2011-12升小一交流區

維豬豬

原帖由 IJai 於 11-7-27 02:05 發表


+1我地都岩岩旅行完番黎
同個仔玩緊d中數理解頭都大
中英文努力每天爬少少

書包果日去試咩個full size好好笑
好似會失平衡咁
細一碼又吾知塞吾塞得哂咁多野
又書又薄又folder又食物盒..
- -" ...

係既, 佢哋其實都仲係個大BB,
更何況維維都仲係細仔添,
揹起個書包就簡直係衣不稱身咁款,
我都係買咗個細少少既,
如果唔夠擺咪再攞多個手挽袋囉,

維豬豬

原帖由 IJai 於 11-7-30 03:24 發表
大BB是啊
吾知幾時先長大
希望去到小一可以獨立d就好la
-.-

雖然好想佢哋可以快啲獨立,
不過問心嗰句又真係唔捨得佢哋咁快長大,
好好享受呢幾年既親子樂啦,
好快佢哋就唔再屬於我哋既啦.

好慘, 一直同維維補習既何老師由八月份起要去任教唔再同維維補啦,
唔知有無好既補習社介紹?
我諗依家搵得來都差唔多啦掛.

維豬豬

原帖由 csk家長jj 於 11-8-1 00:01 發表


咁細個補習？

係早咗少少呀呵,
不過幫佢補習既老師係維維之前幼稚園既班主任,
佢份人對小朋友好有耐性同愛心,
維維好鍾意呢位老師, 咁平日我要返工既時間佢每日兩小時上老師屋企做下功課寫下生字, 佢自己都好開心, 逄星期六就會跟呢位老師學畫畫, 佢教既畫係我從未見過如此令人開心同會心微笑既小朋友畫既, 不過可惜老師佢依家唔再教囉, 希望維維佢好快可以再有機會跟返何老師啦.

維豬豬

原帖由 IJai 於 11-8-1 21:32 發表
我咪係個仔補習老師
好嘔血搞d中數理解
同以前victoria/enopi好吾同
想死

我就係唔想咁早嘔血至想搵定補習,
不過又唔係好急既,
都係搵定、問定, 當有而要既時候就即刻可以有人救到我啫.
係嚟, 好彩得你彩下我啫,
呢度既家長真係好靜既喎.

維豬豬

原帖由 Fannylok 於 11-8-9 23:48 發表
Hi！各位好，我的小朋友都係今年讀小一，多多指教。

今曰聯絡校巴司機，先知藍田要6：40上車，返到學校就7：15am左右，佢話要就埋高年級的同學上早讀。我想問下係唔係？會唔會有其他保母車會遲點呢？又或者只撘回程會大約收幾多錢呢？唉，噤 ...

頭先收到校車姨姨電話，我住土瓜灣上車時間7:15喔，不過就俾唔到落車時間我囉.
今年校車係咪加咗價呢? 記得睇過舊年有家長講土瓜灣4xx, 今年要550.

維豬豬

原帖由 Fannylok 於 11-8-10 21:45 發表
維豬豬

土瓜灣都7：15，難怪藍田要6：40，你有無問係唔係要就高小同學所以噤早？

係呀，加左，因為7月尾我問佢地時，仲話七百幾，昨曰已經話＄820了！

...

咁我又無問喎, 其實早少少返到學校我又覺得OK, 始終住土瓜灣都唔算早好多出門口, 早啲返去可以等佢回下魂, 唔使一舊雲咁仲好啦.

維豬豬

原帖由 Kimuimoon 於 11-8-11 13:27 發表
我仔嗰架由420加到470, 不過我仔架車好細同好迫, 但我貪佢淨係走土瓜灣, 佢係尾站落車都唔係兜好耐

又有另外一架校巴打來俾我啦, 佢哋500蚊 7:10上車, 3:25落車, 呢架車既時間同價錢都好似好啲囉. 佢好似係行土瓜灣 - 鑽石山線, 應該係細車.
但點解你又會420蚊既?  有無人知芳姨架車好唔好既?

