農圃道官小家長請進

召藥師

原文章由 hlw2001 於 07-9-14 09:34 AM 硐表



多謝召藥師幫我通傳.  

乖乖, 真係好抱歉, 囡囡因為發燒要請病假, 今日見唔到面,  又通知唔到你, 不如我們交換電話, 方便聯絡吧! Please check pm.

我問囡囡點解無端端會發燒, 佢話集隊時好熱 (佢本身好大汗的) ...

如果妳囡囡大汗，真係要吩咐佢要勤抹汗，濕左身入冷氣室真係好易凍病，仲有冷氣房空氣唔流通，一個病時好似傳俾第二個，我個仔唔算大汗，不過佢冇老師提佢飲水時就可以飲好少，加上成日係課室又凍又乾，佢都差d感冒，而家久不久都流下鼻水，我唯有要佢訓多d同飲多d暖水。

仲有一個問題，阿仔話佢地個層冇廁所，淨係得小息時去操場個廁所。佢琴日放學同我講好急，我問佢點解唔係學校去，佢話學校操場個廁所唔可以成日去，只可以小息去，佢上堂時內急想去，問老師(我唔記得係邊位老師)時老師唔俾佢落去，而且老師問佢識唔識去其他廁所，阿仔話唔知點去，老師就叫佢唔好去廁所，搞到佢要死忍。

召藥師

原文章由 112868 於 07-9-14 11:10 AM 硐表


今朝係鐵欄到傾緊有4.5個人,其中一個係同乖乖其餘係我d朋友,我哋大概企係1B課室鐵欄果到 .

希望星期一見到你地啦!

咁我可能見到妳地喇!我記得係有幾位後生媽咪係度傾緊，我淨係記得有位眼大大、頭髮長過肩ge媽咪。

[ 本文章最後由 召藥師 於 07-9-14 11:39 編輯 ]

召藥師

原文章由 乖乖 於 07-9-14 11:11 PM 硐表
112868

今日功課 -  我的小詞典, 囝囝寫了7個詞於簿內 (雞的配詞), 但每個詞均只寫了一次, 你知唔知係咪寫一次就夠啦? 我睇番上次山的配詞, 都只係寫一次ge, 但上次係囝囝好肯定講寫一次就夠, 而今次佢就話唔知, so ...

妳地囝囡咁好要學配詞喇?我個仔只係寫左家禽咋(雞鴨鵝個d)。

同埋妳地囝囡個班時間表有冇常識堂同電腦堂編埋一齊?我阿仔個班有咁ge情況，唔知帶邊本書，最後要帶哂。

[ 本文章最後由 召藥師 於 07-9-14 23:46 編輯 ]

召藥師

原文章由 乖乖 於 07-9-14 11:56 PM 硐表


有呀, 係星期四常識/電腦,我都比囝囝帶晒, 仲有各料科ge作業都帶埋 , so 星期四書包係最重...... 係呢, 9/28 家長會你去嗎?  我會去, 但要同公司講果日早d走, 因我正常係放6點ge.... ...

我會去架!
唉~我唔係好明學校做乜要佢地買files，又唔係平，係唔係靚(好易掰爛)，仲要咁多個(又要帶哂番學?!)，我一早係教協買左d靚野又可以摺埋ge，而家變左冇用。點解唔整d好少少，一係一個入面可以細分幾科，改完派左返屋企就家長幫佢地再分開存好咪得lo，功課紙唔係科科每日都一定有，一個硬淨ge file日日用咪好lo。

召藥師

原文章由 乖乖 於 07-9-15 12:45 AM 硐表


我好似冇見過d files wor.....唔通班主任 keep 起晒??

可能老師同佢地keep起左，d files有好幾隻色黎分唔同科，不過好薄好軟(加印校徽)。

召藥師

原文章由 乖乖 於 07-9-15 11:31 AM 硐表


ic.....可能係老師度, 我真係冇見過......

係呢，Friday ge 全方位學習, 你囝囝入左邊 group 呢，我個仔入咗英語呀 .....

