農圃道官小家長請進

召藥師

原文章由 乖乖 於 07-9-3 10:22 PM 硐表


請問簿費及補充練習費係唔係聽日帶捚埋返學校交?定係按書薄商到校果日先帶呢?

總括今日囝囝返學都ok wor.....不過佢話比我知, 記錯左班主任姓吳, 佢居然係入課室時叫吳老師早晨, 老師更正佢,呀仔真搞笑..... ...

簿費係星期三交($149)，補充係下星期二交，今日老師派左兩個袋仔入錢。
補充費用個方面，我唔諗住買普通話cd，唔知係唔係必須。

召藥師

原文章由 乖乖 於 07-9-4 12:37 PM 硐表


最後我都係入咗 cheque 落果兩個袋交番學校，因囝囝今早堅持話老師說要入好錢, 今日帶返學校，等我今晚check 下書包, 睇下老師有冇收先......

今日真係唔駛帶住喎，不過可能唔同班ge老師有唔同安排啦!

今日試食，我個仔竟然話唔夠食(佢係瘦仔，平時食大半碗飯"321比例")。

雖然我唔知d飯有冇味精，不過阿仔話d飯係用膠盒裝住，欣賞佢夠環保。

召藥師

原文章由 hlw2001 於 07-9-4 12:58 PM 硐表



召藥師, 你好!  我囡囡都係讀1D班的, 同你囝囝同班, 以後真係要多多交流了.  昨日開學日, 我囡囡都話沒有安排小息, 帶返學校的小食都要放學上校車先食.  囡囡話我知老師叫同學仔分開兩組, 一組就自我介紹, 一組就 ...

係?!!咁真係太好喇!!我地可以多多交流同照應喇!!

我都覺得奇怪，阿仔佢話琴日係謝老師(後尾不停問佢先記得)，今日問佢，佢直頭講林老師唔再做佢班主任，轉左做謝老師。

奇喇!阿仔琴日有係課室食蛋糕，不過老師冇安排佢地去洗手，今日佢講今次有去廁所洗手先係課室食餅，唔通佢琴日偷食?真奇怪。

另外老師提佢地星期四要帶圍裙返學，驚佢地整烏糟校服，死啦，我做人阿媽咁耐都冇一條圍裙，因為我怕麻煩。

召藥師

原文章由 112868 於 07-9-4 02:56 PM 硐表



之前我有一個朋友佢個女都係成日轉老師.一年轉咗4個,仲成日請假,都唔知叫d學生點跟得上.

我個囡囡話今日d飯好好味食晒.我覺得奇怪,因為免牛飯有什菜豆,都平時都唔食,奇怪今日竟然食晒,都唔知係咪真,係就好剌!唔 ...

阿仔都話好好味唔夠食。

另外今日發生件小事，阿仔係合一道放學，佢個班夾埋只得兩個去合一道，老師又冇帶佢地去，只係叫佢地自己行，阿仔同個同學又唔點行，跟住係度喊(流左幾滴眼淚)，好彩有風紀姐姐帶佢地去。我都知開學初期老師會好忙，但係希望佢地都能照顧到小部份ge學生，佢地只係番左學兩日，試過係合一道放學一次咁多，在冇老師帶領或指引下要佢地自己由一年班課室自行行去放學真係有d難度(仲要我個仔唔夠醒目，唔識問人)。

[ 本文章最後由 召藥師 於 07-9-4 15:29 編輯 ]

召藥師

原文章由 hlw2001 於 07-9-4 03:34 PM 硐表



阿囡今日好開心話比我聽, 今日有小息啦, 仲有很多棋類玩! 甘我問阿囡玩了多少局, 佢話等到隔離那位同學嘆完餅餅, 開始想捉棋時, 就己經響鐘了, 都未開始玩.  俾佢笑死!

另外, 知不知道除了食飯要穿圍裙外, 畫 ...

我諗日日帶定就冇蝕底。
我個仔都有話同同學捉棋，不過佢又唔知叫乜棋。
另外佢講有d同學自己帶左圖書返學睇，問佢就話課室冇圖書睇，我諗聽日要俾本佢帶去睇先得。

召藥師

hlw2001 ：

今日睇到個時間表，原本班主任林老師係佢地中文科老師，而謝老師似乎冇教佢地任何一科。(唔通又換人?!)