維豬豬

原帖由 Kimuimoon 於 11-8-11 13:35 發表
小一遲D都有早讀課好似係7:45, 有D同學仔被選中參加九東區遊戲比賽, 田徑比賽等.. 有時都要7:30前返到學校練習, 又有D小朋友成績稍為落後都要早D返學校補課
...

一朝早返學校補課呀? 咁都幾好呀, 一早個人應該醒神啲既喎. 咁參加田徑比賽既同學咁早練習跑步呀? 真係好早喎.

維豬豬

原帖由 Fannylok 於 11-8-11 21:58 發表


images/smilies/default/suprise1.gif 吓，小一都要噤早，其實小一要返早的機會多唔多呢？因為我仲考慮緊撘校車定自已送，因為自已送可以打鐘前先返，噤佢可以瞓多20－30分鐘，但如果小一都好大機會要早返，噤就寧願坐校車了。唔該 ...

我都有諗過好唔好自己送，但如果遇到打風落雨都會好麻煩，放學晒住個太陽等車又會好辛苦.
所以都係搭校車喎使煩.

維豬豬

原帖由 Fannylok 於 11-8-11 22:01 發表


維豬豬，你係聯絡學校比的list裏面個d保母車，定係自已再找？其實可以點樣再找多些保母車比較呢？

兩架校車都係list入面既,
第一個打電話來既姨姨係分班試o個日坐係樓下登記電話既.
第二個係之前我去學校睇放榜時個姨姨抄低o左我電話既. 我都一舊雲, 仲以為係同埋一間校車公司, 只係唔同人添, 所以份校車list我都無掉o左去邊添.

維豬豬

原帖由 IJai 於 11-8-12 02:02 發表
好彩我地行5mins(爬10mins)就到
我隻野一定要早番補課ga la唉
- -"

你就好啦, 首先已經煩少樣.

維豬豬

原帖由 Kimuimoon 於 11-8-12 10:00 發表
今年470la, 我都冇check 價, 只係跟住張list最前又最啱路線打去問, 價錢合理咪成交囉, 我仔話架車係12座位, 不過唔止12個學生, 大約16個, 校車編號A2, 洪姑娘
...

想問下你小朋友架校車既上車地點同時間?
我住消防局對面, 落車要係馬頭圍村既大昌, 上車就可以係屋企門口.

維豬豬

原帖由 Fannylok 於 11-8-17 23:13 發表
維豬豬

我都係呀，我藍田都有兩條線經，我仲以為佢地有聯繫，我依家都唔知家長曰留左資料比邊個，不過唔理lu，依家可能考慮自已送，等仔仔可以瞓多廿分鐘，不過我就要早起兩個鐘


...

我之前都有掙扎咗好耐要唔要自己姐姐送，但始終打風落雨都好麻煩，放學又要晒住太陽等巴士小朋友亦都會辛苦，所以倒不如搵返個唔錯既媬姆車搭比較實在. 陳瑞祺既媬姆車真係有好多選擇，可以夾到啱為止既.

維豬豬

原帖由 Fannylok 於 11-8-19 23:58 發表
幼稚園三年都係我帶返學，大家有傾有講好開心；我諗住帶一年，等佢適應左小學的生活先，起碼每曰有段時間唔駛理功課，淨傾計，希望到時我唔會撘車瞓著左，hehe！

我都學你睇緊上年10－11的post，果然知多好多野，不過相對今年真係好靜，希望 ...

咁就要辛苦你啦，我啲時間夾唔到送返學，不過搭校車返學真係要早成半個鐘出門口，或者遲啲會轉只搭放學.
有媽咪提醒過我返學時間好多人等巴士，要排隊.

維豬豬

原帖由 Kimuimoon 於 11-8-19 11:11 發表
自己帶圖書返去, 一日中一日英, 唔辛苦, 上學期功課少, 連長假期都冇乜功課, 不過, 下學期長假期就要預留時間做功課, 唔好全個假期都安排旅行行程

好彩聖誕節算係上學期既長假期啫，仲可以去一次旅行先.

