06年小一新生家長

TWMa

Miss Yu 在電話裡向我們順帶一提，謂有人向她報告小女和她的一個好朋友常常在小息時在學校洗手間玩水 。

Miss Yu 說不知道那個「小女的好朋友」是誰。不知是否你的囡囡呢...？難道「散步」的其中一項內容是玩水，還是他們只是洗手洗得比較耐/乾淨？  

Boris:
"好朋友" 果然是我囡, 佢仲反問我 "你點知架?"   
昨天阿囡仲話我知, 佢哋既散步範圍擴大咗, 可以去埋樓下有蓋操場同花圃, 唔知係唔係驚佢哋玩到忘形, Miss Yu 提佢哋最好戴錶.

TWMa

Boris:
原來爽爽都係派簿長 . 阿囡派簿的速度真係一日千里, 由原本用三次小息時間, 到依家每節小息都有得玩!
發現 "有得玩" 始終係佢哋最大的動力, 自從佢做咗派簿長之後, 每日同我報告的第一件事就係--- 今日有幾多節小息可以玩.
呢排爽爽有冇同你哋開家庭會議啊? 上星期六的講座, 我和先生只可以其中一人出席, 我想先生出席, 由我湊女同埋送佢去興趣班, 但先生覺得平時都係我湊佢, 聽小一家長挑戰應該我出席. 阿女聽完我哋的對話, 即刻攞出紙筆, 話開討論會決定.  
我見佢哋係學校時不時都會有呢d "會議" 俾佢哋發表意見, 用來訂立規則或表決事項, 十分好啊  

TWMa

不知是否屬實。爽爽說只有乖的同學才有機會被老師安排職務，所以你囡囡一定上堂很乖吧。

係咩? 但係我囡前兩日先同我講爽爽都係派簿長喎.

TWMa

Boris 寫道:
我同太太傾過... 決定幫囡囡換一個較輕的書包。現時的chiropak書包雖然能護背但似乎比較重。又或者，買一個輕便手挽袋給她，將書包的部份東西(重量)轉到手挽袋，但我們擔心拿大提琴的日子她沒有手拿這麼多東西，就算拿到她很大可能會遺留其中一件在學校。

Boris:
佢哋已經論盡兼 lao gao, 多個手挽袋唔係好主意喎
Zeven 夠大, 又輕d, 雖然貴, 但我打算用3年 , 都買得過

TWMa

Hi, szema:
知唔知琴日手冊上 10/4 Quiz - Spell Gram Unit 1 包括哪些字? 阿囡話只是其中一個 Page (將d words 分類--- animal、things、people 果版)

TWMa

囡囡終於正式學大提琴了！上星期那一堂不算，因為只是介紹大提琴各部份的名稱。昨天則正式學拉奏了。昨晚看著爽爽一臉認真地拉著空弦，C、E、F、A 一條一條順著次序地拉 (似乎現時只學習拉弦學習推弦），一次一次地重覆著。我也覺得有點興奮！後來我更跟她玩大提琴的「默書」，即是我說出 C、E、F、A 其中一個音，她要盡快拉弦奏出那個音... 我們兩父女也覺得很好玩！

阿囡琴晚都有攞個琴出嚟練習, 我只覺佢一陣劏雞, 一陣劏鵝..., 見佢好認真, 唯有忍住笑.
倒是老爺子忍唔住要我閂窗, 費事鄰居拍門.

TWMa

Boris:

不會是太晚練習吧？

9 點過 d, 不是太夜.
阿囡返到屋企即刻睡一陣, 夜晚唔使打仗般趕住9點上床, 時間真係好用好多, 因為我返到屋企最快都成7點. 即使係咁, 我都儘量要阿囡10點上床, 咪摸得嚟, 起碼 10 點半已睡著.

原來爽爽昨天咁慘啊, 唔怪得你大人問我阿囡返嚟屋企有冇提爽爽遲到之事. 冇噃, 可能另一件事仲震撼佢哋啦.
爽爽既然夜瞓隔天便會起唔到身, 咁就唔好俾佢遲啦, 幾個字默唔到唔係咩大事, 好多字要記, 咁短時間佢哋記到8, 9成已經好叻.

TWMa

apricot 寫道:
Regarding 中默嘅範圍, 1B is better than 1C cos they're Chapter 1,2 & 3, right ?     

由學校訂在同一天、同一節默書來看, 我想3班默書的範圍和內容是一樣的, 也由此推測, 默書應佔總成績一些百分比.
不過, 還是那句話, 小朋友盡了力就好, 無謂給他們太大壓力.

阿囡幼稚園雖然無任何的默書考試, 上了小學, 暫時默書的成績都 ok, 也沒聽他說怕默書.
這次中默的範圍頗多, 我和他溫書的方法是逐課溫--- 先要他自己溫其中一頁, 他認為可以了 (5分鐘左右就可問問是否ok, 否則他通常都在 "搞其他嘢"), 我就開始默, 不用全篇默, 先重點選幾個詞語默 (也可事先告訴他只會考他那幾個字), 通常這個階段是慘不忍睹的, 但他會知道自己有什麼字尚未掌握, 把這些未掌握的字再寫一次給他看, 要他每個寫兩次及自行再溫3~5分鐘, 再默一次, 就夠了 (如仍有錯, 可寫在自行購買的抄寫簿上要他明天寫2次, 以及告訴他明天會再考他). 待此頁九成的字都沒問題後, 次日可溫下一頁, 溫下一頁時當然也繼續複習上一頁那尚未達成的部分.
這個方式, 大人和小朋友都不會太辛苦, 每次溫的範圍較小, 小朋友也較易掌握.
純粹分享吓, 希望大家放鬆d.

