仁立紀念小學家長區 (2)

csy_ma

高年級家長不可不看既練習大搜索http://forum.baby-kingdom.com/viewthread.php?tid=1114656

csy_ma

原文章由 kswiss 於 07-9-13 14:52 硐表
Hi Everybody,

我都放完暑假要番嚟開學啦!

唔好話小朋友,自己成個人都好loose,都未進入狀態.下星期咁快又要默書,真係魂魄都未番來呀!

大家都彼此支持一下. ...

您返黎拿
都有八過您仲乜咁耐未出現，發現原來您有排絕跡BK，終於得閒了吧？
係呀，下星期又有好真實既感覺，感到小朋友真係返緊學:-|

csy_ma

原文章由 HelloKitty* 於 07-9-15 18:06 硐表
csy_ma:

我非常感激您真誠地跟我分享!

我已打左去保護兒童會,佢話十一/十二月會interview,所以叫我早d交定表格喎。其實佢係係邊個位置呀?

碧堤坊5樓，響碧堤巴士站、中原地產旁既門口入去，搭笠到5字．同一層仲有小童群益會深井青少年中心，佢既暑期活動夠多樣化，中心既社工亦不錯．
決定了為哥哥選哪一間的話，可否也告訴我們？
:idea: 忘了說：仁紀於7:20am左右開校門，7am由荃灣坐車去，大概要等5-10分鐘左右．

[ 本文章最後由 csy_ma 於 07-9-16 11:00 編輯 ]

csy_ma

原文章由 cookie 於 07-9-17 10:14 硐表
噢, 今次抽唔到中秋晚會, 囡囡有0的失望

因為要俾之前抽唔到既家庭優先（其實咁要做多好多野，多謝李美珊主任肯咁做 ）

不過今日去幫忙收錢，發現好多小朋友冇帶錢，假如到明天仲未帶，佢既名額就會撥去繼續抽過．所以或者您地仲有希望既（但今年都很多人報咗，抽唔到既都好多）

csy_ma

原文章由 tammyklc 於 07-9-15 15:33 硐表
你地小朋友讀得開心嗎

因為我今年揀小學

tammy

Tammy：

您出的題目太大了，可以簡單答您一句「開心」－－這是您要的的答案嗎？（我啱啱先同HelloKitty*分享揀校既心路，希望您會有興趣看看）．

只能告訴您多個第三輪面試成功的貼士：
學校目前以培育學童全面發展，發揮其個人潛能為發展方向，家長宜認同學校這個理念，如果面試時答：揀仁紀係為了想入林護，升中目標是非林護不入既話．．．咁就要祝您好運．

csy_ma

原文章由 YYJC 於 07-9-17 18:33 硐表
csy_ma
我今年要報小學了, 想了解下仁紀d老師點呀? 惡唔惡呀? 係咪好嚴架?

請參考今年入學的P1家長意見：http://forum.baby-kingdom.com/viewthread.php?tid=1014898&extra=page%3D1

一間學校有過半百老師，我囡只是P2，接觸的不算多，難以作準．且老師都係人，自然有惡，也有不惡的時候，最緊要是整體學校傾向如何處理”曳”學生．
聽說，到了高年級，要求較嚴的老師，多任教AB班，其他非精英班反用教法較活的老師，以刺激他們的學習動力．

csy_ma

原文章由 HelloKitty* 於 07-9-17 15:16 硐表
csy_ma:

唉! 真係唔好意思啦!我的內心原本已諗掂，後來由變得忐忑不安，不知如何決擇! 我又擔心太多人選仁紀或浸聯，最後仔仔未能入讀一間心儀的學校，好似就係我害左佢。

聽完您的分享，再看過浸聯p1媽咪的分享，覺得仁紀的老 ...

哈囉吉蒂：

您仔仔好像是03年出生的？該年出生率應陷低潮？您又那麼努力，相信無論您目標是哪一間，您的誠意亦足以令上天給您一個好安排

csy_ma

原文章由 黃巴士 於 07-9-20 11:09 硐表
Hello!!!
唔介意我插咀嗎???

學校D老師係有D惡有D無咁惡,  好似我囝咁, 幼稚園時D老師不知幾咁NICE, 所以果時叫佢溫書, 佢都唔會在意.: : :

但係到小學, 我撰左仁紀, 因為佢係一間傳統而新思念( ...

