小六呈分試分享區

kittylam

原帖由 JJDBB 於 15-11-23 發表
作文作得好，請問有什麼心得？

根據學校呢段時間作過既文，通常考試會考返同類型文章，上網狂睇範文，我仔而家一邊玩住啤牌一邊睇緊範文。

kittylam

原帖由 JJDBB 於 15-11-23 發表
我女都好喜歡睇範文。

平時多睇範文，要考試好就要留意學校作過既文，自己tip題，睇多幾d相關文章。

kittylam

原帖由 NC9 於 15-11-23 發表
想請教下範文點揾到？上網search ? 用乜key word ? 唔好意思好多問題！

我仔係打題目搵，好似今次佢估計學校會要佢寫 一件感動的事，佢直接打 一件感動的事，之後慢慢睇。

kittylam

睇範文有問題嗎？就算唔係考試多睇都好有幫助，不過平時佢選擇睇書唔會睇範文，考試前睇範文係考試技巧，係細仔根據過往經驗得出黎，大仔就唔識呢個技巧，的確細仔作文攞9x次數比大仔多。

kittylam

原帖由 IloveJJ 於 15-11-24 發表
係囉！咪即係鼓勵抄襲?唔怪之得我讀CE寫論文，啲同學都係上網係咁找論文，而唔係睇參考書啦！不過，佢地又 ...

唔係睇一篇，係睇好多篇，天下文章一大抄，出面好多作文參考書，唔通又係鼓勵抄襲？

kittylam

原帖由 Yanamami 於 15-11-24 發表
本帖最後由 Yanamami 於 15-11-24 11:56 編輯

考試點照抄？上網睇完一大堆，就係學習下點樣可以寫好d，又唔係作定一份照搬，何況題目唔知只係估計，就算唔睇一樣可以作到，睇範文係想更好。

kittylam

原帖由 IloveJJ 於 15-11-24 發表
係囉！咪即係鼓勵抄襲?唔怪之得我讀CE寫論文，啲同學都係上網係咁找論文，而唔係睇參考書啦！不過，佢地又 ...

平時叫人睇多d範文就冇人話抄襲，範文只可以平時睇，考試前睇就變成抄襲。我認我仔好懶，平時有時間都用黎睇書同玩，長見識了。

kittylam

原帖由 小時了了 於 15-11-24 發表
唔洗咁激動, 睇範文係無問題, 只係我真係無諗過, 亦唔知呢一個技巧.

即係好似有啲人有病會睇中醫, 西醫,  ...

我冇你咁好學識，個仔又冇你女女聽教聽話，我仔唔學就迫唔到佢，呢個係個仔自己既溫習方法，佢唔願意我自問無能為力叫佢做。如果講閱讀打底，我仔絕對可以話係書迷，技術加技巧可以合拼，何況睇範文呢併不是新鮮事，不會神秘，同樣既學習方法都會有高低。

kittylam

原帖由 IloveJJ 於 15-11-24 發表
如果我咁講，令你唔開心，我講:對唔住先!
响我既角度入面，如果你睇金庸既小說，跟住你寫出來既故事有武俠 ...

小學生作文大多都係類似，老師都會教寫作方法，根據老師要求其實已經可以幾高分。老師都會改一班大同小異既文章，肯睇範文我理解成想錦上添花，天下文章一大抄，每篇文章有其優點缺點，自己都有自己思維，將其融合我不覺得係抄，教育方法有代改善係後話，現實呈分係一個分數遊戲，為咗呈分各出其謀，我地都係處於被動。

kittylam

原帖由 little_yolky 於 15-11-24 發表
大家冷靜D。其實kittylam個方法係啱既。

因為佢有講話小朋友係平時有閱讀習慣, 即已有內功心法, 睇範文係 ...

