做左2年幾言語治療!仔仔能力終於貼近同齡小朋友啦!!!!感動! 我仔仔喺歲幾既時候比人話語言遲緩重有D自閉傾向添呀, 當時真係好似世界末日咁呀! 係咁問人點做好點做好! 2年幾內試過2間私家言語治療都覺得同我個仔仔唔夾, 次次仔仔去親都扭計呀喊呀大叫呀打人呀乜都出齊…..真係擔心死我啦…又晒錢但又唔做唔得…..最後終於搵到一個上門言語治療師先得! 真係好多謝佢! 佢同我講仔仔唔使再做言語治療既時候我真係開心到喊呀! 努力無白費!!!! 所以如果各位媽媽覺得做左一排都冇乜進步都不妨轉下言語治療師,可能會有驚喜! 大家都可以分享下自己既經驗呀! 呢個真係一個長期既戰鬥….. 希望各位家長既仔仔囡囡都健康成長!!!!!!! |