討論下.. ..國際學校會比名/神小好嗎？

Soundervolt

Sing13 發表於 19-2-23 10:42
"各方面都有好成績嘅學校其實並不多"你既結論如果是三四年前可能正確, 但當直資親生仔出來以後, 幾間新興 ...

“有直屬中學既名官津是放棄兩成自己學生,換入Band1A, Band1B既學生”

有直屬中學既名官津只有B3學生不能夠直升，升上直屬中學部當中仍然需要收本身小學部嘅B2學生，而且某尐體藝強校亦會收成績較次嘅街外學生，所以唔會全校都係B1學生。

“直資六年前收既外校生生源是遠不如名官津”

為何？親自挑選過嘅學生（俗稱親生仔），生源遠不如抽纖嘅官津學校？好成績嘅直資，六年後又會收成績差嘅學生嗎？

Soundervolt

Sing13 發表於 19-2-23 11:30
以上幾間都是等到親生仔考DSE先出成績,名氣需要時間,正如港同今日與六年前相比,對叻學生既吸引力大大增強. ...

“而且好多唔上EＫ既家長仲拿DSE之前既學校名氣作參考.（唔想下當年是５個band,中五淘汰一批)

唔明白閣下意思。

除咗港同、優才，亦未見其他直資新校有高升之勢。WKF近年仲頻頻轉換校長，而且課程亦繼續調整當中。直資學校就一定好？辦學者嘅能力往往比資源更緊要。

Soundervolt

Sing13 發表於 19-2-23 11:45
派位收既是5個Band中既band1 同3個Band中既band1學生有分別吧. 名中收返來既學生,要培養六年,　唔似以前 ...

相信閣下並不瞭解WKF情況，不過我身為街外人亦唔方便太多指手劃腳，睇下有冇其他EK網友可以補充。

被直資小學取錄嘅學生，只係適合到面試機制，未必一定係優質學生。

2、3嘅問題都係還原返資源唔係各方面好成績最主要嘅關鍵，家長願意為小朋友學習付出金錢或學校請多幾個外語老師，只要資料利用得唔恰當，多多資源都冇用。

Soundervolt

Sing13 發表於 19-2-23 11:45
派位收既是5個Band中既band1 同3個Band中既band1學生有分別吧. 名中收返來既學生,要培養六年,　唔似以前 ...

我做過某名津校嘅PTA見過有關數據，由小一到小六嘅學生流動量大概係10-15%，呢十多巴仙同學可以左右大局嗎？

一間名津直屬學校何來30%B3學生？阿仔學校近年畢業人數大約有190人，升上中學部人數每年徘徊喺16X人，何來30%？ 唔好憑自己想像就當成事實，不過有咁嘅諗法，唔單止您一人。

Soundervolt

Sing13 發表於 19-2-23 13:04
我前文是講兩三成升唔上,唔同學校百分比不同,唔可以只用你個間學校做代表,有D中學自行階段是唔收自己小學 ...

直屬津校升中人數係受政府規定，所以唔會低到30%，所以早排港華唔想收咁多華小學生唯有希望脫鈎或轉為直資。

呢排真係好忙，已經同您傾咗一朝.....如果遲咗複製您，請見諒！

Soundervolt

Sing13 發表於 19-2-23 13:33
先多謝你既認真回帖.你有時間先回吧.有D學校既直屬位是分比兩間小學既. 所以會有30%以上升唔到.
...

