小一考試想借個位呻下

Rabbit^Pink

wwyee,

呢d就係壓力,  我都好明白你這份苦心, 又想個囝囝平日多溫習, 不致臨急抱佛腳,  但睇來囝囝需要Relax下.  

你有否記得"小孩不笨"畫畫好叻既小朋友嗎?  佢畫畫好叻媽咪只話浪費時間, 一句讚賞都無, 又好驚考試測驗, 成績不合媽咪心意會發火, 嚇到佢縮埋一邊, 卒之想自殺,  好彩比人發現至無事.  

情況就好似坐係度飲泣 (表達情緒不同), 問題吾係怕考試, 而係怕左媽咪, Take it easy.

我信弄巧反拙, 我都同我囡囡講, 唔係淨係讀書架, 仲要玩玩具, 食野,  飲汽水 (梗係要無咳先得),  睇故事書, 玩電腦,  聽歌,  先至健康架!  

呢招叫做以退為進, 就係咁佢每次溫書, 都好順利, 但應承左佢既野(反對物質),  就一定要做到,  就算好夜 佢要講故事,  就一定要撥5分鐘講小小都要.  

我囡囡吾係讀書材料, 所以成日用精神同佢搏鬥,  一方面唔想比佢感覺迫佢讀書,  一方面要佢習慣讀書,  唯有定下時間溫習, 佢突然拿起本書同公仔講故事, 拿起張紙話寫信比同學,  就即刻誇張讚下佢,  攬下佢,  鍚下佢, 佢就好Lum, 重話,  你寫封信比我, 我又好想要.....  就係咁紙,筆,書都係佢隨身寶貝.   

至於老公, 你係時候要同佢講數,  因為我信相你係個好全面又細心既媽咪, 囝囡一切都係你安排, 所以佢睇唔到你用心良苦.

有次我同老公講請你唔好插口&手,  因為一路以來我跟開佢地, 我最清楚佢地需要, 我都想做天使, 唔想勞氣, 結果只會害左佢地,  之後約法3章,  有需要都希望你配合我, 咁就攪掂.  如爹地太鍚小朋友,  不妨利用爹地Blame & Punish(要適可而止), 效果唔錯,  因為佢地會無左個靠山照住, 自然會做好本份.

Rabbit^Pink

GIGI,

可能佢仲未明白你既難處, 搵日你扮約左人, 將考試個波交比你lo,  一定吾可以第二日就考個科, 佢吾掂可以補'wok'  如果佢吾耐煩教就試驗成功, 佢親身體驗到, 不過就好睇你lo, 會吾會聽你話呢?


LINUS,

你都係為左個小朋友, 自責倒不如唸辦法, 輕鬆d, 再搏鬥過.

我囡囡試過個心算全部都錯, 可能要佢日日背口訣反而嚇怕佢,  當然好擔心, 唯有即時停做心算,   直至同老師講出問題,  又要爸爸同佢Briefing,  咁樣好似比左d責任Daddy,  等Daddy習慣參與,  我之前樣樣攬住, 而家Dad自動自覺關心個女d功課.

Rabbit^Pink

gongonma,

吾好怪我直言, 我囡囡一直讀活動教學幼稚園,  無可厚非, 佢個腦轉得好快,   觀察力好強, 但.....  學術科就久奉, 要佢坐定定學野都幾難,  所以一定要因應個小朋友黎揀活動教學, 囡囡好活躍, 唸住好適合佢呢種性格,  點知佢所識既字, 都係由我從平時用有趣方法教識, 至於新學既生字......., 唯有等佢阿媽得閒同佢溫習,  我個

有個讀活動教學(有名小學)家長同我講,  都係因為活動得濟,  要同小學校長傾傾,  怎樣活動同學術取得平衡.

活動教學吾係個個小朋友都激發起讀書興趣, 再講我寧願攤開辛苦,  好過中學先黎辛苦, 始終都係要應付會考.

多謝你分享你既教仔心得, 我會試下.

  

Rabbit^Pink

Edma,

Please don't be too worried.  Open yourself to enjoy every precious moment.  

學校吾滿意成績都無辦法,  唯有睇下佢跟住既測驗成績,  係時候要對tutor and maid 有要求, 你既肉緊分分鐘扭轉你對佢地既不滿, 唔係換過個,  個maid好似2年包換.