原來老師真係會要人留堂？？係唔係限家長接送同學？

真係好啦，黃巴士，您返咗黎．近排好靜，少人響度講野，咁搞法，會惡性循環愈黎愈少人黎．多謝您既”插咀”，解釋得好清楚

csy_ma

唔好意思！呢兩日冇上黎，所以咁遲回應

小一今年教育局派每班32人，學校另外在第三輪面試時收多咗d（今年1E好似好多精英，年初才藝表演既叻人都入咗去），但都有意識控制人數，而家小一每班36-37人．
1A-D班都有兩位班主任，過半班經校方挑選匯聚既精英E班，由於質素較平均，負責老師亦很有經驗，所以仍維持一位班主任，不過另有一位曾老師在入學初段協助班主任老師處理班務．

原文章由 黃巴士 於 07-9-22 09:55 硐表


: 其實我都唔係太清楚e+小一人數, 因囝囝已是小二,   好似以前csy-ma響依到講過, 今年小一班好似少左d小朋友, 有2個班主任, 您可以問吓csy-ma, 佢較熟悉學校情況. :

有校車到青衣.

黃巴士 ...

csy_ma

原文章由 黃巴士 於 07-9-21 17:10 硐表

人有時係好無奈嘅, 唔好揹咁大壓力上身, 個天自然會有安排嘅.    :- ...

csy_ma

原文章由 wp-bn 於 07-9-21 21:40 硐表
哦! Sandy816你囝囝是否參加挑選出來的外展教練計劃, 我囝囝之前都有參加棒球班的, 所以可能佢哋識得ka, 我囝囝因撞咗珠心算班, 所以放棄咗棒球:cry: 唔知有冇簡錯

...

恭喜哂！原來您地都曾入選咗棒球精靈班？
可能係睇漫畫睇得多，我對日本仔打棒球而凝聚既團隊精神特別有好感．單甲子園呢個名，就好似係燃亮青春既icon咁

在校有留意過捧球精靈班的集訓，不能謂輕鬆．高年級既，假如開不了球，好像要罰做伏地撐．

不過，團體運動總有其魅力，

就好似之前有女已上高中既家長同我分享咁，佢話當初兩個女小學時在繁忙既課業外，仍要上每星期既聲樂同管樂排練，忙得透不過氣來（不過佢間學校既學生較乖，老師挑選了都唔敢拒絕）．但辛苦了好幾個月，然後在比賽中獲得成績，那種滿足感，會較自己個人爭取到好成績更為充實

君不見，有很多「成功人士」接受訪問時都坦言，讀書時成績未必標青，但熱衷體育活動，從而學會如何與別人相處．．．（我較深印象有類似言論的，竟是讀聖士提反的范徐麗泰！）

學校的功用，不僅是知識的傳授，它還提供了一個場所，讓小朋友學習如何與同輩相處，和激發火花－－寂寞（不只一位家長告訴我，其子女小息時為找不到朋友玩而煩）、吵嘴、妒忌、模仿或明暗較勁，都是不可或缺的一環．當中，體育競技、尤其是講求合作的球類活動，更是男孩子身心健康的催化劑．

現在的孩子都很驕氣，動不動就說累，不要站，要坐．．．不過他們面對喜歡的運動時，可能會稍稍忘了城市人的體質．希望有機會入選校隊的我們的代表，會堅持下去，在另一個場區，體驗到不斷努力就會有進步的喜悅

csy_ma

原文章由 黃巴士 於 07-9-21 11:48 硐表
JENNIE,

用廣東話教授中文的.
另低年班每星期有一堂普通話.

黃巴士

校長話，仁紀偏向擺資源在英文老師方面，英文老師都較有經驗，在未有教育局資源的高年級裡，亦有NET老師上每星期一至兩節的課．

我比較過不同學校既同級中文課程，發現用廣東話學的，幾明顯較普通話授課的課文深．作文亦然．都唔係好明點解

當然，在「一國兩制」的大趨勢底下，我都認同將來唔識普通話，唔係好著數．但係我亦聽過有d教中文既朋友被迫頂硬上兼教普通話，但佢d音調其實唔係太標準既事件．．．響呢個情況下，我情願中文俾d有經驗既資深本地老師教，普通話留返俾日後找標準口音既老師學．

其實，我地學校倒有不少家長係教普通話既，今年既故事媽媽，我也提議無忘這些珍貴資源，而由符太、趙太開設既有機耕種班，就設計成粵語、普通話麗音教授（趙太原為內地小學教師，普通話好似為其母語），請各位多多支持

csy_ma

原文章由 kswiss 於 07-9-21 11:05 硐表
保褓車方面,我都覺得好遲,唔知係唔係學校放學搞遲咗呢?

