大學選科

khmama

十月開始要選大學啦, 大家選定20個志願未? 順便一提, 英國大學聯招9月中可以開始報, 未考IELTS既家長要快o的報名啦!

khmama

原帖由 9498mami 於 11-8-26 15:20 發表
hkmama,

請問有冇多D選科資料可以介紹一吓呢？順便講吓你嘅心得！

我依家幫阿女去瞭解自己最想讀o既科目先, 雖然o的過來人叫我first degree最好係搵專科讀, 但係個女又唔想做醫生,律師, 工程師. 我亦都盡量就番佢既興趣去同佢傾, 數數下剩番Maths, Account同Computer佢較為有興趣.  所以依家搵咗廿幾個相關科目比佢自己再選.  大學選科唔同升中, 一定要佢親歷親為, 我最多比意見. 選科資料可以去www.edb.gov.hk/334個網搵.
心得就冇啦, 我都幾享受同個女討論選科呢個過程, 每日我會講少少我既經驗比佢聽, 你會發覺佢由一o的都唔知, 慢慢識得要諗下選既科有冇出路.
我都諗住同佢報英國o既大學, IELTS已經考咗. U就主要係報Maths同Account. 報外國大學更加要佢一齊搞, personal statement都要佢自己寫. 佢知道考得好就可以入top既U, 萬一考得唔好可以報foundation再入U, 一樣四年冇蝕底, 等佢少o的壓力.

khmama

原帖由 Yanamami 於 11-8-27 12:45 發表
hkmama,
IELTS難嗎?  如何準備?  適合Form幾去考?  謝謝解答.

IELTS試分4部分, 包括reading, writing, listening同oral. 難唔難好睇小朋友既程度, 我識得既名校中五中六生, 唔去準備既程況下都考到overall 6.5分. 不過writing比較難. 坊間都有得讀, 不過我自己覺得唔需要. 如果去外國讀foundation, 一般都係要求5.5分 - 6.5分不等, 大學就要求起碼7分.
個成績有效期係兩年, 如果想讀完中五走, 就中五上學期就好考定, 如果讀完中六走, 就中五升中六暑假要考定.

khmama

http://www.jupas.edu.hk/jupas/c_content_key_dates.html#4yr

khmama

原帖由 ninmum 於 11-8-29 23:34 發表

khmama, 多謝你一直以來的指點, 小兒升中時也是多得你的資料使我呢個懞查查媽咪可以順利渡過派位.
現在小兒已f4了, 想再次請教以下問題:
IELTS同 IGCSE有什麼分別? 如阿仔想去英學讀U應考那個試?? ...

IELTS係國際性既英語測試, 好似TOEFL咁, 入大學時人地可以憑呢個試既成績大約知道你既英文水平. IGCSE係國際中學文憑, 程度同中學會考差不多, 可能仲容易過會考. IGCSE由Edexcel International 同Cambridge各自提供, 一年有兩次試, 科目有好多選擇, IGCSE係一個國際認可既資歷, 如果你打算去英國讀A-LEVEL或者係香港讀IB, 可以考IGCSE. 考咗GCE A-LEVEL都可以選擇係英國讀U或者以NON-JUPAS入本地大學. 如果你諗住考文憑試, 可以用文憑試成績以JUPAS報本地大學, 亦可以報英國既大學不過一般都要求你要考IELTS並達到一定標準.

khmama

原帖由 9498mami 於 11-9-1 11:37 發表
hkmama,

多謝你的回覆！
你講得岩，大學選科唔同升中, 一定要佢親歷親為。我都有同囡囡一齊傾吓大學選科嘅資料，似乎佢重清楚過我。
你囡囡係幾時考IELTS嫁？咁出年佢可唔可以用非聯招申請入香港嘅大學呢？ ...