一樣英詩集誦。我其實一早想佢入依樣，不過原來有電腦同節奏樂，梗係想佢入節奏樂啦!而家定左冇計。

召藥師

原文章由 Siuchoi 於 07-9-15 11:51 PM 硐表
請問你們有否讓小孩參加興趣班? 我個女係1C班, 有冇1C家長?

暫時蒲頭ge1年班家長得1b同1d咋!歡迎妳加入!!
我就冇俾個仔參加興趣班，因為怕佢太累應付唔到，同埋同出面比都唔算平得去邊，睇吓下學學期阿仔適應成點先再決定。

召藥師

原文章由 Siuchoi 於 07-9-16 12:39 AM 硐表
唔緊要啦~ 不過我就比我個女學左弦樂團和體操班, 因為我覺得, 小一生活尚算輕鬆, 反而是參加興趣班的好時机, 上了高年班後, 就真係未必有時間了~

我覺得女仔早熟d叻d，我個仔係細仔(9月生日)，語言發展都比我個女慢好多(同齡計)，仲要佢俾以前美雅train到佢由左撇子變右手寫字，到而家都寫得勁慢，係屋企做抄寫功課都花好多時間(加埋佢專注力低要人睇實)，所以我唔打算俾佢另外學野住，係都自己教左佢先(我老公整機同寫program可以教佢電腦，我就可以教佢彈琴；阿公阿婆教唱粵曲；阿爺教拉二胡、阿'女麻'教種菜、二叔教抬拳、三叔教打鼓)。

召藥師

原文章由 Siuchoi 於 07-9-16 01:05 AM 硐表
好啊~ 可否請一些1C & 3B的家長來一起分享?  很高興認識你們~

clymama ge 囡囡都係3年班喎!不過唔知係唔係3B。

召藥師

原文章由 乖乖 於 07-9-17 10:51 AM 硐表


112868

今朝你咗邊呀? 見唔到你ge!!  我地相認咗啦.....見到召藥師 & hlw2001，後尾召藥師離開之後，我同 hlw2001 仲相認埋 clymama 添呀 ........就係唔見你囉..... ...

咁開心?!妳地又點相認架?唔通係clymama去認妳地?

係lo，今日未見到112868，見埋唔止一個墟。

召藥師

原文章由 hlw2001 於 07-9-17 11:30 AM 硐表



嘩! 你個家族果然係人強馬壯, 仲係各有所長, 你囝囝真幸福!

其實你囝囝由左撇子訓練到可以用右手寫字, 真係要有好大恆心和決心, 唔係個個可以做得到ga. 佢真係好叻仔, 可以克服到呢個困難!!! ...

我個仔冇野叻。講真，真係冇樣出色，不過唯獨佢好肯聽話，唔會亂發脾氣，我叫佢做一唔會做二(最多神遊)。佢天資唔聰敏，家族個個都有強項佢都學唔到，但求佢健健康康，學業中上就偷笑lo(特別係語文科，寫字真係成日激到我彈起)。

召藥師

原文章由 clymama 於 07-9-17 01:08 PM 硐表


最初又見唔到你, 我只係對一位長髮靚媽有印象, 咁我咪返去揾我嘅〝朋友仔〞囉！ 最後乖乖和HLW2001走個陣先見到佢地, 咪胆粗粗走埋去認下囉！好彩冇錯, 唔係就真面懵啦！ ...

哈哈!我星期五個日見到個位靚媽就係乖乖呀!clymama妳果然眼光獨到!

係lo，我今日見唔到妳，所以只同佢地兩位相認(妳囡囡真係好似妳，下巴尖尖白裡透紅成個小美人)。

召藥師

原文章由 乖乖 於 07-9-17 11:03 PM 硐表



hehe....我見因應學校而選定訂報日期，我仲以為係學校必讀刊物添.....其實張通告上星期五先收，見回條寫需於星期三交回，仲以為係後日交，頭先睇真d先見係12号即上星期三要交，但我明明係星期五收ga, 唔通我睇漏左？ 仲有, ...