我係家長接送既，通常，學校最早都要2:45pm先放家長入去接，搞得黎，3點左右至行出去．而保姆車條隊應更遲，加上而家落大窩口又有交通改道，分分鐘會用多5-10分鐘車程，所以放學時間可能提早唔到好多？

csy_ma

原文章由 HelloKitty* 於 07-9-21 16:38 硐表
01、kwiss & 黃巴士:

好多謝您地o既真誠分享! 好多謝您地o既支持同埋鼓勵!這是很難得的!

仁紀既家長真係好好架 我因為搵資料睇返，原來您地囝囡好多都係上校訊既龍虎榜的精英人馬

csy_ma

原文章由 kswiss 於 07-9-21 11:03 硐表
課外活動方面,我都好想聽下大家既意見,唔知道主辦單位既師資.

請各位家長俾俾意見
1. 國畫書法班
2. 拉丁舞
3. 劍橋英語
4. 珠心算

1 曲奇應知道得更清楚，聞說，此班導師好肯鼓勵小朋友去參賽，有頗佳成績．另好似曲奇以前講過，佢阿囡上咗後，有興趣令寫既字靚d？

2 唔知，只知道校長個囡以前都係跳拉丁（曾經拍才藝表演果個前畢業生、今奥運香港代表做舞伴），佢幾想谷起學校既拉丁．

34 唔知，但劍橋英語看來是去年我囡上既拼音班同一個教學機構辦既，佢d英文筆記睇來好多野學，勁多生字，但我囡吸收力低，學唔到好多．
各人觀點唔同，我認為呢d課外活動既野，冇理由仲填鴨過上堂，不過記得都有家長出黎撐過拼音班．

不過到10月中，學校幫趁個高年級NET服務既機構，可能會搞家長同小朋友都得上堂既講座．之後可能都會以優惠價錢開外籍老師任教既英文班，可以睇定d先．

仲有，我因為向池老師詢問上周派紙既電子上網操中英數常間公司既口碑，佢透露過學校到10-11月度，可能都會有中文每日一篇．小學既學習生涯十分忙碌，英文每日一篇10月初開檔，加埋中文，可能都唔係好夠時間睇其他，所以唔駛咁急俾錢d什麼網上學習公司．

csy_ma

原文章由 sandy816 於 07-9-20 14:52 硐表
留堂有時都係好事黎架.小姐上年試過一次比孫sir罰留堂.因為佢唔交作文 .小姐一向都好怕中文.直情係抱住逃避既態度:( .比孫sir留到佢六點先放人.自始之後.佢就算作得唔好.都唔夠膽唔交囉.留過一次堂後.我死小好多細 ...

係，星期五問返d家長，先知道留堂原來唔係好罕有．通常都會打電話通知家長，搭校車／褓姆車既，好可能會搭遲一班．

我倒見過有家長好遲接送既小朋友，剩返佢一個時，入咗去校務處、貌似幫校工姨姨手做野
－－呢個又係我幾鍾意學校既地方，d校工姨姨唔只好似曾特首咁，只為打份工，好多時都幾有人情味，像以上好可能係較缺乏家長關顧既小朋友咁，就俾d任務佢．我諗個小朋友對學校應會幾有歸屬感？

csy_ma

原文章由 黃巴士 於 07-9-20 10:37 硐表
剛剛默完中英文, 右話下星期一再麥中文啦!!!!  我覺得d中文生字(種蘿蔔果課) 好似多同深左.  

佢地唔停咁默書, 我就唔停咁幫佢溫書,  唉!!!!真係少d心機都唔得......    
努力呀!!!! :victory ...

