油塘基法嘉獎站- Part 4

kitty

雪文,
係呀,仲有呂郭都好辛苦

kitty

雪文,
等錯人真係好好笑喎

kitty

早晨,
仲以為今日唔洗返學添

kitty

真係好有道理,特別用於情人!

原帖由 雪文 於 10-9-21 10:41 發表
Sara & Zoe

係呀, 我真係好開心, 因為佢總於當我係一家人, 好恨有咁.

昨日睇紫微斗數, 有一句講, 如果你同父母有緣, 你唔使做任何嘢, 只是你係佢哋的仔女, 佢哋就會好愛你.

如果你哋同父母無緣, 咁你好多嘢, 父母 ...

kitty

冇呀,尋日訓左好多

原帖由 雪文 於 10-9-21 09:27 發表
早 !

天氣涼涼哋, kitty你無再瞓返咩 ?

kitty

仲好啦,出面食一定貴又要食套餐人又多

原帖由 雪文 於 10-9-21 09:42 發表
話聲你哋听, 昨晚我老豆開聲叫我食飯呀, 我以為我听錯.  

而家我話不如齊齊來我屋企啦, 佢哋煮, 反正我屋企咩送的有, 買送錢佢哋都慳返幾百銀.

kitty

佢有4班英文班,一班中文班,
學校緊係想KEEP住個BAND啦
梁式芝都係呀,尋日先又見到個媽咪,佢地就全部都係英文班,,開頭一定辛苦,因為我地是中文小學上去,所有野特然變哂英文,做一題數都要查字型,Geography,history...科科都係咁...成日背書...
所以上次開家長會話學校今年會加純英數比佢地做,以前都有,不過是中英對照,學生成日只睇中文來做,好似我女咁 同埋老師叫我地不要買補充了,因為學校都好多

原帖由 雪文 於 10-9-21 10:47 發表
點解呢 ?  是否學校太緊張, 所以會程度set 高D, 定係收的學生水平未夠.

kitty

你女而家好番未?有冇返學?

原帖由 雪文 於 10-9-21 10:49 發表
我好眼瞓呀, 半夜起好多次摸下亞囡有無發燒

kitty

真係咩野都有,你個雪櫃好大個

原帖由 雪文 於 10-9-21 10:58 發表
我屋企真係咩都有, 有雞, 可白切或炆栗子, 我發咗海參, 可炆腩肉, 冬菇, 蠔x.   有骨頭可煲雞腳花生木瓜湯
再買斤蝦或買條魚, 煮個青菜, 一家人都就掂啦.

仲有肉碎可以釀豆腐或苦瓜, 不過我媽應該唔會咁有心機整呢D ...

kitty

仲有,我識左幾個不同小學家長都係咁揀,
1呂郭
2.基孝

有人就入左呂郭,有人就入左基孝
原本我都打算好似上面咁揀,我女唔肯同埋真係幾遠,
另一個羅陳話讀得好開心

kitty

中學生好多都自己攪掂 我地做家長只有附助,唔同小學,所以唔洗擔心!
我只是覺得做家長都未必識哂咁多科,就算識都唔記得,好似果日我女問我西史耶穌公元幾多年出世, 我叫佢自己查,
我見補習舍中一補三日個半鐘$1200

原帖由 雪文 於 10-9-21 11:11 發表
我睇咗又好大壓力, 你哋話如果亞媽唔識英文, 個小朋友會否上到英中就成績大退步.

kitty

亞妹睇下佢鐘意邊間先囉,同埋睇下佢的成績先
而家佢都成日打機,睇電視
只不過老師比好多野佢地做,所以佢先可以KEEP住,

基孝係我女填架,佢最尾劃左我揀的次序,佢填上 咁是但啦,近有近好,可以睇到佢,加上佢成日唔夠訓,而家可以訓晏D

原帖由 雪文 於 10-9-21 11:13 發表
睇來你的選擇係正确的.  咁亞妹點呀, 你要諗啦, 有開放日就叫埋我一齊去.

