本帖最後由 Soundervolt 於 19-3-14 16:41 編輯
nkd 發表於 19-3-4 22:18 
//我相信除咗學懂對子女放下之外，應該幫佢地裝備好面對學習嘅各方面能力，例如學習動機、自理、時間管理 ...
只係喺生活環境當中融入學習、體驗、遊戲、樂趣及其他元素令阿仔不知不覺從幼兒到成長過程中獲得各方面嘅軟實力。細節太多，並且以前喺其他帖都講過，所以難以詳細盡錄，只可以舉出些少例子。
除咗基本衣食住行，其他嘢都要囝仔盡力去爭取，不可不勞而獲，所以我地用token制度去量化對佢每件事嘅鼓勵/奬賞去換取佢渴望嘅東西。我地兩夫婦都要返工，亦反對陪太子讀書，所以需要盡辦法令阿仔可以獨自做好功課，我會按佢能力同功課質量去釐定需要時間去玩一個「做功課遊戲」，指定時間內完成獲得token獎勵，錯誤愈少愈多獎勵，開始時寬鬆，到把握到後續步收緊，直至達到佢最高效率（其他活動都會限時得到獎勵）。買所有玩具都唔可以即刻有得玩，要儲token達到指定數量才可換取（通常一架車仔需要幾日），其他良好行為都會用token代表欣賞嘅獎勵。我地有一架扭蛋機，扭蛋內有不同獎品內容，包括零食，額外遊玩時間、小玩具、貼紙等，什至一個vocabulary，如果認識呢個vocabulary又有獎勵.....囝仔亦需要儲token玩扭蛋機。當佢掌握到時間同做功課溫習等效率，漸漸反影喺學校成績從而建立自信，之後佢重視喺學校嘅表現多於任何token。之前佢房換冷氣機都用token夾錢（當然唔太多），所以佢好珍惜屋企每一件物件。
阿仔未讀K時經常同佢玩Role -Play，尤其Grocery store。當中可以學習不少中英vocabulary，買賣時找換等數學原理。我房同阿仔房門前都有小信箱，大家經常互相畫公仔同寫信。
阿仔讀K已經參加不同國籍人士參與嘅活動，例如義工團或運動，其中参加Mini Rugby，當中有得玩、強身健體、學習體育精神、群體社交...最主要可以實際學習及運用英文溝通，同教練溝通甚至同其他小朋友嗌交都要識英文，到依家仍然有幾個玩Rugby外籍小朋友係阿仔Buddy，依家阿仔轉咗玩其他項目，不過巧合地仍然係外國人為主。
阿仔從小開始玩不同類形board-games（因為內裡有大量學習元素，例如語文、歷史、科學、天文地理、數學，Strategic thinking....等等）。Monopoly係最容易入手嘅選擇，阿仔每次都需要用一本英譯英字典去拆解英文說明書裡遊戲規則同玩法（查字典過程中亦都學懂大量vocabulary)，教識爸爸媽媽遊戲規則先至有人同佢一齊玩。後來佢仲會喜歡更改遊戲內容增加樂趣(請看下圖)。
我地每年都會去外地旅行(亦要儲token)，開始時我會做好itinerary，然後用blue tape寫好，（當中有true n false) 然後同阿仔一齊編排上行程表，當中可以同佢溝通講解行程內容同學習安排時間資源，到初小佢開始自編行程， 初時梗係做到鬼五馬六，需要我糾正，例如點對點時間安排，照顧爸爸媽媽喜好（學習同理心）財務管理，到高小只要俾一個Budget佢，已經可以獨自用一本Lonely Planet，一部電腦去安排機票、當地酒店、租車，一個似樣行程(itinerary做得好又有token獎勵，通常差不多免費旅遊)，所以佢會好期待每一次嘅旅行，期待佢從Lonely Planet認識嘅地方同實際有乜嘢分別，我依家係跟佢去旅行。
呢啲都係少部份生活例子，至於學習動機、閲讀興趣、專注力及其他軟實力內容實在太多亦不宜再重複.......所以我相信只要兒女擁有良好軟實力，無論喺任何教育制度，任何類型嘅學校讀書都可以有良好效果。
| 
發表於 19-3-6 10:43
