報咗2009/2010幼兒園入嚟傾吓呀！

Venuscheng

原帖由 venuscc 於 08-9-12 13:23 發表
大家知唔知道政府辦個D幼兒園好唔？教學程度同麼私立有乜唔同？我大女無讀N班，而家讀K1，因為細女系0701出世，有排都未讀K1，所以想佢早D入N班，等佢有同學仔陪玩，不過屋企附近無乜私立幼兒園，得保良局之類咱，去遠少少又怕女女太細唔 ...

好多非牟利幼兒園都辦得唔錯的, 保良局都好好架? 既然近屋企, 點解唔考慮?

Venuscheng

原帖由 LOKLOK89 於 08-9-16 14:26 發表

之前有媽咪講過俾佢讀n1容易病,但第一年讀書都容易病,到k1就有抵抗能力.只要上學打齊針及水痘針就沒有問題

多數話返nursery容易病, 我說未必的, 每個小朋友不同的. 我囝囝返nursery都無嘜點病過. 但有些小朋友一返學可能真係成日病的, 是的話, 我想父母再按情況決定讓不讓小朋友繼續nursery, 因我也有朋友, 佢個仔nursery成日病, 結果讓佢k1先開始讀書, 咁又無問題喎! 我都喜歡自己的小朋友讀nursery, 因為家裏無嘜小朋友, 我兩公婆返工, 小朋友一天到晚對住我工人, 我唔想佢成為小霸王, 覺得早點送佢去幼兒班好d. 但每個人的家庭情況唔同. 如有爺爺嫲嫲睇住, 我想會好d.

Venuscheng

原帖由 Loky10 於 08-11-8 10:21 發表


Hi Cancanthepooh,
我都係住馬鞍山,我報左kln tong迦南,都会再報火炭樂基,依家仲考慮緊報唔報boxhill,因幾貴,我ＢＢ都係07/11,只讀半年左右,不過我都想佢聽多D英文,Greenfield同沙田啓思你點睇呀?其實我地依區附近都 ...

我都報了火炭樂基, 你報國際班還是中英文班呢? 我報了國際班

Venuscheng

原帖由 Loky10 於 08-11-10 23:32 發表
Hi Venuscheng,
你好!我会報中文班wor,会唔会無咁好呢?咁你點解報国際班?其實我係新任媽咪,都想問d意見,你家住邊呀?有冇報其他呢?我有諗住k1報番kln tong嘅有名D嘅學校,根德園,約克,st cat.不過又好似對BB嚟講幾遠! ...

其實我諗中英文班競爭重大咋! 因為大部份都會報中英文班. 而我選樂基, 其中一個原因都係因為佢有英普班咋! 如果唔係我講唔服我老公點解要個女去咁貴又無學券的學校讀 (我指到k1時無學券).

我諗我唔會轉去九龍塘的學校了. 因為我老公好反對仔女幼稚園就去咁遠讀書. 而且接送一定要坐校車, 去九龍塘的校車費講緊差不多$900.- 對我家來說負擔好重, 又心有不甘把錢用在交通費上. 我住沙田, 你住邊呢?

Venuscheng

原帖由 Loky10 於 08-11-11 23:02 發表
我諗住等佢可以容易d handle,始終我地本身講cantonese,如果好彩真係入左,咪考慮k1 or k2先轉international law. 至於kln tong,我会再考慮清楚,始終都真係遠,因我家住ma on shan,我睇資料講依間學校派位幾好,你有冇睇 ...

派位係根據住址, 唔關學校事, 除非你收到風, 那些小朋友都是叩門入到啦? 如果想知升小情況, 可能要問問有幾多考到出名的私小/直資.  我個仔因為報小一, 我發覺幼稚園的確有d幫助, 不過始終都係好depend on你的小朋友, 最後都係面試表現最重要嘛! 都有很多名幼稚園的小朋友考唔到直資/私小, 也有些不出名的幼稚園小朋友考到的.

Venuscheng

原帖由 Loky10 於 08-11-11 23:12 發表


Venuscheng,
想問一個silly question,响我地區,最好嘅小學網係咪91?

我唔敢講話邊個網最好, 不過我鍾意個間在91網囉! 而91網最大的好處係好平均, 好似我個人喜歡的學校, 都唔止三間, 所以失落頭三志願, 都無咁唔開心的. 但如馬鞍山網, 自己只係諗到三間比較喜歡, 而這三間都係咁多人爭的.

