仁立紀念小學家長區 (2)

csy_ma

原文章由 kswiss 於 07-10-8 11:07 硐表
黃巴士,

旅行未出通告架,只係手冊見到11月尾,而csy_ma又提到地點係一樣,所以想2選1.

我表達錯咗 指既係今年既親子日營同去年既親子旅行係同一地點．
至於11月尾既旅行－－我唔係好知P2仲係唔係親子既 聽日問吓先

csy_ma

原文章由 黃巴士 於 07-10-7 12:08 硐表


csy-ma,

果日d小點一定很豐富!!!!
佢地係咪以為係開PARTY, 可以外賣自取呀??? 右或者佢地會唔會唔係家長呢????
下次真係要樹個牌話, "只限堂食"  請佢地自重啦!!!

黃巴士 ...

黃巴士：

多謝您既意見！本來我諗住食唔晒可能都會掉，為環保計，未必會採取咁既政策．點知今日聽到其他媽咪講，原來我地仲開會未落到黎，已有家長掃咗六盒－－裝備仲完全係有備而戰咁既格 ．

其實果日食物不及仁紀中秋夜，有d家教會委員同人講多兩句，轉頭已發覺出面冇晒野食，我都睇到校工姨姨入黎攞食物時，其實已係果d家長掃晒貨既時候，都真係剩番無幾．

下次都係要參考您既提議，請美利唔好提供外賣餐盒，有剩情願請校工姨姨幫忙清盤好過．起碼，每次PTA搞節目，佢地都做到死吓死吓，好過俾都唔知有冇交會費既家長予取予擕，蔓延呢種心態會令人感到好唔舒服:( ．

csy_ma

各位：

睇返之前課餘班既通告，係話12日或之前派收唔收人既通知．
今日因為通告印唔切，真係連名都未抄晒，仲未計跟住要跟班重新分，另影印俾校巴同班主任留底，所以好可能要等多兩三日先有通告．

csy_ma

原文章由 sandy816 於 07-10-9 18:25 硐表
請教小四重組句子

有冇高人可以教下我呀
調皮地/溫暖的/陽光/照在/我/太陽/任/遮住/我的/身上

請先從最容易找出來的配搭入手
調皮地－－”地”字是副詞，相配的一定是動詞，此處動詞有二：遮住／照
溫暖的－－”的”字是形容詞，相配的一定是名詞，此處名詞有四：我，陽光，太陽，身上
正常地推斷，調皮地＋照住，溫暖的＋陽光，而剩下的形容詞”我的”，明顯應搭配在”身上”　應較合理

現在找到較合理的配搭為→溫暖的陽光→調皮地照在我的身上，剩下：我／任／遮住／太陽
到此，挺難推論，因為欠了個逗號，如加上了，可寫作：
遮住太陽，我任溫暖的陽光調皮地照在我的身上

如不能加上逗號，則很難重組得通順（上句缺了逗號根本不通）
正確真再加”卻”字：
我遮住太陽，卻任溫暖的陽光調皮地照在我的身上

不過，通順的中文，應字短，語句結構愈簡單愈好．寫得能不能生色，關鍵在動詞和比喻的運用（雖然不大欣賞陶傑的為人，但曾當過他的編輯，不得不承認看他改自己的稿，是可以有得著的：點上了些比喻，就如唇彩一樣，可為一篇遊戲文章提升了些格調）．．．以上的重組句子只是為製造練習之用，不是好的示範:-|


剛跟女兒吃完晚飯回家，才發覺獃在學校整天，卻甚麼也忘了問－－對不起！等明天吧．．．

csy_ma

原文章由 pskf 於 07-10-10 11:29 硐表
我調皮地遮住太陽任溫暖的陽光照在我的身上......

