優才小學 FAQ

中天英

以前有, 不過今年換左校車公司, 我就唔知有冇。

原帖由 PinguLinusLee 於 09-10-20 10:40 發表
中天英,

想問問小四後入tko返學,有沒有校車接駁到青衣?  幾點上車? 回程幾點到? 車費多少? 請給我參考。謝謝!

[ 本帖最後由 中天英 於 09-11-15 01:13 編輯 ]

中天英

我覺得優才既競爭氣纷好低; 學校唔鼓勵互相比較, 冇精英班, 考試又冇排名次, 我地都唔係好清楚邊個叻唔叻既; 家長/學生間既競爭就更少, 都係希望愉快學習為主。

我又唔覺得D學生好進取, 我兩個仔都係唔多出聲個種, 非常"老實"既, 同其他同學相處都唔錯。

學校提倡多元智能, 除左讀書叻以外, 其他既才華都受重視, 大部份學生都可以揾倒自己既興趣, 發光發熱; 好似有圍棋、社交舞、武術、游水、花式溜冰、山水晝、網球、日語、粵曲、羽毛球、戲劇等等, 都受到學校讚揚既。

原帖由 Chickee 於 09-11-13 16:30 發表
雖然我知道優才唔一定只收資優學生, 但相對黎講, 學生會唔會都比較聰明和進取呢? 如果小朋友係比較"老實"型, 不喜歡競爭, 會適合嗎?

如小朋友在學術或其他方面都無甚麼突出表現, 面對學校或同學, 會有很大壓力嗎?

謝謝。

中天英

1.我想問學校會不會有過渡期給小朋友,因為之後有好幾間學校收左我女兒,我都有問過她,但是她都幾大反應話唔想返小學,而且她之前返幼兒中心都要一段幾長時間的適應,所以我都有一點擔心她的適應問題.....
- 會有過渡期既; G1既老師都經特別挑選, 對照顧一班啱啱升小學既小朋友好有經驗
- 頭一、兩個月, 學校會將每日手册既開容, 要做乜功課, 放上內聯網, 方便家長跟進
- G1測驗、考試, 都會讀卷, 老師會讀出試題
- G1功課特別少
2.我有朋友的女兒係GT讀緊小二,我聽說功課都幾多,佢話幾忙碌下,我想問小朋友一小時可以完成每天的功課嗎?
- G1每日最多半個鐘頭功課
- G2功課都唔多, 通常半個鐘頭, 間中先會要一個鐘
3.此外,學校多不多親子的專題報告做嗎?內容多數是環繞那方面呢?
- 基本上冇親子專題報告做既
4.據說學校一年會有4次考試,對嗎?而考試的內容多和深嗎?而平時的默書和評估大概多久會有一次呢?
- 每年二次測驗、兩次考試; 測驗就只係中、英、數、常四科, 到考試先至包括所有科目
- 考試內容都係已經教過既野, 只要平時做齊功課, 到考試前温習吓就可以
- 默書就大约一個月兩、三次, 通常係中、英輪流默
5.我想問學校的中文是用廣東話定普通話授課呢?另外,除英文外,是否所有科目都是以廣東話授課呢?
- G1中文用廣東話, G2開始就全普通話話上
- 除左英文同中文, 响初小階段, 其他科目係用廣東話上; 到左高小, 數學同增益科, 就漸漸用英文上

6.學校的活動和參觀多嗎?大概一年多少次和通常會去那些地方呢?要我們家長額外付款嗎?
- 校外參觀, 每年有五、六次, 有時去自然教育徑, 有時去睇美術展覽咁
- 通常唔洗額外比錢
7.最後,還想問校車有沙田大圍線嗎?(據說好像新界東北火車沿線沒有校車,對嗎?)
- 校車路線我就唔清楚

原帖由 Andrew_0611 於 10-1-19 21:46 發表
你們好呀,我小朋友本年9月入讀小一,我有以下的問題,希望而家讀緊GT的家長可以比一點"貼士"給我,謝謝~~~~
1.我想問學校會不會有過渡期給小朋友,因為之後有好幾間學校收左我女兒,我都有問過她,但是她都幾大反應話唔想 ...

中天英

小朋友同家長會分開見; 老師會問吓家長問題, 主要環繞點解報優才、家庭教育等, 而家長响報名表上所答問题, 同埋portfolio所寫既內容, 亦經常問到, 唔會太刁鑽既, 整個過程大约10分鐘。

小朋友就會上課室見老師, 做D乜我就唔係太清楚。

原帖由 olima 於 10-4-14 12:48 發表
我已為小兒報名2011-12年度小一簡介會，在參考各位的意見後，相信亦很大機會報考GT，想請教小一面試形式、時間長短、內容等﹖

畢竟這應是小兒第一所面試的小學，希望大家可以多作提點。謝。 ...

