3選1難題求助！

winnie_kin

今次代同學媽咪問：
佢小朋友係音樂勁入黎名校，但成績一直跟唔上，中一已留過一年，今年中三但又要留，佢唔想，而家搵梗中學，但佢話讀慣英文唔想讀中中，唔明啲中文專用名詞，怕重新讀過。現有2間b2俾佢筆試，一間有英文班但未知能否入到，一間係全中中，佢學校老師暑假前同佢傾左一陣，話校長已批准佢下年留級唔駛讀phy,chem,bio，集中讀5科就ok，應可順利上中四，個媽咪問究竟轉校升好定留原校留好，個老師講左個例子俾佢，話以往有個學生中一留左5年，之後（估計終於發奮）年年升，甚至讀埋大學了。佢話如果出面收就自決啦，不過原校始終比其他學校係高啲深啲，上大學機會係比人高好多！

而家問題係點選擇好👇
1。如果出面b2收，又俾佢讀佢想既科目，係咪應該轉？
2。如果出面b2收，但冇佢想讀既科揀，應該轉定留原校留級？
3。唔駛讀嗰3科留多一年？

mama2021

點會留班又唔使讀phy, chem, bio 咁怪怪
我唔會留班

1）轉，升中4
2）唔討厭既話，都可以讀
3）唔留

試埋b2/b3有英文班既直資，升讀中4

AndrewQK

我純粹吹下水，應該叫你同學個媽咪，同佢個小朋友傾下，佢自己想點。人地可以做到，唔代表自己既仔女都可以做到。最清楚自己仔女既能力既，應該係個家長自己。我會覺得，如果有自己小朋友想讀既科，而佢又讀得開心既，轉Ｂ２甚至Ｂ３校都無問題架。同叻自己太多既人一齊讀書，其實只會打擊自己自信，咁就更加讀唔到架啦。

winnie_kin

AndrewQK 發表於 24-7-19 09:55
我純粹吹下水，應該叫你同學個媽咪，同佢個小朋友傾下，佢自己想點。人地可以做到，唔代表自己既仔女都可以 ...

佢問左呀仔，呀仔話讀慣英文唔想讀中中，但又唔想留，而家又未有英文班既b2見，只有全中中見佢，攪到佢都1516。。。唔知點好？

AndrewQK

winnie_kin 發表於 24-7-22 16:19
佢問左呀仔，呀仔話讀慣英文唔想讀中中，但又唔想留，而家又未有英文班既b2見，只有全中中見佢，攪到佢都15 ...

針無兩頭利，如果係我小朋友，我會叫佢點都見左先，到時再自已取捨，係英中留班定係係中中升班。見完唔一定要ＴＡＫＥ個ＯＦＦＥＲ，但係唔見的話就一定要係原校留班，無其他選擇。

TAIOU4

畀錢入有得選科英中讀中四
畀錢請幾個私補
錢解決到就唔係問題

mama2021

winnie_kin 發表於 24-7-22 16:19
佢問左呀仔，呀仔話讀慣英文唔想讀中中，但又唔想留，而家又未有英文班既b2見，只有全中中見佢，攪到佢都15 ...

B3 直資／某d津校都有英文班的

winnie_kin

AndrewQK 發表於 24-7-22 17:41
針無兩頭利，如果係我小朋友，我會叫佢點都見左先，到時再自已取捨，係英中留班定係係中中升班。見完唔一定 ...

我都係咁同佢講！睇下若然收既有冇佢想讀既科先

winnie_kin

mama2021 發表於 24-7-23 10:30
B3 直資／某d津校都有英文班的

直資都有試，但都要收先得

AndrewQK

winnie_kin 發表於 24-7-23 14:07
我都係咁同佢講！睇下若然收既有冇佢想讀既科先

要搵英中，半英中升都難架，因為呢Ｄ通常都有好多成績好既Ｂ２生轉過去，唔要中中，基本上只可以留原校。不過留原校讀多Ｄ係唔係一定惦先，唔係Ｆ２又留一年就晒時間啦。
有時可能轉中中更合適。

mama2021

加油！申請多幾間，見仲有招生收表就交左先，面試都要見多幾次再修飾一下用詞

我小朋友都係中3，唔想留級，申請左十幾間轉校，都後期才有學校收升中4。初初面試太真誠，講左d負面野，面試失敗。後期，面試乜都講正面，帶笑容，終於有學校收了

acgy

winnie_kin 發表於 24-7-17 21:46
今次代同學媽咪問：
佢小朋友係音樂勁入黎名校，但成績一直跟唔上，中一已留過一年，今年中三但又要留，佢 ...

