個個都話比佢打啫 ...

HappyMatthew

大家覺唔覺得今日好似好多種功課咁! (不過有d已經向學校做左), 唔知第日功課會唔會仲多呢?! 星期一默書, 我地開始溫書啦!! 不過阿仔又唔係好願溫書(仲好唔專心tim)   , 有時真係好勞氣架! 你地小朋友會唔會架? 或者有無好方法同仔仔溫習呢?

大家一齊努力呀!

HappyMatthew

請問你地小朋友有無話 MI 堂已經定左上咩啦! 阿仔話佢MI堂要去上奧林匹克數學. 跟住佢又叫我睇手冊, 話星期二 MI堂 改做 GS  , 要帶GS書 , 請問你們的小朋友有無講得清楚D呢?!

另外, 星期一上既綜藝課程阿仔話老師仲未講?! 你們是嗎??

HappyMatthew

Hi Kenichi,
今日問過老師, 原來阿仔誤會左呀! MI 堂佢要去gs個課室, 所以老師叫佢地寫gs, 唔係改做 GS堂 . GS書就每堂GS堂先要帶!!

今日阿仔Arts Education堂去上小型網球啦! 應該都係CONFIRM 左啦!!      

原帖由 kenichi 於 08-9-20 23:17 發表
一仔話比我知星期二MI堂要去３０５課室上“攝影“（因為佢MI選咗攝影），佢無講話改上GS堂喎，又無話要帶常識書。唔通一仔搞錯咗。


至於星期一嘅Arts Education, 一仔話已經上緊什麼中國藝術（佢開學時選的），我相信已經定 ...

HappyMatthew

係呀! 阿仔都係咁講! 佢話part a 默10個, part b 默3句, 最尾問佢地鍾意咩野, 然後寫落去!! (不過阿仔英文麻麻地, 唔知有無又攪錯左!!) 你地係咪都係咁講呀??

原帖由 kenichi 於 08-9-22 17:52 發表
一仔都係咁講，老師默咗Ｄ範圍以外嘅生字，我問佢就實話識啦，派返黎先知。

HappyMatthew

HI, goodbaby,

座談會及茶聚我都會去呀!

關於今日功課, 我都有D唔明,  今日張拼工寫5次單韻母, 後面阿仔分左1~4項, 第一項寫左 a o既4聲調, 跟住第二~四項都無寫, 係咪寫 o, e, i o既4聲調呢? 每項寫2行呢? 我問阿仔, 佢都唔知, 如果係咁, u,u: 都無寫喎! 有無人知呢??

另外, 今日阿仔話老師講每日都帶dsw card番學, 唔知你小朋友有無講呢?!

原帖由 goodbaby 於 08-9-25 17:47 發表
kenichi,

咁你會唔會去呀?

仲有邊個家長會去呀?

係呀, 我想問, 今日手冊寫o既係咩意思?, 我問阿仔, 佢又話唔係功課, 都唔知乜黎, 我個仔真係唔用心去堂架...:-

背默單韻母五次加聲調四次
...

HappyMatthew

我仔仔平時食野都沒咩要求, 頭果一星期, 話d午餐好好食(可能我平時煮果d仲難食)  但後尾就開始話麻麻地但都算ok啦! 不過, 其中有一次話超難食, 話d汁好臭(沙嗲內絲炒麵), 我今次都會同佢定飯, 多數同佢選扒類飯盒同炒麵, 因為佢話好食, 就肯定唔會再選沙嗲味既野食啦!   

原帖由 kenichi 於 08-9-26 12:59 發表
係呢，你地Ｄ囝囡有無同你地講過學校Ｄ午餐如何呀？我次次問親一仔佢都話好難食，其實佢食飯都無乜要求，連佢都叫好難食，都可想而知，有幾次佢話Ｄ餸太難食所以淨係食白飯，好慘啊！聽佢講完都好想送飯比佢，但係一要送飯的話，我Ｄ時間就 ...

HappyMatthew

各位家長,
請問中文筆記本今日寫左d咩野呢?? 因為阿仔果本原本寫左野, 後尾全部擦哂! 佢話寫錯左, 但又唔夠時間寫番, 請問有無好心媽媽提供資料. 謝謝!

HappyMatthew

kenichi ,

係一本粉紅色應該用來寫拼音o既筆記簿 (subject寫住筆記本) , 9月25日 寫左6個單韻母 a o e i u u:, 聲調 a u e i, 9月26日 就唔知應該要寫d咩啦! 一仔沒有嗎??  

原帖由 kenichi 於 08-9-26 20:32 發表


ＨappyMatthew,

我想問吓乜野係中文筆記本，我唔覺一仔有筆記喎。

HappyMatthew

Yangma,
唔該哂你呀! 不過我都真係攪唔掂d拼音 !

9/25 阿仔寫的同你囡囡寫的有d唔同, 唔知係咪阿仔寫錯, 阿仔寫的次序是 āŭ(有:的)è i 而你囡囡寫(ŭèā i), 請問有無人知這四個聲調是有特別意思的嗎?

9/26 寫果d真係好怪, 好似重覆講星期一要默既韻母, 係咪想叫佢地溫習多d韻母呢??

原帖由 yangma 於 08-9-26 22:34 發表
我將阿陽寫嘅嘢係呢處寫番出來，睇下有冇人明。講真係真係唔明。

九月二十五日

6個單音

a o e

i u ü

聲調

ŭèā i(呢個i 係標第一聲，但我係ms word搵唔到漢語拼音)

九月二十六日

一  ū ŭ à b ...

[ 本帖最後由 HappyMatthew 於 08-9-27 00:42 編輯 ]

HappyMatthew

kenichi,

我諗明天便服日, 你著番sporty d 就ok啦, 我地明天都是運動堂, 學校話有貼紙就等同著左學服嘛! 唔需要小朋友又要帶多d野番學, 同埋小學有無更衣室呢?!  如向洗手間換, 小朋友未必會handle 倒喎, d 衫跌落地下仲可以"汁" 番, 萬一跌落.......   

你不如打去校務處問一問, 我覺得唔須要特別去著番學校的運動服上課後活動o既!

HappyMatthew

我諗要誠徵一個會每日都自己做飯及送飯o既媽媽, 而又願意煮多d, 直程媽媽自己做飯商收錢, 每個 HKD15.5, 哈哈!!! 唔知呢度有無願意的媽媽呢!!!

P.S. 我呢個媽媽肯定就唔得啦! 我同阿仔講, 你想今個月媽媽煮比你定叫飯, 阿仔話梗係叫飯啦! 仲要水果tim.  唉! 我D煮食技巧真係...... 我之前都買定左個新飯盒, 唔知有無幾會用呢!

原帖由 yangma 於 08-9-28 00:48 發表
有冇得諗搞個集體送飯隊，即係一個家長每個星期負責送1日飯，嗰一日同時送俾團隊入面每一個小朋友，咁就唔使每個人都要日日送。

只係真正運作起上來有d難度，例如，我負責星期一，我會整5個菜色一模一樣嘅飯壼，中午叫姐姐送個去， ...