嗰尐係聯繫學校，唔係直屬學校，兩者有分別

Soundervolt

Sing13 發表於 19-2-23 13:44
本帖最後由 Sing13 於 19-2-23 13:58 編輯

南區著名女校嘉諾撒聖心書院，雖與中西區兩間直屬小學保留直屬關係，但本年度（2014）的升中派位自行收生階段報名，卻決定取消「直屬直升」機制，全面開放五十八個中一自行分配學位供全港小六生競逐，即撤銷兩間直屬小學共二百七十名應屆小六生的升讀優先權

https://orientaldaily.on.cc/cnt/news/20141211/mobile/odn-20141211-1211_00176_060.html

Soundervolt

Sing13 發表於 19-2-23 14:12
本帖最後由 Sing13 於 19-2-23 14:38 編輯

其實您都係屬於典型認為直資學校一定優於官津，有資源一定有優勢嘅家長。

讀書及教學並非咁簡單....官津直私都會有佢地嘅好學生，學校質素同優勢並非用要交學費同唔使交學費而區分，而係只有辦得好同辦得唔好嘅學校。

至於校網問題我亦多次喺EK解釋過，大家唔應該只聚焦校網內豪宅地段，每一個校網都會函括豪宅同基層社區，例如您所講嘅灣仔包括跑馬地但又包括駱克道劏房、麗德村，九龍城有九龍塘但又包括賈炳達道、有1500個單位嘅美東村。抽得纖大家都機會均等。

Soundervolt

Sing13 發表於 19-2-23 16:57
本帖最後由 Sing13 於 19-2-23 18:49 編輯

若果只為可以直升中學，牌面上一條龍學校好似幾有優勢，但若果喺DGS升中時係B3嘅成績，就算學校唔善意勸喻，繼續勉強讀落去又是否對學生有好處？如果一條龍學校唔需要理會升中成績，霸王花位千金就唔需要離開DGS，阿龍阿松既千金亦唔需要係另一間直資神校升中時轉去讀國際學校。DGS本身已經係頂級強校，學生冇需要用呈分成績轉去其他學校。

如您所説「直資學校唔需要追求呈分和排名時容易達成」那麼所有直資成績就算唔及DGS，亦應該有港同嘅級數，我不想指名道姓，但冇升中壓力，直到公開試嘅成績仍然一般嘅直資大有人在。而且讀一尐冇呈分嘅二缐一條龍學校，學生本身成績好，希望升中時想更上一層樓轉到成績更好嘅學校並不容易，所以讀一條龍學校，家長需要小心呢個問題。

Soundervolt

nkd 發表於 19-2-19 11:23
雖然 Soundervolt 兄無暇回應，但明顯填鴨式教育是創意兇手。餵食，然後吃相要個個一樣，分數鬥誰吃得最乾 ...

扼殺創意嘅原凶往往係父母本身，而並非任何教育制度、課程或學校所做成。

我地成長喺填鴨教育年代，大部份父母對子女嘅教育認知比較簡單，父母幫子女搵學校唔會太揀擇，為子女去搵一尐師奶圈口中好學校已經唔錯，子女讀唔讀到書多數都係靠自己，就算成績唔OK，只要唔好學壞便可以，更加唔會諗得太多什麼將來嘅學業或工作前途。就係呢種「靠自己」、「自由」、「不干預」嘅生態令到有創意慾望嘅學生根本唔需要理會什麼教育制度、課程、成績或父母嘅左右，能夠喺自由冇束縛嘅空間盡情發展創意，追逐自已嘅夢想。

反觀而家社會整體比較富裕，家長普遍有學識，唔少家長亦將自己喺社會嘅經歷及價值觀投射喺養育兒女身上....成績唔好考唔到好嘅幼稚園、小學、中學，繼而上唔到好大學，入唔到揾到食嘅科目，畢業後搵唔到好工，就會搵唔到錢供唔起樓....（下省數百字），若果家長對小朋友處處呵護，所有事情安排妥當，每事都要插手干預，唔容許不合家長心意嘅思維或犯錯，只會進一步窒礙小朋友創意嘅發展。社會彷彿只會產生追求學術成績嘅單一機器，而沒有多元化嘅各式人才。

以上只係講出窒礙創意發展嘅其中原因。除咗自由空間外，其實creativity係需要透過生活當中不同细節上培養出嚟，希望稍後可以繼續討論培養創意呢個話題，而且討論讀IS又點解不利創意前路嘅問題。


P.S.希望再有時間同您再討論Holistic education既問題。

Soundervolt

Sing13 發表於 19-3-4 09:41
「靠自己」、「自由」、「不幹預」如果培養創意是咁簡單就好啦. 或者講依D叫街頭智慧.