首先, 要知小朋友本身目標係咪想讀PCB 先?
現在名B1校叫佢而家唔駛讀PCB, 是因為就算中四選科, 佢都唔可能揀到PCB, 所以學校先會叫佢專心讀其他科好過, ( 或者係另類迫佢走, 我唔知)  如果本身小朋友都唔係心儀PCB, 我覺得可以繼續留低專心讀其他科, 反正都洗濕左個頭.

如果係心儀PCB同本身理科強, 就選1 吧, 反正留低硬讀文科都係死路一條. 但如果本身理科唔強, 留或走都可以.

選項2就唔好諗, 走完仲要唔係讀心儀, 自己玩自己.

TAIOU4

acgy 發表於 24-7-24 10:39
首先, 要知小朋友本身目標係咪想讀PCB 先?
現在名B1校叫佢而家唔駛讀PCB, 是因為就算中四選科, 佢都唔可 ...

基本上走硬
到時多數選3科可能只有1科被選中
無謂浪費時間送個人頭位畀邊沿人
(多個人頭多個位, 不過個位唔係畀你, 淨底冇人要的科目就自動送給你)

猴子爸

winnie_kin 發表於 24-7-17 21:46
今次代同學媽咪問：
佢小朋友係音樂勁入黎名校，但成績一直跟唔上，中一已留過一年，今年中三但又要留，佢 ...

如果只是数理成绩不好，但英文中文和其他文科都可以，学校这个安排应该是最好的，也可以趁留班这一年强化自己的语文和文科基础。玩音乐的人，通常在名校才有更多机会发挥的。

winnie_kin

同學媽咪話而家好矛盾，已經8月了，但連b2中中都冇，最近有人話可以介紹去國際學校，但7成係外藉人，一定要用英文溝通，原本梗係好啦…但佢話本身英文個底唔得，怕過左去讀唔掂又要留，如果係咁就留原校，加上想選既科又只開一班，攪到佢唔知申唔申請好？因係人介紹，如果收而唔讀就好似好衰咁，問我點揀好？我會覺得不如再留一年？

piyohk

你同學家長話「慣英文，唔想讀中中，唔明啲中文專用名詞」，但是「本身英文個底唔得」。還有「加上想選既科」。

唉，他喜歡就好。

TAIOU4

winnie_kin 發表於 24-8-1 20:28
同學媽咪話而家好矛盾，已經8月了，但連b2中中都冇，最近有人話可以介紹去國際學校，但7成係外藉人，一定要 ...

你要睇間o野考乜試
A Level 定 DSE?
讀A Level 冇理由得 1 班 PCB
如讀返 DSE 即唔係國際
咁要諗下自己夠唔夠 "勤力" 去搶入 PCB
只要入到想入o既科目就足夠
其他搵私補唔難

留在舊校要留班佢會越尼越冇自信
加上選唔到科佢只會放棄自己
有經濟能力盡量轉到就轉

mama2021

針無兩頭利
B3直資都有一半中半英的
當初音樂如何勁，都巳3年了，如無任何戰績／升級試，巳變為一般般

mama2021

TAIOU4 發表於 24-8-2 00:02
你要睇間o野考乜試
A Level 定 DSE?
讀A Level 冇理由得 1 班 PCB

Agree 多數會越來越無自信，躺平好少會好似以前年代既人越戰越勇
只係初中，不用留級為基礎好
有心讀可以隨時追上

winnie_kin

同佢講左，但佢話決定權都唔係佢手，都要有學校收先，所以佢都話好無奈！