TWMa

亞女話佢好怕默書，(因那天中默有小朋友偷睇，老師把那個小朋友的書拋落地下......)好替那個小朋友擔心，始終都會有童年陰影 :cry:

roxena:
因為個小朋友唔只是偷睇書呢個作弊行為, 仲涉及說謊, 所以老師先會咁嬲.
我都替個位小朋友難過, 昨晚返屋企都有問阿囡個小朋友點, 返學有冇唔開心, 唔知老師發完脾氣之後, 有冇同小朋友傾點解咁做.
涉及品德的嘢, 我都會發大脾氣, 所以阿囡應該都清楚我底線, 對於前日的事, 佢淨係話小朋友咁做好唔應該.

TWMa

Boris:
琴晚問阿囡, 佢話爽爽唔係派簿長, 爽爽同佢講錯咗
唔又話唔係個個都係 "長", 可能初時佢覺得好多小朋友都係 "長", 所以同我講人人有份.
我問佢點解依家派簿咁快既, 佢話因為識多咗同學仔, 有d佢就睇名牌, 又有d同學仔會幫手, 所以十分快.
派簿唔佔佢小息時間後, 佢又有新諗法, 事關依家除咗可以落樓下, 亦可以上其他樓層, 佢決定3次小息落樓下玩, 其餘3次就上五樓圖書館喎.

TWMa

szema:
阿囡今日返黎話, 坐係佢後面個同學仔跌斷手, 打咗石膏, 返唔到學, 老師除了要隔離同學幫手功課方面的嘢, 仲全班一起整咗張慰問卡, 簽埋名送俾個位同學.
又提到一位同學收到英默巻, 見到好低分, 即刻大喊, 老師要佢哋安慰佢. 阿囡話見到同學仔傷心, 佢都覺得好傷心, 我同佢講, 小息時可以同個同學仔默下書, 睇吓幫唔幫到佢.
由呢d地方黎睇, 我諗老師應該會搵前日個小朋友傾下偈.

TWMa

Boris:
返嚟問阿女爽爽係唔係學校跌親, 佢話係.
問佢點會跌親架, 佢答我跑時跌親喎

TWMa

頭先阿女打電話嚟話發生咗大件事.
佢話今日班上吃咗 A or B 餐的小朋友, 個個都覺得肚痛, 學校同佢哋擦咗藥油, 老師放學前都有逐個再問情況, 同埋提佢哋如果疼痛加劇就要睇醫生.
我問阿女個肚仲痛唔痛, 佢話仲痛, 但冇作嘔, 亦冇屙. 唯有要佢休息一陣, 如果有咩事隨時再 call 我.
你哋小朋友點?

TWMa

打咗電話俾 Miss Yu, 佢話係有幾位小朋友肚痛, 我囡是吃緊飯時已話肚痛, 但全部冇屙嘔, 亦唔係吃 A/B 餐的同學先肚痛, 所以唔知原因.

TWMa

佢啱啱瞓醒, 同佢傾完電話, 話唔痛嘞.
唔知做咩冇啦啦幾個小朋友一起肚痛 仲要話發生咗大件事, 俾佢嚇死.

TWMa

00adafan 寫道:
希望她沒事！

多謝

TWMa

My girl is having menu A, and everything's alright. But she said there is one girl suffering from stomach pain in her class and not sure which menu she's having.

阿女都係 A 餐, 但如果係食物問題, 應該唔會咁快係吃緊飯時有反應, 所以, 只可以當 "不明原因" 啦. 好彩佢夜晚都冇 mug 事嘞.
依家 d 急性傳染病好多, 記得舊年阿女都試過日頭好好地, 傍晚時分就突然謝哂兼狂嘔, 帶佢睇醫生, 等待期間見前面幾個小朋友都係同一症狀!
季節轉換時節, 小朋友特別易病, 大家保重.

TWMa

各位小一家長:
星期五派的教學軟件購買單, 你們可有心水?
不知有沒有用過的家長可提供意見呢?

TWMa

Boris 寫道:
00adafan,

佢地好多中文字都未識寫，要佢地拆碼就更難了。   下學期吧，下學期也許會慢慢教她。

[quote]
00adafan 寫道:
你們的小朋友學識打倉頡嗎？

[/quote]
Boris:
我淨係諗今晚返去剔 "水晶e貓小蒙恬" 啫.
睇阿女寫中文的筆順已令我七孔生煙, 教佢倉頡輸入?! 饒了我吧

TWMa

wyl:
阿囡被排了 3/11 下午做體檢.
體檢是由家長自行帶去, 對嗎? 是否屆時用手冊告知班主任即可?
我也試過星期六,日在外吃完早餐後, 以輕鬆的形式和阿囡默字, 有時和阿囡玩 "寫信" 遊戲也是不錯的方法.