長沙灣祟真面試完成, 等有冇OFFER

小時了了

silvia_ng 發表於 16-12-5 08:44
我女果兩條時事係︰年初二旺角發生咩事? 政府應該做乜野避免呢D事再次發生? DONALD TRUMP係邊個? 香港選特首同美國選總統既方法有咩唔同。
好衰唔衰，我地全家農曆新年一定去露營與世隔絕幾日，事後亦冇同呀女傾過新聞 所以第一條佢係唔識答既!

我女　GROUP　Ｂ時事題又係呢兩條。阿女只答啱DONALD TRUMP係邊個，香港選特首同美國選總統既方法有咩唔同答錯，年初二旺角發生咩事，阿女答唔知

小時了了

Mei 發表於 16-12-9 11:33
有second in消息未？

未

小時了了

ICbaby 發表於 16-12-12 14:56
今天收到信2nd in

恭喜您! 唔知阿女今日收唔收到呢?

小時了了

kkhon 發表於 16-12-12 15:36
我下午，但要見家长，我最怕！

吓! 要見家長?

想問您 1st In 時您小朋友是上午定下午面試呢?

小時了了

放工趕返屋企睇信箱，我都收到信，10:30 second In

小時了了

twhkleung 發表於 16-12-15 11:54
請間一下,我個仔第一面試是在明年一月廿一,但大家好似都面完晒了,是否我有什么搞錯了??? ...

第一輪收生係12月面試

依家學校網上中一申請表係第二輪收生, 1月尾 1st In, 2月 2nd In
http://www.ttca.edu.hk/wp-content/uploads/2016/10/Application_FormNov2016.pdf

因為有第二輪面試未開始, 所以我先至唔出 post 寫崇真面試內容, 大家公平啲

小時了了

今日阿女去咗 SECOND IN 時家長入另一間房聽校長分享，我個人好眼淺，真係聽到我眼濕濕，好感動。呢個袋係今日學校送俾家長嘅小小記念品，係好短時間內老師及學生自己設計及親手做，物輕情重啊！個LOGO有兩個一大一小足印，大足印係主耶穌，細足印係學校/老師/學生，有TTCA呢幾個英文名係足印裏面呢，意思係學校/校長/老師/學生等跟隨主耶穌腳蹤。校長分享老師見到同學呢啲製成品時，手工粗糙，車功不一。。。有啲沮喪，但老師及校長卻從中體會到每個人每位學生都不一樣及不完美，就好似主耶穌昔日跟從祂的門徒咁樣不濟，但主耶穌無嫌佢哋笨手笨腳反而好接納佢啲門徒，不斷俾機會，不斷陪伴及培訓佢哋成長，校長及老師都要學效耶穌。校長咁樣分享，真係俾我感受到崇真學校真係非常有愛心，好能夠以基督嘅愛去關愛及栽培學生。



原本我打算崇真只用來作為其他直資嘅面試練習，唔會讀。但今日聽完校長咁講，間學校真係好好，好有愛心呀， 我真係有動搖喇！

小時了了

MariaTsui 發表於 16-12-18 09:40
崇真是好學校，哥哥同學，今年中三，小學時，同學仔不顯眼，是小學被遺棄的一群，在崇真3年，看見同學仔有 ...

其實我唔係好明，點解"崇真"係網絡討論區以前俾唱得咁唔好？！純個人感受，以簡介會, 交表格及面試時間時接觸嘅崇真，俾我感覺學校真係好有愛，好有心，對學生好好，只係間學校DSE成績唔係好標青，暫時唔係BAND 1成績而已。

我依家掙扎緊嘅係以呈一呈二成績阿女屬B1B，我及阿女願唔願意咁快決定去B2A - B2B中學？我以學校教育以愛及陪伴學生品行成長為依歸去決定？定係偏向多少少以學術成績為依歸呢？唉！積極考慮思量中。

P.S. 其實，我都未知崇真會唔會收我女！

小時了了

Second In 時校長講過第一輪收生呢批學生家長要係 1月14 或之前 confirm, 應該1月頭收信掛

小時了了

kkhon 發表於 16-12-29 15:04
剛收到offer信

真心恭喜, 祟真係一間好有基督嘅愛嘅好學校

小時了了

KD316 發表於 16-12-30 00:00
很感恩，今天收到offer信。

想打聽下, 小朋友是B1 A/B/C 定係 B2 生呢? 你會接收 offer 嗎?