最好既做法是家 ...

閣下先睇清楚我討論既內容，我以上解析嘅係對創意發展嘅障礙，仲未講到創意嘅討培養。創意能力係需要喺整體生活中醞釀，並非閣一樣嘅認為用資源刻意去培養創意，創意本身同學藝係兩回事，學彈琴畫畫只會學懂技巧，變成琴師畫師而唔會變成作曲家或畫家。若果兒童希望用任何課程去刻意栽培創意，只會適得其反，因為課程本身就係一種限制，一種系統，呢尐係有違創意所需要嘅思考自由及think out of box原則。

至於street smart對創意亦非常重要，當中對解難、靈活思考、聯想力、應變能力、表達能力及其他元素對創意發展起咗關鍵作用，若果閣下有機會出席喇沙書院入學家長會，學校用幾大篇幅講Street Smart嘅重要性就會更加明白。

讀大學時為咗搵外快走去誤人子弟教兒童畫，每一堂都有特定題目，其中一堂嘅題目係最難忘嘅一天，唔少小朋友都畫旅行、到公園玩，有花草樹木，七彩繽紛....呢尐都係唔少家長喜歡嘅效果。但偏偏有位小朋友用一技黑色臘筆，小心翼翼由左上角油到右下角將畫紙變成漆黒，當課堂完結前大家開始討論圖畫時佢解釋呢張畫係描述屋企停電！我對呢幅畫評價十分高，原因唔係技巧而係勝在意念思維，但又會有幾多家長懂得欣賞?

培養創意係透過環境、經歷、自由嘅空間去醞釀，著名小說家查良鏞先生都有講過創意能力係唔可以喺敎育系統訓練多幾個金庸出嚟。

Soundervolt

Sing13 發表於 19-3-4 11:27
如果在傳統學校中，老師會唔會叫上面個位小朋友重畫呢，如果會，小朋友下次就唔會做啲咁有創意既事.
如果 ...

真正有創意既人唔喜歡重复，今次咁畫下次已經唔会一样。呈分係獨立递交作品，想臨摹其他人已經太遲......

您又還原到我之前提及既:

"成績唔好考唔到好嘅幼稚園、小學、中學，繼而上唔到好大學，入唔到揾到食嘅科目，畢業後搵唔到好工，就會搵唔到錢供唔起樓....（下省數百字）"


而且只要有一個creative mind，亦幫助到需要寫作既科目有好成绩.....VA所佔整體呈分比例唔算高，唔少學校对VA俾分亦十分寬鬆，有尐學校什至對全部學生VA呈分劃一得分，希望學生專注主科成績，但我認為咁样對有VA talent既學生反而唔公道。

Soundervolt

Sing13 發表於 19-3-4 12:23
如果是高年級,家長點解要去學畫畫, 最好就是上你既課, 畫一次, 你執完, 貼中視藝考試題目, 畫多次拿高分,  ...

呢尐咪就所有事情只為求分數，用投資去考量回報，親手扼殺咗小朋友創意嘅家長攞。 所以我後來再冇做呢類所謂興趣班嘅幫兇，讀書時繼續搵其他外快，畢業後撈創意工業廿年...您嘅說話正正印證我之前嘅說話，父母先至係左右小朋友喺創意發展嘅關鍵。

Soundervolt

MrBeast 發表於 19-3-4 12:39
若學校未能提供到環境，父母也可以額外提供，eg, 去外國summer camp, 情況就好似讀is 唔代表唔可以補習一樣 ...

當然，出嚟工作仲需要不同嘅能力同條件，creativity只係其中一部份。有尐人相當creative，但缺乏其他hard n soft skills都對做人做事有不少障礙，所以Holistic Education十分重要。

Soundervolt

Sing13 發表於 19-3-4 13:09
是教育制度使家長同小朋友求學就是求分數.
你全科外補，級頭入神中名中.咁就威威啰，學校都以你為榮.
我畫 ...

