教育王國

標題: 福小中文程度是否好差？ [打印本頁]

作者: Winnielwy 時間: 18-7-12 01:24 標題: 福小中文程度是否好差？

聽有現讀福小家長說，因學校只重英文，所以福小學生的英文同普通話好好，但中文程度就好差！想了解一下。
因將來也是考DSE，中文份卷係難過英文，如中文底子不好，都好大件事！再者，岀面一線津小的中文係操得好勁，福小的又夠不夠？

作者: Winnielwy 時間: 18-7-12 01:26 標題: 回覆樓主

大家又有無留意，福小網站係無升中資料，究竟升中成績係如何呢？好神秘！

作者: asd456 時間: 18-7-12 02:06

Winnielwy 發表於 18-7-12 01:24
聽有現讀福小家長說，因學校只重英文，所以福小學生的英文同普通話好好，但中文程度就好差！想了解一下。
...

福小淺，唔好玩了！
小五已經學緊文言文，
小六下學期，全部文言文，
考試啲卷我估你大人都未必攞到高分。

成語高小每次考緊幾十個，詞語都幾十個，要識默識解，段落文章，句子理解，比四個答案你，四個都啱，但要搵最啱個答案。

閱讀理解唔使講一大編文，問嘅問題唔係文章唔關編文事。但要搵最適合答案。

作文，高小，乜文都作過晒考晒。
文言文考嘅題目，仲未必同你課書有關係，要你識解釋。

我攞過平時的練習同班同事做，全部同事錯一半答案。

因為考嘅嘢，唔係以前個啲死讀書背書，係要完全理解句子表達咩內容。

所以能夠呢間中文高小高分小朋友已經好叻。

作者: asd456 時間: 18-7-12 02:14 標題: 回覆樓主：

本帖最後由 asd456 於 18-7-12 02:16 編輯

小四前已經識晒什麼排比，比喻，明喻，暗喻，誇張，引說，對偶，對比。。。。。廿幾三十款左右，高小只需要重溫下就夠考試。

個人覺得最難係標點符號；，____『』。

高小考試通常自己需要識默晒同理解晒，一百個詞語同成語。

作者: asd456 時間: 18-7-12 02:34

Winnielwy 發表於 18-7-12 01:26
大家又有無留意，福小網站係無升中資料，究竟升中成績係如何呢？好神秘！
...

升中資料，升福中只需要全部科合格，操行B 就可以了。
但當然三次呈分考試，都會有人失手有科唔合格，因為我想同你講考試啲卷唔會係淺卷，係深卷。
普通學生你努力溫習晒所有書，只可能係合格，唔會係好高分。
亦唔會一班出到十幾個8，90個啲分數。

作者: asd456 時間: 18-7-12 02:36 標題: 回覆樓主:

能夠考到8x-9x 分已經係高分成績，中級成績考到7x-6x ，因為學校係出深卷。
當然有人超班考到100，99分。但極小數人做到。
之前個屇福小升中，英華中學，可以考到人哋中學全級第七。你覺得福小level 點呢？

今年升中，好多人都考到出面更好中學，一堆大家好熟悉的名中學。名唔開了！
總之福小出去考出面中學，好多間唔錯嘅中學會收了，當然要睇下自己咩成績了，要門當互對！

作者: Winnielwy 時間: 18-7-12 10:16 標題: 回覆樓主

咁，照你咁講，中文都不淺，但點解有家長會咁講呢？(emoji)

作者: flowerva 時間: 18-7-12 10:24 標題: 回覆樓主:

即係成績top的會外走?去福中的成績如何？奇怪福中dse英文科4級以上得30幾％

作者: Winnielwy 時間: 18-7-12 11:07 標題: 回覆樓主

但我又奇怪，既然學校考卷深，學生普遍分數低，合格多小小，咁程分試咪蝕底，中學一定派得差，除非自己岀去考！咁難怪校網無post 升中成績！

作者: Winnielwy 時間: 18-7-12 11:10 標題: 回覆樓主

如果升中成績係勁既，仲唔show岀來？以一間真資來說，升中成績係招攬學生其中一方法！

作者: Winnielwy 時間: 18-7-12 11:16 標題: 回覆樓主

咁，每間小學都有勁既人，升中後考得好不岀奇！聖馬太學生升中後都一樣有人會考8A。所以，每間都有勁人！

作者: ulricalee 時間: 18-7-13 01:00

asd456 發表於 18-7-12 02:36
能夠考到8x-9x 分已經係高分成績，中級成績考到7x-6x ，因為學校係出深卷。
當然有人超班考到100，99分。但 ...

要背弟子規，另外兩本係咩呢？

作者: asd456 時間: 18-7-13 09:57

Winnielwy 發表於 18-7-12 11:10
如果升中成績係勁既，仲唔show岀來？以一間真資來說，升中成績係招攬學生其中一方法！
...

你呢個諗法好好笑

我哋係一條龍升中學嘅學校，唔係官津小學嚟。
根本上學校主張讀得好的學生留係福中，而唔係走升去其他好學校。
唔通post 今年有幾多升...乜乜乜名校？咁下年讀得好，咪個個走晒出去。

作者: asd456 時間: 18-7-13 10:06

Winnielwy 發表於 18-7-12 10:16
咁，照你咁講，中文都不淺，但點解有家長會咁講呢？(emoji)

我明你朋友講乜嘢，淺只係初小短暫快樂，上到高小好快就唔會淺，叫佢慢慢享受初小的快樂時光了！

高小考試卷係要靠自己中文個底的基礎(平時唔多閱讀)好難一時半刻中文成績會突飛猛進，總之學校出嘅卷唔會因為能夠溫熟學校的書本，就可以考得高分了！
溫熟晒啲書指可以保你合格，仲有中文學校啲字執筆劃執得好嚴，考試寫得唔好都會扣分。

作者: asd456 時間: 18-7-13 10:09

ulricalee 發表於 18-7-13 01:00
要背弟子規，另外兩本係咩呢？

忘記了！我哋都高小要升中，我自己出面都有幾間offer 但都會升返上福中。

作者: asd456 時間: 18-7-13 10:22

Winnielwy 發表於 18-7-12 11:07
但我又奇怪，既然學校考卷深，學生普遍分數低，合格多小小，咁程分試咪蝕底，中學一定派得差，除非自己岀去 ...

仲有我校其實好小人會玩派位或抽獎，通常8，9成人一早已經有晒offer 自己福中同出面直資offer，得兩類人會想派位，一無任何offer 係手，二有啲想轉區或者認為成績超班可以派band one 中學的學生。

歡迎光臨教育王國 (/)