中天英

最好清楚學校辨學理念。

原帖由 kalongma 於 10-4-14 15:32 發表
本人巳登記小-簡介會,亦會為小兒報考優才,希望過來人提點面試時有沒有甚麼要特別注意?

謝謝!

中天英

會考; 將來要升其他中學都冇問題。

原帖由 kalongma 於 10-5-25 15:11 發表
本人很喜歡優才既教學方法, 但亦想請問優才家長:

優才有否小三及小六呈分試 ?
如將來要考其它中學 , 怎樣?

謝謝幫忙!!!
Kalongma

中天英

1) 優才家長課後還會為小朋友報私人的補習班嗎?
- 優才既小朋友上補習班唔多; 通常係因為有D家長冇時間幫小朋友睇功課, 咪靠補習班囉; 响初小, 好少小朋友係因為追唔上功課要去補習既

2) 如學業暫時跟不上, 學校又會點處理?
- 優才係小班教學, 比較容易照顧個別學生既需要; 如果學習跟唔上, 班主任同科老師都會好積極去幫小朋友克服困難;家長既支持當然唔少得, 老師會聯絡家長, 一齊去幫個小朋友。

如果個小朋友最後都跟唔上, 係要留级既, 比多一年時間, 從新再學
3) 日常生活都是用廣東話同小女溝通, 小女暫時都喜歡英語的, 但普通話就興趣不大, 所以聽方面都比較弱, 學校有無方法改善此情況 ?
- 小一開始就教漢語拼音, 小二開始就用普通話上中文堂; 照我觀察, 小朋友好快適應, 普通話都學得好快

原帖由 musicdance 於 10-6-10 14:37 發表
中英天:

多謝你的詳細分享~

我小女都是2011-12讀小一. 想多了解以下問題. thanks

1) 優才家長課後還會為小朋友報私人的補習班嗎?

2) 如學業暫時跟不上, 學校又會點處理?

3) 日常生活都是用廣東話同小女溝通,  ...

中天英

每年有兩次term break, 分別响十一月同四月, 通常係旅游淡季中既淡季。

原帖由 Jellyfishmama 於 10-6-19 17:36 發表
Hello. 小學是否有term break? 可以淡季去旅行平D?

中天英

補習就冇, 興趣班就有好多; 學費就每人兩仟幾, 興趣班費用就肯定多過學費好多。

原帖由 enquiry1 於 10-7-8 14:59 發表


你好 中天英:

想問下你2個仔仔都在優才讀, 仲要唔要再出去比錢補習或學些興趣班?  介唔介意講下 你2個仔仔加埋學費, 其他學習費用及生活費, 1個月使你幾多錢啊? ...

中天英

要洗幾多錢好難講, 每個人都唔同, 我洗幾多錢又唔等于你洗咁多錢, 係咪？

其實除左學費之外, 興趣班洗費因人而異, 可以豆零都唔洗, 日日去圖書館睇書都得既; 而且學費已經包左每週二次才華班, 唔一定要另外比錢上興趣班既。

原帖由 enquiry1 於 10-7-12 10:02 發表


2個加埋, 1個1萬得唔得?  仲未計請工人係咪?

中天英

己經响外面答咗呢個問題喇

中天英

如果哥哥、姐姐讀緊優才，咁細佬、細妹申請小一，係有加分嘅；雖然唔係一定收，但系機會都幾大嘅。
聽陳校長講，學校會響班 waiting list里面，專門睇吓呢類學生，有少少優先處理嘅。

中天英

冇開放曰，但係會有入學簡介會，通常响四、五月，會由校長、老師介紹課程特色，有答問環節。

中天英

冇錯，上課時間係八點十分至三點三十分；除左少數校隊練習外（高小），基本上每曰都係三點半放學。

才華班係食完午飯就開始嘅。

中天英

回復 Laivy 的帖子

其實優才算係傳統課程既改革派，課程主要跟香港主流課程，課目、內容都跟足，只不過對課程加以改良，減少重復抄寫，花心思加入創意，令上課比較活動。
優才學生大部分會升讀本地大學的。

中天英

回復 HeiHeiMa 的帖子

萬事俱備，只欠東風
已經做曬IB Diploma 嘅準備工作，老師培訓左，大約兩年前，IBO派左人離學校，做pre-authorization visit.

但係聽譚校長講，呢兩年都有問有幾多學生想讀IBD, 結果都係得幾個表示有興趣，所以開唔成。

中天英

回復 HeiHeiMa 的帖子

只要有足夠學生，就可以開IBD班。
聽譚校長講，每年都會問，夠20學生就得。

中天英

http://www.edu-kingdom.com/forum.php?mod=viewthread&tid=2664237&extra=page%3D1