仁立紀念小學家長區 (2)

csy_ma

上黎其實想講買校服眾生相：

情景一
家長攞完校服，很多即叫學童於操場試穿，副校請他們別在那裡”坦蕩蕩”，未遭理會．

情景二
領校服的場地在地下會議室，放學後，但見靠會議室操場那邊，到處透明膠袋，垃圾分布如節慶後的熱門聚腳點．難怪香港人的某些公德質素有時被看輕 ．
有老師覺得不便出面，惟有叫家教會成員留意，我也有請家長執拾，尚幸回應正面．
不過既在學校，在子女面前，也請保持自尊自重

情景三
有家長過分”聰明”，竟以有穿過洗過的舊校服，以第一天其實隨地可拾的透明膠袋包住，當不合碼的新校服拿回校換．因人多，竟又給其得逞（這情況，是有家長領到該舊校服時，即時拆檢才發現的），這家長真是何其聰明 ，頗擔心其子弟日後會把才智用在哪裡:evil: ．

情景四
有家長可能受壓過重，似巴士阿叔，遇不如意（如下午4時回校換校服，但校服商已離去，又或其子弟要特小的24碼，之前又沒有訂，換碼貨中沒有），即破口大罵甚或以粗口問候，連累校工或校服商職員，甚至波及在旁幫忙解釋的家長

總覺得，我們校的老師質素不錯，分分鐘較九龍塘的名校好，但家長的質素就．．．這可能是我校升學率難以突破的原因之一:-x
－－讓我們先做好自己，以正能量引發正能量吧 ．

csy_ma

原文章由 kswiss 於 07-11-15 20:04 硐表
嘩!咁都有,真係幾託異,難怪好多家長寧揀鄰校.

文化背景差異真大,所以學生既質素同成績都好參差.希望學校唔好放棄仲有一班質素唔錯既家長及學生啦! ...

鄰校都唔好得去邊．有響同區做幼教工作既家長告訴我，d屋村師奶最鍾意揀鄰校為第一志願，理由係：我都唔識教佢，咪等學校教囉，間學校係要多功課先好 ！

敝校仲有好多好似您地咁in及較注意子女感受既家長

何況，屋村師奶都有質素高既．好似下學期會幫PTA搞既課餘興趣班教普通話唐詩朗誦既其中一位導師，就好認真同有心，佢個小朋友都係活潑之餘，好有教養 ．另一位屋村師奶，就培養咗志願做鋼琴演奏家既全級三甲內既叻女 ．

有朋友幫個囝揀咗九龍塘附近私小，一樣大嘆家長冷漠，愛比較和勢利，真係家家有本難唸的經．我覺得仁紀算好，因為真在此欄，都見到很多有心既家長．

csy_ma

原文章由 黃巴士 於 07-11-16 12:16 硐表
無左修養, 幾好成績都無用

csy_ma

原文章由 lucy 於 07-11-16 16:33 硐表
同意你話我校老師質素不錯, 相信校長更甚.

尋日接細女放學俾我係佢地門口親自聽到佢地最高領導人既言論. 唉, 真係....

係勒，有個未經證實（因係間接聽番黎既，不過之前撞過校長，佢都講，可以申請小班教學梗係會申請啦，等老師做得冇咁辛苦都好呀:) ）既消息：

校長話，自09年開始，仁紀將實行小班教學，派位方面，每班只收25人，估計加埋面試入黎既，全班人數都會明顯調減 ．

到時低年級學生減少了，老師可以唞吓氣之餘，仲可以加強提問（其實而家都有，我囡P1時書面有印印，儲齊可換文具，同埋有糖糖食，都係因為舉手回答老師問題之故），活躍提問，增加互動刺激 ．

咪以為我地D"米以成炊"既千禧龍年小朋友冇乜得益，因為可減輕低年級老師既負擔，校長就可以抽調人手，去幫吓到時變咗高年級既小朋友 ．


(全班40人，管得掂都好叻，點可以奢求老師增加互動空間？

所以有時都覺得自己班既老師幾叻，教作文可以引發佢地既興趣同創意，個個唔同style ．我聽講，有同級既老師做作句工作紙時，係將model answer寫響黑板，要同學仔照抄 ．
我睇過果班中卷二攞到90幾分同學仔份卷，真係好model answer，每句唔多唔少啱啱好，以P2既標準黎計，內容都係簡簡單單啱啱好 ．