Venuscheng

原帖由 kinyee125 於 08-11-12 09:54 發表
我就報咗boxhill, 火炭樂基同馬鞍山Think，我個仔係07/12，都唔知咁細讀書對佢好定壞，因有的人話做大仔好過做細仔，不過試下先啦! 火炭樂基我就報咗中文班，但插班，咁多人報，機會好微。至於學費問題，幾間N1都差不多。

同佢報N1 ...

其實nursery學費係間間差不多, 不過我想個女讀開一間一直讀上去, 唔打算轉校(現在的想法, 到出年唔知會不會有變). 你報的三間都競爭好大個喎! 樂基重未出面試時間? 我好心急, 因為我打算tune一tune阿女的生活習慣, 希望佢in得好d. 我個女一眼瞓就好扭計

Venuscheng

原帖由 kinyee125 於 08-11-12 16:21 發表



咁你鍾意邊3間 in MOS.

排名不分先後:
靈糧
主風
循道衛理

這三間都係最多人選的.

Venuscheng

原帖由 monkey05 於 08-11-12 22:58 發表



我都係見通告話 11月29日 in.  不過仲未收到信.

我都未收到信呀!

Venuscheng

原帖由 monkey05 於 08-11-12 23:00 發表


venus,

你知唔係火炭樂基好d 定係馬鞍山 THINK 好d 呢 ?

兩間比較好似樂基的名氣大一點, 但實際邊間好d就唔知.
好多人話think 英文好好的. 佢的學費都唔平, 重要交12個月學費, 其實這校最出名的係佢的全日班, 佢地k2開始會減少睡眠時間, 到k3係幾乎無午睡的. 咁就全日都可以學習 .

樂基就鍾意佢的reading scheme, 我發覺培養閱讀興趣, 係學校和家庭一起做的. 基督堂就有這方面的優點, 佢地的學校每天會有一段時間係閱讀時間的. 我有朋友個仔讀拔萃小學(津校), 聽聞都係有一堂係閱讀堂. 我個大仔讀嘉德麗, 覺得學校雖然都有同小朋友閱讀, 但培養閱讀氣氛唔係咁強. 不過學校選的課外讀物都好好, 我個仔好鍾意.

另外, 樂基會用主題活動, 活動完要小朋友認字, 有時會要他們寫字或寫句子表達添! 雖然新聞透視話對小朋友來說係好難. 但我又覺得幾好, 又好玩, 又學到野. 可能好快忘記, 但第時見返相同的字, 我覺得小朋友係會容易入腦的, 因為係"recall memory"嘛!

Venuscheng

原帖由 monkey05 於 08-11-16 23:24 發表



收到樂基的信, 29/11 上午 9:00 in.

唔知會否跟年齡in先後的呢? 我個個7月出世, 1:30pm interview

Venuscheng

原帖由 Loky10 於 08-11-18 23:51 發表


吉媽媽,
另外想問問意見,你bb已22個月才報n班,你想佢做大仔?因有朋友問我係咪一定要比bb讀n班,因到時佢先得兩歲!你知好多人都話bb初返学就会成日病,咁對Ｄbb会唔会唔係咁好?我都唔知我決定有冇錯....!我同老公都要返 ...

一般而言 (總有例外的): 小朋友早入學係容易d病. 小朋友早入學又多數自理能力好d, 又會無咁怕陌生人.

決定讀唔讀兩歲班好睇個別情況, 平時邊個照顧? 有無其他小朋友一起(其實佢咁細個未識一齊玩的, 不過比佢習慣有其他小朋友的世界). 小朋友又肯唔肯自己做自己生活上的事, 例如:如廁, 自己收玩具等. (因為有些小朋友在家就會依賴). 照顧者中會唔會有人縱小朋友, 或有無時間諗多方面的活動比小朋友去接觸和學習 (有些媽咪花唔少心機同個仔/女玩架!).  

如你未決定到, 可以寫下上學的優點缺點, 可以比weighting, 即有些因素係較重要的, 然後作最後決定囉!

Venuscheng

原帖由 monkey05 於 08-11-19 14:17 發表



我仔仔呢d 係焗住要做大仔的, 因教署定左某一個歲數既小朋友讀小一, 唔可以細過, 所以1月出生既 b 就一定要讀下一年, 變相係大仔, 我地無得選的.  所以佢而家 22 個月大, 先同同年既b 一起考 n, 到學校開得學佢已 ...

大仔通常係吸受d的, 我有朋友個女初時做細女, 後來佢讓個女讀多一年k3做大女, 佢覺得個女好唔同, d野好快上手. 現在剛升小一, 佢d同學仔有些係細仔, 成日寫漏野, 又會好容易不知所措而喊. 我朋友覺得同佢地的年紀, 都有點關係.