kitty

http://hk.news.yahoo.com/article/100921/18/kbvc.html

我地果度好雜,好煩 成日成班1X令仔令妹行來行去,早幾日我同大女放學上緊去,我女行前我幾步,我己見D令仔望住佢,之後見我係度就冇出聲,到我地上左去,我聽到成班令仔大叫,我望下面啦,原來佢地幾個撩個中學生,睇樣中二,三度啦 果時都係5點咋,
啟田一到夜晚又勁多人打"等" 上次先又打架,我都擔心我仔,佢地又差不多大

kitty

因為我心軟 先比佢地打,佢地又話做哂野輕鬆下啦..又要睇埋夜晚果套咩公主先訓 大女由細到大都好快手,細女就慢d,由其做數學勁慢,尋日又叫我check下,丫,我咁辛苦check完都唔信我,走去叫家姐幫佢再check ,因為佢好驚陳老師...家姐就叫亞妹幫佢默中文,快快手一齊攪掂一齊叫我開電視比佢地睇!我就去煮飯或者訓覺,沖涼...
大女今日先又默書,中英一齊默
不過我唔多鐘意佢學校冇家政囉,唔知下學期有冇

原帖由 雪文 於 10-9-21 11:53 發表
其實我好羡慕你哋仲有時間打機.

我仔真係好拖拖拉拉, D時間就咁物都無晒.
搞到我又好內疚咁, 佢無咩電視時間, 電腦時間.

kitty

而家都失落緊啦
係呀,係功課輔導班

原帖由 雪文 於 10-9-21 11:55 發表
希望係啦, 但當佢哋咩都唔需要你時, 包括生活上, 我諗做亞媽又會有失落.

補習社咁又唔貴, 但是否又係我哋個D功課鋪導班

kitty

我地已經ko左一盒聖安娜了,
我c6好鐘意食月餅 又鐘意食黃,岩哂,我地全家都唔鐘意食黃,一定整走佢

原帖由 雪文 於 10-9-21 11:58 發表
你哋開始食月餅未呀 ?  我昨日食咗1/4大班冰皮, 今朝食咗個1/4奇華四黃.

公司我又買咗盒榮華四喜, 有我鐘意的五仁

kitty

因為我地樓下有網吧,d 令仔爭上位
之前報紙都有講,話領會匯好衰,為左錢唔理市民死活租左個場比人開網吧...都有議員出面嘈過,話租約己簽,冇計喎 叫家長看緊d出入,而警方又加強巡邏咁,我見商場門口貼左張告示,夜晚12pm至天光6點出入要寫身份証...但我覺得呢d措施都冇咩用,d police一走,佢地又返轉頭,另一間賣野飲小食入面都有幾部電腦,之前好多小童去玩,

原帖由 雪文 於 10-9-21 12:47 發表
真係好得人 , 點解會咁

kitty

聖安娜好似冇上年美心咁好食,我都未試其他!

原帖由 雪文 於 10-9-21 12:49 發表
我爸都係呀, 好鐘意食月餅. 我媽又孤寒, 收埋D月餅唔俾佢食, 我話要睇有效日期, 唔好收到發毛.

今日我都同我爸講, 你一日唔好食咁多, 最多 1/4, 因月餅膽固醇高.  

聖安娜OK唔OK呀 ?  

...

kitty

早晨,
你地今日公司有冇得放早呀?

kitty

我覺得小五睇下係咩功課,如果只是抄寫唔洗點諗咪快囉(不過都好小只是做抄寫),我女好多英作,又要搵同義詞...查字典..中作,剪報,圖書報告...上網功課....就耐D ,由其佢數學好慢,所以佢都做好耐,上網搵野又要打字搵(佢中文打字又唔係叻),搵完又要整理,又要print出黎..我部電腦又唔係人地果d office軟件果d,好麻煩!...有時又畫下畫...我覺得真係要佢地好識分配囉,睇下做邊樣先,邊樣後...我地德田果間補習舍就抄寫唔洗諗果d放到最後比小朋友做,因為呢d佢地唔洗人教都可以完成,尋日果個女仔放成8點半,已經超時成個幾鐘,仲有抄寫先帶回家做,好多家長企在門口等放..我覺得呢間幾有責任心.

原帖由 雪文 於 10-9-22 10:21 發表
Kitty, 你認為我哋學校的小五生的功課, 應該給多少時間去完成 ?

呢個問題, 我諗要問下老師.