不過，對比起黎，我就鍾意自己囡囡會錯字同錯語法既6、70分份卷:loveliness: ，因為可以睇到阿囡有自己既思維響裡面，講緊自己既生活、思想，有時雖然係冇乜必要寫咁長，講多錯多，但唔係為講而講，睇得出佢真係用腦諗過．．．咁發展落去，到高年級d可以handle點寫一句完整句子時，句子就有內容可言，唔係為文做情．

老師花時間同心思既誘導法，可能明知道未必可以粉刷到佢現時既"業績"，但仍然會種下種子，咁先係"以生命影響生命" 吧？）

csy_ma

原文章由 kswiss 於 07-11-16 13:41 硐表
唔知你地班有冇安排在轉堂既時候背乘數表呢?
呢個真係老師既好方法,唔會浪費咗轉堂既時間,對學生又有幫助,真係好! 最重要係唔洗我係屋企勞氣.

個方法好正喎，您地班舊年有雙班主任制，仲有個您介紹過既什麼小組互相幫忙既方法（？唔記得咗添 ），今年又有背乘數表省時法，真係都幾正

我囡雖然已響暑假背咗乘數表（我有九因歌歌仔隻CD同VCD，好似借咗俾朋友，不遺有需要可PM我約時間借俾您地聽吓），但係都係唔可以抽答既，問佢6乘9就要由61如6開始，再問佢6乘8，都係要從頭背過

csy_ma

原文章由 kswiss 於 07-11-16 21:34 硐表
csy_ma,

抄model answer 係黑板?唔知你係唔係講我地班呢?

我幾滿意今年有科主任教中文,佢好有心教.另有,副校教聖經.而英文同數學科老師跟去年一樣,兩個都教得好好.尤其係數學科,女女好有興趣,而且暫時個 concep ...

吓？乜妳地班都係？咁作句同抄寫有咩分別？

csy_ma

原文章由 cookie 於 07-11-17 00:34 硐表
csy_ma,
您仲唔瞓既

踩咗去第間學校既地盤”侃大山”呀！一陣仲要回應指名道姓既挑戰添
我都好想學吓您咁放手，睇黎您大囡已搵到自己溫書條路勒（小學，就應該係唔駛溫都應付到先至啱既，唔係中學咪唔駛瞓？）

csy_ma

原文章由 kswiss 於 07-11-21 19:05 硐表
你地之前提到作文,又提到要為文章作一個題目,我地今日終於有得做啦!

真係好,之前中文科都係作句子,而家就作文.其實女女之前作句有難度,她常常會用作文的想法去作句子,搞到句子好長,又未表達到她的意思.而家作文,終 ...

我地中文老師既回應，幾乎同小朋友寫既文一樣長

同時聽講，剩係我地班先有果份小測卷（要為文章作題目係其中之一份，有時，題目中都有我地班小朋友既名架 ），唔知您講既係唔係同一份

英文都好似有看圖作文練習，響本補充度，我記得考試前老師叫阿囡做過．

csy_ma

原文章由 kswiss 於 07-11-22 13:10 硐表
我十分贊成啊!其實我間唔中都有叫佢寫,不過,你地知啦!阿媽叫做同學校要做,效果差好遠架!

我都係 以前幼稚園時，係要交圖文並茂既周記既，而家反冇．暑假時試過請阿囡寫日記，唔係日日寫到，但返學後功課迫人，早就放棄咗．有次佢識咗個新朋友仔，好開心，都有主動話要寫（因為之前果晚睇返暑假時既日記），但因回家已很累，又讓其過去了．

週記同作文既分別，係全班題目並不統一，亦即係話，同學較難通過交換作文，看出彼此既優缺點（唔知小二會唔會做到呢 ）．但係好處就係養成小朋友遇事留心，可能把事件發掘為題材的思考方法．因為響高年級，文章要寫得好，重要既係觀點同創意．

但創意唔係響石頭爆出黎既，要靠平日事事留意．寫周記，就係磨鍊既辦法之一（我囡響暑假寫日記期間，就成日話日子過得平淡，冇野好寫－－縱然佢果日出咗去outing，跟青少年中心d大姐姐玩咗成日－－咁發展落去，到高年級時，分分鐘對住個題目齋坐，再唔係就開口問大人點寫，然後就等運到 ）．

[ 本文章最後由 csy_ma 於 07-11-23 12:03 編輯 ]

csy_ma

原文章由 kswiss 於 07-11-22 13:38 硐表
唔怪之得你講既小測卷我冇咩印象啦!