我囡係聽覺型，所以中默較英默難搞．而家二年級，佢識既字多咗，可以試吓將難字拆做口訣講出，咁返放學都可以唸下口皇，如：
1. 金先先貝－鑽
2. 十十四維－羅
3. 十十撇司田－蔔
4. 水土土土元－澆
5. 土里－埋
希望work啦．

csy_ma

原文章由 sandy816 於 07-9-23 09:36 硐表
我比你地慘好多呀.少爺中默冇問題.佢自己溫好就會叫我幫佢默.但英默就慘喇.一個生字.佢讀寫串過二三百次都未記得實呀   

小朋友多半聽覺行得比腦快，試吓叫佢串出聲－－我以前試過一個生字由我同阿囡輪流串10次，可以串成即興歌，或加上動作，總之就係邊玩邊出聲串

再加上d令其加深印象既聯想（例如佢阿爸教佢記今次默書既climb，就話climb通常係男仔，所以I am a boy．之前佢成日唔記得個字點串，咁教之後就記得了），或許會有d幫助（不過阿囡今次英默都有d失準 ）．

csy_ma

唔知BK定我部腦慢，搞到我以為寫既野又冇咗，要再打過．既然重複咗，就放過第樣野：

上黎本來係因為終於寫了賣藥的廣告（參選家教會的自我介紹），但係嫌太多字太囉唆，諗住鋪上黎交代吓，就刪個潔本．請睇到後面，就我既新構思俾d意見，唔該！

對家長教師會的期望／擬作出的貢獻

• 1. 協助會務所需的文字工作，令家教會活動及會議結果能盡快向家長公布，以加強家教會的透明度和家長們的參與感。
  ──這是我上屆參選時說過想做的事情，惟因為懶，亦未能解決校網的技術問題，期票未能兌現:( 。
• 不過，資訊科技問題，今年隨着池老師兼任此範疇的主任而有望解決，期望今屆可以透過內聯網，加快家教會資訊發放的速度和範圍。
• 2. 上屆在身為新生家長、未了解學校實際惰況下，提出了「家長、孩子齊齊學」的課後支援構思，這與其說想實行，不如說為拋磚引玉，闡釋對家教會工作的期望。
• 原來，仁紀向來行之有恆的「故事媽媽」，已提供了一個家長義工間的交流、實踐和發揮的空間；而參與當中的高年級及畢業生家長，其豐富經驗和為小一學童用心的無私熱誠，更讓人感動……
• 又據聞，為學校提供外籍老師教學服務的機構，將於今年舉辦家長、學生齊參與的英語學習工作坊──可以說，雖然上屆隨便搭了個頗大的空中樓閣，但原來，仁紀本來實行的家長教育和義工參與計劃，已包涵了我構想的元素
• ──以此交代為什麼我不嘗試把上屆參選時提出的構想化為現實，可否解釋得通？
• 3. 其實，上屆許多家長委員（另包括沒有參選的義工家長）都在默默耕耘，雖然只提出簡單的承諾，但確實「盡力而為」──他們的付出和實行力，都令我非常敬佩！但因為我懶，行動力非常不足，惟有把期許再搭建於此，備案以便拋磚引玉：

提出「Talent Show」構思
──協助建立學童展露各方面才華的午間表演平台

• 活動形式：讓學童自由報名參與，鼓勵他們在午飯小息時段，向同學展露學業外的才華；並可考慮邀請參與表演的學生家長到場，分享子女展示長期努力成果的喜悅。
• 家教會角色：
• (1) 設透明報名箱，負責收集自願參加者的報名表；
• (2) 整理參加者名單，聯絡參加者；
• (3) 與校方協調「Talent Show」的舉行時間、地點、參與對象（最初宜在一兩個級實行）和所需設備，盡量減省老師需投入的人力。

（由於有積欠的工作在身，本人承諾，如再蒙獲選，將可抽空每周的星期三，為家教會事務盡力。）

[ 本文章最後由 csy_ma 於 07-9-23 14:49 編輯 ]

csy_ma

原文章由 黃巴士 於 07-9-23 17:57 硐表


我囝都係對英文有抗拒.
平時都有用拚音, 同csy ma剛才生動的方法去加深佢地印象. 好似climb 策字imb cl 跟住I AM BB.咁去教佢記.  QUIET, QU, I AM ET.
AROUND似GROUND咁, 但係發覺攪掂到默書, 日后好快佢就唔記 ...

用Longman隻CDR真係有幫助架（我囡試過因為之前已睇過不只一次，識讀，俾老師叫起身讀．所以佢而家臨瞓都聽課文隻CD代替咗講故事）．

我借過俾男班長媽咪去copy（之前仲有剩係聽既CD都請佢幫我cop過），呢位媽咪非常好人同樂於助人（佢都會再參選PTA，請投我地一票），您試吓聯絡佢，俾兩張空碟請佢幫您抄