我都唔打算訂，一來佢自己識字唔多又冇心機睇咁多字，佢平時見我上網睇新聞都會問下我，我就同佢讀下個標題；二來我阿爸教書ge，一早已訂左，唔駛double。

我諗唔訂唔駛交0瓜。

另外妳地會唔會捐款?我諗住象徵式十多二十左右。

召藥師

原文章由 112868 於 07-9-18 11:36 PM 硐表


有呀,不過隔離兩班都有lee個學期嘅默書范圍,都唔知點解我地班仲未有.

今日派嘅全方位學習通告都係我朋友打去問班主任先派咋,我朋友問班主任 點解我地班仲未派通告,佢話因為太忙所以忙記咗.我想如果唔打去問,佢已 ...

嘩~
我阿仔個班今日先有黎緊個次ge英文默書範圍(penmanship)，乜中文同英文咁快就有哂上學期範圍?

另外佢地都冇全方位學習通告，係個別班有定係全級都係一樣ge呢?似乎某d一年級老師冇乜教一年級ge經驗，4班都各自為政，冇得互相幫助，搞到要我地家長私下交流，睇怕9月28日都要出聲先得。

召藥師

原文章由 乖乖 於 07-9-19 04:51 PM 硐表


咁 D班下星期開始中、英默書未呀？

我見英文penmanship練字係默書範圍，不過又冇寫明幾時默；中默直頭冇聲氣，如果下星期兩樣都有而又唔知幾時默就弊喇，日日都要溫實唔得閒。

召藥師

原文章由 112868 於 07-9-20 09:50 AM 硐表
召藥師

今朝你 係唔係同乖乖傾緊呀?係唔係短頭髮果位呀?

唔係呀!我依幾日都唔夠訓，我老公同阿仔返學架!我d頭髮勁長架。

召藥師

原文章由 乖乖 於 07-9-20 09:35 PM 硐表


我地 B班中默範圍如下：
高效識字1,2,3課內容.....
1.  填充
2. 相反詞
3. 左右加字法
4.  山的配詞
以上係囝囝抄係家課冊度,不過大家参考下好啦, 可能每班都有唔同ga...........
你地英默又默乜野呢，講黎參考下..... ...

English dictation is so simple, my son has learnt before, but already forgets how to spell......

I love my family.
I love my father.
I love my mother.
I love my brother.
I love my sister.
I love my grandpa.
I love my grandma.

召藥師

原文章由 clymama 於 07-9-20 03:05 PM 硐表
Hi, 各位：

大家嘅宝貝適應得好嗎？我亞女今日留校上學藝班, 所以又得開上BK八吓啦！
見到你地有些疑問, 但又無答案。如果有問題但又不需即日解決的, 可以利用"家課冊'內 "通知事項" 一欄(即家長簽名上面), 唔夠位可 ...

唔怪之得唔見妳啦!
我今晚都利用左佢黎問老師野喇!

召藥師

原文章由 112868 於 07-9-20 11:33 AM 硐表


哦!sorry認 錯人添,希望下次有緣見到你啦!

今日又冇得同妳相認，因為我老公返左去6299屋企幫手做野，今日我媽咪個賓賓送阿仔返學。原本我想自己送，因為今日係佢生日，不過阿女又唔肯起身，留佢一個係屋企又唔得。


我最近發現，阿仔又唔少同學都幾'口臭'，唔係生理上，而係經常教阿仔唱d改版不文歌，而且又開口埋口講'打死你'等冇禮貌字眼。昨日阿仔見有位男同學對hlw2001囡囡冇禮貌，阿仔又唔識得勸告小朋友，竟然同小朋友講叫佢走，當然人地又回敬佢叫佢唔好係依度讀書啦!雖然佢自細都唔會有幾何聽到依d說話，更加未曾講過依d野，不過上左小學少左老師看管時，學生平時ge管教問題就浮現哂出黎。我知道係好難阻止阿仔接觸到，唯有教佢去自我過濾依d野同忽略佢啦......

召藥師

hlw2001，真係好抱歉，請收pm。