小朋友唔專心應該揀咩類型學校？

Hillkymama

macmate 發表於 15-9-24 16:16
我係認真頭痛！唔係講笑或曬命！小朋友一定唔係資優，只算有小聰明！學術上冇自己預先早教，冇可能識晒。唔 ...

我明白你的憂慮，我個仔以前都有類似問題，K1,K2 都發夢，其實係未搵到目標，最大可能如樓上講佢覺得悶。除了發夢，有其他問題嗎？情緒？習慣？食物敏感？小肌肉？

囡囡有咩興趣？你有無同佢温返每日所學？佢畫畫專注證明佢可以專心。
活動教學可能令發夢的更加發夢。
我曾經以為阿仔讀寫障礙，教一星期名都唔識寫。又帶佢做test,見心理學家、言語治療師、社工、幼稚園校長、中學校長都問埋都話無大問題。比咗啲訓練耐性、專注力練習，依家進步多了。

Hillkymama

macmate 發表於 15-9-25 06:39
淨係上堂、去廁所發吓夢咋！去玩就梗係冇問題。亦都無其他情緒、習慣或敏感問題。希望只係如你所講，未搵到 ...

就你咁答，其實問題唔大，我先假設囡囡係認為內容淺同悶，先至發夢。我提議你發掘她最大、或者比較大的興趣，然後給她一個實際的目標，讓她覺得有挑戰性。

阿仔同個囡似的是好記性、心散、鍾意嘅野就可專注兩個鐘，唔鍾意咁一分鐘已遊咗去發夢。
我是K2下學期留意小學面試題目後同佢温習發覺佢唔識睇字、唔識寫。但佢成績係好嘅，英文仲滿分。
所以我一直唔知佢有問題。經過N個查證後，原來他上課有興趣時，或者知道老師要問的才留言，然後背咗，考時就識答，因為Happy school, 評估係口試。
因為你囡囡無認字，讀寫問題，我只說專注力練習。
1. 每次當她想要一樣野或要你陪伴，別立即答應，叫她在身邊找五件東西 (顏色，圖形，種類),答完先比。
2. 食小食前數10下，或者背一樣野 (要不停轉題目，等佢唔悶)
3. 等車時同佢玩遊戲，起個題目一人一樣 (國家名、蔬菜、水果……可投其所好音樂家名)
4. 畫線訓練 (比較難形容，PM再說)
5. 從報紙中找字
仲有啲係情緒訓練我唔寫咁多，上面係心裡學家對阿仔建議我再改良了一點。
你試下每次都以遊戲形式同佢玩，等佢有智慧地等待，多觀察，專注力便慢慢有進步。
只是一個暑期，他由發夢同八卦同學做咩變到講返每日課堂內容比我聽，
認得10個中文字變80個，雖然比其他K3差，但已有很大進步。

加油！

Hillkymama

picture 發表於 15-10-6 15:31
K1又好K2又好唔專心一定要正視。

我有現P1 生，同佢講緊野，唔留心我預左。佢自己講野講到一半自己都甩埋 ...

十分認同戒睇電視, 唔睇電視對學習時專心好有幫助.

不過如果係視像學習型嘅小朋友,就可以揀啲生態,天文,博物館嘅片比佢地一星期睇一次.