取消中小學考試名次制度

beastiebistro

shadeslayer 發表於 22-11-4 13:11
佐敦女校比人感覺係高度競爭

其實作為用家，只可以話呢樣因家長而異，我冇要求所以我啲女冇壓力。其實學校係冇俾壓力小朋友，相反補底做得比好多學校好，而且入補底班嘅同學唔會被老師同學歧視，反而好有愛心。不過出面有出面傳，我唔理得咁多。

beastiebistro

shadeslayer 發表於 22-11-4 13:24
科科 stream，遠好於精英班

不過真係要好夠資源先做到，有啲班十個人都唔夠，你話要幾多老師，幾多班房？重要專科專教，真係外國先做到。

beastiebistro

Yanamami 發表於 22-11-4 15:14
唔係囉。我同bestie可以話你知，正常中學一間。老師唔會兇你，自由發揮。我同女都唔介意有精英班，因為我 ...

整體成績好，自然就會惹嚟非議。梗有家長覺得我個女係出面啲學校讀到死死下，連掹車邊嘅資格都冇，呢間學校咁多人入神科聖科，仲唔係死谷爛谷鬥搶分？我反而覺得學校好明白，成個遊戲根本都唔係同校內比，到最後大家都係出去考一個公開試。學校裏面多一分少一分，高一位低一位，其實唔係重點。校內分數係俾學生知道自己level去到邊，仲有咩需要改進，好去考校外試嘅時候會考得好啲。

再加上中途棄權嘅家長小朋友，既然離開得自然多數有啲不滿。可能放大咗啲勾心鬥角嘅incidents啩...

beastiebistro

天外之人 發表於 22-11-4 16:09
可能你睇到既方向停留咗喺中學階段會發生,但其實你唔覺得,好多你所講家長控制咗方向既重點已經喺幼稚園開始 ...

所以問題就係喺家長度囉！同教育制度公唔公平冇關㗎。我一路都話係家長需要接受再教育，當佢哋唔care，咁使乜理究竟公唔公平呢？

beastiebistro

Yanamami 發表於 22-11-4 15:45
我成日諗，如果香港唔係有地產霸權，好似星加坡同德國咁，人人有affordable housing, 咁會唔會解決左人生一 ...

死要面都係一大問題...

beastiebistro

天外之人 發表於 22-11-4 16:19
所以呢個睇開啲,其實應該係由幼稚園就已經開始,唔係等到中學冇結果既時候先睇開啲. 若然有咁稔法,小學六年, ...

呢樣根本唔work。如果考試係咁唔重要，咁使乜考小一同中一呢，不如連嗰啲試都取消埋？

如果唔分流，唔通一年5萬個學生全部都考醫生？唔好咁誇張喇，一年5千個學生考醫生喇，係咪收晒？收唔晒咁點？收邊個唔收邊個？唔評估點知邊個適合邊個唔適合？定係求其邊個想做醫生就俾佢做，「希望」佢有潛能發揮可以做到？

根本就唔係制度問題，考核亦係必須嘅。咁可以改嘅就係人嘅心態囉？唔適合做醫生就係唔適合囉，唔係個制度唔公平，係天生唔公平。適合揸巴士就開開心心揸巴士囉，點解讀書應該開開心心，結果揸巴士就係制度不公，社會虧欠呢？

beastiebistro

天外之人 發表於 22-11-4 16:33
開頭幾段正正講出中學之前既學習階段出問題,冇好基礎底做成,且那些孩子肯定都係以所謂合理念去入中學...... ...

我諗你又唔理解我嘅意思喇，我嘅意思就係嗰啲入學嘅正正就係「以為」合理念，其實根本唔合。未必係佢嘅幼稚園小學根基唔夠扎實，根本可能係佢能力都唔適合讀Band 1學校，勉強入嚟結果就錯配囉。如果好好哋有個升中考試，大家知道能力喺邊，考band 1讀band 1，考band 3讀band 3就唔會有錯配...
所以考核分流係更重要...

beastiebistro

天外之人 發表於 22-11-4 17:20
我所指最後既考核係需要,其實升小一同升中一,等於現今一般人所講既接龍學校意思,且一定都會有分流到唔同能 ...

咩為之「階級」學校呢？其實坊間所謂嘅「神」校都係家長封俾佢㗎咋喎？啲學校自己從來冇話過自己要做神校㗎喎？咁如果學校管理層校長老師努力做好啲，一個唔覺意變咗神校咪階級主意？莫非所有小學校長老師應該hea教，等階級唔存在？取消晒所有考試，留番個升中試好喇，咁每年送最多學生入好中學嘅小學又變咗神校？莫非要每年將全港老師校長調來調去，全部唔俾喺一間學校教多過一年？執晒啲辦得好嘅私校／國際學校？

世界大同係比較左膠嘅理念，正正就係我之前講過嘅追求equality in result。就算你係愛因斯坦都冇用㗎喇，因為你叻過我就變咗有階級。咁唯有取消晒所有考試，最好大家去到小六都齊齊葺葺，個個都咁高咁大。

