仁立紀念小學家長區 (2)

csy_ma

原文章由 wp-bn 於 08-1-17 12:12 發表
cookie,

你哋就好啦, 有得加小小分  在學校報考鋼琴, 係咪平啲ka, 係點先可以報名

唔係報考鋼琴，係報校際比賽．通常響報名日子附近，校內就會開咪宣傳，叫有興趣既同學去邊度邊度報名．不過用開咪既形式，對於低年級黎講未必好work，下次茶聚我會提出黎，請校方考慮下次寫埋響功課欄，等家長都知吓．係喇，下次茶會響：

08年1月30日（星期三）12:30pm－2:30pm（第一次）
08年4月19日（星期六）2pm－6pm（第二次）

各位家長有乜問題，記住要去問喎．我整理返ｄ茶聚記錄（諗住遲ｄ擺響PTA個網），都發現有好多舊年家長提出既問題，而家已跟進解決咗．唔知今年又會有ｄ乜呢？今次加減分事件大概係其中之一，到時記住聽副校既官方解釋

csy_ma

原文章由 kswiss 於 08-1-17 13:34 發表
咩今日咁熱鬧既,唔通因為出面天氣寒冷!

都冇諗過有機咁好玩既,諗住免費咪去玩下囉!女女每次有收成的確好開心架!而且,D 菜真係好好食架,係街都買唔到呀!都係多得義工家長能帶動佢地,校長又咁支持.:victor ...

下學期都有班開，不過因為D肥料費幾貴，會收返$50蚊．不過，因為係義工家長既義務勞動，為公平同推廣興趣起見，聽講未必會收舊生．
但下學期應該仲有兩個免費既普通話唐詩朗誦同拼音班（唔記得有冇加埋唱遊），一個高年級，一個低年級．教低年級果位家長，就係同kswiss同wp-bn同班既靚女家長，我估咁筍既班都要抽籤，當然，係家教會會員優先既

csy_ma

今天在九型人格的講座中，見到頗多網中人  ，可惜，待我問完余生問題後，已趕收攤了．今天碰到的網上媽咪，抱歉！那時候沒帶腦，未能把您真名和網名相連，檔案架有點混亂，就像我當時的狀態一樣 ．

覺得，余國健有點像黃子華，9號仔也可以吃演講飯，倒挺新鮮 （我以前有個吃演講飯的老闆，3號仔，就像余生說3號仔會如何進行演講般，全中！且真是樹上的了哥也給其氹下來，只是不長久而已）．

csy_ma

不知二年級家長為孩子們溫習上次的常識範圍，有沒有清明節為何沒有指定的農曆日期的疑問？今天看蘋果程步奎的專題，才釋疑團：

我 們 還 習 慣 稱 呼 陰 曆 年 為 農 曆 年 ， 因 此 ， 導 致 一 些 人 以 為 農 曆 即 是 陰 曆 ， 則 是 莫 大 的 誤 會 。

其 實 ， 中 國 的 農 曆 是 陰 陽 合 曆 ， 有 月 亮 的 陰 晴 圓 缺 作 為 標 準 ， 計 算 月 份 ； 也 有 太 陽 的 春 夏 秋 冬 為 標 準 ， 訂 定 農 耕 所 必 需 的 二 十 四 節 氣 。 這 也 是 為 什 麼 清 明 總 是 在 陽 曆 四 月 五 日 前 後 ， 小 寒 總 是 陽 曆 一 月 六 日 左 右 ， 大 寒 總 離 不 開 陽 曆 一 月 二 十 一 日 。

而 臘 八 與 陰 曆 年 就 不 一 定 了 ， 每 年 都 不 知 道 會 落 在 陽 曆 哪 一 天 ， 都 得 查 。 以 前 跟 陰 曆 過 日 子 ， 不 用 查 ， 要 查 也 只 是 想 弄 清 過 年 與 農 耕 節 氣 的 關 係 ， 那 就 查 黃 曆 （ 皇 曆 ） ， 也 就 是 中 國 傳 統 的 farmer's almanac 。  

csy_ma

原文章由 kswiss 於 08-1-21 09:15 發表
係呀!正呀!
你講起似子華,我都好認同呀!
佢真係講得好好,令我印象好深刻,又有幽默感,冇悶場.連在座既小朋友都被佢吸引住,好掂呀!
你講得啱!佢唔講都睇唔出佢係9號仔,見佢咁識講野,又識搞氣氛,咁我就 ...