看圖作文係一份關於'大灰熊幫忙搬石頭'的故事',要自己作題目及有4-5格圖,然後作故仔,小朋友應該幾鍾意做.

女女話作句係依據老師提供既詞語去作,規限咗佢既思維,好難作.而作文係 ...

您講果份看圖作文，反而我地班冇．

作句其實都可以有好大自由度，都要睇吓老師點教．

所以我唔係贊成俾”標準答案”，咁等於扶貧機構送錢俾窮人，而唔係教佢地點去自力更生滅貧一樣（另一個比喻係俾魚竿教佢地釣魚，定係釣埋俾佢地）．咁發展落去，只會規範咗小朋友既想像力，而唔係將佢發揮出黎．

不過任其發揮真係難教好多，我地班老師近排教人響一句句子裡面，圈番個動詞出黎（我以前做補底班時都係用呢招 ，可惜響小五用唔係好得 ）．因為動詞響句子中，就好像等號，等號前係主語，等號後可以係冇野，亦可以係賓語．
將句子拆解了，把概念搞清楚後，無論係作文、閱讀理解定重組句子，都應該容易好多 ．

csy_ma

原文章由 kswiss 於 07-11-22 13:45 硐表
csy_ma,

唔知可唔可以同學校反映下,加強英文作句,作文呢?

比d worksheet 小朋友做下,一星期一次,效果好好多架!

不如下次茶聚既時候，您直接同黃副校提？

csy_ma

原文章由 黃巴士 於 07-11-17 13:44 硐表



其實model answer做法, 好似我以前中史精讀咁, 按精讀答法分
數有保障, 但無左自己睇法, 就算有獨立思維都唔夠膽博寫落去,
因為驚失分.
所以有好多考生答對, 可能較公式化, 但出來整體成績條graph都
可能只 ...

黃巴士：

您講咗重點出黎：獨立思考同創意可能係每個小朋友天生有既，但因為俾貪方便既填鴨教育填填吓，就謀殺咗

讀中學既時候，因為學校好傳統，老師既教法都係好傳統，上堂不過係抄筆記．但係有課地理，測驗卷派回來後，發覺照足老師筆記寫都係僅僅及格，同學大惑不解 ．老師就話：我係用公開試既評分法評你地，你地要當閱卷員係白痴咁，每一個point都要寫入去．．．

由於評卷方式俾同學發揮創意，學既人反而非常願意投入去學（就好似我囡有時做作句功課咁 ），就咁學咗兩年，響翌年會考，全班有八成人攞A或者B，好似冇人攞D或者以下．．．

我都偷蹺用咗呢個方法，放咗去考中史度，所以雖然冇乜溫書（連考試問既條約內容，都唔記得咗，要由其影響反推出黎），都攞到cred

csy_ma

原文章由 黃巴士 於 07-11-22 15:31 硐表

其實每星期加插左小測, 老師已經好好.  
再加週記.. 真係會加左多老師工作量, 唔知老師介唔介意呢??

有時見老師改功課都好仔細, 好似仔仔多左一劃, 少左一劃, 多左一點, 少左一點, 有時我都唔覺 ...

增加老師既工作量.....

可唔可以咁：

好似我以前間中學咁，週記屬每週既例行公事，可能純為睇吓個學生情緒健唔健康，果陣時，睇既係班主任，而唔係中文科老師睇既．

好多時，班主任都係打個剔，最多寫個”閱”字上去（而家可能係蓋印仔），冇評分．

亦唔駛計較文法同錯別字（有睇過，改錯別字唔難，但將唔通既句子改為通，分分鐘比另寫新句更花時間，最好就唔好咁計較，最多係將錯誤表達既句式underline佢算數）．

老師唔想既話，亦唔駛俾評語．我果時就因為寫乜老師都冇反應，試過有排抄隔鄰班同學仔既週記（因為個同學仔好叻，會根據時令寫文，完全唔涉及自己既生活同個人感受 ，所以佢後來讀電腦）．

週記既形式不限，可以係詩、謎語、創意數學題、自創古仔＋插圖、近排鍾意唱首歌既歌詞、近排追開既電視劇劇情簡介（抄都得，最少頭尾要交代點解無喇喇抄段咁既野）、近排砌既模型結構圖解及介紹，亦可係閱書報告等．．．總之任其發揮創意．

總之，週記既作用，只係俾小朋友留意吓每星期發生既事，訓練吓佢地既觀察力咁，好似幼稚園咁多圖少字，同埋加插生活照片或網絡圖片都得．或者可以叫做紙上blog，令佢地除咗被迫填鴨吸收知識外，仲有樣野，可以培養佢地想同成人世界以文字溝通既欲望

csy_ma

原文章由 csy_ma 於 07-11-23 12:08 硐表


增加老師既工作量.....