其實呢樣就係拖垮美國普及教育嘅做法。小布殊因為要得民心，所以實行no child left behind計劃，係非常之受草根階層歡迎。理論上係增加資源補底，但錢喺邊度嚟呢？結果就係cut拔尖嘅budget。後果就係連之前基層學生可以拔尖嘅資優學校都要關門大吉，反而係減少咗讀得書嘅基層學生發圍嘅機會。而美國整體嘅普及教育係退化咗，因為有能力嘅反而被冇能力嘅拖低咗好多。美國有段時間連「資優」都唔俾講，因為會令「普通」學生感覺被貶低。結果十幾年過去知道唔掂，而家咪大筆大筆錢攞去起Academy起Magnet school，快快重開嗰啲資優／或者重點培訓學校囉。

當然都係討論下，又係嗰句，唔會有咩結論，大家都唔會convince到大家去改變想法。

beastiebistro

shadeslayer 發表於 22-11-4 18:31
有兩三個識得的佐敦女校家長，佢哋自己都高度競爭。當佢知道我女讀國際，其中一個兜口兜面同一大班人講， ...

兩三個「帶刺」家長唔代表晒我哋呀。我好清楚國際學校嘅好處，亦明白唔係咁容易入到。如果我唔係佢未出世就決定仔女中學去英國讀書，我估我都會揀國際學校。

beastiebistro

shadeslayer 發表於 22-11-4 19:11
你將入唔到醫科就係不適合學醫畫上等號？

一個社會要幾多醫生，係有限，一個社會的大學有多少資源訓練醫 ...

第109個可以做醫生，咁第1009個呢？係咪無限可能？會唔會第10009個都可以做醫生呢？我覺得唔會囉。喺無限資源，無限時間，唔會有人命損失嘅情形下，咪俾佢哋試囉，咁但係資源時間都係有限㗎嘛...

我諗我哋都明白大家諗法，呢個point無謂循環再循環去拗。

其實我斟酌嘅唔係有冇一個考試，好似Radio媽咁講有持續嘅評估都得㗎（雖然我覺得考試冇問題，唔係洪水猛獸，唔喜歡嘅其實係因為介意考得唔好。我從來唔介意我女考試只係合格邊緣，甚至有時唔合格。我都唔介意，佢點會太介懷呢？只係知道自己下次盡量要做好的囉。咁考試有咩所謂呢？）

我認為最好就係continuous streaming。小一就可以開始，科科都stream。鍾意用評估去分流，或者個個term考試都冇所謂。咁對我嚟講係最efficient同埋合理嘅。我亦認為用呢個方法，根本冇需要等到高中已經可以分流。有某方面能力嘅就專注某方面發展，對有限資源嘅分配最有效。

但係始終會有人分流到做醫生，有人分流到做技工。如果家長心態唔變，又會話係唔公平，又會話太精英制，又會話歧視...

beastiebistro

Yanamami 發表於 22-11-4 18:27
唔好話更正咁嚴重。我女初初入，自己係校外生唔知該校文化，我自己個心都有少少戰戰兢兢，係入左去先感受 ...

雖然我啲女係小一直上，但係感受一樣。

beastiebistro

先講明唔係想挑撥。

我明讀國際學校嘅學生都可以公開試考得好好，咁係咪人人都考得好好呢？係咪全部（或者大部份）都入到想入嘅大學呢？係咪入到佢哋想讀嘅科呢？有冇「覺得」自己會考得好好，但係事與願違嘅呢？嗰啲點算呢？定係嗰啲其實佔少數呢？如果佢哋早知結果（有準確評估），降低要求會唔會少啲失望呢？

我講過我唔執著係咪叫「考試」，咁assessment係咪都係評估嘅一種呢？係咪12年連assessment都唔使一路到考IB/DSE呢？如果assessment唔係先評估，然後提出需要改進嘅地方，咁assess嚟做咩呢？有assessment自然有人做得好有人做得差，咁同考試最終係評估有咩分別呢？唯一係冇排名冇比拼囉。咁如果家長學生冇比拼嘅心，考試同評估有咩分別呢？男拔期考都係叫assessment㗎喎，咁係咪唔使考嘢呢？梗係唔係啦，一樣照有考卷，只不過冇分數（得ABCD）冇排名囉。咁叫唔叫考試呢？如果咁又得，咁其實考試唔係問題，而係分數排名先係問題喎。

一個考親試都100分嘅小朋友（或者佢家長）會唔會話考試係唔公平嘅呢？咩人先會話要考試係唔公平呢？咁佢考親試都100分，應唔應該俾啲增潤課程佢呢？佢覺得考試好易，要求要增潤呢？俾佢會唔會唔公平呢？唔考試點準確評估小朋友有呢個能力呢？如果考試咁聳人聽聞嘅，點解仲搞國際奧林匹克呢？仲要篩選咗先可以入隊呢？如果人人都有無限可能，咁點解唔人人都可以自由參加呢？仲要人人寫個名都有十分，好等本身得零分嘅朋友仔唔好咁難過， 唔好覺得唔公平呢？