維豬豬

原帖由 Fannylok 於 11-8-20 00:02 發表
我睇緊你地上年d post，雖然暫時只睇到開學，不過都知多左好多野，你真係好，今年過來幫返我地d新手。

噤你小朋友鐘唔鐘意學校？我仔仔好慢熱，又拘謹，唔係得人喜愛的類型，好擔心佢唔適應，又或者同老師唔夾。

...

你放心啦，我囝囝唔單止好慢熱、又拘謹，仲要再加埋個古板㗎性格同硬頸脾氣，做事一成不變又固執.....
所以你囝囝都未算最唔得人喜愛㗎一款啦.

維豬豬

原帖由 Kimuimoon 於 11-8-20 14:27 發表
其實舊年都唔係好多家長上嚟交流, 但多得有d高年班家長不厭其煩釋除咗我地新仔的疑慮, 可惜有d今年要升上中學了, 佢地的煩惱可能還比我們多, 嚟緊一年未必再能緊貼解釋我地的問題, 我只是希望能繼承佢地樂於助人的精 ...

我都係咁話，邊樣野係最好每個人心中把尺都唔一樣，只要小朋友讀得開心、同學仔之間都有好㗎品格我就認會係一間好學校，我囝囝仲係比較細，但我本人就絕對喜歡陳瑞祺書院.

維豬豬

原帖由 IJai 於 11-8-21 02:33 發表
多謝kiumiumoon ge分享
hi fanny維維ma
我唸你地仔仔一定冇我個咁衰
固執慢熱依賴讀書又5叻
但我仍相信
細路潛能無限
一定可殺出條血路ge
:loveliness:

好快開學了
25/8我仲冇假放添呀
未可最快知佢咩班同見下班主 ...

係喎, 我都數漏咗依賴添,
讀書叻唔叻仲未知,
不過維維係細囝我都唔敢抱太大希望囉.
不過你講到可殺出條血路又好搞笑喎,
好似講到要上戰場咁呀,
真係太適合我哋呢班家長既情況啦.

歡樂既暑假真係過得好快,
星期四就要開始返學啦,
你25號無假放呀? 咁26同27號來唔來到呀?
我已經準備好啦,
呢3日都會係親自帶維維返去,
因為我係返夜晚工既,
只要肯捱下眼瞓就會有好多時間陪個仔,
不過來緊呢三日我會超攰囉, 唔知見唔見到你呢?

維豬豬

原帖由 Fannylok 於 11-8-23 21:53 發表
我地都係唔好鬥衰啦，一於一齊殺出條血路！

我星期五請假帶阿仔，星期四同六就由爸爸帶，我星期六仲要同爸爸兵分兩路，因為我家妹妹升幼稚園，又係個曰開家長會。

星期四係唔係帶書包，文具，仲有什麼要帶？

...

嗯.....咁兩日家長會你哋咪要分開兩個人來囉?
妹妹又係今年升幼稚園咁真係好忙喎,
但咁樣又會好開心好熱鬧喎.
聽日要帶啲乜我都係烏sir sir,
我會帶書包、文具、水壺同小食,
唔知有無時間食小食, 但帶定放心啲.

維豬豬

原帖由 IJai 於 11-8-24 02:41 發表
hi 維維媽fanny你地好!

我死lur爛lur
終於可25/8遲dd番工
淨可以帶佢番學留一陣
26同27我都要番工lor
呀仔爸長時間在海外工作
so..乜都係我
:(

好似要帶d snacks小息食?
同埋2幅相+/-領洗紙copy?
我唸住放多個通 ...

咁你可以遲幾多返公司呀?
第一日唔知會唔會俾家長入去呢?
咁嗰兩日既家長會你咪來唔到?
等我記低晒佢返來話過你知, 好唔好?
係呀, 我都記得仲有領洗紙同出世紙copy既, 但唔記得寫添, 都係你心水清.
好緊張呀, 聽日見啦咁多位.