請您睇返我喺363#嘅回复....唔再跟您遊花園。究竟有幾多父母真正認清楚自己仔女才能？

Soundervolt

MrBeast 發表於 19-3-4 13:20
講到底，畢業時求職hr 都是睇分數，in addition, 什麼u。
不過我同意，若環境許可，小學階段比多些空間小朋 ...

呢個係兩part嘅話題，我只係跟那位家長討論creativity ，讀書當然要睇分數，而要讀得好需要唔少基本功，需要另開topic去討論呢個話題。

Soundervolt

Sing13 發表於 19-3-4 14:27
你可以話是家長因素, 但家長既行為都是要圍繞教學制度而轉.現行教育制度下, 唔通叫家長唔插手幫小朋友呈分 ...

其實您對官津學校有太多誤解，而且概念上只係停留喺一群低教育效能嘅學校（可以參考回复36#），我仔都算讀緊一綫學校，入面都唔少成績普通學生追求佢地喺學術以外嘅專長，而且讀書要有好效果並非您心中只靠十全大補，深入全面了解多些會對教導兒女有幫助。至於讀國際學校都有佢好與壞，近日同兩位朋友子女讀一間唔錯嘅IS（Shatin College)食飯，佢地不約而同都話仔女都有一個基本生活問題，就係連去茶餐廳都唔識睇餐牌，只肯同父母講英文....其實希望仔女「脫中」仲有其他問題。待續！

Soundervolt

nkd 發表於 19-3-4 14:47
好的
期待

放唔放手都係睇父母心態，我都認識子女讀IS嘅家長覺得數學同中文太淺要外補，仍然離不開讀書同補習掛鈎嘅思維，而家去補習已經變成一種羊群心理嘅文化，成績唔好去補習追成績，本身成績好嘅又去補習（操卷或強化答題技巧）所以唔好以為所有學生讀唔掂先至去補習呢種舊思維。您見補習社同學生合相然後話攞A**，其實呢尐學生本身已經有能力攞A，去補習等同食维他命丸，所以好成績同補習社未必有直接關係。

我相信除咗學懂對子女放下之外，應該幫佢地裝備好面對學習嘅各方面能力，例如學習動機、自理、時間管理、閲讀興趣、專注力、創意思維、解難能力....等等嘅軟實力，令佢地對學習變得得心應手，無論喺任何教育制度任何類型學校都可以有好嘅效果，而唔係陪佢地一齊追趕分數呢尐低層次嘅讀書觀念。我仔已經讀緊中學，佢由小學開始已經需要靠自己，我地只係培養佢面對Holistic Education嘅軟實力。

Soundervolt

MrBeast 發表於 19-3-6 08:57
若對子女冇要求，必然宇宙定律：褲不過衫袋

呢句說話以前或對一尐暴發嘅人可能會發生，而家好多old money riches已經將家族資產同生意以基金方式營運，有專業團隊運作，蝕極有個譜。

Soundervolt

Moonlight819 發表於 19-3-6 07:41
絕對是，你見名人富豪子女多數讀什麼學校便知，人的身體最誠實！

名人幫襯嘅食店一定好味尐嗎？唔怪得咁多食肆掛滿名人幫襯嘅相喺舖頭....名人對選擇學校會有好多考量，有錢人、名人嘅仔女未必係讀書材料，阿龍、阿松、霸王花千金敗走本地學校，其他名人子女若果又讀唔掂顏面何存？高水準嘅本地學校亦唔容易入，但某尐有質素嘅國際學校只有錢有關係、買高昂Debenture就可以入讀，入到去讀唔讀到書冇乜所謂，有錢讀大學大把機會選擇，加上保安同私隱問題，所以名流有錢人多數揀某幾間IS，又有幾多名人子女會選擇入讀實力派GSIS? 歌神個女讀讀下都要敗走.....
我認識一位有錢朋友有三女一子，三個女讀IS但係週圍托朋友想搞细仔入DBS