另一方面，我見乖乖佢地B班已有學號，所以我叫阿仔問老師，佢話而家仲未處理好，因為依幾日仲有插班生入黎(唔通淨係D班俾學生插入黎?)。

仲有，請問妳囡囡今日有冇交到補充費?我個仔話老師問佢點解冇帶喎，但回條唔係寫好左下星期二先買補充?

今日佢寫手冊寫到鬼咁大隻字，又寫得慢，搞到要老師幫佢寫，今晚仲要完成埋我的目標，而家要佢練好D字先敢俾佢寫落家課冊，真係汗顏。

今日我個仔又識多幾個同學仔喇!佢仲識得請客，請左D芝士波波俾兩個"女同學"食，不過我驚佢請開有舖癮，人地又請佢食糖搞到蛀牙就弊喇!

我今日係吉吉島買左10蚊2件白色不織布圍裙，另外又帶膠墊俾佢墊枱食飯(送飯要帶墊)。

召藥師

原文章由 乖乖 於 07-9-5 11:22 PM 硐表


召藥師

你果班派左手冊未?
請問你有冇填學生手冊 P1(學籍簡介) 呢?因家課冊只寫填 P.8 to P.11 .....本來問同班 112868, but 可能太夜. 佢交交豬 lu

HEHE我照填左，不過D編號冇寫到(唔記得左no.)。

召藥師

原文章由 乖乖 於 07-9-6 12:16 AM 硐表


hehe....以為你 sleep 左 tim..... 原來係咁, thanks.  不過昨日果張表家長簽名一欄剩係佢爸爸簽左, 我漏左冇簽, 唔知可唔可以補簽呢? 因多數都係我幫仔簽手冊, 通告等等......怕日後老師對唔到家長簽名.

你接放 ...

門口有位老師企係度睇住學生放學，轉角位又有位老師睇住d學生同家長唔好亂過馬路。

召藥師

原文章由 hlw2001 於 07-9-6 10:18 AM 硐表



召藥師:

唔好意思, 咁遲覆你, 因為我返到屋企好少有時間上網, 反而返到公司就有D時間上來同大家傾下計. 當然係老闆唔係到果陣.   

我昨日看到時間表, 都有D奇怪, 右上角依然係林老師個名, 中文, 常識, 視藝 ...

真係咁橋?!我個仔話前日有同學仔請佢食糖，所以佢琴日請番人地食芝士波波，不過我係佢訓覺先焗，番學前翻焗，冇出爐時咁香脆lo。

佢話佢個班有對孖女，其中一個係佢個組。

補充d錢我諗住老師再追問先俾，因為我冇支票簿，一早就帶現金驚唔見。

我見已經有時間表就同佢帶書，搞到個書包都幾重，今日佢地個個都一返到學校落去操場排隊，希望佢唔會太辛苦啦!(好多阿爸阿媽企係度裝佢地(因為睇唔到要個個'mau'係度睇)，我想睇都企滿哂家長。

召藥師

原文章由 clymama 於 07-9-6 02:05 PM 硐表

  
召藥師：
咁你有冇留係度〝裝〞呀？  〝裝裝〞吓就會識咗好多同學仔嘅媽咪嫁啦！互相關照吓都好嘛。
放學時, 我見到你......個仔仔呀！不過咁啱有人嗌我, 轉頭你個仔仔就走咗lu , 可惜同你緣慳一面！
至於買補充是11/9  ...

哈哈!我今日8點5分先送到佢返學，冇訂企，識唔到媽咪，而且我比較慢熱，上黎吹水就乜都得，叫我主動同媽咪吹就難d。

我個仔俾我剪左個咁醜怪ge頭都俾妳認到，下次妳不如走上黎相認相認(不過偶然有一次半次係佢daddy接)。

召藥師

原文章由 乖乖 於 07-9-6 03:03 PM 硐表


Hi all

我朝朝早都送完囝囝返學先返工，所以都企到 8点幾先捨得走，可能企嘅日子尚短，so, 仲未識到 d 家長....