pskf, wp-bn：

妳地兩位都好好野，提供咗完美既標準答案
其實我未諗到整個句子，就開始feedback，結果寫寫吓，先發覺原來漏咗太陽同遮住 ，但都寫咗咁多野，冇理由唔鋪出黎架，之前響學校，又啱啱陪阿囡做完黃巴士今日講，都幾蹺奇既句子組合，於是就博大霧加咗逗號，所以我都話其實唔係好通

果陣梗係未睇到wp-bn妳咁聰明既答案啦，唔係都唔駛咁獻醜啦．妳阿囝梗係收晒妳既真傳，所以先唔駛點讀書已咁叻

不過，我以前做所謂面向mass既小眾報紙時，老闆俾編輯既鐵血定律，都幾啱我地俾囝囡寫作文用既，就係：
一句過10個字就要以標點符號分隔，一個主語一個句子，多加句號．

呢個定律其實中西皆行，我睇做過記者既海明威分享佢既寫作心得，都話佢後生時響報館有咁既類似規則（佢列出既定則真係相當唔錯，亦同樣適合中文寫作，我去開中圖時搵次借返出黎影印，俾您地參考）．我以前好多時被迫既工作，就係重組人地既句子同文章，加逗號，加句號，重組文章順序等，仲常哦d記者大哥大姐少寫長句同西式句子，所以分句逗已成習慣了，在重組句子時就打橫黎，真係對sandy816唔住

csy_ma

原文章由 plee 於 07-10-9 20:39 硐表
請問有沒有人已收到拉丁舞班的取錄通知？何時要交報名$？

拉丁舞班擴咗三班，P1既響星期二，連同昨日打電話俾朱主任、直線報名既男仔，都應該於昨天統一收到課餘興趣班既通知，如未收到，請向班主任查詢．

csy_ma

原文章由 01 於 07-10-10 08:42 硐表
sorry! 我只是p1的家長, 只是搭訕下, 為什麼現在的中文會那麼的"口語化", eg, 遮住 - 為什麼不是用遮蓋?

您咁講，又係喎－－普通話唔會講「遮住」，但係「擋住」就得．唉！由此可見唔係行普通話教學既隱憂 ．

我試過為以中學生為對象既文字撰稿，寫時已較小心，先用普通話唸一次，看能否讀得通，才定稿．但到了跟錄音時，還是會被以母語為普通話的配音員埋怨，說我寫的文字不地道，用普通話讀無法讀得暢順 :cry:（我曾在北京混了近兩年，普通話大概會較長居本地的香港人好一點）．
我想，出題本教科書既作者，大概都係以廣州話為母語，所以先會出現咁既情況－－但書面語卻以普通話為準．．．

csy_ma

kswiss：
今天仍未打聽到親子旅行既地點，但何主任就解釋咗親子旅行（P1-2）同親子日營既分別：

旅行係一齊去，如此而已．學校係有安排親子遊戲等餘慶節目，但主要都係分開玩．
日營則以溝通為目的而設的，所以去到營地後，就會安排許多遊戲同活動，旨在帶動家長了解學校是年搞日營既主題．

好似舊年咁，冇錯我囡個班主任會肯跟班小朋友玩遊戲，但其實咁唔係佢既職責，只係佢有熱誠同興趣吧了 ，所以聽講有d班既班主任未必全程social，有d老師仲會帶埋簿去改添（可見佢地幾忙，咁係幾費體力既事）．．．
親子日營則會玩更多親子遊戲，且唔係個別性既

講開，我囡個班主任今日同佢班學生玩著名既心理學遊戲－－就係俾一粒糖你，應承過一陣唔食，就賞多粒果個，睇吓小朋友有冇忍耐力拒絕即時引誘，阿囡話將糖擺咗響書包，唔記得咗，所以放學前都冇食到．唔知咁算唔算作將來會較有自信既一群 ？？

[ 本文章最後由 csy_ma 於 07-10-10 17:35 編輯 ]

csy_ma

原文章由 kswiss 於 07-10-11 09:35 硐表
csy_ma,

麻煩晒你呀!