IELTS只係英文試, 用黎報英國既大學用, 7月尾已經考咗. 出年考文憑試, 我只可以用JUPAS申請香港既大學.

khmama

原帖由 ANChan59 於 11-9-1 16:48 發表
hkmama

If your daughter may go to UK, the following link may be useful to you both. I used that for my son's preparation.

http://www.thestudentroom.co.uk/

ANChan59

ANChan59,

唔該晒, 我會send比阿女睇. UCAS比較簡單, 得5個choice, 阿女一早已經心有所屬, 依家只係等佢作好份personal statement. 你囝囝係咪都係出年入U?

khmama

雖然仔女大個啦, 升大學唔應該再係家長主導, 但家長都可以擔任比意見既角色. 唔講唔知, 選大學都有策略, 20個選擇其實頭6個已決定勝負, 如果策略錯誤, 有可能錯失入大學既機會, 所以家長最好先去呢個link睇下大學遴選既遊戲玩法.
http://www.jupas.edu.hk/tc/j4/useful-material

khmama

原帖由 kmmum 於 11-9-6 15:17 發表
我是路過的媽媽, 如果在cu 讀computer science .有心理準備,會幾吃力. 如果有興趣,不怕通頂.  將來畢業,會幾吃香.
現在很少人讀電腦.  但市場上需要仍然很大.
but. 如果,我可以重頭來過,會選會計師路.因為.既然要 ...

其實做邊行都辛苦, o的細路肯比心機讀到大學我都收貨架啦, 想讀咩我地都管唔到. 我仲記得阿女小一時要去叩門既情景, 一轉眼十年好快過.

khmama

原帖由 ninmum 於 11-9-3 12:48 發表
thanks khmama,

咁即係話 IGCSE 係考黎去英國讀高中, 而要入英國U就要考 IELTS OR  GCE A-LEVEL, 是不是這樣理解?

請問若以文憑試成績考英國U 容易d 定俾囝囝去英國讀一年foundation course 再考英國U容易d?? ...

其實要睇你目標係邊o的大學, 好多top既大學, 如cambridge同oxford, 係冇foundation讀既, 必須要有公開試成績. 有o的有foundation, 但唔易讀, 要你達到某個分數, 不過都唔guarantee大學有位, 如Warwick. 有o的foundation就只要係達標就guarantee有位, 如Lancaster.

所以唔係話讀foundation 會易o的入U. 如果想入top既學校, 我覺得係英國讀完college用GCE成績會易過o係香港用文憑試成績考入去.

khmama

原帖由 aachan2250 於 11-9-7 11:36 發表
Hello, hkmama,

請問如果去美國讀社區學院, 要考IELTS 還是 其他?

剛剛有個親戚八月尾去咗美國讀社區學院, 要考TOEFL, 大約今年4月份考, 但係因為TOEFL唔夠分, 學院要迫佢讀多個英文COURSE.

khmama

原帖由 JP 於 11-9-7 14:17 發表


khmama,

可否介紹下報UCAS程序/收生要求？
如只考HKDSE+IELTS可以嗎？
UK 大學會睇中學internal成績嗎？因為HKDSE要7月20日始放榜...

Thanks!

其實UCAS同香港既大學聯招差不多, 都係網上填表. 你可以去呢條link睇下.
http://www.ucas.com/parents/

香港大學聯招就分5個band (A-E) 共20個choice. UCAS就得5個choice. 如果係報2012年入學, oxbridge (即cambridge同oxford)同某o的學科個deadline係今年10月中, 其餘既學校同學科就1月中deadline. 你報UCAS時要提供學校推薦信同學生自我介紹既personal statement. 大學會根據你IELTS成績同personal statement決定使唔使interview, 有冇unconditional offer或conditional offer. 除非你仔女好勁, 否則一般都只係conditional offer, 要你HKDSE考咩成績先會正式取錄. 如果5個choice都reject咗, 仲可以有後補機制.

如果唔識填, 你可以搵agent幫你搞, 唔收錢既.

khmama

原帖由 aachan2250 於 11-9-8 12:25 發表
Hello, Khmama,

我家人在NY同NJ, 有無邊間社區學院會好的?
考社區學院先,再考TOEFL嗎? 申請須要咩文件?
要經升學中心,總係自己申請比較好呢?
Sorry, 我比較緊張的, 謝謝!





...

唔使咁緊張, 我個親戚係經agent伸請既, agent可以guide住你同埋做follow-up, 唔使自己去煩. 你可以係網上搵下, 再唔係就等我問個親戚攞個agent contact你參考下. 社區學院我唔熟, 好唔好應該睇下o的學生升去邊間大學year 3. 間間都話自己可以升去美國top 50既大學, 最好有o的實質既數據睇.

khmama

原帖由 JP 於 11-9-8 12:25 發表
Thanks very much for your link and info!