可唔可以咁．．．．

係嘞！我地暑假氹阿囡寫週記時，都係抄咗佢幼稚園交功課既辦法：
小朋友做一部分，家長又做一部分，咁其實係某種刺激既動力．

假如份週記，小朋友、家長同老師（要睇）都會參與既話，可能會實行得比較困難，但係效果，就唔只訓練語文能力、磨利敏銳觀察和感受力咁簡單，分分鐘可作子女成長既珍藏記錄，亦可令家長藉文字反思與子女既親子關係．．．

但係如果要咁做，有幾多在職既家長肯？？

可唔可以將小朋友週記部分，列為未交功課，家長參與部分，列為志願贈品？

csy_ma

原文章由 kswiss 於 07-11-23 09:26 硐表
咁咪係你班中文科老師自己出卷囉?一星期一份,真係唔簡單.

係呀（雖然係明擦鞋，但好野點解唔俾多d講？）

csy_ma

原文章由 kswiss 於 07-11-27 09:56 硐表
csy_ma, wp-bn, 黃巴士,二年級家長,

你地會唔會去星期五既旅行呀?

yes, i'll:>

csy_ma

原文章由 lucy 於 07-11-26 16:15 硐表
我諗你真係要分階段放手, 起碼平時既功課及默書, 交番俾佢地. 否則你咪完全無晒自己既時間? 遲下重要睇埋小一既細仔, 你分身都唔掂呀!

csy_ma

原文章由 黃巴士 於 07-12-11 10:12 發表



1. 英語工作坊- 係米星期五 6:00-8:00果個, 本來我都想去, 但對於我來講, 覺得太夜, 所以唔去.
3.果日營原來剔左去---- 都要抽籤.
亞囝話抽中嘅唔多, 而且小一個時已經去過.::" />

黃巴士 ...

聞說英語工作坊係配合學校即將推行既提高英語水平的教學策略，向家長介紹幫助學童溫習的方法，如果有時間，最好盡量去，起碼了解多d學校之後會點重點培育佢地學英文:idea:

鄧靄霖果講座有名人效應，應有捧場者，但佢既觀點不難在書或節目上得知，加上果日老公唔得，所以我都冇剔話去．

但之後有個九型心格既講座（好似下個月），都係響星期六，我就好有興趣．因為聞說個講者都幾掂．九型人格既course，以講者咁既級數，出去聽可能閒閒地要俾一千幾百，學校有免費既，就梗唔執輸去聽 ．

[ 本文章最後由 csy_ma 於 07-12-11 12:01 編輯 ]

csy_ma

原文章由 Mrssslui 於 07-12-11 12:30 發表
csy_ma,

多謝你既堅料呀!
咁日營你去唔去?
真係好,原來學校就嚟有新既教學strategy.
至於九型,都緊係要去聽下啦!
今年學校既講座,topic真係唔錯.點解咁進步既?topic其實係唔係家教會成員/老師提議架?


...

Mrssslui:

您好耐冇冒頭喇 ．我既其實係二手料（近排因為俾老闆催得急，唔敢閒蕩，好少響學校蒲，人傳人有時響理解上會變咗質），未必咁準確 ．

但聞說向學校提供靚女兼有愛心NET既教學機構認為，要學好英文，光靠背生字同改善讀寫、文法等係唔夠既－－我就幾同意咁既理念 ．單係睇吓早排大陸響什麼英文能力既排行榜上，在倒數位置名列前茅就知道，就算熟讀字典，考試對答如流，都未必識得真正運用英文．

間教育機構就係針對呢點，同學校度緊蹺點樣幫助學童更好地學英文，佢地認為，如家校合作，成效應可倍增．．．好似因為咁，就諗到搞今次既講座．．．

另外，我都覺得度講座題目既新社工文姑娘幾有sense．通常，每年既題目會由負責家長教育既家長委員（呢幾年都係黃何雯麗女士，就係元宵節果個精靈家長司儀），同駐校社工商議後，再攞黎去家教會講．所以，社工既積極性同傾向，都幾影響家長教育既質素．

csy_ma

唔記得答埋：日營我會去 ，咁您會唔會去？
上次旅行時我唔夠瞓，有d呆，好似同您都唔係傾咗好多偈，今次又可以繼續