咁你係唔係兩個活動都會參加呀?

kswiss：

我諗都會－－校長響PTA會議上，提了親子日營最少兩次，要我們預留時間，所以都唔敢say no．
雖然話都想清咗欠舊上司成年既RA工作，但都唔差在果一天半日．舊年親子旅行，見到我囡班主任solo咗成日好辛苦，今年諗吓帶d乜玩具玩集體遊戲好 （跳繩都好噃，阿囡試過響樓下撞見同年鄰居玩跳繩，想加入，莫講話唔識入繩，連揸繩都未識，都幾受打擊．不過聽講體育堂開始教跳繩）．
係勒，擒日上校網睇野，響相片認領室既親子運動會上，竟發現咗您同阿囡個靚樣，仲有ccpig等等添 ，有靚樣show出黎，仲乜唔通知我地去睇吓:)

csy_ma

原文章由 wp-bn 於 07-10-11 17:54 硐表
我只係收到親子營的通告wor, 我已報了名參加了, 你哋都去吧  可以見吓面丫馬 請問親子旅行的通告派咗未呀

未派－－日營遲過親子旅行，通告反先行，可見校方想家長考慮咗參加日營先．
據聞，親子旅行由黃毅超主任負責．今天接放學時遲了，瞥見黃主任已在操場跟學生上課，所以沒有打擾他．明天再打聽
今年係最後一年親子旅行了，到P3，小朋友就可自己上路了

csy_ma

原文章由 kswiss 於 07-10-11 15:41 硐表
睇咩,你唔講我都唔知,我好少上仁紀個網架啦!
唔知學校旅行既資料可以問哪位老師呢?

Kswiss：

今日問咗黃主任，佢話初步定P1-P2會去大埔公園（有個回歸塔果個），高年級就可能去蝴蝶灣燒野食（正 ）．

由於怕燒野食既日期可能同其他學校撞，所以今年倒返轉黎，29號係高年級旅行，30號先係P1-P2既親子旅行．

呢兩日上網搵緊特首施政報告有關教育政策既feedback，至擒晚響bk都唔係好覺，不過見到台灣天下雜誌製作個追蹤5個10年前受台灣教改政策影響，成長了的孩子，其中一位很會說話的女孩遭遇，頗令人唏噓 ．

曾有教中學既朋友十分認真地告訴我，所謂愉快學習，是一句謊話，現實很難做到（佢當時談及自己約7歲的孩子，亦正正是我們子女現在的年齡）．其實一直都不大認同佢既觀點，但看到天下的追蹤報道．．．

此片除有啟發性外，製作技巧亦頗吸引，看那5名受訪者10年前後的模樣，有時不得不挺佩服中國傳統既統計學－－面相理論，有空可去看看：
http://www.youtube.com/watch?v=KTMBixFvRQU&mode=related&search=

csy_ma

段片在台灣似乎頗有反響，bk友鋪咗條link出黎，係該報既介紹同評論，我抄了部分如下，在去片之前，不妨參考吓：
（昨天我囡在很睏的情況下，也跟我一起看完．高年級的家長，無妨多與子女重溫此段片子，也跟他們討論一下，究竟唸書，有愉快和為升學而辛苦兩極以外的學習方法嗎）

”教改十年”
最近天下雜誌做了個報導的影片
在1996年時訪問了五位國中學生
請問他們有什麼志願
到了2006年再度追蹤訪問
海闊天空的一代連結
http://www.youtube.com/watch?v=KTMBixFvRQU&mode=related&search=


第一位是個男生,希望當畫家
高中還念了美工科
後來聽了姊姊的話,改念機械
現在讀某技術學院機械碩士班

第二位是位女生,非常會講話
希望當記者
同時她也加入當時教改的實驗班
現在技術學院夜間部畢業後,在郵局打工

第三位是位女生,想當醫生
典型的傳統升學主義下的好學生
現在念史丹佛大學資訊管理雙碩士
有Oracle, e-bay, Microsoft, Google等公司應徵的機會

