將軍澳天主教聖安德肋幼稚園

wing530

    

wing530

barryalice,
你係邊度整個頭呀? 掂唔掂呀? 我原本今日去整既, 點知張禁區又到期, 所以, 想聽日去整頭囉, 你攪左幾耐呀?

hinhinmom,
我未訓呀! 頭先我老公用機, 我咪做織女囉~   

wing530

小玲

我都唔係信徒黎, 所以, 學校都無叫我地返教會架~

男仔冬季校服, $500幾蚊呀~

wing530

>小玲,
我同hinhinmom既小朋友都係由德寶轉過黎既插班生, 我個仔由10月中先開始讀k2, 而hinhinmom就11月先插入黎, 所以, 我地無睇過佢地上堂係點架~

兩間學校各有長短, 真係好睇每個家長想佢既子女學到d乜野, 你都可以想想, 為何2個家長會由deborah轉過黎呢, 我地唔係因為學費既問題, 咁當中固然有問題先會走架啦, 係咪?!

>barryalice,
我知你講邊間喇, 我以前都有去過, 而家我老公 + anson都係果度剪, 咁你整左幾$$$呀? 講唔講得呀?     我今日無時間去整頭, 最遲今星期6要去喇, 因為呢排多朋友結婚, 要攪攪佢囉, 原本唸住整個靚頭跟阿仔去旅行, 而家無行lu~     我而家考慮緊整返"陶瓷曲髮"呀! 我驚整左直髮會好娘呀!      我試過自己照鏡, 好唔掂呀~    

你想朗朗學"抬拳道"呀? anson剛剛學左幾堂, 佢好開心呀, 仲好鐘意學tim, 我係clubhouse度學咋, $570/12堂, 都幾抵架, 如果係出面學, 我都會考慮海悅入面果間"智趣樂", 佢既價錢唔算好貴, 時間都ok, 反而南豐果間就貴d, 要5歲先收, 仲full哂tim呀~   

wing530

>barryalice,
500蚊又唔貴喎, 咁你係長髮定短髮先? 東港城果間要$1000架, 我都係果間整"陶瓷曲髮", 我新年前整, 而家仲曲喎, 我又唔覺太麻煩, 我又無用手指卷下, 不過就要"查"野囉~

南豐果間, 我唔知叫咩名喎, 由連理街一行過去就見到喇, 即係換身分證既對面, 1.5hr/$90(好似), 而"智趣樂"1hr/$60(大約), 你可以睇睇既~

wing530

>hinhinmom,

green for hair乜唔係新寶城果間咩? 你話highlight應該係先漂過, 我唔明喎, 咁即係點呀? 係咪唔好呀, 因為我想係呢間做"陶瓷"呀, 咁呢間值唔值推介呀~   

wing530

唔好啦, 講左先啦~     

wing530

咁果間即係唔好啦, 係咪呀?

我都想去返fifi果間, 但我又驚要整2千幾蚊呀~       

wing530

>hinhinmom & barryalice,

好! 聽你地老點一次先!!         咁我搵日試下電, 你有無搵開邊個架? 你估我放工去整, 整唔整得切呢? 會唔會好夜呀?

係呀, 上次整左差唔多2千5蚊呀, 都整得幾好, 不過就真係貴d, 可能上次近新年, 所以無discount呀, 電$1000, highlight $500, 底色$500, 焗油又$500囉~

呢排大出血啦, anson又唔舒服, 簡直係"愈窮愈見鬼"呀~       

今日anson無返學呀, 見佢有咳, 咪無返囉, 昨日去左睇dr.wong, 話佢感冒未清哂, 氣管仲有d收縮喎~ :cry:  :cry: 好鬼煩呀~     

wing530

barryalice,

果度係貴架, 果日我整頭時, 聽到有個小朋友想剪髮, 個媽咪問要幾銀啦, 我聽到都嘩嘩聲呀, 大約都近$200蚊啦, 個媽咪以為聽錯, 再問, 點知"走夾唔抖"呀~        

係囉, 我都驚整得夜, 攪到佢地會無心機整落去, 又或者求其趕收工呀!       咁即係要星期6啦~       

wing530

barryalice,

乜凍親條頸會加速氣管收窄架?    

今日anson要上跆掌道, 我唸住唔比佢上, 但佢又好想上喎, 你話好唔好比佢去學呀? 而家佢有時有咳, 有時就無既, 都唔算嚴重, 不過, 到夜晚就咳得多d喎~

wing530

>vibianyeung,
Anson剩咳無痰架, 今日保姆都有煲雪梨水比佢飲, 而我放工返黎就煲左鱷魚湯比佢, 睇下會唔會好d啦~

係呢, 你求情求成點呀? 有無消息呢?

>hinhinmom,
果間salon叫"皇室"呀, 我頭先經過, 順便睇睇囉, 你有無搵開邊個架? 搵"小吉"好唔好呢? 成個"tom boy"果個呀! 還是四眼仔"阿偉"呀?

