跨區位的成功率?

王家爸爸

chanwendy 發表於 17-8-8 10:31
但係你最多都只係知自己學校同學仔點選, 全區咁多學校, 你都唔會知其他學校多唔多人選, 真係純賭博買大細咋 ...

博唔博得過其實係 Game theory 問題，比較複雜既數學理論。

王家爸爸

mcl203 發表於 17-8-8 10:58
咁要先瞭解下本區B1位情況嗎，例，本區若有500個B1位，連他區B1位，若你認為本區只有450位B1生去抽統一， ...

講得啱，要先瞭解區內B1學位既供應情況，然後先至有可能估計到競爭對手既可能行動同埋各可能行動既 probabilities。

王家爸爸

chanwendy 發表於 17-8-8 12:11
咁如果我係深水埗女生呢? 呢區女生應該好夠位, 但男生又可能唔夠位喎.  又假設我係邊緣人, 咁如果乙二或三 ...

講真，即使係灣仔啲比較多 B1 位既區，我都係建議邊緣人最多放一間 B1C 喺乙一，乙二開始要保守。如果係深水埗，我建議搵間自己真係鍾意（最少無咁唔鍾意）既 B1C、B2A 邊緣學校，自行二、甲一、乙一都揀佢，希望一擊即中。自行一試係博高一啲啲。

王家爸爸

chanwendy 發表於 17-8-8 16:24
我都知咁玩係最穩陣, 但係如果他區學校又唔填得, 咁真係有可能填到30間?

其他區學校可以填，個個唔敢填，你填咗，機會可能更大。

王家爸爸

HM168 發表於 17-8-9 14:13
王家爸爸 發表於 17-8-8 16:17
講真，即使係灣仔啲比較多 B1 位既區，我都係建議邊緣人最多放一間 B1C 喺 ...

如果覺得瑪利諾神父可以接受，可以先去學校了解下。

王家爸爸

HM168 發表於 17-8-11 11:27
回覆 王家爸爸 的帖子

除了瑪利諾神父,還有沒有其他?

其實唔清楚你小朋友既實際情況，好難俾到建議。

王家爸爸

另外，小朋友係男仔定係女仔。你想試比瑪利諾神父好啲，定係差啲既？

王家爸爸

chanwendy 發表於 17-8-11 11:42
瑪神得10個位咋喎, 會唔會都係要放好前先中到?

我講緊邊緣人放111。

王家爸爸

HM168 發表於 17-8-11 11:58
回覆 王家爸爸 的帖子

男仔及女仔

男仔就需要保守啲啦，需要有心理準備，邊緣人都好可能無英中讀。

王家爸爸

HM168 發表於 17-8-11 16:56
回覆 王家爸爸 的帖子

咁男仔保守如何選擇?

真係好睇具體情況，例如係唔係真係邊緣（即係基本上係B1C，但係有啲啲機會係B2A）？邊緣成點？小朋友邊科好啲？

王家爸爸

HM168 發表於 17-8-12 20:08
回覆 王家爸爸 的帖子

SSP 強私校 邊緣人10X, 英文強,但近2年都有OVER 100 派入長天 另女仔OVER 100 派入 ...

如果近兩年都有 OVER 100 派入長天，英文強既，應該只有一間，你打聽下每年派入瑪利諾神父嗰4個係唔係都係自行入（佢哋應該都係10X邊緣人），如果係，你又接受到瑪利諾神父，咁咪全心全意揀佢。
如果你覺得都係想入長天，又覺得過去兩年 OVER 100 派入長天，今年都得，咁就大膽啲揀長天，但係需要知道升中人數多咗，之前 OVER 100 派入長天，唔代表今年 OVER 100 都可以派入長天。

王家爸爸

easonkinki 發表於 17-8-12 20:14
前1,2年都少人可能搏得過 我哋深水埗校網B2男仔唔敢搏，所以跟葵青住址，乙一B1他區,乙二B1本區 ...

講得啱！升中人數始終多咗。

王家爸爸

HM168 發表於 17-8-13 20:53
回覆 王家爸爸 的帖子

另女校有那幾間邊緣人可以選擇?

如果女仔100後，真係要諗德雅中學、九真。

王家爸爸

HM168 發表於 17-8-13 20:55
你打聽下每年派入瑪利諾神父嗰4個係唔係都係自行入（佢哋應該都係10X邊緣人）>>>>多數不是自行, 入得的有由 ...

見大部分年份都有4個，如果都唔係自行入，又好難話年年有。

我估你哋小學90-120名呢30人，應該係邊緣人，好大機會係B2。如果我係你，我會同班主任打聽，除咗4個去瑪利諾神父，有幾多個去長天，又有幾多個去咗聖芳濟書院。將啲數字加埋除返30，應該大約估到過去B2入呢幾間比較好既機會率。我建議今年唔好太進取，再將個數打個八折，當係今年既機會率（應該唔會太高）。

王家爸爸

easonkinki 發表於 17-8-12 20:33
我仔讀ssp津校，（大抽獎）老師話70名內先可以揀長天，over100可以揀黄棣珊，瑪神，德雅。 唔知係咪老師咁 ...

其實你老師未必錯，因為唔知道實際情況，好難評論。
如果係讀一般SSP津校，大抽獎時70名外，揀長天機會應該好微，Over100可以有機會入長天，SSP應該得一間。

王家爸爸

easonkinki 發表於 17-8-14 10:25
係呀! 80-100名學校都評b2,佢推介大雄，話可以試黄棣珊，但2間我都唔鐘意，長天入唔到，ssp得返唐初啱我。 ...

其實最重要係小朋友同自己都鍾意。

王家爸爸

hkpapa852 發表於 17-8-14 13:58
你朋友好明顯又係"想當年"一族了.
瑪神係2010年已經成為要"落車英中", 要開中文班, 請番相關新聞吧!

中一學生既Pre-S1平均分低係因為近幾年唔會有真B1頭、B1中揀佢，甚至B1尾都未必睇得佢上眼。但係學校其實唔差，所以邊緣學生值得考慮佢。

王家爸爸

easonkinki 發表於 17-8-14 13:59
我係呢區長大，家長鐘意揀大雄，黄棣珊原因好簡單，老師會推介，而且近屋企，起碼識得間學校。好多家長對 ...

所以我哋成日話家長唔可以懶，需要親自去唔同既學校睇下。

王家爸爸

twhkleung 發表於 17-8-14 15:45
还过听講因好多成绩好好的新移民生, 佢地好鬼死勤力嫁!

個人覺得成績比坊間認知既好有幾個原因：
1。新移民，佢哋中文好；
2。收到既本地生其實質素比想像好；
3。有另一間同系中學；
4。其實教得唔差。

王家爸爸

Junjun7 發表於 17-8-14 15:55
見到17／18明報選校攻略，原來Bps升大學率同藍田聖保祿只係差唔多，且低3個百分點，是否揀藍田仲好？我地觀 ...

從DSE、課外活動等各方面睇，藍田聖保祿一直都唔差，從課外活動方面睇，BPS比較多科學類既，藍田聖保祿比較多文藝類既，各有所長。
兩年前藍田聖保祿亦係少有既連續兩屆（第29屆、第30屆）星島辯論中文組冠軍，其中一年同時係英文組亞軍。另外，藍田聖保祿啲藝術作品都唔錯，去參觀過感覺係其中一間做得最好既。