第四位是位男生,想當棒球選手
後來因為翹課太多
無法升學,也無法繼續棒球生活
現在在染紡工廠當領班

第五位是女生,不是很清楚自己想幹什麼
只講也許當藝人吧
現在念某科大建築碩士班

當然,這樣本其實很少
這部影片雖然沒明確指出結論
但已隱約暗示若以傳統社會觀點來
依循傳統升學主義之路長大的小孩
反而是有比較好的成就
而照著教改派主張
過著快樂童年,或是追尋自己夢想的小孩
反而並沒有太順利的升學之路與工作

不過,小孩未來的成就也跟自己家庭與背景有關
那位讀史丹佛大學小孩的父母都是公務人員

那位參加教改的女生非常會講話，
她最後說出：「如果是回到國二那年的話，我會真的很希望我多用功一點點，我不是說我很否認我讀的高職，但是如果說，我回到那時候的話，我會覺得再多讀一點點，再多用功一點點，得到的就會是現在，我不敢說是2倍，但是也會多一點。」

「我很開心有這樣的童年，這樣的學生生活，但是如果可以的話，我希望告訴別人，你可以多聽聽長輩的意見，你可以多接受別人給你的方向。」

「在壓力背後成長的是，別人看見無限美好的未來，是別人羨慕的眼光，但是在我們自由自在生活背後，我們得到的是經驗，可是我們卻失去了一些可以炫燿的才能。」

「如果可以的話，我希望我當初多聽一點點媽媽的話，多聽一點點老師的話，真的讀書對你是好的，真的考上好的學校，你會學到比較多的東西，真的，一個什麼的文憑，對你是有幫助的，可是你沒有長大，你不會知道這些都是真的。」

大一國文課時,國文老師教我們一段朱熹的詩
「少年易老學難成，一寸光陰不可輕，未覺池塘春草夢，階前梧葉已秋聲」
還真符合那女生的處境
古人也有云: 少壯不努力,老大徒傷悲
如果不以升學的觀點來看
以社會的趨勢來看
知識工作者仍是未來的工作的趨勢
小時候多讀點書總是不會錯的
現在小孩不讀書,又能幹啥呢
還不是整天跟朋友鬼混
唱KTV,泡網咖,做一些不用大腦的事
未來又能從事怎樣的知識工作呢?


bk的跟進討論：http://forum.baby-kingdom.com/viewthread.php?tid=1156422&extra=page%3D1

csy_ma

原文章由 kswiss 於 07-10-12 13:53 硐表
教改方面,我地都冇掌控權,肉除枮板上.其實,傳統定係愉快學習,真係各有各好,不同既性格適合唔同既學習方法.不過,最重要係而家香港個套愉快學習只係掛羊頭賣狗肉,唔知台灣係唔係 ...

曾特首份施政報告，我諗家長最關心既，係小班教學既問題．今日問咗校長幾句，佢話有得揀，梗係會轉小班教學，可以令老師唔駛咁辛苦．到時有多d資源，亦可放在高年級上，我地亦可能受惠．所以都密切期待究竟會有乜細節公布

csy_ma

原文章由 黃巴士 於 07-10-16 09:47 硐表
ALL.

你地會唔會訂尋日派果張通告嘅軟件呀????  俾d意見!!!

黃巴士

舊年我地訂咗小蒙恬（好似唔識發聲），似乎真較市價平，不過後來因為部腦成日發病，撞咗，先冇再裝．有果陣阿囡好鍾意用佢黎玩默寫，都ok有用．
有家長買咗”非常好色”，都話ok好玩．d軟件好似平過一般響街買，所以高年級開始玩自己既blog時可能好有用．

至於ｄ什麼習題－－我地而家要做既英同數既上網練習，都成日做唔切（英文果個真係幾好，好多野都發聲，合乎英文係拼音文字既本質，古仔又有趣，d畫亦吸引，搞到我同個囡都好期待，想知道個故事發展），遲d仲有中文上網練習，怕都未必有時間去學．