我遲黎企都冇得企，8唔到佢地排隊同埋係操場做乜野，轉頭我又要即刻返屋企送個女返學。

今日遲左好耐先放學，等到頸都長，一見到個仔，佢雙手空空即刻俾我捉佢返上去課室拎番飯袋同環保袋。一上到去，乜都冇哂，又有同學仔留左係課室喊話俾老師罸，剛剛有其他班老師係度就幫我地搵謝老師，點知個衰仔等老師黎時話急小便，話等唔切，咁要同佢落樓下廁所，上番課室又冇哂人，好彩有清潔嬸嬸話老師落左樓下叫我地去搵，原來謝老師幫阿仔keep住d袋，另外佢同個位胖男孩ge家長傾緊，謝老師冇林老師咁後生，不過都幾親切。

到我幫個仔拎袋時，發現咁重ge?!原來佢冇乜飲過水，7個鐘入面只飲左兩啖!!當然佢梗係俾我鬧，點可能咁長時間又係冷氣場所入面唔飲多d水!佢都唔知係唔係掛住玩，水都唔飲，廁所又唔去，真係激到我死死下。

返到屋企都差唔多4點，問佢今日係學校做過乜佢都唔記得，淨係記得老師叫名收回條同錢、叫佢地'僕'低休息、食lunch同唱歌，其他乜都唔記得係度神遊。

今日佢地冇功課，聽日有體育堂但好似要影學生相，是嗎?不過我已經同佢影左($1.8  2張4R相共16張學生相)，唔知著乜野衫好。

召藥師

原文章由 clymama 於 07-9-6 07:50 PM 硐表


唔係吖！幾 cute 呀！如果有個身形略胖嘅中年師奶對住你笑 （重要著到好街坊嗰種）, 你唔好嚇親, 以為我傻嘅就得啦！

唔會唔會!不過我反而驚嚇親妳，因為我成日都會鬧仔。
妳囡囡都係放合一道?

召藥師

原文章由 乖乖 於 07-9-6 11:03 PM 硐表
各位

今日收到 time table, 我想問下例如數學有兩本書 (1上A & 1上B), 咁 if 上數學堂, 我地應帶晒兩本, 還是只帶 1上A先呀? 又, 作業駛唔駛帶呀? 最後綜合高效識字呢本書, 上乜野堂先要帶呀? 唔該!

112868,

今 ...

我今日已經同佢睇時間表帶書，點知全日只係上過音樂咁大把。
中文用綜合高效識字，之後先會用啟思個本中文書。
數學我淨係帶a唔帶作業。

召藥師

原文章由 乖乖 於 07-9-6 11:49 PM 硐表


唔該晒你呀召藥師.....仲想問下你, 而家你手上果本普通話係唔係作業呀, 而"課本" 書商應該未比我地, right? 因老師要幫佢地      keep住本書 (I want to double confirm), 但我又唔記得今日帶果本係課本定作業, 仲 ...

手頭上有ge係作業。

召藥師

我個仔今日有功課喇!仲係中文兩篇，睇佢本簿第一版得幾個農字，第二版係空白ge，問佢寫乜又唔記得，好彩係放左學冇幾耐，立即打電話問謝老師，幾經轉接先到謝老師聽，完來第一版要寫滿個農字，第二版一半寫圃一半寫道字，200個字對我個仔黎講真係唔惹少!!

唉~~阿仔上堂咁唔專心，又冇記性，唔通日日都要問老師?咁就我又煩時老師又煩，希望佢俾心機d啦!

今日收到學藝班單張，可能我冇報開任何courses俾個仔學，我覺得好多courses都好貴，用放學時間學超過一小時我驚佢頂唔順。佢不嬲都專注力弱，寫字勁慢，我真係驚佢學完野冇哂精神做唔到功課又溫唔切書就真係死得，我諗我今年唔俾佢玩住，自己係屋企教下佢彈琴同口琴打左底先下年再黎玩。

召藥師

原文章由 112868 於 07-9-7 05:19 PM 硐表


我又係呀!驚個囡頂唔順,所以我都唔比佢學住等佢識應咗先再算喇,不過樣樣都真係好貴呀!不過要寫理由喎!你寫咩理由呀?真係好鬼煩呀!日日返嚟都一大堆嘢. ...

要識應小一生活，等學習同作息取得平衡先參加。

另外我真係低收入家庭，我真係會講負擔唔起架!圍棋要過千蚊，妳話咁細個學到d乜?唔通送副水晶圍棋俾我咩?

