分享:凡夫俗子在直資女校生存之道

YolandaTam

相信大家都發覺好多父母對四大女直趨之若鶩但又唔多了解內部實況，年輕人一旦入學，乜都唔知，實在好無助。
小女現在四大女直之一讀高中，我開呢個帖希望我們小小經驗能拋磚引玉，令面臨子女升中家長得到多少少資訊。
但願網友如果有類似經驗或任何見解不吝賜教。

YolandaTam

呢個故事由二零一五年十月說起。
當時小女(下稱年輕人) 喺某女校小學部就讀，成績中等(真係全級中間，96人考 41-50名)，運動不行(長期合格邊緣，除咗喺我哋威迫下學咗四式外連波都打唔到)，音樂平平(學緊5級歌，但完全冇天份冇興趣，只為應付學校)。當時中學部仍保證收87%小學部畢業生，老公同年輕人都話直上中學部，我反對，認為並不適合。不過先父當時病危，我經常要去醫院，唔得閒理呢件事，咁佢哋話遞表上中學，咁咪做囉，我妥協。

YolandaTam

翌年二月收到 offer後即開始準備: 一向睇開《世說新語》，要加埋 《古文觀止》。英文冇乜好搞 ，惟有睇多啲 classics, 數學開始做英文數。

YolandaTam

七月收到暑期功課，中文超深，已經打咗個突。八月銜接課程開始，同學來自五湖四海，有人好叻，普普通通嘅亦大有人在。數學科教得非常快，睇嚟要預習先會跟上。

YolandaTam

本帖最後由 YolandaTam 於 20-1-23 16:32 編輯

中一派咗去普通班，好多運動勁人。上學期好多活動，啦啦隊練到天昏地暗。同學普遍仲好小朋友，覺得啦啦隊好好玩(年輕人極憎啦啦隊，覺得好嘈好無聊)。年輕人運動唔掂冇亮點又唔同佢哋一樣追韓劇韓星，加上有啲排擠開佢嘅小學同學散布謠言，結果排擠情況持續，班主任轉介社工跟進。

YolandaTam

上學期大考，成績又係喺級中間。中西史、地理、綜合人文、宗教呢幾科唔錯。中英文級中間，數學 IS 中下少少。
好明顯，凡夫俗子一名。當時嚟講，只求平穩過渡，如果入到大學，就讀歷史吧。

YolandaTam

kirstyau 發表於 20-1-23 16:09
感謝用家分享。
請問外校生融合情況如何？某程度上喺我最關心的。

只要本身有亮點，大部份冇問題。
好多時融合唔到，一係就好似小女咁太平凡，一係太害羞，一係太囂張。

YolandaTam

中一下學期，IS 開始接觸物理化學，年輕人突然叮一聲，話自己想高中讀理科。幸好佢父親大人係數學同化學揸 A 嘅人，可以教佢點温書。就係咁，中一下學期數學同 IS 進到級頭 40%。
但社交，仍係難題。

YolandaTam

本帖最後由 YolandaTam 於 20-1-23 16:28 編輯

中二，年輕人發覺社交上唔可以坐以待斃。開始主動接觸啲冇乜人理嘅同學。做 project, 唔介意做多做少，知道運動人唔得閒，甚至試過做好成份，喺班 group 徵求掛名組員， presentation 就幫人哋寫埋稿。可能因為大家都開始長大，漸漸越嚟越多同學覺得佢未必係謠傳中咁嘅人。
可惜，in club so 始終冇人收。喺呢啲學校，冇 ECA 嘅人始終係異類，但人哋唔收都冇法㗎。惟有繼續努力學業，呢間學校有一度好: 只要努力過，即使做得差老師都接受。年輕人除咗有一次驚得滯唔肯試倒立俾體育老師訓話外，體育視藝音樂啲老師知佢差，從未鬧過佢。

YolandaTam

中二下學期，數同 IS 繼續進步,入頭3份1,更堅定揀理科。因此，中二升中三暑假忙個不了，要預習呢兩科，開學後就係操練期啦。

YolandaTam

中三係十分煎熬嘅一年:科目多又要揀科，好多嘢要諗。年輕人雖然打算入理科，但始終語文差都係必須解決嘅難題。最慘就係無論睇幾多書都係體會唔到作者嘅情懷，英文 vocabulary 仍然不足。
下學期，問題嚟嘞: chem phy 就一定讀㗎啦， 剩低嗰科揀咩呢？
呢一年係年輕人社交上豐收年，佢又同返其中兩個熟人一班，再加上一個插班生，大家一齊商量選科問題。因為佢數 chem phy 都唔錯又肯答人，唔少同學有嘢唔識都會問佢，即使以往有啲咩誤解，偏見，接觸多咗都會減少。