我老公都好似係9號 ，人緣好，但工作上，都好似幾有原則性．可能9號有好多變種？
唔係太出主意既9號仔阿爸，加上唔係好想幫人負責任既4號仔阿媽，搞到先發射，後瞄準既8號仔傾向阿囡好惡．跟咗3年既舞蹈老師叫佢做管家婆，佢有時，簡直似我阿媽咁嚕囌我地，煩

不過響屋企外，倒表現極乖同有d近乎犬儒式咁守規矩，都係要同老師溝通吓，先至再摸準佢究竟係幾號

csy_ma

原文章由 LW829 於 08-1-21 12:44 發表
各位家長, 本人小女在仁紀就讀二年級, 由於本人將會搬遷至深井, 但問了現時這間保姆車公司, 他們就不會深井, 最遠去到麗城, 請問各位有冇其他保姆車公司可介紹, 謝謝各位

可將資料send my  ...

好像沒有從深井直接到學校的保姆車，我在深井區上學所見，都是要轉車的．

csy_ma

原文章由 kswiss 於 08-1-21 14:16 發表

你又估我係哪一形號!

...

2號/7號？

至於8號．．．係，最初我都諗緊阿囡係3/7/8？？可能我係幾隨意既4號，又烏龍，俾佢成日搵到位食住上，造成佢冇大冇細，仲煩過我阿媽，仲唔係霸道既8號仔？ 最慘既係，8號仔對一d顯唔出佢優勢既野，可能好快會放棄，又在乎人地既眼光，咁就令我好有心理負擔:cry: ．

csy_ma

原文章由 LW829 於 08-1-21 14:58 發表
請問從深井返到仁紀需時多久?要轉幾次車?乘什麼車快捷方便, 本人所知深井區有許多小巴, 哪一些小巴會到學校附近? 望告知, 謝謝

保險計，約一小時，轉一程的士既話，半個鐘都得．
要轉一次車．最好坐任何可以坐到既交通工具（不過96M唔係咁就）落到荃灣街市街附近，行去戴鱗趾診所前坐車．果度可以搭既車有：34，33A，同43（轉入商場地下既巴士站）號巴士，仲有89B之類，去葵盛或者葵涌邨既小巴，313號絕van都得，只是也繞道到葵涌邨．
有d家長，會揀在愉城轉保姆車．

csy_ma

原文章由 黃巴士 於 08-1-23 17:27 發表
請問有無人知, "全方位學習活動", 係米唔洗家長同行, 有老師帶隊架!!!:-|

黃巴士

黃巴士：

好耐冇見 ．去白鷺湖，應該係老師帶隊既學生活動（之前去迪士尼都係自己去，當時好似只限高年級，今次卻受埋低年級玩 ）．

聽囡囡講，個什麼同東京大學合作既研究，抽咗我地班作為其中一個研究對象，您囝囝有冇講番？

仲有件事想請教：上次您買個《童之傳說》中文及數學系列，囝囝有冇興趣玩？因為睇張單張覺得好多軟件同VCD都幾吸引，就係唔知道佢既產品水準如何
（好似中文詞典咁，佢有埋筆畫示範就好啱溫默書，不過，有朋友做過都幾權威既大出版社，佢話一部中文字典會要佢一個人響一兩個月內完成！叫我地唔好幫趁，所以都想知吓間公司既製作質素 ）．


kswiss：

朋友叫我唔好咁快釘死個囡係乜型，所以都係觀察階段．而且，每個型都有健康同唔健康既表現，我下次講個遇到似乎幾可怕既8號仔例子俾您聽，不過而家趕住做聽日賣物會用既文件，就此打住．

wp-bn：
上次都見到您個型仔 ，佢真係好鬼醒

csy_ma

wp-bn：

您傎係好人事  ，不過我地做唔到咁多，都係唔要勒．問只係想了解吓佢既質素，好彩得到您既評價，聽日就唔駛哂多餘錢

csy_ma

原文章由 黃巴士 於 08-1-24 16:46 發表


csy-ma,

囝囝都報左名, 不過要HKD145. 好似 貴左DD!!!   

囝囝都有講話係好難得抽到佢地班架參加東京大學研究書寫口口語能力發展!!! 咁難得緊係要同意啦!!!