小時了了

KD316 發表於 16-12-31 01:49
回覆 小時了了 的帖子
我會接受offer去註册的。
我的考慮是這樣：我阿仔是B2-A，沒特異功能，只有些英文考試Cert (KET - Merit, PTE Springboard - Distinction)，應該很多人都有，所以自行 in B1學校應該唔得。
我是九龍城區，如果是B1學生，大抽獎就有很多好學校可揀，但B2學生就只有3間較好的B2-A學校：何官、九真及培道。有兩間是女校，男仔只有何官可揀，但何官有聯系官小，大抽獎名额只有約50名，而且很多B1學生會放它在乙三，最後落到B2生抽獎名額真的不多，很難抽到，而且基崇的成績是比何官的好，所以我一定放棄大抽獎去註册。
另外，阿仔想讀基督教學校，及想學校有泳池(他喜歡游水)，基祟都滿足他的願望，所以基崇收o左真的很開心

真心恭喜及感恩，唔係個個都有OFFER架 。雖然我女呈一及呈二後B1B但崇真呢一輪都只係 WAITING LIST。可能天父知我把持不定知我會註冊崇真，咁依家崇真關咗門無後路了，令我同阿女被迫破釜沉舟去考赤柱聖士提反／培基／匯基。

真心祝福您！替妳開心及安心。崇真真係一間好好嘅學校！

小時了了

祟真剛打電話俾我但我電話去咗留言信箱! 打返去祟真佢哋又講緊電話!

係咪收我女喇!

小時了了

KD316 發表於 16-12-31 01:49
回覆 小時了了 的帖子

我會接受offer去註册的。

再打去祟真, 原來係電話俾 offer 喇, 後補信, 1月17日前註冊, $800留位費+小六資料表啊

小時了了

cheuklokmom 發表於 17-1-3 12:47
回覆 小時了了 的帖子

咁快已经打電話比offer,  你點決定呀?  我都是waiting list, 希望都有好消息啦

會註冊呀! 但仍會考其他嗰3間, 不過自己同阿女都唔會有咁大壓力去面試喇, 考到其他時才考慮轉唔轉去了, 因為祟真真係一間唔錯嘅基督教中學

祟真我同阿女都好鍾意的. 呈分試及升中面試真係好辛苦, 好想快啲完.

小時了了

今日我帶埋阿女去崇真註冊學位。之前我杞人憂天，擔心如果之後其他直資收而我想係崇真攞返張小六資料表，但如崇真唔俾返咁我點去新嘅直資註冊呢？今日我係崇真簽協議書前，學校書記口頭講一次簽協議書內容，其中一點佢話如果之後家長想放棄學位，一定要係4月18日之前，否則交咗小六資料表教育局就無得取消了。嗰刻我聽到個書記主動咁講呢個 Point，之前我杞人憂天嘅擔心一掃而空了。


P.S.1: 書記主動講取消學位截止日期，係咪以前都有好多人問及好多人咁做，所以講定先，等家長們作好預備。

P.S.2: 今晚我同 C6 傾咗成晚崇真vs培基，C6及我開始有啲取向，對崇真初中階段 25人一班小班對阿女青少反叛期有實際需要, 及對我一家修補及維持和好家庭關係應該好有幫助。不過，未到2-3月，我都未知最後決定如何，都唔能夠咁肯定去講啲咩野！

小時了了

mr1010 發表於 17-1-11 09:27
回覆 小時了了 的帖子
好多謝你的訊息，非常大幫助
同一道理，即係若改變主意決定大抽獎，也可在 18/4 前取回

間間直資交俾教育局日期唔同, 又唔可以話全部直資係18/4 交俾教育局嘅

祟真: 可在 18/4 前取回.
天水圍李兆基: 日期4月20 日前取回

小時了了

妹妹頭 發表於 17-1-11 09:55
回覆 小時了了 的帖子

想問問, 祟真有第二輪截表時間(14/1), 但你地已有OFFER, 會唔會已收齊學生, 第二輪會冇得IN, 零OFFER架?