我星期6唔係放假呀, 改左上星期6麻, 咪去左落馬洲囉~ 放心啦, 星期6會去整頭, 希望再無其他野攪住我啦~      

>barryalice
唔係喎, 我自己都有氣管敏感, 有時無感冒都會氣管收縮架喎~

wing530

>barryalice,
我聽hinhinmom講, 話你個頭整得唔錯呀, 所以, 加強左我既信心呀!      而家等緊星期6既來臨咋~     

>vibianyeung,
唔該哂呀!       唔燉, 煲又得唔得呢? 因為我好少燉野架~     

wing530

dear all,

今日嚇鬼c呀! 因為今朝一早, 班主任打黎, 話anson條頸度生左一舊野, 好大撻, 又紅, 又熱, 又硬喎, 又似蚊"爛"咁既, 放學時, 老師又再call我, 話幫anson敷左2次冷, 不過, 都無咩好轉, 叫我今晚留意下, 睇下洗唔洗睇醫生喎~

你地估下係咩黎呀~    

wing530

>dear all,

anson果撻野真係好得人驚架! 開頭仲以為係蚊"爛", 無理佢, 而我又去左新都城行街, 所以, 果晚就夜左湊佢返黎, 點知返黎一睇, 嘩~ 眼都突埋呀!       原來唔係蚊"爛",黎, 果舊野係入邊, 我即刻帶佢睇醫生, 剛巧樓下既診所又未關門, 咪入去睇左先, 費事排急症, 個醫生一睇, 佢都嘩嘩聲, 話咁犀利, 佢話唔似炎症, 因為anson話係痕既, 所以, 估係敏感, 開頭我驚係淋巴腺有事, 好彩唔係咋~

睇完醫生, 我地就返屋企, 我就call我阿e問下, 佢話睇多個醫生穩陣d, 比佢嚇下, 又即刻去睇急症室, 果時都10點8喇, 仲唸住有排攪, 點知等左7~8分鐘, 就叫anson喇, 心唸都驚驚地, 因為平時無咩野, 應該唔會咁快麻, 個醫生一睇, 又係嘩, 好犀利呀, 佢都係估敏感, 不過, 都要anson照x-ray, 因為驚果舊野佢壓住氣管, 醫生都話唔痛既就無咁怕, 叫我食返私家d藥, 如果無效就即刻返黎, 仲話放我走喎, 莫非想留院~      

今日果舊野已散左好多喇, 真係嚇鬼c呀~       

wing530

>barryalice,
我都唔知係咩黎, 可能係敏感掛!     因為食左d敏感藥又無事喎, 都好難知道係咩攪成咁, 可能食野(機會微d), 或者衣物, 咩都有可能, 不過, 我估唔似昆蟲, 因為平時有蚊咬到anson, 佢會腫哂, 出水泡既, 但今次又無呢d反應喎~     

今朝anson返學, 校長一見到anson, 就問候anson好返未, 有無睇醫生之類說話, 我覺得個校長幾好喎, 同埋, anson都知佢係校長喎, 係deborah, anson到走果日都唔知邊個係校長呀~    

聽日旅行, 返黎我地會報料架喇~    

>sunday,
係呀, 真係嚇鬼c呀, 雖然散得77 88, 但都驚唔知係咩黎架, 又唔知又會唔會又黎過架~     

>hinhinmom,
嘩~呢排咩事呢? 除左我之外, 都聽到幾單呢d野喎, 會唔會係有d細菌"潛伏"緊呢?     

我又係日本個disney買到顛左呀, 我連續入2日, 2日都係咁買, 簡直失制呀, hk disney我都唸緊買咩喇, 可能今個星期日入去, 觀完禮大約12點幾入到去, 唔知洗唔洗買定ticket呢?

wing530

>dear all,
今日好好玩呀! 大人同小朋友都好開心呀, 果度有好多遊戲, 仲有d係大人玩既活動, e.g.做麵包, 稻草人, 親子"sir"滑梯等, 果度好大架, 講起呢個滑梯, 真係好好玩, 好刺激, anson玩左5次, 我就玩左3次, 如果唔係夠鐘玩集體遊戲的話, 我會再玩tim呀, hinhinmom就唔夠膽玩喇~       

頭先同hinhinmom去左jusco掃貨, 買到人地拉哂閘呀!    

>hinhinmom,
超市有9折架~     
問我星期日觀咩禮? 梗係婚禮啦, 唔通喪禮咩??       

>barryalice
我就買左阿仔既底衫, 有7折, 買左格棉衫, 企領底衫, 同底環呀!     我自己都有買底衫, 都幾平喎, 仲有....christmas card, 阿仔玩具9折, 我仲想買睡拖/毛巾/超市呀, 唔知聽日多唔多人呢? 不過, 我聽日要去整頭呀~

wing530

sunday,

你都收到可靠線報喎~          又真係好激架, 一個小朋友唔比玩, 要大人陪同先得架! 今日, 我見到有個媽咪叫哂, 有無家長可以同佢既小朋友玩, 因為佢唔敢玩, 想請槍呀!      

今日, 我都見到一個爺爺同個男仔玩喎, 唔知係咪你老爺呢?      大概60幾歲咁啦~ :  :

wing530

>sunday,
我都覺得校長好好呀!       果日旅行, 我都見校長拎相機影下d同學仔, 我去到邊都見到佢架, 又主動同我地d家長傾計呢, 真係very good喇~         

>barryalice,
真係好好玩, 而家我地係另一個topic(deborah)果度, 再組團再去玩過呀~     

>hinhinmom,
我都有double pay架~          呢個月尾會出喇~      
果日咁夜訓既原因呢, 係.......同你買野都11點喇, 之後再約左一個朋友比野佢, 返到歸已11點半, 12點先沖完涼洗完頭, 個頭咁濕, 又點會咁快乾喎, 咪上bk睇下囉~     

wing530

Dear all,

唔係喎, 一人一花本作業, 我上星期都有交喎, 老師有睇架, 仲貼左張貼紙落去, 之後, 仲派返黎tim, 我聽日都會帶返學校架~     

>hinhinmom,
會唔會留左係學校呀, 上星期, anson都係留左本手冊係學校, 到旅行果日先派返比我咋~