聽日家長日, 我大約11:45同囝囝返 ...

係喎，您咁講又覺似乎係貴咗d．不過小白鷺間餐廳都幾出名，野食ok，平日去食自助餐應唔只咁既價錢（佢係ｄ什麼中秋賞月熱點，我記得睇過報紙報道，價錢唔算平），就當俾佢地自己豪吓

我囡聽日見9:10am，但之前我要去幫手開義賣校服個檔，個檔響一樓，9-11am（連收攤，我諗都會搞到11點幾，您上去問邊個係＿＿媽咪就搵到勒）．完咗後我地都會去買書，因為平時我地好少去二樓書店，俾九折或全價總覺得唔係好抵，諗住聽日八折可以掃d貨

希望聽日真係可以見到

csy_ma

原文章由 黃巴士 於 08-1-30 09:33 發表
囝囝抽唔到去小白鷺之旅. 好失望!!! :cry:
佢話一班只有7-8人抽到咋!!!

返埋今星期放假啦!!!!!

黃巴士

黃巴士：

今日響茶聚個報到表上見到有您囝囝個名，以為卒之可以同您相認，點之又見唔到．．．係唔係唔記得咗呢？我都係，不過係返學時碰到家長，佢約食早餐，食野時提起，我先醒覺 ．匆匆返屋企煲落湯就趕返學校．因為太匆忙，仲搞錯咗時間，返到學校先發現原來自己睇錯鐘 －－早到咗一粒鐘 ．如果唔係咁烏龍，都可能會走上黎提吓既 ．

結果真係好多人冇黎，到咗約係報名兩三成左右（可能分分鐘唔夠），多半係一年級，問d問題都少好多，唔知係唔係因為好多野學校都跟咗，所以疑問同不滿都愈黎愈少呢

講起小白鷺，真係幾少位，我地班有7-8位算好彩，另有家教會常委話，佢地個小朋友都抽唔到，好失望咁話 ．好彩我囡自細抽獎運都唔錯

係呀，返多兩日咋，佢地就happy，我地就困身．不過既然放假前派晒下學期既書，都會諗住同佢地睇吓下學期既書，唔駛等返咗學又要趕做功課又要趕溫默書咁辛苦

csy_ma

原來農曆新年假，好多家長都有外遊計劃 ．參加芭B（芭蕾舞B班）既同學仔，要去就趁呢個假期去嘞，因為芭B位教得好有心機既導師，打算響復活節期間為小朋友作特訓，俾佢地去參加多一個校際既舞蹈比賽，所以，記住預留時間喎

csy_ma

原文章由 黃巴士 於 08-1-30 17:42 發表


哎呀!! 唔記得左去添!!!

黃巴士

返學時碰見好多家長講起，原來好多人都同您我一樣唔記得

果日碰見家教會余主席，佢話之前果日獲邀頒獎俾d優秀導師，場面感人咁話 但係阿囡記不住咁多位獲獎老師，只係嗡得出自己班主任等幾個，都真係好想知道其他獲獎老師名單．唔知學校會唔會話返俾都有份投過票既家長聽？

我囡剩係話孫Sir得獎時既場面搞笑 －－未宣布，d學生已好似d追星fans咁，響台下叫晒孫Sir個名，仲好有節奏添．咁睇黎，d小朋友又真係唔驚惡既老師噃？

卒之返埋今日就唔駛返學 ，擒日我囡朝早起身話怕凍，唔肯返添 ．我惟有拿拿淋趁冇活動放學早咗，去買多件藍灰色羽絨俾佢（之前因為件衫粉紅色，到學校前就會除）．不過返學時留心一睇，都發現有同學著鮮色外衣返學．不過我諗咁凍，老師都會體諒？ （其實黃Sir就對去畢業營既P6同學仔講過，總之係保暖既就可以著埋去，可以唔駛理乜色）

農曆新年將至，先祝各位家長萬事如意！闔家平安！
:恭: :喜: :恭: :喜:

csy_ma

以下摘自他校家長blog中介紹的文章 名校逐個數：福建中學創「簡式」教作文 http://www.wenweipo.com   [2008-02-05]

