農圃道官小家長請進

召藥師

原文章由 乖乖 於 08-7-21 03:23 PM 發表


CW-KK,

我囝冇份表演呀, 只係我曾經幫過下手做義ヱ家長, 所以學校比左張飛我參与,  本來要返ヱ去唔到,但囝囝ヌ好希望睇下d 師兄/師姐行畢業礼喎 (而學校又肯比多張飛我個囝), 所以咪請假去 law ,但係我覺 ...

我冇份去添，可能我冇去圖書館做義工一排(因為包書膠用哂)，而且入場票有限。

召藥師

原文章由 CW-KK 於 08-7-16 10:35 AM 發表

HI~~~adwin2000:

抱歉遲覆你,我女派d唔好,所以去左基道叩門,已我所知如果全級排位在50.60名前都好彩可以入到英中既

容我俾小小意見妳嗎?
如果仲有選擇，最好唔好選基道，因為我已經唔係第一次見佢地d學生當街食煙同埋男男女女攬埋一齊，而且d校服著到走哂樣，一d都唔似個學生。我由個仔讀幼稚園到而家個女讀幼稚園，依幾年日日都會由土瓜灣行到紅磡接送小朋友，我真係見唔少，所以印象深刻。

召藥師

原文章由 HinHinBaby 於 08-7-19 12:25 PM 發表
各位家長請幫忙回應
囝囝09入小一,心儀,因爸爸是校友,囝囝是首名子女,即15分,首輪自選機會大嗎?聽聞轉左位金校長,是那年轉?轉變後,學校/學生/老師又如何?該校的質素如何?功課多少?程度如何?校風怎樣?有沒有校車到將 ...

我個仔同乖乖一樣(小一升小二)，我自己係校友，第一輪就入左，所以妳囝囝選農圃道，中選機會好高。

我好滿意金校長，佢ge理念同處事方式都係我好欣賞，只係唔滿意而家普遍學生質素差左(家教問題)，同埋整過小學ge中國語文程度比我細個時深左足足一年有多，我個仔語文能力發展又唔算好好，追得幾辛苦。

另外，我個仔到結業前都一直俾人蝦，班中有幾個問題學生，我自己都親眼見識過(俾人叫王八蛋，出位搗亂，去課室接阿仔又睇到課室滿地垃圾)。我個仔本身唔多專注，俾d曳同學舉動吸引住，影響上堂學習，好無奈。

好在，阿仔今年有位非常好的班主任(雖然一開始轉了兩位班主住有點無所適從)，好照顧佢，又會打電話同我及我老公講阿仔返學遇到的問題。佢班主任怕佢小息俾人蝦，特登當值時留意多d阿仔，到而家阿仔終於開始識得保護自己多d喇，令我覺得安慰，真係好感謝洪老師。

[ 本文章最後由 召藥師 於 08-7-23 03:19 編輯 ]

召藥師

原文章由 乖乖 於 08-7-24 02:03 PM 發表


召藥師,

班主任真係好重要嫁, 恭喜你係小一就遇到一位好嘅班主任, 講開又講吖, 其實可以對住一位有多年教學經驗嘅老師固然之好, 但其實一位新上任嘅老師都有好多好處, 就係做事有衝勁,有熱誠, 肯博, 所以凡事真係 ...

弊在d叻仔叻女又冇阿仔份呢

召藥師

原文章由 HinHinBaby 於 08-7-26 10:08 AM 發表
乖乖 ,召藥師,
多謝兩位,其實依家D細路真的很難教,個個都係金菠蘿,我都係得一個仔,日間只得囝囝同外傭,所以說話五音不全,而且又唔識同小朋友溝通,去到公園都自然一個人玩,有時有小朋友過來同佢玩,佢都唔出聲,唔敢玩, ...

問題就係可能平時少人同佢溝通，外傭有幾多真係會花時間係小主人身上丫?我見唔少公園個d外傭就知。

我知妳同老公要返工，放工後都好累，不過除左睇功課外，同佢玩同佢溝通都好重要。說話能力差，即思路同語文組織都會唔掂，到上小一時真係會好有影響，因為小一中文下學期進度好快，又要作句，又有聆聽同口試，而家要快快train喇!

小朋友總有個時段反叛，一定要有耐性同佢講道理，如果佢做錯事，不妨父母是但一個做惡個位，另一個做善良d個位，開導佢多d，要教佢表達自己，父母要耐心聽同引導佢講出黎，咁就會有改善。

召藥師

原文章由 fan5354 於 08-7-27 04:03 PM 發表
各位農圃道家長好,我囝囝是08年9月後補生入讀農圃道小一的,因為無開家長會,有些事想問問大家的?請問是否要帶有小朋友名的八達通返學的呢?是有什麼用途的?小息時間學生是否要帶食品盒落操場的?可否提供一些資料你們是 ...

八達通係用黎返學係門口點名用，新生開學後會有通告或老師會提幾時帶(到時有通告講要收錢)。八達通千祈唔好有錢，否則小朋友就算乖自己唔用來doo野飲都有機會俾同學搶黎doo。

平時有小息，不過唔駛帶太多野食(因為再上多兩堂就lunch time，我覺得小息時間安排唔多好)，用小膠盒入住就得，再用個小環保袋入埋一枝水就得。

召藥師

原文章由 fan5354 於 08-7-30 11:34 PM 發表
各位家長,請問新書上可否貼上有公仔的Lable的學生名的呢?你們是怎樣寫上姓名和班別的呢?而粉彩筆有否用個靚靚袋袋好呢?

我只係就咁用原子筆寫名咋。
另外視藝(即係以前美勞)只要用個拉鍊袋帶木顏色筆咋，膠水剪刀同粉彩學校有(粉彩已包視藝雜項收費內)。