YolandaTam

對於自己中三讀嘅「副科」，年輕人分咗以下幾類:
1) 事半功倍 - phy chem econ  history
2) 努力同結果成正比 - 中史 geog
3) 吃力不討好 - BAFs， Eng Lit
4) 見到掉頭走 - VA, Bio
論興趣，除咗 phy chem, 佢最鍾意 hist 同 geog.
但 hist 同phy 撞時間, 咁諗住揀 geog

YolandaTam

跟住佢去借咗 geog DSE 舊試題嚟睇，原來要寫 essay, 仲要入品 。中三佢哋學校教 DSE 程度嘅 Tropical rain forest 超多嘢背，年輕人認為即使背足，佢都無把握高分，惟有放棄 geog，剩低 econ. 好啦，就佢啦。

YolandaTam

gracelam 發表於 20-1-23 20:16
Bio真係掉頭走  阿女話付出温習時間同結果嘅成績唔成正比。佢只enjoy 响lab 劏野，話好好玩。
...

係呀，我家年輕人係讀極都唔入腦。有啲非學霸同學揀咗呢科苦不堪言。

YolandaTam

回想年輕人初中嘅經驗，有個小結:
1) 直資校同其他學校一樣，同學來自五湖四海，各有各性格各有各長處，競爭係劇烈嘅。不過只要肯努力唔放棄，即使再平凡總有一席之地。
2) 直資校資源未必豐富，我哋呢間直情窮，好多嘢壞咗都冇錢修理，電腦系統亦落後。
3)直資校教學未必特別出色，我哋啲老師都好參差。有好俾心機嘅，有老油條等退休嘅，照書讀一次當教咗嘅都大不乏人。呢啲情況，學生要靠自己，必要時父母要出手幫忙。

YolandaTam

4) 父母應該點幫忙呢？最重要嘅係當年輕人成績不理想時咪係唔係都鬧咗先 咁唔係因為怕佢唔開心，係因為鬧只對態度懶散嘅人有少少效，其他情況只有大家坐底平心靜氣探討問題所在，再對症下藥先有勝算。請緊記：中學學業加上青春期，壓力唔細；呢場仗唔易打，需要一家人同一陣線去應付。如果贏咗，你得到嘅係有自信，有責任心，有事會同你商量嘅子女。鬧、迫無異後欄放火，對件事毫無益處。

YolandaTam

5) 社交方面，最理想係喺 F1 揾樣 ECA 參加。如果好似我家年輕人咁無亮點，文唔成武不就，性格成個宅男咁，同一般女仔都冇話題(做手工-唔識，講韓星-唔曉，美容時裝-冇興趣)，人哋都唔知點 approach 你，面對排擠真係少不免。只有自己打破僵局，唔好計較咁多。

YolandaTam

IloveJJ 發表於 20-1-23 22:19
謝謝分享！
你女係幾時知道自己呢個能力同興趣既呢？

中二見到啲端倪，知道自己温 IS 時間係中史嘅一半但成績好啲。中三乜副科都讀晒， econ 臨考温咗半個鐘頭竟然名次係 72/180，history 唔温書80幾分，BAFs 一路做題一路成頭問號(我哋夫婦都唔識會計)， geog 肯背會喺級頭4份1……

YolandaTam

6) 唔好大安旨意以為只要上堂認真聽，做齊功課就一定應付到測考。呢啲學校，尤其運動叻嗰幾間，每學期總有至少十幾廿日唔齊人：校際運動、朗誦節、音樂節…… 誇張到可以走咗三份一班至半班人，咁多人唔在場，老師多數叫大家自修，費事照教嘅話又被投訴對校隊唔公平。咁樣一嚟，只好喺人齊嗰陣囫圇吞棗，趕快 cover 晒個課程就算。但學術水準又要保持㗎嘛，咁考試咪出到鬼死咁深，迫同學/家長想辦法。總之教淺考深，係咁㗎啦，you take it or leave it.

YolandaTam

重複咗