多謝你明白我，感動到想喊…

kittylam

原帖由 little_yolky 於 15-11-24 發表
因為呢個係事實嘛。如果無閱讀習慣而只看範文, 只可學其皮肉, 非其精髓。但如果本身已有良好閱讀底子, 滿肚 ...

都係好多謝你明白！，我自知才疏學淺，兩個仔都知阿媽靠唔住，又冇補習，冇得依賴，好唔好靠自己，辦法自己諗。你一定係同道中人，明白滿肚墨水無出處，文章開頭結尾真係好蝦人，一個小學生只可以靠自己，除咗睇書睇範文，我未諗到更好既方法，知道既高人請指點一下。

kittylam

原帖由 little_yolky 於 15-11-24 發表
本帖最後由 little_yolky 於 15-11-24 13:47 編輯

另一個角度睇，女仔有得依賴其實係福氣…男仔就唔可以，要自己打天下。因為我財力、才力都欠缺，兩個仔遇到疑難，我只可以同佢地一齊上網搵答案，可能因為咁佢地很早就知道網上係學不完既百科全書。

kittylam

原帖由 Yanamami 於 15-11-24 發表
本帖最後由 Yanamami 於 15-11-24 11:56 編輯

之前有d激動，引用錯人，sorry！！

kittylam

原帖由 NC9 於 15-11-24 發表
我自己對睇範文的看法係唔等於抄架, for example, 要寫秋遊記, 睇左唔同的範文, 小朋友會睇到原來可以咁寫, ...

同道中人！上網睇範文只係想睇更多，更集中，用最短時間達到最大效益。

kittylam

原帖由 catiou627 於 15-11-24 發表
我都明白你, 我囡學校都將同學好的作文集合出左一本書, 每個學生都派一本, 我都叫我讀緊小一既囡去睇下師姐 ...

多謝你…！

kittylam

原帖由 little_yolky 於 15-11-24 發表
所以上網睇範文家長都最好screen過會好D, 如果家長無能力/無時間, 咁就無辦法了, 只好求神拜佛仔女好彩, 無 ...

講得好好，我就冇你咁好表達力。我都知臨急抱佛腳梗係冇平時努力咁好，樂觀d諗，肯抱又好過抱都唔抱，個仔有時間都用黎睇小說，玩啤牌魔術，平時睇開書其實都冇大問題，範文始終比較悶。

kittylam

我自己係將學習同考試分開黎睇，學習係平時學，可以錯，可以發揮創意，考試不算學習，考試根本學唔到任何野，考試只係一個攞分遊戲，分別在有人用很多時間來攞高分，有人用短時間同樣攞到高分，用短時間的自然可以用賺來的時間發展興趣，學得更多，並不是將小朋友訓練成考試機器。

kittylam

原帖由 JJDBB 於 15-11-24 發表
我自己咁睇，求學是否求分数，某程度上我認系，因為分数是你能知道自己系這班人中，你系边个位置。由未有細 ...

我認為學習過程真係唔可以太講究分數，咁樣會扼殺好多創意思維，等小朋友在錯誤中學習，自己承擔返後果，比永遠高分0錯誤學得更多，記得更牢。考試就係睇分數，係一個標準，正如你所講要幫自己定位，考得高分有3個因素結合，實力➕技巧➕運氣。我同你既理念大致相同，我都好現實，一到考試就要跟返考試模式。

kittylam

原帖由 JJDBB 於 15-11-24 發表
我另外相信，学習態度好，什麼学習也好，你已取得好成績。

培養孩子有好既學習態度係難度最高既一環，建立咗就受用一世，我仍在努力中，一齊加油！

kittylam

原帖由 little_yolky 於 15-11-24 發表
本帖最後由 little_yolky 於 15-11-24 13:47 編輯

我都希望我兩個仔係後者…。其實凡事要睇兩面，我兩個仔覺得阿媽蠢，乜都話同你講都唔明，有時都幾傷心咖！羨慕你女女咁欣賞你這個好媽咪！