同一條腸出可以差天同地

yovin

最近同兩個仔温大考
大仔:上堂唔專心,返屋企要一對一,大大聲教先明白！
細仔:話識哂,上堂記咗啦,問落默落真係幾乎全中！
生活上
大仔:不注意衛生,重用件衫抹嘴！
細仔:出街吃飯,餐具連碟底都自己抹埋才吃！
對朋友
大仔:一筒糖會分咗一半俾家人和朋友！
細仔:有筒糖馬上收埋袋中,話唔想有人問佢攞！
對理財
大仔:收利是立即俾咗我,不聞不問,話任由媽媽處理！
細仔:收利是要親手拿着,直到回家自己放入夾萬仔，幫佢數下都唔得！
對我
大仔:日日要嘴對嘴KISS媽媽一次！
細仔:要我再三要求才可親一親小臉,講明唔要口水!
性格
大仔:不愛說話,温馴隨和！
細仔:雷霆881不停嘴地說話,惡得很,成日鬧人！

以前只得大仔,他讀書不專心,做人太善良,作為媽媽的我常常看書檢討自己有乜做錯。
細仔出世後,才明白DNA作怪,原來是天生的。
所以做家長一定要因材施教，不能一本通書人人用。
只於生個怎樣的兒女,就只有看看造化。
雖然整定,但也要盡力,陪養出好人格,好品德的小孩。如果有好成就更是錦上天花。
與孩子是否有緣分,難道也是天註定？