沙田平安福音堂幼稚園

小圓圓

我大女剛在這間畢業,地方係細些,但我好欣賞佢著重信仰與學科的整合,即將信仰融入教學之中.小朋友會有許多機會接觸信仰,又會唱詩歌,祈禱,背金句.而且佢用蒙氏教學法,都十分好.老師有愛心.亦教小朋友愛自己和別人.

程度我接受到,英普水平一般,功課每天只係兩樣,好少.我反而唔鍾意功課多的學校.所以我女三年來都十分開心,無壓力.我女宜家升讀了心儀小學.程度銜接無問題,我想家長平時的協助很要緊.下午班師生比例少,重多了一節唱英文兒歌,對孩子更好.現在女兒讀全日小學,也頗快適應了早起的生活,所以讀下午班不用擔心.

我都想我細女讀呢間,但無校車去我屋苑.所以,如果你想讀,我覺得最大問題是接送問題,就算你住沙田區,都唔一定有車俾你.如果個年少學生住個度又唔方便的話.所以,對我來說,就算佢點好,如無人手接送,我都要揀次好的.因為日日來回真係好辛苦,時間亦唔見洗架.

我宜家都想找褓母車接送我女,但未找到,又唔知點找.若找唔到都無計.

小圓圓

如果你能找到人同你輪流接送會好些,因為你日日係咁撲出撲入,初期尚可應付,但要做足三年,想起我就無咁既精力了.出左去你返唔返屋企呢?如果返,無幾耐又要撲出嚟.唔返,係出面又流連三個鐘,真係唔知去邊.不過,你可以係學校做義工,這樣你可等埋孩子一起放學.或者你比佢上1PM的興趣班(佢地興趣班係中午,就埋上下午班的學生),咁就有4小時,你可以返屋企休息再出嚟.

九龍區無第二間學校較好又便宜嗎?如果經濟可以,我寧願選擇次好又有校車的.比多D錢但慳番時間精力.講真我指既次選係佢隔離個間,個間肯定有校車俾我,因為佢有幾間分校,係包車架.