請問各位爸媽對沙循嘅評價~~

mamisa

Hi, 我小朋友是今年沙循小一生, 我小朋友很喜歡這間學校, 還說在這裏上課比幼稚園還開心. 我也覺得這裏的老師,學生和家長也很好.

學校是小班教學的 (一班約25-27 人). 其實, 學校在各方面的安排也很好, 有很清晰的指引,  開學前班主任還會親自打電話給每個家長, 交代要注意的事項, 十分細心, 又會安排高年級學生幫小一同學對手冊, 我之後在內聯網內核對,小朋友在手冊記下的功課完全無問題, 最令我驚喜的是我小朋友十分喜歡學校所提供的營養午餐 (應該是大部份小朋友也說很美味), 我小朋友在第一天返全日已經可以完全適應,

另外, 學校在教導學生的品德也做得不錯, 安排高年級同學照顧低年班, 又給予每個小朋友在班內有自己的職務, 增加小朋友的責任感和自信心

可能是地點比較遠離鐵路沿線和第一年是粵教中, 我覺得無乜大陸人, 每天送小朋友返學也聽不到家長用普通話交談 (以前幼稚園就有幾個家長只會說普通話).

教學上, 應該不是谷但也不算”HEA”, 每日有4-8樣功課, 因每天也有導修課, 可完成部份功課, 回到家平日暫時可以一個小時內完成所有功課. 中文教科書和培正的一樣, 英文用LONGMAN系列書本, 另加一本READ UP 都幾深,  另外, 鼓勵學生閱讀課外書, 數學就跟足教署指引,無教快, 所以比較淺 (可能因為我小朋友讀的幼稚園數學比較深, 好多小一上學期學的數學已經識晒, 所以覺得淺), 而常識我覺得幾深.


我覺得這間學校的校長不是進取型, 不太會對外”宣傳”, 對內她也會放手比她下面的教職員去安排和處理事務, 但我覺得學校的教職員對校內學生和校務上是做得不錯的.


另外, 我知道很多現在就讀的學生家長會在自行階段幫自己既細仔細女報讀這間, 又有宗教分, 只有15 分的家長在自行申請揀這間也未必可以入到, 不過機會應該比出名那幾間大

mamisa

原來數學都唔係淺架, 呢兩個星期開始要做TSA...

mamisa

回覆 LOVEIS 的帖子

of course not la. 讀咗個幾月, 發覺原來教既有D都幾深, 功課都唔少, 同埋默書測驗都多, 不過我小朋友暫時都讀得開心, 因為識到好多新朋友, 同暫時仲應付到, 老師成日都有獎勵印章俾D表現好的同學, 應付到既學生會好有滿足感, 但也有小部份跟不上的同學, 到而家也未能適應.

mamisa

可能相對一D好谷每日有十幾樣功課既小學, 呢間相對好D, 我聽有D派咗D好受歡迎既小學學生家長講, 佢地每日都要用最少三小時才可完成功課, 如果要默書測驗,  根本無乜時間溫書, 但係沙循每日平均都有6-8樣功課包改正,抄寫比較少.通常係閱讀理解或做番堂上教過既exercise,  每日大約一小時可完成功課.
雖然默書測驗都多, 不過, 如果明天有測驗時, 今日老師會自動俾少D 功課,   等D學生可以專心溫書, 呢個安排幾好