我仔2013才考HKDSE,想預先了解下。

你女會否報美國大學？

我比較喜歡英國, 感覺安全o的. 我都有好多親友係英國讀完大學既.

khmama

原帖由 KITTY.WONG 於 11-9-8 21:54 發表


未考文憑試如何參加聯招?

10月25日起你可以去http://www.jupas.edu.hk/tc/j4填晒20個大學既志願. 到考完文憑試, 大學各科會根據報名考生既成績同portfolio排好收生名單次序, 電腦會根據你既意願次序同大學收生名單次序編配學位.


2012年度「大學聯合招生辦法」重要日程 ﹝四年制課程﹞

日期／時間	事項
2011年9月17日 2011年9月18日	資訊日 － 香港理工大學﹝為香港中學文憑申請人﹞ 資訊日 － 香港理工大學﹝為香港高考申請人﹞
2011年9月24日 2011年9月25日	資訊日 － 香港科技大學﹝為香港高考申請人﹞ 資訊日 － 香港科技大學﹝為香港中學文憑申請人﹞
2011年10月8日 2011年10月9日	資訊日 － 香港中文大學及香港教育學院﹝為香港中學文憑申請人﹞ 資訊日 － 香港中文大學及香港教育學院﹝為香港高考申請人﹞
2011年10月15日 2011年10月16日	資訊日 － 香港城市大學及香港浸會大學﹝為香港高考申請人﹞ 資訊日 － 香港城市大學及香港浸會大學﹝為香港中學文憑申請人﹞
2011年10月22日 2011年10月23日	資訊日 － 嶺南大學﹝為香港高考申請人﹞ 資訊日 － 嶺南大學﹝為香港中學文憑申請人﹞
2011年10月22日	資訊日 － 香港公開大學﹝為香港高考及香港中學文憑申請人﹞
2011年10月25日 ﹝上午9時起﹞	申請人由該日起可透過「大學聯招辦法」網上申請系統遞交入讀申請
2011年10月29日 2011年10月30日	資訊日 － 香港大學﹝為香港中學文憑申請人﹞ 資訊日 － 香港大學﹝為香港高考申請人﹞
2012年1月9日 ﹝下午11時59分﹞	於網上申請系統遞交入讀申請的最後限期
2012年1月9日 ﹝下午11時59分﹞	殘疾人士於網上申請系統填寫殘疾狀況及上載相關證明文件的最後限期
2012年2月3日 ﹝下午5時﹞	於網上申請系統填寫及確定「比賽／活動的經驗及成就」資料﹝第I或II部分及／或附加資料﹞及遞交有關證明文件予學校／「大學聯招處」作核實的最後限期﹝如適用﹞ 第I部分 - 遞交予學校作核實 第II部分 - 應「大學聯招處」之要求遞交
2012年2月7日 ﹝上午9時起﹞	申請人由本日起可在網上申請系統遞交更改課程選擇的申請
2012年2月10日 ﹝下午5時﹞	學校／「大學聯招處」於網上申請系統核實有關「比賽／活動的經驗及成就」的證明文件的最後限期
2012年2月28日 ﹝下午5時﹞	非在校申請人遞交推薦書予「大學聯招處」的最後限期
2012年2月28日 ﹝下午11時59分﹞	學校於網上申請系統遞交校長推薦書的最後限期
由2012年3月／4月起，參與院校按課程需要舉行面試及測驗
2012年3月30日 ﹝下午11時59分﹞	於網上申請系統填寫其他學歷﹝包括中學文憑以外學術成績、音樂考試成績及其他中國語文成績﹞的最後限期
2012年3月31日 ﹝下午11時59分﹞	於網上申請系統遞交「學生學習概覽」的最後限期﹝可選擇遞交／不遞交﹞
2012年4月13日 ﹝下午5時﹞	遞交其他學歷﹝包括中學文憑以外學術成績、音樂考試成績及其他中國語文成績﹞證明文件予學校或「大學聯招處」於網上申請系統核實成績的最後限期
2012年5月29日 ﹝下午11時59分﹞	由學校校長於網上申請系統遞交校長推薦計劃申請的最後限期
2012年6月4日 ﹝下午11時59分﹞	於網上申請系統遞交更改課程選擇申請的最後限期
2012年7月3日 ﹝上午9時起﹞	申請人於本日起，登入網上申請系統，查閱獲分配於2012年度香港中學文憑成績公佈後，作更改已選報課程選擇的個人時段
2012年7月19日 ﹝上午9時﹞	申請人可於網上申請系統查閱校長推薦計劃及「比賽／活動的經驗及成就」結果
2012年7月20日*	香港考評局公佈2012年度香港中學文憑成績
2012年7月21日至23日*	申請人可按個別指定時段內於網上申請系統更改已選報的課程選擇
2012年7月23日 ﹝下午5時﹞	以書面遞交退出「大學聯招辦法」申請的最後限期
2012年8日10日	殘疾的申請人可於網上申請系統查閱申請結果
2012年8月17日* ﹝上午9時起﹞	2012年度正式遴選結果於網上公佈
2012年8月17日* ﹝上午9時起﹞ 至 18日*﹝下午6時﹞	獲正式遴選取錄資格的申請人繳交有關款項以確定接納取錄資格﹝有關詳情將於稍後公佈﹞
2012年8月20日*	香港考評局通知香港中學文憑成績覆核之申請人有關覆核結果
2012年8月21日* ﹝上午9時至下午6時﹞	在香港中學文憑成績覆核中，取得較高總等級／評級的申請人，如擬要求有關院校按覆核後的成績重新考慮其取錄資格，可於網上申請系統遞交申請
2012年8月28日* ﹝上午10時至下午6時﹞	申請人因香港中學文憑成績覆核後而獲取錄資格／較高次序的課程取錄資格，於網上申請系統接納取錄資格
2012年9月3日* ﹝上午10時起﹞	補選結果﹝如適用﹞於網上申請系統公佈
2012年9月3日* ﹝下午11時59分前﹞	申請人於網上申請系統接納補選取錄資格﹝如適用﹞
2012年9日10日* ﹝上午10時﹞	第二輪補選結果﹝首份取錄名單﹞﹝如適用﹞於網上申請系統公佈
2012年9月10日*﹝上午10時起﹞至11日*﹝上午8時前﹞	首份取錄名單上的申請人於網上申請系統接納第二輪補選取錄資格﹝如適用﹞
2012年9日13日* ﹝上午10時﹞	2012年度第二輪補選結果﹝第二份取錄名單﹞﹝如適用﹞於網上申請系統公佈
2012年9月13日*﹝上午10時起﹞至14日*﹝上午8時前﹞	第二份取錄名單上的申請人於網上申請系統接納第二輪補選取錄資格﹝如適用﹞