至於普通話－－個題目太誇了，30天就學到？哈哈！學中文打字就差唔多．

至於中英文詞典，橫掂都係用電腦search，梗係用唔駛錢，又ok權威既網上字典．

csy_ma

唔覺唔覺，才剛開始課餘活動，兩星期後又要總測了．日子過得真快．．．
可能已有一年適應期，同其他家長傾開，佢地都話升上P2之後，自己都冇咁緊張仔女既功課，大家既關係同學習進程都反而smooth咗．希望總測成績出黎後，都可以有咁既光景

csy_ma

係勒，都唔記得講：
除咗要上網做功課外，其實響仁紀既校園電視台，都可以玩好多野．2D班有好多同學仔參與既中文科節目，唔知點解得好少人睇咗，評分仲好低添:cry: ，各位彭老師fans既家長，有時間記得去睇吓，拉高番d評分
仲有3E班既"北風與太陽"，聞說係校長利用小息時間，同d同學仔一齊排既自創話劇，我部腦奇慢，仲未有時間等到佢出到影像黎，希望搵到機會同阿囡齊齊睇啦

csy_ma

黃巴士：
老公e兩日放假，負責做阿囡既陪侍，佢都話阿囡既時計概念幾差．佢惟有用幼稚園時代剩落黎既假鐘做實地示範，阿囡既概念先搞得清楚咗d．呢樣野，上堂真係未必咁做到．

Sandy816：
您今日上咗報喎，唔知您有冇留意到 ？響《蘋果》A39版，題為"考起家長"既網上言論摘要，錄咗您同樣響自由講場果邊鋪出黎既、上次條蹺畸句子重組題，真係好想知個答案，下次有標準答案時，請記得鋪埋上黎

csy_ma

原文章由 wp-bn 於 07-10-18 14:00 硐表
csy_ma,

舊年我都買咗小蒙恬, 只要開啓朗讀就可發聲了.

原來係咁！唔該晒，wp-bn
係呀！今年d功課，尤其係數學都錯咗好多，不過總算係小朋友自己做，而唔係家長陪做．咪俾機會佢多d錯吓囉
至於中文，真係冇咁難，可能係好多字都學過，就算英文都係，可以講係輕鬆咗？？

csy_ma

原文章由 wp-bn 於 07-10-18 14:20 硐表
各位靚媽咪,

想請教下  我囝囝好唔中意學普通話, 佢話覺得好煩, 有乜方法另到佢有興趣呢

可睇吓有什麼佢會感興趣既VCD係普通話既，不過我囡都好似唔係好鍾意聽，試過買一套迪士尼超平既套裝VCD，有佢鍾意睇既灰姑娘同白雪公主，兩個語言－－英文同普通話揀，但佢都情願睇英文．
套VCD仲有好多"男仔戲"，如木偶奇遇記、小飛俠、石中劍、三劍客、小人國等，皆為英/普通話雙語，但我囡完全沒有興趣睇，您如有需要，可試試在考試後俾阿囝睇，睇吓佢情願睇普通話定係英文？
另，我都搵緊同書配套果隻普通話VCD，暑假時我響荃灣三聯見到，果時諗住響學校買會平D，點知出版社似乎今年冇響仁紀搞prom，要再去三聯睇吓有冇．．．

[ 本文章最後由 csy_ma 於 07-10-18 18:22 編輯 ]

csy_ma

原文章由 黃巴士 於 07-10-18 16:40 硐表


cys-ma,

想問吓星期一要帶"急口令", 係麥黎架????  仔仔話唔知道呀!!!

黃巴士

黃巴士：

唔好意思！真係打聽唔到......好似話有一張紙，但係彭老師好似冇派到.....等我遲d再問問e班先.....

曲奇，妳地班係唔係有張要填急口令既紙？

[ 本文章最後由 csy_ma 於 07-10-18 19:20 編輯 ]