創意，美感，組織，勤奮

Yanamami

shadeslayer 發表於 22-7-3 23:33
我的思維非常簡單，只分現代東方西方的教育哲學。

我唔知道喺香港嘅教育制度令小朋友家長讀得零瀉辛苦，呢 ...

你對香港教育有個固執偏見。我兩個女都係地道香港教育制度下產物，不見得零捨辛苦，甚至乎細女係人稱競爭大既直資中學都讀到無壓力。所以我覺得係咩教育制度下，都好睇家長同學生點面對。

Yanamami

shadeslayer 發表於 22-7-4 01:40
本帖最後由 shadeslayer 於 22-7-4 10:47 編輯

我痛恨的是高壓教育制度。當然不是說沒有人讀得輕鬆，可 ...

所以我作為家長，唔同女揀啲三測三考個個禮拜默書做功課做到半夜既學校囉。亞洲教育就係咁，唔係話佢啱，不過南韓日本台灣星加坡有邊度唔係精英制吖，唔見得香港就特別比附近周圍差。常言道，做你能夠做既事去改善，都係抗逆力一種吧。要不讀國際學校，要不修IAL, IB, 要不就好似我咁，自己調教，再極端就移民(我有朋友個女讀完GH K1就移民加國，就如你一樣，話教育制度唔掂)。要批評，我諗唔止係個制度，而係亞洲父母望子成龍既思維。

Yanamami

shadeslayer 發表於 22-7-6 01:21
本帖最後由 shadeslayer 於 22-7-6 01:27 編輯

有人只夠錢買大X樂午餐，唔可以批評碗湯有小強嗎？

香港除左教育外，其他好多層面都乏善足陳，爾咁大個人仲未明？鬧同控訴，都要上邊話事人聽先得㗎？上邊有咩政策，真正埋得你死。叉開黎講，九龍城城規會要拆幾個樓齡不足五十既blick,會理住客同小店商戶？從來衹有自求多福。

Yanamami

shadeslayer 發表於 22-7-6 10:11
仲未明乜？呢處EK，梗係講教育有關嘅嘢。唔通講政制發展咩。

自求多福當然是對，但不只是家長，為什麼學 ...

學樓上話齋，而家香港有津校私校直資國際名式其式，我女學校一年三考，長假前考，功課八成校內完成(有功課堂吖)，少默書，咁係有呢啲學校。要全港清一色咁有啲難。要香港變芬蘭更唔洗諗。正苦唔會投放大量資源係教育。我地搞教育果個唔係教育出身，搞醫療果個衹係姑娘咋。你期望太高啦。點個名有邊個做野係make sense㗎？

唔係要係EK講政制發展，而係見微知著，係邊方面離唔會先以市民（學生）利益為依歸。

Yanamami

shadeslayer 發表於 22-7-6 11:57
本帖最後由 shadeslayer 於 22-7-6 11:58 編輯

我之前嘅重點係話唔好等教育局，學校自己辦學都可以做到 ...

我諗問題唔係一條路望咁簡單。感覺有好多層面會複雜，唔係你話齋間間津校變左少測考功課就能達到目的。

直資私校家長資源足，有足夠能力係學校以外地方俾子女係各方面有唔同exposure同語境，相對對學校“依賴”少，其他家長或要揾食好，唔識自己“栽培”也罷，對學校依賴重。有見過一帖，有剛升中家長話學校各科每週默書(升中後多左好多科用英文教吖)，甚辛苦。我問女辛苦嗎？佢話睇多次就識了（唔係神童，係幼、小時個底打好了）。咁，如果帖中學校唔靠多默書去“谷”學生，佢地會好似私校學生咁易掌握嗎？都係果個老問題，直資私校自己揀學生，津校學生五湖四海，質素不一，要因材施教都需要好多資源，無就唯有生產線式。好了，有名氣津校自然想keep住名氣，無名氣的，自然想追上，點會以學生愉快學生為本吖？

Yanamami

shadeslayer 發表於 22-7-6 14:25
例子，以前官津選擇唔加操 TSA 便可以減學童壓力了。我明白，如果一間學校唔加操，其他學校加操，便好蝕抵 ...

我兩個女讀私小，一個直資一個律中，小學中學都無操TSA啫。唔覺佢地學校唔加操好蝕底。

Yanamami

ANChan59 發表於 22-7-28 09:39
大家有沒有留意國內的小朋友所受的家教，你的感慨更深，更値得反思。

這三次回國內長駐，跟朋友及同事的家 ...

Point4.......真正是「城中的人想出去，城外的人想衝進來」

Yanamami

shadeslayer 發表於 22-7-29 00:18
哈哈，阿女細個嘅時候我哋又係堅持要佢返屋企瞓晏覺，無論早上玩得幾開心下晝都要返屋企瞓晏覺。有啲親戚 ...

我細女從唔瞓晏教。由細到大從未瞓多過八個鐘，你都唔知我幾辛苦，想休息下都唔得。瞓咁少又長得高，真係得天獨厚，骨骼精奇。

Yanamami

ABC-DAD 發表於 22-7-29 14:54
選對了運動項目就是有福氣吧，我家的就對180只存在「低頭不見，抬頭見」
永遠羡慕-天上的一片雲。
...

未呀，未開始游水㗎。去學童保健，條生長線自小一開始就98%，年年高6-8cm. 出世後抱番屋企已唔多瞓，日日同佢搏鬥，瞓啦你，好心你瞓啦咁㗎。所以上幼稚園我就唔再嘥時間叫佢瞓，唔瞓罷。