[ 本帖最後由 khmama 於 11-9-8 22:41 編輯 ]

khmama

申請人數: (包括學士學位 / 副學士學位 / 高級文憑課程)	37,884
獲取正式遴選取錄資格的申請人數:	19,210 (50.67%)

正式遴選取錄資格分佈 (按組別)

組別	學士學位課程	副學位課程	總數
A	11,059 (57.57%)	3,250 (16.92%)	14,309 (74.49%)
B	881 (4.59%)	1,463 (7.62%)	2,344 (12.20%)
C	289 (1.50%)	709 (3.69%)	998 (5.20%)
D	69 (0.36%)	248 (1.29%)	317 (1.65%)
E	119 (0.62%)	1,123 (5.85%)	1,242 (6.47%)
總數	12,417 (64.64%)	6,793 (35.37%)	19,210 (100%)

khmama

如果根據統計數字, 絕大部份都係頭3志願(band A)入U, 所以要小心選擇.

khmama

雖然334轉咗4年制, 但大學學科都差不多, 要知道各科收生要求及派位結果, 可以參考下面條link.
http://catalogue.jupas.edu.hk/catalogue/j3/content_Institutions.htm

khmama

你可以參考呢條link.
http://www.jupas.edu.hk/tc/j4/ap ... tion-procedures/spn

khmama

原帖由 ninmum 於 11-9-10 12:41 發表


想問多一些, 如囝囝考GCE-A level 的成績來報UK 大學係咪比用文憑試成績更易取錄?

GCE-A LEVEL 既認受性高o的, 文憑試對UK既大學黎講只有A/C/E 3個grade, 因為B當係C, D當係E, 數學只係半科, 除非你有讀M1/M2, 如果唔係你永遠攞唔到A. 而且文憑試係第一年考, 人地冇REFERENCE, 如果有得選擇, 大學都寧可考慮GCE A-LEVEL. 當然係咪易入o的都要視乎你既成績.