本報訊】(記者 李浩彰) 作文不似其他學科，教師可按著課程大綱授課，故人人以為「作文無得教」。福建中學(小西灣)卻創出一種名叫「簡式單元教學法」(下稱「簡式」)教作文，即以「庖丁解牛」之法將作文技巧分作不同學習單元，使學生逐點掌握。20個接受了「簡式」教學的學生，寫作成績大躍進，會考中皆取得C級或以上的成績。 福建中學(小西灣)副校長、香港中學語文教育研究會會長黃鳳意接受訪問時指，教師認為作文「無得教」，主要因為他們不知從何入手，「一般教師以為作文只有靠學生自己揣摩，每次教作文便只將題目寫於黑板讓學生自行發揮，實質缺乏完善的系統」。針對這一點，她與校內另一老師簡加言便研發出「簡式」。 黃鳳意表示，如教授記敘文，課堂設計便要求學生掌握3個重點： 首先是清楚交代「時地人事」； 其次是以第一身寫作； 最後是敘事用詞準確。 老師批改時亦只修改上述重點，之後盡快發還作文，讓學生對文章尚有記憶時，掌握老師修改之處並加深記憶。透過系統化的教學，比一般「鳳頭、豬肚、豹尾」作文指引來得具體，亦將「無得教」的科目變成「有得教」。 當然，勤於寫作是提高寫作技巧的不二法門，故學校又提倡「多寫少改」，要求學生每星期作文一篇，練習所學的寫作技巧，而老師只作出簡單修改如改錯字，免增教師工作壓力。 如何防止學生不會「馬虎」了事？學校自有妙法。學校於學期末讓學生自行選取作文精萃，將之結集並由學校斥資替每人出版20本。 學生自選文章出專輯  黃鳳意笑指，這方法非常奏效，「學生對屬於自己的東西很重視，故校對時比考試更認真」。她與簡加言合力自編教科書，務求配合學生的讀寫進度。 福建中學(小西灣)於01年開始試行「簡式」，隨機抽取20名同學進行訓練，後來他們的作文科於會考中皆取得C級或以上，學校決定全校大力推行。黃鳳意指，「即使是初中學生，現時要在一小時內寫600字是等閒事」。

[ 本文章最後由 csy_ma 於 08-2-6 00:41 編輯 ]

csy_ma

原文章由 lucy 於 08-2-1 17:02 發表
我都好想知道獲獎老師名單, 亞女好開心話佢果班主任, 唐老師獲得"循循善誘"獎.

呢個星期真係好凍

但亞女只有件粉紅色羽絨, 我又唔想買多件深色羽絨只係for返學著, 點知佢話見前日有幾位同學都 ...

您家姐個仔間學校，似乎行緊日本仔果套－－唔記得響邊度睇過，有日本學校既校長要求學生冬天都著短褲返學，結果，好多同學仔因此體質好咗添．

不過，體質有時係有d先天既因素既，所以仁紀既校長就話，都冇限定幾度以下先可以著羽絨或者外褸，因為體質人人不同，但假如唔係太合常理既話，最好跟封家長信

[ 本文章最後由 csy_ma 於 08-2-6 01:14 編輯 ]

csy_ma

呢兩日啱啱放假，我個囡完全唔肯做功課同對住課文 ，其他學校既同學仔都係類似．我惟有利誘吓佢，俾佢做少少野就睇下電視咁 ．電視響學校播過，但我囡都好有興趣睇返，好似又真係幾多野睇，中英數常都有：

http://www.hkedcity.net/resources/vgal/

係勒，校際音樂節已公布咗比賽日同地點，但可能12號仲會有一次修改，學校似乎未派有關資料，所以，都冇得上網查閱（http://www.hksmsa.org.hk/）．唔知幾時呢 ．我囡實在彈得太差了，又唔肯練 ，雖然話參加既目的就係想俾佢睇吓人地點彈既，但唔係好能夠順利彈出首歌，都係幾過太．．．希望假期上多一兩堂由老師的住佢練

csy_ma

原文章由 黃巴士 於 08-2-15 15:11 發表
RAINRAIN & CSY-MA,

請問英文Finish Step功課, 要做邊課頁呀???