原本我想俾佢學游水，但我真係唔放心，有得俾我入埋去睇住好d，不過我又要睇住個女，而且又會冇左唔少時間，加上秋天都黎喇!費事佢唔識得照顧自己凍病。

[ 本文章最後由 召藥師 於 07-9-7 18:03 編輯 ]

召藥師

原文章由 hlw2001 於 07-9-7 06:12 PM 硐表




我囡囡睇過你囝囝幅相, 原來佢地真係同一組!!!以後可以互相關照啦!  

我囡囡昨天同我提及一件事, 我想同各位小一家長分享下:

阿囡話有同學仔小息時請佢飲利賓納(汽水機賣的),  我初時都唔為意, 講講下囡囡話唔 ...

我估到妳個女係邊個喇，係唔係個名有我個網名其中一個字ge同音字?

我睇完都驚驚地即刻問阿仔，問佢有冇'嘟' 8達通買野飲，佢話冇喎!咁我問佢係唔係妳囡囡有飲野時，佢話有，我問佢係唔係其他同學'嘟'俾佢飲，佢又唔知，不過佢只睇到妳囡囡拎住卡去'嘟'，睇怕我地都要check check佢地張8達通先得。

我個仔平時唔會'嘟' 8達通買野，淨係用黎搭車，我剛剛教佢唔好亂'嘟' ，個d係錢黎架，'嘟' 左就冇得搭車同浪費左daddy 辛苦賺番黎ge錢，另外唔係樣樣野都可以同同學分享，如果媽咪整多左食物可以請同學仔食；如果有圖書借左覺得好睇，可以借俾同學一齊睇(其實我覺得好難教佢明白哂)。之後佢就話明白，希望佢真係明啦!

召藥師

hlw2001,

另外，請問妳囡囡寫個兩頁中文寫得快唔快?我個仔斷斷續續寫左2個小時先寫左50個農字，如果唔係有兩日假都唔知佢點交功課!

召藥師

原文章由 clymama 於 07-9-7 09:08 PM 硐表

  
Hi ! 你咁鐘意整嘢, 我以為你會......估唔到咁 fit 喎! 羨慕、羨慕。
其實小朋友由幼稚園媬母式嘅照顧, 轉變到學獨立嘅小學階段, 當中嘅轉變係需要一段時間嘅適應。甩甩漏漏一定有嫁啦！但係佢地就係在錯誤中學習 ...

妳邊樹係'身形略胖嘅中年師奶'呀?!妳皮膚又白又滑我羨慕就真!!:loveliness:
我依幾日都上少左黎，只係一有空閒時間就斷斷續續咁上吓黎keep in touch，今日阿仔寫字唔專心有俾我打patpat提神(唔痛ge)，佢寫得快d同好d我又讚番佢同俾佢飲野。
我個仔而家都識哂佢個組ge同學，其中一個ge媽咪仲係bk媽添!我諗住下星期叫阿仔同佢地交換電話，叫做有個照應。

召藥師

原文章由 hlw2001 於 07-9-8 12:19 PM 硐表



BINGO! 估中咗! :

阿囡都有話比我知, 佢昨日又學人用八達通買飲品 (可能貪得意), 不過係自己飲, 無請客.  (雖然我前晚已提醒佢八達通只係要來點名用, 唔應該用來買飲品)  既然佢唔聽話, 於是我話佢知, 我唔 ...

咁妳囡囡好快手喎!我睇怕我成個秋冬都要係佢隔離織冷衫先得喇!(旁住佢寫字)

係呢!妳囡囡之前讀邊間幼稚園?我個仔讀保記寫字唔算多，我知好多幼稚園都train得好勁，所以暑假時都會要佢寫下自己個名、地址同學校名等，不過都仲係寫得慢同核突。最弊就係而家寫字靚唔靚都計分，佢實......。

仲有一件事，阿仔剛剛提起話有個男同學打妳囡囡，佢話個位同學仔成日離開坐位，妳囡囡提佢要坐番埋位，個位同學就打佢隻手，不過妳囡囡有同謝老師投訴。我地都要教定小朋友要保護自己，好彩妳囡囡夠醒目。

不如我地交換手提電話no.好嗎?因為妳唔係經常上到黎，我驚阿仔唔記得做乜野功課或溫習默書咁就弊喇!冇理由日日都要揾老師，佢地唔怕煩到我都唔好意思......。如果妳唔介意我先再pm妳啦!:loveliness: