只見樹木，不見森林！ 為什麽我們都只是關心 TSA？

hkpapa852

palmchristy 發表於 16-2-18 13:10
提出問題讓大家思考本來不是壞事.  但面對太多問題, 無法解決, 就會積壓繼而生怨, 特別是文中把所提出的問 ...

如果家長自己根本唔睇書, 又唔花心思, 又如何令小朋友願意去睇書? 外判俾學校叫學校攪掂?

如例如家長如果係重視學習模式/過程而多於分數, 小朋友又何需因考得低分而擔心?

其實歸根究底, 呢D問題, 家長既責任係最大, 只不過好多人都不願承認/接受呢個事實.

hkpapa852

Doray 發表於 16-2-19 01:37
" 提出問題讓大家思考本來不是壞事.  但面對太多問題, 無法解決, 就會積壓繼而生怨, 特別是文中把所提出的 ...

香港向來都係功利, 速食主義行先, 呢個風氣不變, 家長心態唔會變, 任何制度都無用.

君不見不少家長送子女去IS, 或者一D仿IS既學校讀書, 但又後加一大堆補習, 咁又所謂何事呢?

N年前, 教育局都嘗試強調求學不是求分數啦, 結果如何呢?

到底係怪獸制度衍生怪獸家長, 定係怪獸家長令制度怪獸化呢?

hkpapa852

palmchristy 發表於 16-2-19 10:26
把一個幫助學校更了解學童基本能力的去改善教學的測試, 為它賦予眾多教學理想, 然後因為它不稱職, 把其踐 ...

不少家長只著眼於"如何按自己期望/意願提升小朋友既能力", 對於一D佢地(該類家長)認為對達成目標無幫助兼且浪費時間既嘢, 自然想甩咗佢, 最好辦法將個D嘢既缺點放大, 甚至醜化/惡魔化, 咁自然大條道理話唔應該做.

hkpapa852

Doray 發表於 16-2-19 15:43
呢啲係雞先定蛋先的惡性循環問題，再問亦無謂，唯有破舊立新先有得攪(請有心人別又上綱上線咁話人反政府).
...

任何政策重大改變, 從來不是易事, 尤其可能影響咗不少既得利益者, 即使係歐美等所謂先進民主度高既國家亦不可能由最高領導人一句話說了就算. 環顧全球, 恐怕只有普京和金正恩有咁既絕對權力.

家長從來都係子女最重要和最好的導師, 子女同時亦係家長最真實既照妖鏡. 想子女如何成長, 先改變自己心態, 做好自己. 而唔係只要求外人幫自己完成目標.