第二輪一定唔會零OFFER, 崇真唔係一線直資, 只係二線咋.

前幾年聽簡介會時, 上一任校長好似講過下第一輪收生人數會比較多位可能容易入啲, 第二輪嘅學位少啲多人爭可能難啲才入到. 唔知校長係咪 Sales 技巧想啲人早啲申請, 但我好記得提自己日後報崇真早啲交表希望考到機會大啲.

P.S. 依家換咗校長唔知仲係唔係咁呀

小時了了

VV2016 發表於 17-1-11 11:38
唔係. 首先註冊直資A校, 之後取消註冊;  玩大抽獎, 放榜後, 叩門入讀直資B校. ...

VV2016, 我好記得你個網名及你去年小朋友嘅升中經歷, 真係睇到我好驚及堅有眼淚流. 如我無記錯, A校: 崇真, B校: 李國寶.


就係因為你嘅分享令我改變決定, 原本我一直以來無諗住崇真註冊的, 因為我嘅目標係培基/匯基/聖士提反麻. 但你嘅經歷令我重新評估自己可以承擔嘅風險. 當12月福建中學阿女無得 second in, 12月28日收到崇真信只係 waiting list. 嘩! 1月3日崇真打電話俾我話出 offer 收阿女, 我知道一切都唔係我所掌握及我都唔可以咁老定其他直資阿女一定考到喇. 雖然好多網友都鼓勵我以阿女成績培基應該考到, 但係如果, 如果真係培基考唔到咁點呢? 我都要為阿女諗定後著架, 崇真絕對係我苦海明燈, 令我放心及安心去繼續考餘下的直資


希望你講叩門嘅band 2頭中學唔係崇真啊, 個心真係又再離一離喇


升中經歷(家長編): https://www.edu-kingdom.com/forum.php?mod=viewthread&tid=3366398&extra=&page=3
"我已過了淚眼盈眶階段.上年升中人數新低, 機會多的是. 偏偏小朋友, 不能掌握優勢;  在一遍歡呼聲中, 落寞而來. 幸好有心理準備, 否則失控落淚.

隨後係叩門......叩門加叩門. 最沮喪係 band 2頭學校 (小朋友係Band 1 邊緣人), 連面見機會也沒有. 真係水鬼陞城隍, 好現實.

不過, 一切會過去的, 升中係一個階段, 又係一個考驗. 小朋友成熟很多, 亦學懂面對現實.
兩天叩門, 小朋友要求盡去, 不想錯失丁點機會, 很難想像12歲人仔, 咁堅定不移.
最後, 叩入直資, 一間自己爭取的學校 (雖不是名校, 但已心足了)
現在回想, 得多於失. 沒有失去, 何來珍惜!

說來輕鬆, 知易行難, 希望各位迷惘的父母, 有少許啟發, 得不必喜, 失不必愁.

小時了了

wongkaka 發表於 17-1-12 01:23
唉.........
有時我都想來一個大嘆氣........

明白妳感受, 做父母嗰份患得患失等候嘅感覺好難受, 同時又要睇住女女情緒及即將又要面對呈三, 幾萬樣野要兼顧及處理, 真係令人.....


wongkaka, 加油啊! 依家都仲係1月, 仲有時間申請及 IN 多幾間. 有無申請聖道迦南? 截止申請日期：額滿即止(即是無 deadline, 考慮下)  http://www.stcc.edu.hk/shared_file/1617/1617_S1ApplicationForm.pdf