大坑真光 派位結果!

no32

原文章由 yuyumom 於 07-12-18 12:54 發表
Received acceptance letter(am Class)
Anyone received?

咁叻叻呀. 咁諗好左入邊間未呀 ?

no32

原文章由 peaceaa1122 於 07-12-18 19:59 發表
P.M.  My daughter born in 7 Sept 2005

請問知唔知上課時間？

上課時間：上午班9：00－12：00
　　　　　下午班1：00－ 4：00

no32

其實學校同學校都好難比較既, 間間學校都有佢特點同尊長, 我覺得最緊要係睇適唔適合自己個小朋友姐.

no32

跟據真光幼稚園網頁, 在學校簡介內升學概況講明"幼稚園男女畢業生均可直升本校小學部，小學部畢業女生大部分能升讀本校津貼中學部；男生大半升讀著名中學。"


http://www.tlmshkps.edu.hk/kindergarten/

no32

原文章由 momi2008 於 08-1-14 09:23 發表
真光幼稚園的主任同我講了, 幼稚園升小學一定無問題,
但小學升中學就有問題, 因為真光中學己跟小學脫龍了,
係完全沒有關係, 而且全部都係派位. (這已被證實了, 因為
親戚為真光中學主任).
所以我都心大心細是否選 ...

跟據教育局2007年既資料, 香港真光中學(小學部)既資料, 小學部同真光中學既關係係聯繫, 聯繫既意思係, 該中學經扣除自行分配學位及重讀生學位後，可為其聯繫小學保留最多25%的學位.聯繫學校的小六學生如屬學校網第一或第二派位組別，而又以聯繫中學作為乙部按學校網的第一選擇，便有資格獲派保留學位。簡單d黎講一樣係要經過派位,只不過因為聯繫關係, 所以會比其他學校學生易入d.

如果你擔心升中問題,可以試下搵d一條龍既學校.

no32

中一派位, 唔同小一, 中一係會睇成績分 band. 數字上係 25% , 不過唔等於只係得 25% 既位分比小學. 小學同中學既關係分4種, 一條龍, 直屬, 聯繫 及冇關係. 以%黎講, 一條龍係 100%, 直屬係 85%, 聯繫係 25%, 冇關係係 0%. 計算方法如下.

香港真光中學,2007/08 既中一學位有160個,當自行收生為30%
(160 - (160 x 30%)) x 25% = 28
姐係有28個位已經分左比小學部. 而跟隨真光小學既網頁度寫明有85個女生入到真光中學, 85 - 28 = 57, 咁個57個女生就係自行派位或政府派位考到入去. 我覺得小學有報告升中派位結果係可以比家長作參考之用, 因為升中派位既結果同學生成績係有關係, 唔似升小咁完全唔睇成績.

no32

我只不過係比較八卦, 唔可以稱得上為專業. 呢2間幼稚園比我既感覺好唔同. 真光幼稚園我覺得係比較重視, 啟發, 品格. 蘇浙我就覺係語言能力. 除左教學方面, 呢2間小學既升中網都好唔同, 真光係灣仔區, 灣仔區名校有瑪利曼, st.paul 等等; 蘇浙係東區, 東區名校有張祝珊, 庇理羅士等等.所以睇你想選邊一間中學. 如果講灣仔區, 唔計自行收生, 想入d同小學有關係既中學會難入d, 因為好多都係直屬, 所以分出黎既學位自然會少, 個人認為如果你選真光既, 就繼續中學都選真光, 因為我覺得扣除所有直屬, 直資, 聯繫之後剩返既學校唔多. 如果你選蘇浙, 咁選中學既時候就可以試入d同小學冇關係既名校, 當然呢2個選擇都要睇返小朋友係咩成績啦. 其實現時將教育局既規則套入去將來升學既情況度, 我覺得只屬參考, 我地唔會知教育局幾時又會轉規則, 或者將來到我地d仔女選中學時,已經完全唔同晒.