我又講一次，得閒上嚟呢度吹水嘅家長，十個有起碼九個個小朋友都有某程度嘅作為。咁唔上嚟嗰幾萬個家長呢？係咪都個個都有success story呢？大家認為有幾多係fail嘅呢？點解就呢度幾個覺得都有人逆境自強，自由奔放都考到好成績就代表所有人都可以呢？feel good story人人都想聽，但係係咪人人都可以享受到呢？

可能我有學術能力好高嘅小朋友，又有學術能力唔算高嘅小朋友（佢有其他能力），所以可以第一身感受到人人能力唔同。考試測驗幫我更加準確了解佢哋長短處，有冇進退步，有冇咩發展空間。我當係評估嚟用，又唔會理其他同學囉咩分，我完全唔覺得係問題喎。

beastiebistro

barque 發表於 22-11-4 22:23
我覺得每間學校都有考得好或者考得唔好的學生。而且讀書亦都多少和天資有關。我自己向來亦都有個疑惑，是否 ...

你呢個疑惑我直頭深表認同。我認為讀書同做醫生同做巴士司機都同天資有關。我認為讀得書嘅，去大部分學校成績都唔會差得去邊。過程係會有分別。重點反而係點樣manage讀書冇咁叻嘅小朋友（呢啲我認為佔比例大啲），令佢哋都有機會喺另外一啲範疇發光，唔好因為職業受到歧視。

beastiebistro

Radiomama 發表於 22-11-4 23:03
持續評估，就係讓老師知道學生的學習進度，多於讓家長肯定自己孩子嘅位置。

國際學校做得到，係因為唔會 ...

所以我認為問題唔喺考試定評估度，係分數嘅比拼問題。制度冇問題，係用家放唔低比拼嘅心...

beastiebistro

Yanamami 發表於 22-11-4 23:32
我覺得除左家長放唔低比拼，學校取態同老師問題大過考試。係第二個帖見到有話另一間直資既老師(忘記Phy定Ch ...

呢樣我都有同感。我女去咗英國都係越讀越開心，雖然個個term都考試，但係因為有streaming，所以同等能力嘅同學放埋一齊，一啲問題都冇。

beastiebistro

shadeslayer 發表於 22-11-4 23:35
本帖最後由 shadeslayer 於 22-11-4 23:42 編輯

我當然唔會睇小你女兒啦，不過佢爆發唔代表個個都會爆發，事實上爆發嘅例子唔多。我都冇話我一定啱，不過我認為不切實際嘅期望幫唔到大部份嘅人。

我係streaming嘅支持者，只要有連續不斷嘅streaming，任何人都有機會翻盤。我唔相信可以放任然後希望任何一個人翻盤，而係要不斷評估，不斷考驗先可以。有人覺得考試唔好，要評估，我都冇問題。但係我冇法苟同完全冇任何評估，放喺度希望佢哋去到Year 12自動波個個變咗神童。

取消考試（或者評估）對任何人都冇好處。

都係嗰句，大家圍爐覺得人人有無限可能唔幫到大部份嘅人，我堅持繼續講嘢都係provide相反嘅觀點。可能對大部份人嚟講唔好聽，但係任何多元社會都需要嘅反方論調。

beastiebistro

Yanamami 發表於 22-11-4 23:40
係無精英班，但SetA 會唔會叻啲威啲？SetD學生會唔會覺得自己差啲，父母又會唔會覺得無面？同有無精英班無 ...

Exactly。我認為問題始終喺家長態度上，制度本身都係冇問題。

beastiebistro

shadeslayer 發表於 22-11-4 23:45
我認為係個制度問題，由幼稚園小學就開始考試比分排位，擺明係一個鼓勵比較嘅制度，加上精英班，擺明就係 ...

Sorry，其實我都真係睇唔到就算制度鼓勵競爭又有咩問題。現實世界就係處處都係競爭。理論上升set降set都有競爭意識，事實上都有真係香港家長，覺得唔係樣樣top set就係小朋友有問題，或者學校有問題，或者老師有問題。有能者咪居之囉...
吹毛求疵嘅marking scheme係可以放鬆少少，但係考試評估本身冇問題喎。

beastiebistro

shadeslayer 發表於 22-11-5 00:07
本帖最後由 shadeslayer 於 22-11-5 00:08 編輯

有樣嘢我好肯定，如果阿女喺本地學校成長，佢三大一定 ...

我真係衷心恭喜你女兒。
但我又真係唔信每個人都會係你女兒...

beastiebistro

shadeslayer 發表於 22-11-5 00:19
當然唔係啦，但係都唔會係唯一一個。如果呢個世界有五份一嘅人有啲似我個女嘅情況，跟唔到學校定落嚟嘅進 ...

我就係認為五分一俾多咗囉，我認為五十分一都唔知有冇...
當然係我個人睇法...