黃巴士

即係話：除咗聆聽練習外，剩低咁d要全本做晒！我最初都以為假期功課唔多，不過原來Step內有乾坤．．．中文除咗默第一二外，仲有小測

csy_ma

農曆新年，很多學習網習都似乎休假了，倒是李賢堯中學的校長挺勤力的，假期照舊開壇分享，以下摘自該校校長的blog（http://it.liymss.edu.hk/bblog/）：

數月前，廖燕珍副校長在老師間「傳遞」了youtube 的一個超連結，這片段的名字是「Did you know?」。今天早上有幾會再細看，特別和大家分享。


「Did you know?」是怎麼的錄像？我在網上找到一些資料，整理後再和同學分享如下：

2006年新學期開始的時，科羅拉多州Arapahoe公立高中，學校科技中心的負責人 Karl Fisch為老師們解說目前教育界的技術發展和趨勢。當時，高中剛獲得一筆基金會的贊助，幫學校更換了兩百多台電腦，於是 Karl 就決定以讓老師瞭解未來趨勢的角度來製作一套投影片，希望他們可以知道將要面對什麼樣挑戰，同時讓高同學面對這樣改變。

Karl從書籍、網路、政府資料中整理出了一些數據，並且用淺顯易懂的比喻加入投影片中。（這些數據來自於「世界是平的」作者、教育界的知名人士、美國前教育部長、美國勞工部、麻省理工學院等等……）影片做好了，在配上音樂之後，他把這個影片取名為「 Did you know ?」。
                              來源：http://hk.knowledge.yahoo.com/question/?qid=7007082105310



同學務必去youtube看看，可以看英文版，或者中文版：
英文版：
http://www.youtube.com/watch?v=fhnWKg9B2-8&NR=1
http://www.youtube.com/watch?v=pMcfrLYDm2U&NR=1

中文版：
http://www.youtube.com/watch?v=xj9Wt9G--JY&feature=related


「Did you know?」 指出，我們必須教導現在的同學，畢業後投入於目前還不存在的工作，使用那些可能或者是根本尚未發明的科技，解決我們從未想像過的問題。


同學，未來的挑戰是何等美妙，只因它尚未開始。來，讓我們於今天便好好預備！


註：
1.   「世界是平的」(The World is Flat)一書是談及全球化對我們帶來的影響，下星期或者不久的將來有機會給你談談。
2.   麻省理工學院(MIT)[http://web.mit.edu/]，一所位於美國麻薩諸塞州的理工大學，世界首屈一指的科技學府。

csy_ma

喂喂   仁紀網最近好靜，家長都去了哪 ？
周六學校有元宵慶祝活動，不過，除咗一位禮物供應者 外，似乎唔係好見到其他BK啲家長 ．
我阿囡抽到一個公主玩具，好鬼開心，於是即場打電話俾果d禮物既供應者，問佢地點解今次唔黎？都唔能夠即場分享小女孩們收到佢捐出禮物既喜悅．
佢話上次黎咗覺得悶，所以今次缺席 ．說實話，要諗野供三四百不同年齡層既人玩，遊戲都係愈簡單愈好（今年個砌圖就好似複雜咗啲，搞到超晒時）．多黎幾年，難免感覺有d重複．個節目已盡量做到人人有份（如禮物），皆大歡喜，但如屋企有大把玩具，又唔係好鍾意攞多啲唔等駛野返屋企既，就可能玩得冇咁投入，會悶都唔出奇 ．其實，都係d小朋友鍾意遮，家長都係做吓書僮，陪佢地返學校玩吓，有多d歸屬感咁話．

啲遊戲既然用獎品黎製造熱鬧氣氛，咁冇獎攞係唔係冇唔開心？我認為未必．．．今次，個人認為最慘既，係BK另一位禮物供應者既囡囡．佢滿心歡喜咁攞到封有禮物編號既利是，點知份禮似乎就係佢媽咪捐俾學校既書包－－佢屋企都有唔知幾多靚過果個．．．我其實都有啲衝動叫住佢，換過一份小禮物俾佢，不過為公平起見，都冇咁做

所以話物質呢樣野，冇又煩，有太多都一樣咁煩．．．

而有樣野就係要失去就知可貴既，就係健康．近排，據聞小三小六既水痘菌肆虐，搞到某啲班好耐冇得去操場小息．流行性感冒一樣猖狂，我囡周六有少少燒，今日就去到105．醫生話，近排啲感冒分分鐘燒三四日．慘啦 ，聽日佢有鋼琴比賽，佢為此補上咗幾堂，老師啱啱俾個OK佢，點知分分鐘去唔到